തദ്ദേശ സ്വയംഭരണ സ്ഥാപനങ്ങളിലേക്കുള്ള പൊതുതെരഞ്ഞെടുപ്പുമായി ബന്ധപ്പെട്ട് ജൂനിയര്‍ ഹെല്‍ത്ത് ഇന്‍സ്‌പെക്ടര്‍മാരെയും ഹെല്‍ത്ത് ഇന്‍സ്‌പെക്ടര്‍മാരെയും സ്‌പെഷ്യല്‍ പോളിങ് ഓഫീസര്‍മാരായി ചുമതലപ്പെടുത്തി.

വോട്ടെടുപ്പ് നടക്കുന്ന ബൂത്തിനു സമീപം വോട്ട് പിടിത്തം പാടില്ല. മുനിസിപ്പൽ, കോർപ്പറേഷൻ പ്രദേശങ്ങളിൽ ബൂത്തിനു 100 മീറ്റർ പരിധിയിലും പഞ്ചായത്തിൽ 200 മീറ്റർ പരിധിയിലും വോട്ട് പിടിക്കുന്നതിനു കർശന വിലക്കുണ്ട്. വോട്ടിനായി അഭ്യർഥന നടത്തുക, ഏതെങ്കിലും സ്ഥാനാർഥിക്ക് വോട്ട് ചെയ്യാതിരിക്കാൻ വോട്ടറെ പ്രേരിപ്പിക്കുക, സമ്മതിദായകൻ വോട്ട് ചെയ്യാതിരിക്കാൻ പ്രേരിപ്പിക്കുക, തെരഞ്ഞെടുപ്പുമായി ബന്ധപ്പെട്ട ഔദ്യോഗിക നോട്ടിസ് അല്ലാത്ത നോട്ടിസോ ചിഹ്നമോ പ്രദർശിപ്പിക്കുക എന്നിവയും അനുവദിക്കില്ല.

വോട്ടെടുപ്പ് ആരംഭിക്കുന്നതിന് ഒരു മണിക്കൂർ മുൻപായി ജില്ലയിലെ 3,281 പോളിങ് ബൂത്തുകളിലും മോക് പോളിങ് നടത്തും. സ്ഥാനാർഥികളുടേയോ പോളിങ് ഏജന്റുമാരുടേയോ സാന്നിധ്യത്തിലാണു മോക് പോളിങ് നടത്തുന്നത്. മോക് പോൾ നടത്തി ഫലം ഏജന്റുമാരെ കാണിച്ചു ബോധ്യപ്പെടുത്തും.

മോക് പോളിനു ശേഷം ക്ലിയർ ബട്ടൺ അമർത്തി മോക് പോളിന്റെ ഫലം പൂർണമായി വോട്ടിങ് മെഷീനിൽനിന്നു മാറ്റിയ ശേഷം കൺട്രോൾ യൂണിറ്റ് വിവിധ സുരക്ഷാ സീലുകളും ടാഗുകളും ഉപയോഗിച്ചു സീൽ ചെയ്യും. ഇതി•േൽ പോളിങ് ഏജന്റുമാരെ ഒപ്പുവയ്ക്കാൻ അനുവദിച്ച ശേഷമാകും ഏഴു മണിക്ക് പോളിങ് ആരംഭിക്കുക. 

ജില്ലയില്‍ തദ്ദേശ സ്വയംഭരണ സ്ഥാപനങ്ങളിലേക്കായി ഡിസംബര്‍ 14 ന് നടക്കുന്ന പൊതുതെരഞ്ഞെടുപ്പിന്റെ ഭാഗമായി ഇവിഎം മെഷീനുകളും അനുബന്ധ സാധനങ്ങളും ഉദ്യോഗസ്ഥര്‍ക്ക് വിതരണം ചെയ്തു തുടങ്ങി. നിലമ്പൂര്‍, വണ്ടൂര്‍, കൊണ്ടോട്ടി, താനൂര്‍, തിരൂര്‍, തിരൂരങ്ങാടി, വേങ്ങര, അരീക്കോട്, കാളികാവ്, പൊന്നാനി എന്നീ ബ്ലോക്ക് പഞ്ചായത്തുകളിലേക്കുള്ള ഇവിഎം മെഷീനുകളും ഇതിനോടനുബന്ധിച്ച സീലുകള്‍, ബാറ്ററി തുടങ്ങിയവയും വിതരണം ചെയ്തത്. പെരുമ്പടപ്പ്, കുറ്റിപ്പുറം, പെരിന്തല്‍മണ്ണ, മലപ്പുറം, മങ്കട എന്നീ ബ്ലോക്കുകളിലേക്കും നഗരസഭകളിലേക്കും  ഇവിഎം മെഷീനും മറ്റും ഇന്ന് (ഡിസംബര്‍ ഒമ്പത്) നല്‍കും.

തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിനുള്ള ജില്ലയിലെ വോട്ടെടുപ്പ് ഇന്ന് (08 ഡിസംബർ). ജില്ലയിലെ 3,281 പോളിങ് ബൂത്തുകളിലായി 28,26,190 സമ്മതിദായകരാണു വോട്ടവകാശം വിനിയോഗിക്കുക. രാവിലെ ഏഴു മുതൽ വൈകിട്ട് ആറു വരെയാണു വോട്ടെടുപ്പ്. 

തദ്ദേശസ്വയംഭരണ സ്ഥാപനങ്ങളിലേക്ക് നടക്കുന്ന പൊതു തെരഞ്ഞെടുപ്പിന്റെ ഭാഗമായി ജില്ലാ പഞ്ചായത്തിലേക്കുള്ള പോസ്റ്റല്‍ ബാലറ്റിനുള്ള അപേക്ഷ സ്വീകരിക്കാന്‍ ജില്ലാ വരണാധികാരിയായ കലക്ടര്‍ കെ. ഗോപാലകൃഷ്ണന്‍ ബ്ലോക്ക് പഞ്ചായത്ത് ആര്‍.ഒ മാരെ ചുതലപ്പെടുത്തി. വോട്ട് രേഖപ്പെടുത്തിയ ബാലറ്റ് സ്വീകരിക്കാനും തരംതിരിക്കാനും  ഹുസൂര്‍ ശിരസ്തദാറിനെയും കലക്ടര്‍ ചുമതലപ്പെടുത്തി. 2020 ഡിസംബര്‍ 13 വരെയാണ് പോസ്റ്റല്‍ ബാലറ്റിനുള്ള അപേക്ഷ സ്വീകരിക്കുക. വോട്ട് രേഖപ്പെടുത്തിയതിന് ശേഷം  പോസ്റ്റല്‍ ബാലറ്റ് ജില്ലാ വരണാധികാരിക്ക് അയക്കണം. ഡിസംബര്‍ 16 രാവിലെ എട്ട് മണി വരെ മാത്രമാണ് പോസ്റ്റല്‍ ബാലറ്റ് സ്വീകരിക്കുക.

തദ്ദേശസ്വയംഭരണ സ്ഥാപനങ്ങളിലേക്ക് നടക്കുന്ന പൊതുതെരഞ്ഞെടുപ്പില്‍ വോട്ട് രേഖപ്പെടുത്തുവാന്‍ വരുന്ന വോട്ടര്‍മാര്‍ കോവിഡ് മാനദണ്ഡങ്ങള്‍ പാലിക്കുന്നതിനായി ബൂത്തുകളില്‍ പതിക്കേണ്ട പോസ്റ്റര്‍ ഉദ്യോഗസ്ഥര്‍ക്ക് വിതരണം ചെയ്തു. കോവിഡ് പ്രതിരോധത്തിന്റെ ഭാഗമായി വായും മൂക്കും  മറയുന്ന തരത്തില്‍ വോട്ടര്‍മാര്‍ മാസ്‌ക് ധരിക്കണം. പോളിങ് ബൂത്തില്‍ കൃത്യമായി സാമൂഹിക അകലം പാലിക്കുകയും ബൂത്തില്‍ പ്രവേശിക്കുമ്പോഴും തിരികെ ഇറങ്ങുമ്പോഴും നിര്‍ബന്ധമായും കൈകള്‍ സാനിറ്റെസ് ചെയ്യുകയും വേണം. വോട്ട് ചെയ്താലുടന്‍ ബൂത്തിന് പുറത്ത് പോകണം.

തിരുവനന്തപുരത്ത് ഇന്ന് (07 ഡിസംബര്‍ 2020) 255 പേര്‍ക്കു കൂടി കോവിഡ് 19 സ്ഥിരീകരിച്ചു. 297 പേര്‍ രോഗമുക്തരായി. നിലവില്‍ 3,899 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്. ജില്ലയില്‍ നാലുപേരുടെ മരണം കോവിഡ് മൂലമാണെന്ന് സ്ഥിരീകരിച്ചു. കരുമംകോട് സ്വദേശിനി ലളിതാമ്മ (71), ആനയറ സ്വദേശി വിശ്വന്‍ (72), ചിറയിന്‍കീഴ് സ്വദേശി ഗോപിനാഥന്‍ നായര്‍ (75), പേട്ട സ്വദേശിനി ഉദയ ടി നായര്‍ (59) എന്നിവരുടെ മരണമാണു കോവിഡ് മൂലമാണെന്നു സ്ഥിരീകരിച്ചത്.

തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പിൽ തിരുവനന്തപുരം ജില്ലയിൽ കനത്ത പോളിങ്. വോട്ടെടുപ്പ് തുടങ്ങി മൂന്നര മണിക്കൂർ പിന്നിടുമ്പോൾ 22.38 ശതമാനം പേർ വോട്ട് രേഖപ്പെടുത്തി. ജില്ലയിലെ ആകെ പുരുഷ വോട്ടർമാരിൽ 25.72 ശതമാനവും വനിതാ വോട്ടർമാരിൽ 19.43 ശതമാനവും പേർ വോട്ട് രേഖപ്പെടുത്തി.

തദ്ദേശ തെരഞ്ഞെടുപ്പില്‍ തിരുവനന്തപുരം ജില്ലയില്‍ 69.72ശതമാനം പോളിങ്. ഏറ്റവും ഒടുവില്‍ ലഭിക്കുന്ന റിപ്പോര്‍ട്ടുകള്‍ പ്രകാരം ജില്ലയിലെ വിവിധ ബൂത്തുകളിലായി 19,78,730 വോട്ടര്‍മാര്‍ സമ്മതിദാനാവകാശം രേഖപ്പെടുത്തി.

ജില്ലയിലെ പുരുഷ വോട്ടര്‍മാരില്‍ 70.98 ശതമാനം പേര്‍ വോട്ട് രേഖപ്പെടുത്തി. ആകെ പോള്‍ ചെയ്ത വോട്ടര്‍മാരില്‍ 9,44,432 പേര്‍ പുരുഷന്മാരാണ്. സ്ത്രീകള്‍ 10,34,354. ജില്ലയിലെ ആകെ സ്ത്രീ വോട്ടര്‍മാരുടെ 68.61 ശതമാനമാണിത്. ട്രാന്‍സ്ജെന്‍ഡര്‍ വിഭാഗത്തില്‍ എട്ടു പേരും വോട്ട് ചെയ്തു.