ഒറ്റപ്പാലം താലൂക്ക് നെല്ലായ പൊന്മുഖം ക്ഷേത്രത്തില്‍  ട്രസ്റ്റി  ( തികച്ചും സന്നദ്ധ സേവനം) നിയമനം നടത്തുന്നു. താല്‍പര്യമുള്ള ഹിന്ദുമത വിശ്വാസികള്‍ ഡിസംബര്‍ 16 ന് വൈകീട്ട് അഞ്ചിനകം  മലബാര്‍ ദേവസ്വം ബോര്‍ഡ് പാലക്കാട് അസിസ്റ്റന്റ്  കമ്മീഷണര്‍ക്ക്  നിശ്ചിത ഫോറത്തില്‍ അപേക്ഷ സമര്‍പ്പിക്കണം.  അപേക്ഷാ ഫോറം പാലക്കാട് അസിസ്റ്റന്റ്  കമ്മീഷണറുടെ ഓഫീസിലും www.malabardevaswom.kerala.gov.in ലും ലഭിക്കും. ഫോണ്‍ - 0491 2505777

ഒറ്റപ്പാലം താലൂക്ക് ആശുപത്രിയില്‍ 2021 ജനുവരി ഒന്നു മുതല്‍ ഡിസംബര്‍ 31 വരെ കാര്‍ബണ്‍ഡൈഓക്‌സൈഡ് മെഡിക്കല്‍ ഓക്‌സിജന്‍ (ബള്‍ക്ക്) നൈട്രസ് ഓക്‌സൈഡ് (ബള്‍ക്ക്) എ ടൈപ്പ്, ബി ടൈപ്പ് എന്നിവ വിതരണം ചെയ്യുന്നതിന് സന്നദ്ധരായ സ്ഥാപനങ്ങള്‍ , വ്യക്തികളില്‍ നിന്നും ദര്‍ഘാസ് ക്ഷണിച്ചു. നിരതദ്രവ്യം 2000 രൂപ. ഡിസംബര്‍ 11 ന് രാവിലെ 11 വരെ ദര്‍ഘാസുകള്‍ സമര്‍പ്പിക്കാം. അന്നേ ദിവസം ഉച്ചക്ക് 12 ന് ദര്‍ഘാസുകള്‍ തുറക്കും. ഫോണ്‍: 0466 2344053

വടവന്നൂര്‍ ഗ്രാമപഞ്ചായത്തില്‍ പുതുതായി വോട്ടര്‍പട്ടികയില്‍ പേര് ചേര്‍ത്തവരുടെ തിരിച്ചറിയല്‍കാര്‍ഡ് വിതരണത്തിനായി തയ്യാറായിട്ടുണ്ട്. ഡിസംബര്‍ 4,  5 തീയതികളില്‍ പ്രവര്‍ത്തി സമയങ്ങളില്‍ പഞ്ചായത്ത് ഓഫീസില്‍ നിന്നും തിരിച്ചറിയല്‍ കാര്‍ഡ് കൈപ്പറ്റാമെന്ന്  സെക്രട്ടറി അറിയിച്ചു.

==================

തദ്ദേശ സ്ഥാപന തിരഞ്ഞെടുപ്പില്‍ പോളിംഗ് ബൂത്തുകളില്‍ കോവിഡ് പ്രതിരോധ മാര്‍ഗനിര്‍ദേശങ്ങള്‍ കര്‍ശനമായി പാലിക്കണമെന്ന് ജില്ലാ വരണാധികാരിയായ ജില്ലാ കളക്ടര്‍ എം. അഞ്ജന അറിയിച്ചു. എല്ലാ  പോളിംഗ് സ്റ്റേഷനുകളും നാളെ (ഡിസംബര്‍ 9) അണു വിമുക്തമാക്കും.  ബൂത്തിന് പുറത്ത്  വെള്ളവും സോപ്പും ബൂത്തിനുള്ളില്‍ സാനിറ്റൈസറും ലഭ്യമാക്കും. 

തദ്ദേശ സ്വയംഭരണ തിരഞ്ഞെടുപ്പുമായി ബന്ധപ്പെട്ട് മങ്കര ഗ്രാമപഞ്ചായത്തിലെ പുതിയ സമ്മതിദായകരുടെ താല്‍ക്കാലിക തിരിച്ചറിയല്‍ കാര്‍ഡ് വിതരണത്തിന് തയ്യാറായിട്ടുള്ളതായി അസിസ്റ്റന്റ് റിട്ടേണിംഗ് ഓഫീസര്‍ അറിയിച്ചു . സമ്മതിദായകര്‍ ഇന്ന് മുതല്‍ (ഡിസംബര്‍ നാല്) മുതല്‍ മങ്കര ഗ്രാമ പഞ്ചായത്ത് ഓഫീസില്‍ നേരിട്ടെത്തി തിരിച്ചറിയല്‍ കാര്‍ഡുകള്‍ കൈപ്പറ്റണം.

ജില്ലയിലെ തദ്ദേശ സ്വയംഭരണ തിരഞ്ഞെടുപ്പുമായി ബന്ധപ്പെട്ട് ഇലക്ട്രോണിക് വോട്ടിങ് മെഷീനുകള്‍ ബ്ലോക്ക് പഞ്ചായത്ത് സെക്രട്ടറിമാര്‍ക്കും മുനിസിപ്പല്‍ സെക്രട്ടറിമാര്‍ക്കും ഇന്ന് (ഡിസംബര്‍ നാലിന്) വിതരണം ചെയ്യും. പാലക്കാട് റവന്യൂ ഡിവിഷണല്‍  ഓഫീസിലെ വെയര്‍ഹൗസ്, പാലക്കാട് താലൂക്ക് ഓഫീസിലെ വെയര്‍ഹൗസ് എന്നിവിടങ്ങളില്‍ നിന്ന് രാവിലെ ഒമ്പതു മുതല്‍ കൈപ്പറ്റാമെന്ന് നോഡല്‍ ഓഫീസര്‍ അറിയിച്ചു.

===================

കോട്ടയം ജില്ലയില്‍  202 പേര്‍ക്കു കൂടി കോവിഡ് സ്ഥിരീകരിച്ചു. 199 പേർക്കും സമ്പര്‍ക്കം മുഖേനയാണ് വൈറസ് ബാധിച്ചത്. ഇതില്‍ ഒരു ആരോഗ്യ പ്രവർത്തകനും ഉള്‍പ്പെടുന്നു. സംസ്ഥാനത്തിനു പുറത്തു നിന്നെത്തിയ രണ്ടു പേര്‍ രോഗബാധിതരായി. പുതിയതായി 2326 പരിശോധനാഫലങ്ങളാണ് ലഭിച്ചത്.  

രോഗം ബാധിച്ചവരില്‍ 98 പുരുഷന്‍മാരും 82 സ്ത്രീകളും 22 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 30 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.

തദ്ദേശ തിരഞ്ഞെടുപ്പ് 2020 മായി ബന്ധപ്പെട്ട്  ബി-09 മലമ്പുഴ ബ്ലോക്ക് പഞ്ചായത്തിന്റെ കീഴില്‍ വരുന്ന എല്ലാ പഞ്ചായത്തുകളിലും ബ്ലോക്ക് ഡിവിഷണിലേക്കും ജില്ലാ ഡിവിഷണിലേക്കുമുള്ള വോട്ടിംഗ് മെഷീന്‍ ഡിസംബര്‍ ആറിന് രാവിലെ 6.30 ന് അകത്തേത്തറ എന്‍.എസ്.എസ് എഞ്ചിനീയറിംഗ് കോളേജില്‍ സജ്ജമാക്കുന്നതിന് സ്ഥാനാര്‍ത്ഥിയുടെ ഏജന്റുമാരെ നിയമിക്കണമന്ന് മലമ്പുഴ ബ്ലോക്ക് വരണാധികാരി അറിയിച്ചു

ജില്ലാ തിരഞ്ഞെടുപ്പ് വിഭാഗം ഇലക്ഷന്‍ ഡെപ്യൂട്ടി കലക്ടറായി വി.ഇ അബ്ബാസ് ഡിസംബര്‍ ഒന്നിന് ചുമതലയേറ്റു. കൊച്ചി മെട്രോയില്‍ തഹസില്‍ദാരായിരുന്നു. നിലവില്‍ പാലക്കാട് നാഷണല്‍ ഹൈവേ ഡെപ്യൂട്ടി കലക്ടറാണ്.  2020 ഒക്ടോബര്‍ 19 ന് ചുമതലയേറ്റ  ഇലക്ഷന്‍ ഡെപ്യൂട്ടി കലക്ടര്‍ ടി.ജി ഗോപകുമാറിന് കോവിഡ് സ്ഥിരീകരിച്ച സാഹചര്യത്തിലാണ് വി.ഇ അബ്ബാസിന് ചുമതല കൈമാറിയത്. തൊടുപുഴ സ്വദേശിയാണ്.