ത്രിതല പഞ്ചായത്തുകളിലേതിനു സമാനമാണ് കോർപ്പറേഷനിലും നഗരസഭകളിലും വോട്ടെടുപ്പിന്റെ നടപടിക്രമകൾ. ബാലറ്റ് യൂണിറ്റ് ഒരെണ്ണം മാത്രമേ ഉണ്ടാകൂ എന്നു മാത്രം.

രണ്ടാം പോളിങ് ഉദ്യോഗസ്ഥൻ നൽകുന്ന സ്ലിപ്പുമായി കൺട്രോൾ യൂണിറ്റിന്റെ ചുമതലുള്ള പോളിങ് ഓഫിസറെ സമീപിച്ച് സ്ലിപ്പ് അദ്ദേഹത്തിനു നൽകിയ ശേഷം വോട്ട് ചെയ്യാൻ കമ്പാർട്ട്‌മെന്റിലേക്കു നീങ്ങാം. വോട്ടർക്കു താത്പര്യമുള്ള സ്ഥാനാർഥിയുടെ ചിഹ്നത്തിനു നേർക്കുള്ള ബട്ടൺ അമർത്തിക്കഴിയുമ്പോൾ വോട്ട് രേഖപ്പെടുത്തുന്നു. അതോടെ സ്ഥാനാർഥിയുടെ പേരിനു നേർക്കുള്ള ചുവപ്പ് ലൈറ്റ് പ്രകാശിക്കുകയും ഒരു നീണ്ട ബീപ് ശബ്ദം കേൾക്കുകയും ചെയ്യും.

നേരിട്ടുള്ള സമ്പര്‍ക്കത്തിലൂടെ 880 പേര്‍ക്ക് വൈറസ്ബാധ
31 പേര്‍ക്ക് ഉറവിടമറിയാതെ രോഗബാധ
ആരോഗ്യമേഖലയില്‍ മൂന്ന് പേര്‍ക്ക് രോഗം
രോഗബാധിതരായി ചികിത്സയില്‍ 7,578 പേര്‍
ആകെ നിരീക്ഷണത്തിലുള്ളത് 87,633 പേര്‍

വോട്ട് ചെയ്യുന്നതിനായി പോളിങ് ബൂത്തിൽ പ്രവേശിക്കുന്ന സമ്മതിദായകരുടെ തിരിച്ചറിയൽ രേഖയും വോട്ടർ പട്ടികയിലെ മറ്റു വിവരങ്ങളും ഒന്നാം പോളിങ് ഓഫിസർ പരിശോധിക്കും. തുടർന്നു രണ്ടാം പോളിങ് ഓഫിസർ വോട്ടറുടെ കൈവിരലിൽ മഴി അടയാളം പതിപ്പിക്കുകയും ബന്ധപ്പെട്ട രജിസ്റ്ററിൽ ഒപ്പോ വിരലടയാളമോ പതിപ്പിക്കുകയും ചെയ്യും. അവിടെനിന്ന് വോട്ട് ചെയ്യുന്നതിനുള്ള ഒരു സ്ലിപ്പ് സമ്മതിദായകനു നൽകും.

ജില്ലാ കലക്ടറുടെ നേതൃത്വത്തില്‍ തിരൂരങ്ങാടി താലൂക്കിലെ പൊതു ജന പരാതി പരിഹാര അദാലത്ത് 2020 ഡിസംബര്‍ 21 ന് രാവിലെ 10 മണിക്ക് നടത്തുന്നു. വീഡിയോ കോണ്‍ഫറന്‍സ് മുഖേന ഓണ്‍ലൈന്‍ വഴിയാണ് പൊതുജന പരാതി പരിഹാര അദാലത്ത് സംഘടിപ്പിക്കുന്നത്. അദാലത്തിലേക്കുള്ള അപേക്ഷകള്‍ ഇന്ന് (ഡിസംബര്‍ അഞ്ച്) മുതല്‍ 15-ാം തീയതി വൈകീട്ട് അഞ്ച് മണി വരെ സ്വീകരിക്കും. അക്ഷയ കേന്ദ്രങ്ങള്‍ മുഖേനയോ ഇ ഡിസ്ട്രിക്ട് വഴി നേരിട്ടോ ഇ മെയില്‍ വഴിയോ പരാതി സ്വീകരിക്കുന്നതാണ്.

തദ്ദേശ സ്ഥാപന തെരഞ്ഞെടുപ്പിന്റെ പോളിങ് ദിനത്തിലെ വോട്ടെടുപ്പ് ഇലക്ട്രോണിക് വോട്ടിങ് യന്ത്രങ്ങൾ ഉപയോഗിച്ചാണു നടക്കുന്നത്. ത്രിതല പഞ്ചായത്തുകളിൽ മൂന്നു ബാലറ്റ് യൂണിറ്റും ഒരു കൺട്രോൾ യൂണിറ്റുമുള്ള മൾട്ടി പോസ്റ്റ് ഇലക്ട്രോണിക്  വോട്ടിങ് യന്ത്രങ്ങളും കോർപ്പറേഷനിലും മുനിസിപ്പാലിറ്റികളിലും സിംഗിൾ യൂണിറ്റ് ഇലക്ട്രോണിക് വോട്ടിങ് മെഷീനുകളുമാണ് ഉപയോഗിക്കുന്നത്.

തദ്ദേശ തെരഞ്ഞെടുപ്പിന്റെ വോട്ടെടുപ്പിനുള്ള ഒരുക്കങ്ങൾ ജില്ലയിൽ പൂർത്തിയായി. ആകെ 28,26,190 സമ്മതിദായകരാണ് ഡിസംബർ എട്ടിനു വോട്ട് രേഖപ്പെടുത്താൻ ബൂത്തുകളിലേക്ക് എത്തുക. ജില്ലയിലെ 1,727 തദ്ദേശ സ്ഥാപന വാർഡുകളിലായി 6,465 സ്ഥാനാർഥികളാണു ജനവിധി തേടുന്നത്. 3,281 പോളിങ് സ്‌റ്റേഷനുകളിലായാണു വോട്ടെടുപ്പ്.

വോട്ടെടുപ്പിനുള്ള കോവിഡ് പ്രോട്ടോക്കോളിന്റെ ഭാഗമായി പോളിങ് ബൂത്തുകളെല്ലാം നാളെ (07 ഡിസംബർ) അണുവിമുക്തമാക്കും. ജില്ലയുടെ വിവിധ കേന്ദ്രങ്ങളിൽനിന്നു പോളിങ് സാമഗ്രികളുടെ വിതരണവും നാളെ ആരംഭിക്കും. 

തിരുവനന്തപുരത്ത് ഇന്ന് (04 ഡിസംബര്‍ 2020) 279 പേര്‍ക്കു കൂടി കോവിഡ് 19 സ്ഥിരീകരിച്ചു. 451 പേര്‍ രോഗമുക്തരായി. നിലവില്‍ 4,034 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്. ജില്ലയില്‍ ഒരാളുടെ മരണം കോവിഡ് മൂലമാണെന്ന് സ്ഥിരീകരിച്ചു. മണ്ണന്തല സ്വദേശിനി ഷീല ജേക്കബിന്റെ(70) മരണമാണു കോവിഡ് മൂലമാണെന്നു സ്ഥിരീകരിച്ചത്.

ഉത്തര കേരളത്തിലെ വൈദ്യുതി ക്ഷാമം പരിഹരിക്കുന്നതിനായി കേരള സ്റ്റേറ്റ് ഇലക്ട്രിസിറ്റി ബോര്‍ഡ് ലിമിറ്റഡിന്റെ ഉടമസ്ഥതയിലുള്ള കീഴിശ്ശേരി സബ് സ്റ്റേഷന്‍ മുതല്‍ പുല്ലഞ്ചെരി വരെയുള്ള 110 കെ.വി ഡബിള്‍ സര്‍ക്യൂട്ട് ലൈനിലൂടെ ഈ മാസം (ഡിസംബര്‍ ) ഏഴാം തീയതി രാവിലെ 10 മണിക്ക് ശേഷം ഏത് സമയത്തും വൈദ്യുതി പ്രവഹിക്കാന്‍  സാധ്യതയുണ്ടെന്ന് അസിസ്റ്റന്റ് എക്‌സിക്യൂട്ടീവ് എജിനീയര്‍ അറിയിച്ചു. പൊതുജനങ്ങള്‍ ടവറുമായി സമ്പര്‍ക്കത്തില്‍ ഏര്‍പ്പെടരുത്. ടവറിലോ ലൈനിലോ ഏന്തെങ്കിലും അസ്വാഭാവികമായി ശ്രദ്ധയില്‍പ്പെട്ടാല്‍ ഫോണ്‍ വഴി അറിയിക്കാം.

മലപ്പുറം ജില്ലയില്‍ കോവിഡ് ടെസ്റ്റുകള്‍ക്ക് സ്വകാര്യ സ്ഥാപനങ്ങള്‍ സര്‍ക്കാര്‍ നിശ്ചയിച്ച നിറക്കിനെക്കാള്‍ കൂടുതല്‍ നിരക്ക് ഈടാക്കുന്നതായും സര്‍ക്കാരിലേക്ക് അയക്കുന്ന പൊസിറ്റിവ് നെഗറ്റീവ് റിപ്പോര്‍ട്ടുകള്‍ അപ്ലോഡ് ചെയ്യുന്നതില്‍ പിഴവ് വരുത്തുന്നതായും ഉള്ള വിവരത്തിന്റെ അടിസ്ഥാനത്തില്‍ കോവിഡ് ടെസ്റ്റ് ചെയ്യുന്ന സ്വകാര്യ ലാബുകളിലും ആശുപത്രികളിലും മിന്നല്‍ പരിശോധന നടത്തുന്നതിന് ജില്ലാ ഡ്രഗ്‌സ് ഇന്‍സ്‌പെക്ടര്‍, ജി.എസ്.ടി ഡെപ്യൂട്ടി കമ്മീഷണര്‍,  ജില്ലാ ലീഗല്‍ മെട്രോളജി തുടങ്ങിയ അംഗങ്ങളെ ചേര്‍ത്ത് സമിതി രൂപീകരിച്ചിരുന്നു. സ്പെഷല്‍ സ്‌ക്വാഡിന്‍ടെ പരിശോധന ഏറനാട്, തിരൂര്‍ താലൂക്കുകളില്‍ നടന്നു.