തദ്ദേശ സ്വയംഭരണ സ്ഥാപനങ്ങളിലേക്കുള്ള പൊതുതെരഞ്ഞെടുപ്പിന്റെ രണ്ടാംഘട്ട വോട്ടെടുപ്പ് നടക്കുന്ന ജില്ലയില്‍ പോളിങ് സാമഗ്രികളുടെ വിതരണം ഇന്ന് (ബുധന്‍) രാവിലെ 9 മുതല്‍ ആരംഭിക്കും. പോളിങ് സാമഗ്രികളുടെ വിതരണത്തിനായി ജില്ലയില്‍ ഏഴ് കേന്ദ്രങ്ങളാണ് ഒരുക്കിയിട്ടുള്ളത്. ത്രിതല പഞ്ചായത്തുകളിലെ വോട്ടെടുപ്പിനുള്ള പോളിംഗ് സാമഗ്രികള്‍ ബ്ലോക്ക് അടിസ്ഥാനത്തിലാണ് വിതരണം ചെയ്യുന്നത്.  മാനന്തവാടി സെന്റ് പാട്രിക്സ് സ്‌കൂള്‍, സുല്‍ത്താന്‍ ബത്തേരി അസംപ്ഷന്‍ ഹൈസ്‌കൂള്‍, കല്‍പ്പറ്റ എസ്.കെ.എം.ജെ. ഹയര്‍ സെക്കണ്ടറി സ്‌കൂള്‍, പനമരം ഗവണ്‍മെന്റ് ഹയര്‍ സെക്കണ്ടറി സ്‌കൂള്‍ എന്നിവയാണ് ബ്ലോക്ക് വിതരണ കേന്ദ്രങ്ങള്‍.

കല്‍പ്പറ്റ കോര്‍ട്ട് കോംപ്ലക്സില്‍ മുറിച്ച് അട്ടിയിട്ട മരത്തടികള്‍ വില്‍പ്പന നടത്തുന്നതിന് മുദ്രവെച്ച ക്വട്ടേഷന്‍ ക്ഷണിച്ചു. ക്വട്ടേഷന്‍ ഡിസംബര്‍ 11 ന് വൈകീട്ട് 4 വരെ സ്വീകരിക്കും. ഫോണ്‍: 04936 202227.

സുല്‍ത്താന്‍ ബത്തേരിയില്‍ ജി.വി.എച്ച്.എസ് (റ്റി.എച്ച്.എസ്) ലാബിലേക്ക് ആവശ്യമായ ഉപകരണങ്ങള്‍ വിതരണം ചെയ്യുന്നതിന് ടെണ്ടര്‍ ക്ഷണിച്ചു. കൂടുതല്‍ വിവരങ്ങള്‍ vhsths.sby@gmail.com ഇമെയിലിലും http://gvhsthsbathery.in എന്ന വെബ് സൈറ്റിലും ലഭിക്കും. അവസാന തിയതി ഡിസംബര്‍ 28 വൈകീട്ട് 3 വരെ.

· 125 പേര്‍ക്ക് രോഗമുക്തി
· 280 പേര്‍ക്ക് സമ്പര്‍ക്കത്തിലൂടെ രോഗബാധ

വയനാട് ജില്ലയില്‍ ഇന്ന് (08.12.20) 284 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. 125 പേര്‍ രോഗമുക്തി നേടി. അഞ്ച് ആരോഗ്യ പ്രവര്‍ത്തകര്‍ ഉള്‍പ്പെടെ 280 പേര്‍ക്ക് സമ്പര്‍ക്കത്തിലൂടെയാണ് രോഗബാധ. നാല് പേര്‍ ഇതര സംസ്ഥാനത്ത് നിന്ന് എത്തിയതാണ്.
ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 12407 ആയി. 10404 പേര്‍ ഇതുവരെ രോഗമുക്തരായി. ചികിത്സയിലിരിക്കെ 76 മരണം. നിലവില്‍ 1927 പേരാണ് ചികിത്സയിലുള്ളത്. ഇവരില്‍ 1185 പേര്‍ വീടുകളിലാണ് ഐസൊലേഷനില്‍ കഴിയുന്നത്.

സംസ്ഥാന പട്ടിക വര്‍ഗ വികസന വകുപ്പും എത്തിയോസ് എഡ്യൂക്കേഷണല്‍ ഇനീഷിയേറ്റീവ്‌സ് പ്രൈവറ്റ് ലിമിറ്റഡും സംയുക്തമായി ഹോട്ടല്‍ മാനേജ്‌മെന്റ്, ഗ്രാഫിക് ഡിസൈനിംഗ് മേഖലയില്‍ സൗജന്യ തൊഴില്‍ പരിശീലന പരിപാടിയിലേക്ക് അപേക്ഷ ക്ഷണിച്ചു. എസ് എസ്. എല്‍ സി, പ്ലസ് ടു യോഗ്യതയുള്ള ഹൗസ് കീപ്പിങ്, ഫുഡ് ആന്‍ഡ് ബീവറേജ്, ഫുഡ് പ്രൊഡക്ഷന്‍, ഗ്രാഫിക് ഡിസൈനിങ് തുടങ്ങിയ കോഴ്‌സുകളിലാണ് സൗജന്യ പരിശീലനം. കോഴ്സ് വിജയകരമായി പൂര്‍ത്തിയാക്കുന്നവര്‍ക്ക് അതാത് മേഖലകളില്‍ പ്ലേസ്മെന്റ് ലഭിക്കും. കൂടുതല്‍ വിവരങ്ങള്‍ക്കും രജിസ്റ്റര്‍ ചെയ്യുന്നതിനുമായി 9207741412, 7902888383 എന്നീ നമ്പറുകളില്‍ ബന്ധപ്പെടണം.

2020 - 21 അധ്യായന വര്‍ഷത്തില്‍ പ്രൊഫഷണല്‍ കോഴ്‌സുകളില്‍ ഒന്നാം വര്‍ഷം ചേര്‍ന്ന വിമുക്തഭടന്മാരുടെ മക്കള്‍ക്കുള്ള പ്രധാനമന്ത്രിയുടെ മെറിറ്റ് സ്‌കോളര്‍ഷിപ്പിന് അപേക്ഷ ക്ഷണിച്ചു. അപേക്ഷയും അനുബന്ധ രേഖകളും www.ksb.gov.in എന്ന വെബ്‌സൈറ്റില്‍ ലഭ്യമാണ്. അപേക്ഷ സമര്‍പ്പിച്ച് പ്രിന്റ് ഔട്ട് അഞ്ചു ദിവസത്തിനകം ജില്ലാ സൈനിക ക്ഷേമ ഓഫീസില്‍ ലഭിക്കണം. അപേക്ഷ സമര്‍പ്പിക്കുന്നതിനുള്ള  അവസാന തീയതി ഡിസംബര്‍ 30. ഫോണ്‍: 04936 202668.

പ്രത്യേക പോസ്റ്റല്‍ ബാലറ്റ് വിതരണം 8.12.20 മുതല്‍ തപാല്‍ വഴി മാത്രം. വോട്ടര്‍പട്ടികയിലെ ക്രമനമ്പര്‍, പാര്‍ട്ട് നമ്പര്‍ എന്നിവ അറിയാത്ത ആളുകളുടെ വീട്ടിലേക്ക് മാത്രമായി സ്പെഷ്യല്‍ പോളിംഗ് ഓഫീസര്‍മാരെ നിജപ്പെടുത്തിയും ജില്ലാ തെരഞ്ഞെടുപ്പ് ഓഫീസറായ ജില്ലാ കലക്ടറുടെ ഉത്തരവ്. ആരോഗ്യ വകുപ്പ് നല്‍കിയ മേല്‍വിലാസത്തില്‍ സ്പെഷ്യല്‍ പോളിംഗ് ഓഫീസര്‍മാര്‍ പോയി അവിടെ വോട്ടറെ കണ്ടെത്താന്‍ കഴിഞ്ഞില്ലെങ്കില്‍ ആയത് മാര്‍ക്ക് ചെയ്ത് റിട്ടേണിങ് ഓഫീസര്‍ക്ക് തിരികെ ഏല്‍പ്പിക്കണം.

കോവിഡ് പശ്ചാത്തലത്തില്‍ വോട്ട് രേഖപ്പെടുത്താന്‍ എത്തുമ്പോള്‍ പോളിംഗ് ബൂത്തിന് പുറത്തായി അടയാളപ്പെടുത്തിയ സ്ഥലത്ത് സാമൂഹിക അകലം പാലിച്ച് വേണം വോട്ടര്‍മാര്‍ നില്‍ക്കാന്‍. വോട്ട് രേഖപ്പെടുത്താന്‍ ബൂത്തില്‍ കയറുമ്പോഴും വോട്ട് രേഖപ്പെടുത്തി ബൂത്തില്‍ നിന്ന് തിരികെ ഇറങ്ങുമ്പോഴും പോളിംഗ് അസിസ്റ്റന്റ് സാനിറ്റെസര്‍ നല്‍കും. വോട്ട് ചെയ്യാനായി പോളിംഗ് ബൂത്തിലേക്ക് ചെല്ലുന്ന സമ്മതിദായകന്‍ ഒന്നാം പോളിംഗ് ഓഫീസറുടെ അടുത്ത് ആദ്യം എത്തണം. മൂന്ന് വോട്ടര്‍മാര്‍ക്ക് മാത്രമാണ് ഒരു സമയം ബൂത്തില്‍ പ്രവേശിക്കാന്‍ അനുമതിയുള്ളത്.

കോവിഡ് മുന്‍കരുതലിന്റെ ഭാഗമായി തെരഞ്ഞെടുപ്പ് ജോലിക്ക് ഹാജരാവുന്ന ഉദ്യോഗസ്ഥരോട് സ്വന്തം പ്ലേറ്റും ഗ്ലാസും കയ്യില്‍ കരുതണം എന്ന് അഭ്യര്‍ത്ഥിക്കുന്ന പോസ്റ്റര്‍ ജില്ലാ കലക്ടര്‍ കെ. ഗോപാലകൃഷ്ണന്‍ പ്രകാശനം ചെയ്തു. മലപ്പുറം ജില്ലാ ശുചിത്വ മിഷനാണ് മാലിന്യം കുറയ്ക്കാനും കൊറോണയെ ചെറുക്കാനും സ്വന്തം പാത്രങ്ങളാണ് ഉത്തമം എന്ന സന്ദേശവുമായി പോസ്റ്റര്‍ തയ്യാറാക്കിയത്.

നേരിട്ടുള്ള സമ്പര്‍ക്കത്തിലൂടെ 653 പേര്‍ക്ക് വൈറസ്ബാധ
26 പേര്‍ക്ക് ഉറവിടമറിയാതെ രോഗബാധ
രോഗബാധിതരായി ചികിത്സയില്‍ 7,051 പേര്‍
ആകെ നിരീക്ഷണത്തിലുള്ളത് 85,772 പേര്‍