പത്തനംതിട്ട ജില്ലയില്‍  തദ്ദേശ സ്വയംഭരണ സ്ഥാപനത്തിലേക്ക് നടന്ന വോട്ടെണ്ണലിന്റെ  തത്സമയ വിവരങ്ങള്‍ മാധ്യമങ്ങള്‍ക്ക് കൈമാറി ജില്ലാ പഞ്ചായത്ത് കോണ്‍ഫറന്‍സ് ഹാളില്‍ സജ്ജമാക്കിയ മീഡിയാ സെന്റ്റര്‍. വോട്ടെണ്ണലിന്റെ തത്സമയ വിവരങ്ങള്‍ പൊതുജനങ്ങള്‍ക്ക് കൈമാറാന്‍ മാധ്യമങ്ങള്‍ക്കായി ജില്ലാ ഭരണകേന്ദ്രവും ഇന്‍ഫര്‍മേഷന്‍ പബ്ലിക്ക് റിലേഷന്‍ വകുപ്പും ജില്ലാ ഇന്‍ഫര്‍മാറ്റിക്‌സ് സെന്ററും ഇലക്ഷന്‍ വിഭാവും സംയുക്തമായി സജ്ജമാക്കിയ മീഡിയാ സെന്റര്‍ സജീവമായിരുന്നു. വോട്ടെണ്ണല്‍ തുടങ്ങിയത്  രാവിലെ എട്ടിനായിരുന്നുവെങ്കിലും രാവിലെ ആറുമുതല്‍തന്നെ മീഡിയാ സെന്റര്‍ പ്രവര്‍ത്തനം തുടങ്ങിയിരുന്നു.

കൊല്ലം പാരിപ്പള്ളി സർക്കാർ മെഡിക്കൽ കോളേജിൽ ജൂനിയർ റസിഡന്റ് തസ്തികയിൽ താൽകാലിക നിയമനം നടത്തും. ഒരൊഴിവുണ്ട്. അപേക്ഷ സ്വീകരിക്കുന്ന അവസാന തിയതി 24. വിശദ വിവരങ്ങൾക്ക്: www.gmckollam.edu.in.  
പി.എൻ.എക്‌സ്. 4336/2020

സപ്ലൈകോ ക്രിസ്മസ് ജില്ലാ ഫെയർ മുഖ്യമന്ത്രി പിണറായി വിജയൻ 17ന് വൈകിട്ട് 4.30ന് പുത്തരിക്കണ്ടം മൈതാനത്ത് ഉദ്ഘാടനം ചെയ്യും. ഭക്ഷ്യ പൊതുവിതരണ വകുപ്പ് മന്ത്രി പി. തിലോത്തമൻ അധ്യക്ഷത വഹിക്കും. സഹകരണം-ദേവസ്വം വകുപ്പ് മന്ത്രി കടകംപള്ളി സുരേന്ദ്രൻ ആദ്യ വിൽപ്പന നടത്തും. ഡെപ്യൂട്ടി സ്പീക്കർ വി.ശശി, വി.എസ്. ശിവകുമാർ എം.എൽ.എ എന്നിവർ പങ്കെടുക്കും. സപ്ലൈകോ ചെയർമാൻ & മാനേജിംഗ് ഡയറക്ടർ അലി അസ്ഗർ പാഷ, ഭക്ഷ്യ പൊതുവിതരണ വകുപ്പ് ഡയറക്ടർ ഹരിത വി. കുമാർ, ജില്ലാ സപ്ലൈ ഓഫീസർ ജലജ. ജി.എസ്. റാണി എന്നിവർ സംസാരിക്കും.

മലയിൻകീഴ് എം.എം.എസ്. ഗവ. ആർട്‌സ് ആൻഡ് സയൻസ് കോളേജിൽ കൊമേഴ്‌സ് വിഷയത്തിൽ ഇന്ന് (ഡിസംബർ 17) നടത്താനിരുന്ന ഗസ്റ്റ് ലക്ചററുടെ ഇന്റർവ്യു 29ന് രാവിലെ 10ന് കോളേജ് ഓഫീസിൽ നടക്കും. കോളേജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടർ, കൊല്ലം മേഖലാ ഓഫീസിൽ ഗസ്റ്റ് ലക്ചററുടെ പാനലിൽ പേരു രജിസ്റ്റർ ചെയ്തിട്ടുള്ള ഉദ്യോഗാർഥികൾ യോഗ്യത, ജനന തിയതി, മുൻപരിചയം എന്നിവ തെളിയിക്കുന്നതിനുള്ള അസ്സൽ സർട്ടിഫിക്കറ്റുകൾ, പകർപ്പുകൾ എന്നിവ സഹിതം യഥാസമയം ഹാജരാക്കണം.
പി.എൻ.എക്‌സ്. 4334/2020 

ഈ മാസം 28നും 29നും നടത്താനിരുന്ന കെ.ടെറ്റ് പരീക്ഷാ തീയതി പുന:ക്രമീകരിച്ചു. ഹാൾടിക്കറ്റ് ജനുവരി ഒന്നുമുതൽ പരീക്ഷാഭവൻ വെബ് സൈറ്റിൽ നിന്നും ഡൗൺ ലോഡ് ചെയ്യാം. കാറ്റഗറി ഒന്ന് ജനുവരി ഒൻപതിന് രാവിലെ പത്തു മുതൽ 12.30 വരെയും കാറ്റഗറി രണ്ട് ഉച്ചയ്ക്ക് രണ്ടു മുതൽ വൈകിട്ട് 4.30 വരെയും നടക്കും. കാറ്റഗറി മൂന്ന് പത്തിന് രാവിലെ 11 മുതൽ ഉച്ചയ്ക്ക് 1.30 വരെയും കാറ്റഗറി നാല് ഉച്ചയ്ക്ക് 2.30 മുതൽ വൈകിട്ട് അഞ്ചുവരെയും നടക്കും.
പി.എൻ.എക്‌സ്. 4333/2020         

തിരുവനന്തപുരം സർക്കാർ വനിതാ കോളേജിൽ ഹോം സയൻസ് വിഭാഗത്തിൽ ഗസ്റ്റ് അധ്യാപക നിയമനത്തിനുള്ള ഇന്റർവ്യൂ ജനുവരി നാലിന് രാവിലെ 10.30ന് നടക്കും.
കോളേജ് വിദ്യാഭ്യാസ വകുപ്പ് ഡയറക്ടർമാരുടെ മേഖലാ ഓഫീസുകളിൽ ഗസ്റ്റ് ലക്ചർ പാനലിൽ പേര് രജിസ്റ്റർ ചെയ്തിട്ടുള്ള ഉദ്യോഗാർത്ഥികൾ, യോഗ്യത, ജനനത്തീയതി, മുൻപരിചയം ഇവ തെളിയിക്കുന്നതിനുള്ള അസ്സൽ സർട്ടിഫിക്കറ്റുകൾ, മേഖലാ ഓഫീസിൽ രജിസ്റ്റർ ചെയ്തത് തെളിയിക്കുന്നതിനുള്ള രേഖ എന്നിവ സഹിതം അഭിമുഖത്തിന്  ഹാജരാകണം.
പി.എൻ.എക്‌സ്. 4332/2020

ജവഹർലാൽ നെഹ്രു ട്രോപ്പിക്കൽ ബൊട്ടാണിക് ഗാർഡൻ ആന്റ് റിസർച്ച് ഇൻസ്റ്റിറ്റ്യൂട്ട് നടപ്പിലാക്കുന്ന ഗവേഷണ പദ്ധതിയിൽ പ്രോജക്ട് അസിസ്റ്റന്റിന്റെ ഒഴിവിലേക്ക് അപേക്ഷ ക്ഷണിച്ചു. താൽപര്യമുള്ളവർ അപേക്ഷയോടൊപ്പം വിശദമായ ബയോഡേറ്റ, യോഗ്യത തെളിയിക്കുന്ന സർട്ടിഫിക്കറ്റുകളുടെ പകർപ്പുകൾ എന്നിവ ജെ.എൻ.ടി.ബി.ജി.ആർ.ഐ, കരിമൺകോട് പി.ഒ, പാലോട്, തിരുവനന്തപുരം-695305 എന്ന വിലാസത്തിൽ ഡിസംബർ 26ന് വൈകിട്ട് 5 മണിക്കകം എത്തിക്കണം. ഇതു സംബന്ധിച്ച വിജ്ഞാപനം www.jntbgri.res.in ൽ ലഭ്യമാണ്.
പി.എൻ.എക്‌സ്. 4331/2020

തദ്ദേശ സ്വയംഭരണ  തെരഞ്ഞെടുപ്പുമായി ബന്ധപ്പെട്ട് നാളെ (ഡിസംബർ  16-ന്) നടക്കുന്ന  വോട്ടെണ്ണലിന്
ശേഷം  രാഷ്ട്രീയ പാ‍‍ര്‍ട്ടികൾ നടത്തുന്ന ആഹ്ളാദ പ്രകടങ്ങൾ കോവിഡിന്റെ പശ്ചാത്തലത്തിൽ പരമാവധി ഒഴിക്കേണ്ടതാണെന്നും  ആഹ്ളാദ പ്രകടനം നടത്തുകയാണെങ്കിൽ കോവിഡ് മാനദണ്ഡങ്ങൾ പാലിച്ച് പ്രസ്തുത വാ‍ര്‍ഡിനകത്ത് മാത്രമായി നിജപ്പെടുത്തേണ്ടതും പരമാവധി 25 പേരിൽ കൂടുതൽ  പങ്കെടുക്കാൻ  പാടില്ലാത്തതുമാണെന്ന്  ജില്ലാ കലക്ട‍‍ര്‍ അറിയിച്ചു.
 

കോവിഡ് 19 ബാധിതരായി ജില്ലയില്‍ നിലവില്‍ 4155 പേരാണ് ചികിത്സയിലുള്ളത്. പുതുതായി 79 പേരെ ആശുപത്രിയില്‍ പ്രവേശിപ്പിക്കുകയും ചെയ്തു. ഇതുവരെ 106245 സാമ്പിളുകള്‍ പരിശോധനയ്ക്കായി അയച്ചതില്‍ 104030 പരിശോധനാ ഫലങ്ങളാണ് ലഭ്യമായത്. ഇന്ന് 211 പരിശോധനാ ഫലങ്ങളാണ് ലഭിച്ചത്. പുതുതായി 284 സാമ്പിളുകള്‍ അയച്ചു. 43139 പേര്‍ക്കാണ് ഇതുവരെ പരിശോധനാഫലം പോസിറ്റീവായത്. ഇതുവരെ 37597 പേര്‍ രോഗമുക്തി നേടി. ഇതുവരെ 226352 പേരാണ് നിരീക്ഷണ കാലാവധി പൂര്‍ത്തിയാക്കിയത്. ഇതില്‍ ഇന്ന് മാത്രം 1084 പേര്‍ ക്വാറന്റൈന്‍ പൂര്‍ത്തിയാക്കി. ജില്ലയില്‍ 12138 പേര്‍ വീടുകളില്‍ നിരീക്ഷണത്തില്‍ തുടരുന്നുണ്ട്.
 

തദ്ദേശ തിരഞ്ഞെടുപ്പിന്റെ  ഭാഗമായി ജില്ലയിലെ വോട്ടെണ്ണൽ കേന്ദ്രങ്ങളായി പ്രവർത്തിക്കുന്ന സർക്കാർ ഓഫീസുകൾ, വിദ്യാഭ്യാസ സ്ഥാപനങ്ങൾക്ക്  ഡിസംബർ 16 ന്  അവധി നൽകി ജില്ലാ കലക്ടർ ഡി ബാലമുരളി ഉത്തരവിട്ടു.