മരണമടഞ്ഞ സെനികരോടുള്ള കൃതജ്ഞത രേഖപ്പെടുത്താനായി മലപ്പുറം ജില്ലാ സൈനികക്ഷേമ ഓഫീസിന്റെ ആഭിമുഖ്യത്തില്‍ സായുധസേന പതാക ദിനാചരണം നടത്തി. പതാക നിധി ശേഖരണത്തിന്റെ ജില്ലാ തല ഉദ്ഘാടനം ജില്ലാ സൈനികക്ഷേമ ഓഫീസര്‍ കെ. ഉണ്ണികൃഷ്ണനില്‍ നിന്ന്  പതാക സ്വീകരിച്ചുകൊണ്ട് എ.ഡി.എം എന്‍.എം മഹറലി  നിര്‍വഹിച്ചു.  കോവിഡ് 19 ന്റെ പ്രോട്ടോക്കോള്‍ അനുസരിച്ചാണ് കലക്ടറേറ്റിലെ എ.ഡി.എം ചേമ്പറില്‍ ദിനാചരണം സംഘടിപ്പിച്ചത്.
 

ആതവനാട് മൃഗസംരക്ഷണ പരിശീലനകേന്ദ്രത്തില്‍ രജിസ്റ്റര്‍ ചെയ്തിട്ടുള്ള കര്‍ഷകര്‍ക്ക് വേണ്ടി 2020 ഡിസംബര്‍ 11 ന്  വൈകീട്ട് ഏഴ് മണി മുതല്‍  'വളര്‍ത്തുപൂച്ച; ശ്രദ്ധിക്കേണ്ട കാര്യങ്ങള്‍' എന്ന വിഷയത്തില്‍ സൗജന്യ വെബിനാര്‍ സംഘടിപ്പിക്കുന്നു. വെബിനാറില്‍ പൊന്‍മുണ്ടം വെറ്റിനറി സര്‍ജന്‍ ഡോ. അരുണ്‍കുമാര്‍ ക്ലാസ്സെടുക്കും. ഗൂഗിള്‍ മീറ്റ് ആപ്ലിക്കേഷന്‍ വഴിയാണ് പരിശീലനം സംഘടിപ്പിക്കുന്നത്. പങ്കെടുക്കാനുള്ള ഗൂഗിള്‍ മീറ്റ് ലിങ്ക് http://meet.google.com/kzm-pcce-cuw
മീറ്റിംഗ് കോഡ് kzm-pcce-cuw കൂടുതല്‍ വിവരങ്ങള്‍ക്ക് 0494 2962296

ന്യൂനപക്ഷ ക്ഷേമ വകുപ്പിന് കീഴില്‍ കൊളപ്പുറത്ത് പ്രവര്‍ത്തിക്കുന്ന ന്യൂനപക്ഷ യുവജന പരിശീലന കേന്ദ്രത്തിലേക്കും സബ് സെന്ററുകളായ മഅദിന്‍ അക്കാദമി മേല്‍മുറി (7025886699) , ശിഹാബ് തങ്ങള്‍ മെമ്മോറിയല്‍ ലൈബ്രറി മലപ്പുറം (9446450349), മലബാര്‍ കോ-ഓപ്പറേറ്റീവ് കോളേജ് പരപ്പനങ്ങാടി (9496415000) എന്നീ സെന്ററുകളിലേക്കും സൗജന്യ പി.എസ്.സി പരിശീലനത്തിനും മറ്റു മത്സര പരീക്ഷകള്‍ക്കുമുള്ള പുതിയ ബാച്ചിലേക്ക് അപേക്ഷ ക്ഷണിച്ചു. പി.എസ്.സി, യു.പി.എസ്.സി, ബാങ്കിംഗ് പരീക്ഷകള്‍ക്ക് തയ്യാറെടുക്കുന്ന 18 വയസ്സ് പൂര്‍ത്തിയായവര്‍ക്ക് പുതിയ ബാച്ചിലേക്ക് അപക്ഷിക്കാം.

കൊണ്ടോട്ടി താലൂക്കിലെ പൊതുജന പരാതി പരിഹാര അദാലത്ത് ഇന്ന് (ഡിസംബര്‍ ഒന്‍പത്)  ജില്ലാ കലക്ടറുടെ സാന്നിധ്യത്തില്‍ വീഡിയോ കോണ്‍ഫറന്‍സ് മുഖേന നടത്തും. മുഖ്യമന്ത്രിയുടെ ദുരിതാശ്വാസ നിധിയില്‍ നിന്നുള്ള ചികിത്സ സഹായം, എല്‍ആര്‍എം കേസ്, റേഷന്‍ കാര്‍ഡ് സംബന്ധിച്ച പരാതികള്‍, സ്റ്റാറ്റിയൂട്ടറിയായി പരിഹാരം കാണ്ടേണ്ട പ്രശ്‌നങ്ങള്‍ എന്നിവ ഒഴികെയുള്ള എല്ലാ വിഷയങ്ങളും അദാലത്തില്‍ പരിഗണിക്കും.

വോട്ടെടുപ്പ് പൂർത്തിയാക്കിയ ശേഷം ഇല്‌ക്ട്രോണിക് വോട്ടിങ് യന്ത്രങ്ങൾ ഇന്നുതന്നെ(ഡിസംബർ 7) വോട്ടെണ്ണൽ കേന്ദ്രങ്ങളിലെത്തിക്കും. ഇവിടുത്തെ സ്‌ട്രോങ് റൂമിൽ അതീവ സുരക്ഷയോടെയാകും വോട്ടെണ്ണൽ ദിനം വരെ ഇവ സൂക്ഷിക്കുക. 

പാറശാല ബ്ലോക്കിലെ വോട്ടെണ്ണൽ നടക്കുന്നത് പാറശാല ഗവൺമെന്റ് ഹയർ സെക്കൻഡറി സ്‌കൂളിലാണ്. പെരുങ്കടവിള ബ്ലോക്കിന്റേത് മാരായമുട്ടം ഗവൺമെന്റ് ഹയർ സെക്കൻഡറി സ്‌കൂളിലും അതിയന്നൂർ ബ്ലോക്കിന്റേത് നെല്ലിമൂട് ന്യൂ എച്ച്.എസ്.എസിലും പോത്തൻകോട് ബ്ലോക്കിന്റേത് കഴക്കൂട്ടം ഗവൺമെന്റ് ഹയർ സെക്കൻഡറി സ്‌കൂളിലും നടക്കും.

തദ്ദേശ സ്വയംഭരണ സ്ഥാപനങ്ങളിലേക്കുള്ള പെതു തെരഞ്ഞെടുപ്പിന്റെ വോട്ടെണ്ണലുമായി ബന്ധപ്പെട്ട മാര്‍ഗനിര്‍ദേശങ്ങള്‍ പുറത്തിറക്കി. എല്ലാ തദ്ദേശ സ്വയംഭരണ സ്ഥാപനങ്ങളുടെയും വോട്ടെണ്ണല്‍ 2020 ഡിസംബര്‍ 16 ന് രാവിലെ എട്ട് മണി മുതലാണ് ആരംഭിക്കുന്നത്.   ത്രിതല പഞ്ചായത്തുകളെ  സംബന്ധിച്ച്  ബ്ലോക്ക് തലത്തിലുള്ള വിതരണ സ്വീകരണ കേന്ദ്രങ്ങളും മുനിസിപ്പാലിറ്റി, കോര്‍പ്പറേഷനുകളെ  സംബന്ധിച്ച് അതത് സ്ഥാപനങ്ങളുടെ വിതരണ സ്വീകരണ കേന്ദ്രങ്ങളുമാണ് വാട്ടെണ്ണല്‍ കേന്ദ്രങ്ങളായി  നിശ്ചയിച്ചിട്ടുള്ളത്.

തദ്ദേശ തെരഞ്ഞെടുപ്പിൽ വോട്ട് ചെയ്യാൻ എത്തുന്ന സമ്മതിദായകർക്ക് തിരിച്ചറിയൽ രേഖയായി ഉപയോഗിക്കാവുന്ന രേഖകളുടെ ലിസ്റ്റ് തെരഞ്ഞെടുപ്പ് കമ്മിഷൻ പ്രസിദ്ധീകരിച്ചിട്ടുണ്ട്.

കോവിഡ് രോഗികൾക്കും ക്വാറന്റൈനിൽ കഴിയുന്നവർക്കും സ്‌പെഷ്യൽ പോസ്റ്റൽ വോട്ട് ചെയ്യുന്നതിനായി ഇന്നലെ(ഡിസംബർ 7) വൈകിട്ട് മൂന്നിനു തയാറാക്കുന്ന സർട്ടിഫൈഡ് ലിസ്റ്റിലുള്ള മുഴുവൻ പേർക്കും പോസ്റ്റൽ ബാലറ്റ് തപാൽ മുഖേനയോ നേരിട്ടോ വീട്ടിലെത്തിക്കും.

വൈകിട്ട് മൂന്നിനു ശേഷവും ഇന്ന് വോട്ടെടുപ്പ് അവസാനിക്കുന്നതു വരെയും സർട്ടിഫൈഡ് ലിസ്റ്റിൽ ഉൾപ്പെടുന്നവർക്ക് ബൂത്തിലെത്തി വോട്ട് ചെയ്യാം. അവർ ഇന്നു വൈകിട്ട് ആറിനു മുൻപ് ബൂത്തിലെത്തണം. വോട്ടെടുപ്പ് അവസാനിക്കുന്ന സമയത്ത് ക്യൂവിലുള്ള മുഴുവൻ സാധാരണ വോട്ടർമാരും വോട്ട് ചെയ്ത ശേഷം മാത്രമേ ഇവരെ വോട്ട് ചെയ്യാൻ അനുവദിക്കൂ. 

തദ്ദേശ തെരഞ്ഞെടുപ്പിനോടനുബന്ധിച്ച് പോളിങ് ബൂത്തുകളിലേക്ക് നിയോഗിക്കപ്പെടുന്ന പോളിങ് ഉദ്യോഗസ്ഥര്‍ക്കോ പോളിങ് ഏജന്റുമാര്‍ക്കോ ആന്റിജെന്‍ ടെസ്‌റ്റോ കോവിഡ് ടെസ്‌റ്റോ നടത്തേണ്ടതില്ലെന്നും ഏജന്റുമാര്‍ ആന്റിജെന്‍ ടെസ്റ്റ് നടത്തി പോളിങ് ദിവസം കോവിഡ് നെഗറ്റീവ് സര്‍ട്ടിഫിക്കറ്റ് ഹാജരാക്കേണ്ട ആവശ്യമില്ലെന്നും ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു. മുന്‍പ് പോളിങ് ഏജന്റുമാര്‍ ആന്റിജെന്‍ നടത്തി  നെഗറ്റീവ് സര്‍ട്ടിഫിക്കറ്റ് ഹാജരാക്കണമെന്ന നിര്‍ദേശം നല്‍കിയിരുന്നു.

വോട്ട് ചെയ്യാനെത്തുന്ന സമ്മതിദായകർ കോവിഡ് പ്രോട്ടോക്കോൾ കർശനമായി  പാലിക്കണമെന്നു ജില്ലാ തെരഞ്ഞെടുപ്പ് ഉദ്യോഗസ്ഥകൂടിയായ കളക്ടർ ഡോ. നവ്‌ജ്യോത് ഖോസ പറഞ്ഞു.

വോട്ടർമാർ പോളിങ് ബൂത്തിലേക്കു പ്രവേശിക്കുമ്പോഴും പുറത്തേക്കു പോകുമ്പോഴും നിർബന്ധമായും സാനിറ്റൈസർ ഉപയോഗിക്കണം. മാസ്‌ക് ധരിച്ചിരിക്കുകയും വേണം. തിരിച്ചറിയൽ സമയത്തു മാത്രമേ ആവശ്യമെങ്കിൽ മാസ്‌ക് മാറ്റാവൂ. ബൂത്തിനകത്ത് ഒരേ സമയം മൂന്നു വോട്ടർമാർക്കു സാമൂഹിക അകലം പാലിച്ചു കയറാം.