കോഴിക്കോട് ജില്ലയില്‍ വിദ്യാഭ്യാസ വകുപ്പില്‍ ഫിസിക്കല്‍ എജ്യുക്കേഷന്‍  ടീച്ചര്‍ (ഹൈസ്‌ക്കൂള്‍, എന്‍.സി.എ - ധീവര, കാറ്റഗറി നമ്പര്‍ : 187/18)  തസ്തികയിലേയ്ക്ക്  നിലവില്‍ വന്ന റാങ്ക് പട്ടിക കാറ്റഗറി നമ്പര്‍ 240/09  പ്രകാരം നിലവില്‍ വന്ന മാതൃ റാങ്ക്പട്ടികയുടെ കാലാവധിക്കുള്ളില്‍ ധീവര വിഭാഗത്തിലുള്ള ഉദ്യോഗാര്‍ത്ഥികള്‍ ലഭ്യമല്ലാത്തതിനാല്‍ ഉത്ഭവിച്ച എന്‍.സി.എ ഒഴിവുകളെല്ലാം നികത്തപ്പെട്ടതിനാല്‍  റദ്ദായതായി ജില്ലാ  പിഎസ്‌സി ഓഫീസര്‍ അറിയിച്ചു.

കോഴിക്കോട് ഗവ.ഐ.ടി.ഐയില്‍ ഐ.എം.സി സൊസൈറ്റിയുടെ ആഭിമുഖ്യത്തില്‍ നടത്തുന്ന ആറുമാസത്തെ ഫയര്‍ ആന്‍ഡ് സേഫ്റ്റി ഡിപ്ലോമ കോഴ്‌സിലേക്ക് അപേക്ഷ ക്ഷണിച്ചു. കുറഞ്ഞ യോഗ്യത പത്താം ക്ലാസ്സ്.  താല്പര്യമുളളവര്‍ ഐ.ടി.ഐ  ഐ.എം.സി ഓഫീസുമായി ബന്ധപ്പെടുക. വിശദ വിവരങ്ങള്‍ക്ക് : 8281723705.  
 

· 156 പേര്‍ക്ക് രോഗമുക്തി

· എല്ലാവര്‍ക്കും സമ്പര്‍ക്കത്തിലൂടെ രോഗബാധ

വയനാട് ജില്ലയില്‍ ഇന്ന് (16.12.20) 361 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. 156 പേര്‍ രോഗമുക്തി നേടി. അഞ്ച് ആരോഗ്യ പ്രവര്‍ത്തകന്‍ ഉള്‍പ്പെടെ എല്ലാവര്‍ക്കും സമ്പര്‍ക്കത്തിലൂടെയാണ് രോഗബാധ. മൂന്ന് പേരുടെ സമ്പര്‍ക്ക ഉറവിടം ലഭ്യമല്ല. 

കല്‍പ്പറ്റ എന്‍.എം.എസ്.എം. ഗവ.കോളജില്‍ എം.എ.ജേണലിസം ആന്റ് മാസ് കമ്മ്യൂണിക്കേഷന്‍ വിഷയത്തില്‍ എസ്.ടി. വിഭാഗക്കാര്‍ക്ക് സംവരണം ചെയ്തിട്ടുള്ള രണ്ട് സീറ്റ് ഒഴിവുണ്ട്. യോഗ്യരായ വിദ്യാര്‍ത്ഥികള്‍ രേഖകളുമായി ഡിസംബര്‍ 21 ന് രാവിലെ 11 ന് കോളേജില്‍ ഹാജരാകണം.

മാനന്തവാടി കണ്ടോത്ത് വയല്‍ റോഡ് നവീകരണ പ്രവൃത്തി നടക്കുന്നതിനാല്‍ അയിലമൂല മുതല്‍ ഇണ്ടേരിക്കുന്ന് വരെയുള്ള ഭാഗത്തെ ഗതാഗതം ഡിസംബര്‍ 18 മുതല്‍ താത്കാലികമായി നിരോധിച്ചു.

ക്രിസ്തുമസ് പുതുവത്സരത്തോടനുബന്ധിച്ച് ഖാദി തുണിത്തരങ്ങള്‍ക്ക്  ഡിസംബര്‍ 31 വരെ 20 ശതമാനം മുതല്‍ 30 ശതമാനം വരെ സ്പെഷ്യല്‍ റിബേറ്റ് ലഭിക്കും.   കല്‍പ്പറ്റ പള്ളിത്താഴെ റോഡിലുള്ള ഖാദി ഗ്രാമ സൗഭാഗ്യയിലും പുല്‍പ്പള്ളി ഭൂദാനത്തുള്ള ഖാദി ഉല്പാദന കേന്ദ്രത്തിലും സ്പെഷ്യല്‍ റിബേറ്റോടു കൂടി ബഡ് ഷീറ്റുകള്‍, ഉന്നക്കിടക്കകള്‍ വിവിധ തരം  സില്‍ക്ക്  തുണിത്തരങ്ങളും  ലഭ്യമാണ്. ഫോണ്‍. 04936 203603, 202602.