കൊച്ചി: വ്യാവസായിക പരിശീലന വകുപ്പിന് കീഴിലെ കളമശേരി  വനിത ഐ.ടി.ഐ യിലേക്ക് 2020-21 അധ്യയന വര്‍ഷത്തെ പ്രവേശനത്തില്‍ ഏതാനും ഒഴിവുകളുണ്ട്. താത്പരീമുളളവര്‍ ആവശ്യമായ രേഖകള്‍ സഹിതം ഇന്ന് (ഡിസംബര്‍ 9) വൈകിട്ട് മൂന്നു വരെ നേരിട്ട് ഹാജരായി അപേക്ഷ സമര്‍പ്പിക്കണം. കൂടുതല്‍ വിവരങ്ങള്‍ക്ക് ഫോണ്‍ 0484-2544750.

എറണാകുളം: തദ്ദേശ സ്വയം ഭരണ സ്ഥാപനങ്ങളിലേക്കുള്ള തിരഞ്ഞെടുപ്പു പ്രചരണത്തില്‍ പെരുമാറ്റച്ചട്ടലംഘനങ്ങളുടെ പേരില്‍ ജില്ലയില്‍ ഇതു വരെ നീക്കം ചെയ്തത് 10491 പ്രചരണ സാമഗ്രികള്‍. 
പോസ്റ്ററുകള്‍, ഫ്‌ലക്‌സുകള്‍, ബാനറുകള്‍, ബോര്‍ഡുകള്‍, കൊടികള്‍, ചുവരെഴുത്ത് എന്നിവ ഉള്‍പ്പടെയാണിത്. 

കണയന്നൂര്‍ താലൂക്ക് ഓഫീസ് പരിധിയിലാണ് ഏറ്റവുമധികം വസ്തുക്കള്‍ നീക്കം ചെയ്തിട്ടുള്ളത്, 2341 എണ്ണം. 1915 പോസ്റ്ററുകളും 14 ഫ്‌ളക്‌സ/ബാനറുകളും 272 ബോര്‍ഡുകളും 140 കൊടികളും ഉള്‍പ്പടെയാണിത്. 

എറണാകുളം : ജില്ലയിൽ തിരഞ്ഞെടുപ്പ് ഡ്യൂട്ടിക്ക് നിയോഗിച്ചിട്ടുള്ള ഉദ്യോഗസ്ഥർക്ക് ഡ്യൂട്ടിയുള്ള പോളിംഗ് ബൂത്തിൻ്റെ വിവരങ്ങൾ ഒറ്റ ക്ലിക്കിൽ അറിയാം. ഇ ഡ്രോപ് സോഫ്റ്റ് വെയർ വഴിയാണ് സജ്ജീകരണങ്ങൾ പൂർത്തിയാക്കിയത്. ഉദ്യോഗസ്ഥർക്ക് 
http://edrop.gov.in/index.php എന്ന വെബ് സൈറ്റ് വഴിയാണ് വിവരങ്ങൾ നൽകുന്നത്. വെബ്സൈറ്റിൽ കയറിയ ശേഷം know your posting എന്ന ടാബിൽ ക്ലിക്ക് ചെയ്യണം. ഇതിൽ ഓഫീസിൻ്റെ കോഡ് നൽകി ഓപൺ ചെയ്താൽ ഡ്യൂട്ടിയുള്ള പോളിംഗ് സ്റ്റേഷൻ്റെ വിവരങ്ങൾ ലഭിക്കും. പോളിംഗ് സ്റ്റേഷനിലെ മറ്റ് ഉദ്യോഗസ്ഥരുടെ വിവരങ്ങളും അറിയാൻ കഴിയും.

എറണാകുളം: ഡിസംബർ 10 നു നടക്കുന്ന തദ്ദേശ സ്ഥാപനങ്ങളിലെ പൊതു തിരഞ്ഞെടുപ്പിനുള്ള ഒരുക്കങ്ങൾ ജില്ലയിൽ പൂർത്തിയായി. ജില്ലാ തിരഞ്ഞെടുപ്പ് ഓഫീസർ കൂടിയായ ജില്ലാ കളക്ടർ എസ്.സുഹാസിൻ്റെ നേതൃത്വത്തിൽ രണ്ടു മാസം നീണ്ടു നിൽക്കുന്ന തിരഞ്ഞെടുപ്പ് ഒരുക്കങ്ങളാണ് പൂർത്തിയാക്കിയത്. ഡിസംബർ ഒൻപതിനു പോളിംഗ് സാമഗ്രികളുടെ വിതരണവും ഡിസംബർ 10 ന് വോട്ടെടുപ്പും നടക്കും.

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 32 പേർക്കെതിരെ പോലീസ് ഇന്ന്  (ഡിസംബർ 7) കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 
 

കോവിഡ് 19 ബാധിതരായി  ജില്ലയില്‍ നിലവില്‍ 4414 പേരാണ് ചികിത്സയിലുള്ളത്.  ഇന്ന് (ഡിസംബർ 07) ജില്ലയില്‍ 202 പേര്‍ക്കാണ് രോഗം സ്ഥിരീകരിച്ചത്. ഇന്ന് 91 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 100622 സാമ്പിളുകള്‍ പരിശോധനയ്ക്കായി അയച്ചതില്‍ 98922 പരിശോധനാ ഫലങ്ങളാണ് ലഭ്യമായത്. ഇന്ന് 296 പരിശോധനാ ഫലങ്ങളാണ് ലഭിച്ചത്. പുതുതായി 415 സാമ്പിളുകൾ അയച്ചു.  40907 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 35943 പേർ രോഗമുക്തി നേടി. 

പാലക്കാട് ജില്ലയില്‍ ഇന്ന്(ഡിസംബര്‍ 7) 202 പേര്‍ക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതര്‍ അറിയിച്ചു. ഇതിൽ സമ്പർക്കത്തിലൂടെ രോഗബാധ ഉണ്ടായ 93 പേർ, ഉറവിടം അറിയാതെ രോഗം ബാധിച്ച 104 പേർ, 3 ആരോഗ്യ പ്രവർത്തകർ, വിദേശത്ത് നിന്നും ഇതര സംസ്ഥാനങ്ങളിൽ നിന്നുമുള്ള 2 പേർ എന്നിവർ ഉൾപ്പെടും. 323 പേര്‍ക്ക് രോഗമുക്തി ഉള്ളതായും അധികൃതര്‍ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങള്‍

പാലക്കാട് സ്വദേശികള്‍- 27 പേര്‍

ഒറ്റപ്പാലം സ്വദേശികള്‍- 10 പേര്‍

നല്ലേപ്പിള്ളി സ്വദേശികൾ-9 പേർ

പട്ടഞ്ചേരി, പട്ടാമ്പി, തെങ്കര, മണ്ണാർക്കാട് സ്വദേശികള്‍- 7 പേര്‍ വീതം

കോവിഡ് 19 ബാധിതരായി  ജില്ലയില്‍ നിലവില്‍ 4745 പേരാണ് ചികിത്സയിലുള്ളത്.  ഇന്ന് (ഡിസംബർ 06) ജില്ലയില്‍ 341 പേര്‍ക്കാണ് രോഗം സ്ഥിരീകരിച്ചത്. ഇന്ന് 118 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 100207 സാമ്പിളുകള്‍ പരിശോധനയ്ക്കായി അയച്ചതില്‍ 98626 പരിശോധനാ ഫലങ്ങളാണ് ലഭ്യമായത്. ഇന്ന് 411 പരിശോധനാ ഫലങ്ങളാണ് ലഭിച്ചത്. പുതുതായി 248 സാമ്പിളുകൾ അയച്ചു.  40705 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 35620 പേർ രോഗമുക്തി നേടി.