തദ്ദേശ സ്വയംഭരണ തെരഞ്ഞെടുപ്പില്‍ മലപ്പുറം ജില്ലയില്‍ 78.93 ശതമാനം പോളിംഗ് രേഖപ്പെടുത്തി.  ജില്ലയിലെ 33,55,028 വോട്ടര്‍മാരില്‍ 26,48,080 പേരാണ് സമ്മതിദാന അവകാശം വിനിയോഗിച്ചത്.  ജില്ലയില്‍ 12,38,067   പുരുഷ വോട്ടര്‍മാരും 14,10,004 വനിതാ വോട്ടര്‍മാരും ഒന്‍പത് ട്രാന്‍സ് ജെന്‍ഡര്‍മാരും വോട്ട് ചെയ്തു. സംസ്ഥാനത്ത് മൂന്നാം ഘട്ടമായി നടത്തിയ തെരഞ്ഞെടുപ്പില്‍ ജില്ലയില്‍ 8,387 സ്ഥാനാര്‍ത്ഥികളാണ് ജനവിധി തേടിയത്. നഗരസഭകളിലെ 516 ഉം  ഗ്രാമപഞ്ചായത്തുകളിലെ 3,459 ഉം ഉള്‍പ്പെടെ ജില്ലയില്‍ 3,975 പോളിങ് സ്റ്റേഷനുകളിലായിരുന്നു വോട്ടെടുപ്പ്.  

പോളിംഗ് ശതമാനം

നഗരസഭ

തദ്ദേശസ്വയംഭരണ സ്ഥാപനങ്ങളിലേക്കുള്ള  പൊതുതെരഞ്ഞെടുപ്പ് അവസാനിച്ച സാഹചര്യത്തില്‍ സ്ഥാനാര്‍ത്ഥികളും രാഷ്ട്രീയ കക്ഷികളും പ്രചാരണ പരസ്യങ്ങള്‍ നീക്കം ചെയ്ത് നശിപ്പിക്കുകയോ പുന:ചംക്രമണം ചെയ്യുന്നതിന് സൈന്‍ പ്രിന്റിംഗ് അസോസിയേഷന്‍ ഉള്‍പ്പെടെയുള്ളവരുടെ സേവനം പ്രയോജനപ്പെടുത്തുകയോ ചെയ്യണമെന്ന് ഗ്രീന്‍ പ്രോട്ടോകോള്‍ നോഡല്‍ ഓഫീസറും ജില്ലാ ശുചിത്വ മിഷന്‍ കോ- ഓര്‍ഡിനേറ്ററുമായ ഇ.ടി. രാകേഷ് അറിയിച്ചു.

നിലമ്പൂര്‍ ബ്ലോക്ക് പഞ്ചായത്തിന്റെയും ചാലിയാര്‍, ചുങ്കത്തറ, എടക്കര, മൂത്തേടം, പോത്തുകല്ല്, വഴിക്കടവ്  എന്നീ ഗ്രാമപഞ്ചായത്തുകളുടെയും വോട്ടെണ്ണല്‍ കേന്ദ്രം - ഗവണ്‍മെന്റ്  മാനവേദന്‍ ഹയര്‍ സെക്കന്ററി സ്‌കൂള്‍, നിലമ്പൂര്‍

കൊണ്ടോട്ടി ബ്ലോക്ക് പഞ്ചായത്തിന്റെയും ചേലേമ്പ്ര, ചെറുകാവ്, മുതുവല്ലൂര്‍, പള്ളിക്കല്‍, പുളിക്കല്‍, വാഴയൂര്‍, വാഴക്കാട് എന്നീ ഗ്രാമപഞ്ചായത്തുകളുടെയും വോട്ടെണ്ണല്‍ കേന്ദ്രം - ജി.വി.എച്ച്.എസ്. എസ് മേലങ്ങാടി, കൊണ്ടോട്ടി

തദ്ദേശ സ്വയംഭരണ സ്ഥാപനങ്ങളിലേക്ക് നടന്ന പൊതു തെരഞ്ഞെടുപ്പിന്റെ ഫലം ഇന്നറിയാം (ഡിസംബര്‍ 16). ജില്ലാ പഞ്ചായത്തിന്റെ 32 ഡിവിഷനുകളിലേക്കും 15  ബ്ലോക്ക് പഞ്ചായത്തുകളിലേക്കും 94 ഗ്രാമപഞ്ചായത്തുകളിലേക്കും 12 നഗരസഭകളിലേക്കുമാണ് ജില്ലയില്‍ സ്ഥാനാര്‍ത്ഥികള്‍ ജനവിധി തേടിയത്. കലക്ടറേറ്റ് കോണ്‍ഫറന്‍സ് ഹാളില്‍ വെച്ചാണ് ജില്ലാ പഞ്ചായത്തുകളിലേക്കുള്ള വോട്ടുകളെണ്ണുക.

തദ്ദേശഭരണ തെരഞ്ഞെടുപ്പിന്റെ ഫലപ്രഖ്യാപനം ഇന്ന് വരുന്ന സാഹചര്യത്തില്‍ ജില്ലയില്‍ മുഴുവന്‍ പ്രദേശങ്ങളിലും ക്രമസമാധാന പ്രശ്‌നങ്ങള്‍ തടയുന്നതിനും ജനജീവിതം സുഗമമാക്കുന്നതിനും  കോവിഡ് വ്യാപനം  തടയുന്നതിനുമായി ഇന്ന് (ഡിസംബര്‍ 16) മുതല്‍ ഡിസംബര്‍ 22 വരെ സി.ആര്‍.പി.സി സെക്ഷന്‍ 144 പ്രകാരം ജില്ലാ കലക്ടര്‍ കെ. ഗോപാലകൃഷ്ണന്‍ നിരോധനാജ്ഞ പ്രഖ്യാപിച്ചു.   രാത്രി എട്ട് മണി മുതല്‍ രാവിലെ എട്ട് മണി വരെയാണ് നിരോധനാജ്ഞ പ്രഖ്യാപിച്ചിരിക്കുന്നത്.

നിബന്ധനകള്‍

നേരിട്ടുള്ള സമ്പര്‍ക്കത്തിലൂടെ 355 പേര്‍ക്ക് വൈറസ്ബാധ
രണ്ട് ആരോഗ്യ പ്രവര്‍ത്തകര്‍ക്ക് രോഗബാധ
16 പേര്‍ക്ക് ഉറവിടമറിയാതെ രോഗബാധ
നിലവില്‍ ചികിത്സയില്‍ കഴിയുന്നത് 6,197 പേര്‍
82,969 പേര്‍ നിരീക്ഷണത്തില്‍

കോവിഡ് വ്യാപന നിരക്കില്‍ മലപ്പുറം ജില്ലക്ക് ഇന്ന് (ഡിസംബര്‍ 15) നേരിയ ആശ്വാസം. ജില്ലയില്‍ 377 പേര്‍ക്കാണ് ഇന്ന് പുതുതായി വൈറസ് ബാധ സ്ഥിരീകരിച്ചതെന്ന് ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു. 714 പേര്‍ ഇന്ന് രോഗമുക്തരാകുകയും ചെയ്തിട്ടുണ്ട്. ഇവരുള്‍പ്പെടെ 75,977 പേരാണ് ജില്ലയില്‍ ഇതുവരെ രോഗമുക്തരായത്.

തൈക്കാട് ഇലക്ട്രിക്കൽ സെക്ഷൻ പരിധിയിൽ വലിയശാല ഗ്രാമം ട്രാൻസ്‌ഫോർമർ പരിധിയിൽ ഇന്നു (18 ഡിസംബർ) രാവിലെ ഒമ്പതു മുതൽ വൈകിട്ട് അഞ്ചു വരെയും പേരൂർക്കര ഇന്ദിരാനഗർ ബ്രൈറ്റ് ട്രാൻസ്‌ഫോർമർ, പള്ളിത്തറ കണ്ണണിക്കോണം ട്രാൻസ്‌ഫോർമർ പരിധിയിലുള്ള പ്രദേശങ്ങളിൽ രാവിലെ എട്ടര മുതൽ മൂന്നു വരെയും വൈദ്യുതി മുടങ്ങുമെന്ന് കെ.എസ്.ഇ.ബി. അറിയിച്ചു.

സംസ്ഥാനത്തെ സ്വകാര്യ തൊഴില്‍ മേഖലകളിലെ തൊഴിലാളികളില്‍ നിന്നും മികച്ചവരെ കണ്ടെത്തി തൊഴിലാളിശ്രേഷ്ഠ പുരസ്‌കാരം നല്‍കുന്നതിനായി  തൊഴിലാളികളില്‍നിന്നുള്ള അപേക്ഷകള്‍ സ്വീകരിക്കുന്ന തീയതി പുനക്രമീകരിച്ചു. അപേക്ഷകള്‍ ഡിസംബര്‍ 25 വരെ സമര്‍പ്പിക്കാം. വിശദവിവരങ്ങള്‍ www.lc.kerala.gov.in ല്‍ ലഭിക്കും.

ക്രിസ്മസ് ആഘോഷങ്ങളിൽ ഹരിതച്ചട്ടം പാലിക്കുന്നതുമായി ബന്ധപ്പെട്ട്  കളക്ടറേറ്റിൽ യോഗം ചേർന്നു. ശുചിത്വ മിഷനും ഹരിതകേരള മിഷനും സംയുക്തമായാണ് യോഗം സംഘടിപ്പിച്ചത്. കോവിഡ് മാനദണ്ഡങ്ങൾ കർശനമായി പാലിച്ചായിരിക്കണം ആഘോഷങ്ങൾ സംഘടിപ്പിക്കേണ്ടത്. പത്ത് വയസിനു താഴെയുള്ള കുട്ടികളെ ആഘോഷപരിപാടികളിൽ നിന്നും പരമാവധി ഒഴിവാക്കൻ ശ്രദ്ധിക്കണം.  പ്ലാസ്റ്റിക്, ഡിസ്‌പോസബിൾ എന്നിവയുടെ ഉപയോഗം പരമാവധി ഒഴിവാക്കാൻ ആവശ്യമായ നടപടികൾ ഇടവകകൾ, പള്ളികൾ, സ്ഥാപനങ്ങൾ എന്നിവ സ്വീകരിക്കണം. 

തിരുവനന്തപുരത്ത് ഇന്ന് (17 ഡിസംബർ 2020) 271 പേർക്കു കൂടി കോവിഡ് 19 സ്ഥിരീകരിച്ചു. 265 പേർ രോഗമുക്തരായി. നിലവിൽ 3,396 പേരാണു രോഗം സ്ഥിരീകരിച്ചു ചികിത്സയിൽ കഴിയുന്നത്. 

ജില്ലയിൽ ചികിത്സയിലുണ്ടായിരുന്ന നാഗർകോവിൽ സ്വദേശി ക്രിസ്റ്റിൻ ചെല്ലം(62)ന്റെ മരണം കോവിഡ് മൂലമാണെന്നു സ്ഥിരീകരിച്ചു. ഇന്നു രോഗം സ്ഥിരീകരിച്ചവരിൽ 192 പേർക്കു സമ്പർക്കത്തിലൂടെയാണു രോഗബാധയുണ്ടായത്. ഇതിൽ അഞ്ചു പേർ ആരോഗ്യപ്രവർത്തകരാണ്.