തദ്ദേശ തെരഞ്ഞെടുപ്പില്‍ ഹരിതചട്ടപാലനം ഉറപ്പാക്കാന്‍ ശുചിത്വ മിഷന്റെ ആഭിമുഖ്യത്തില്‍ ജില്ലയില്‍ വിവിധയിടങ്ങളിലായി ബോധവല്‍കരണ തെരുവുനാടകം സംഘടിപ്പിച്ചു.  തെരഞ്ഞെടുപ്പുമായി ബന്ധപ്പെട്ട എല്ലാ പ്രവര്‍ത്തനങ്ങളും ഹരിത പെരുമാറ്റച്ചട്ടം പാലിച്ചു കൊണ്ടായിരിക്കണം എന്ന സന്ദേശം ജനങ്ങളിലെത്തിക്കുന്നതിനാണ് തെരുവുനാടകം സംഘടിപ്പിച്ചത്. പ്ലാസ്റ്റിക് ഉപയോഗം പൂര്‍ണ്ണമായും ഇല്ലാതാക്കി മാലിന്യങ്ങള്‍ ഹരിത കര്‍മ സേനയുടെ സഹായത്തോടെ സംസ്‌ക്കരിക്കണമെന്ന് നാടകം ഓര്‍മ്മപ്പെടുത്തി.

സ്പീഡ് പോസ്റ്റ് മുഖേന അയച്ചതും വിവിധ കാരണങ്ങളാല്‍ ഉടമസ്ഥര്‍ കൈപറ്റാതെ തിരികെ ഓഫീസില്‍ ലഭിച്ചതുമായ രജിസ്ട്രേഷന്‍ സര്‍ട്ടിഫിക്കറ്റുകളും ഡ്രൈവിംഗ് ലൈസന്‍സുകളും ഉടമസ്ഥരെ ഏല്‍പ്പിക്കുന്നതിന് ഡിസംബര്‍ 23ന് കോഴിക്കോട് റീജ്യണല്‍ ട്രാന്‍സ്പോര്‍ട്ട് ഓഫീസില്‍ അദാലത്ത് നടത്തുമെന്ന് ആര്‍ടിഒ അറിയിച്ചു.  ഉടമസ്ഥര്‍ക്ക്  അസ്സല്‍ തിരിച്ചറിയല്‍ രേഖകള്‍ സഹിതം ഓഫീസില്‍ ഹാജരായി രജിസ്ട്രേഷന്‍ സര്‍ട്ടിഫിക്കറ്റുകളും ഡ്രൈവിംഗ് ലൈസന്‍സുകളും കൈപ്പറ്റാം.

ജില്ലാസാമൂഹ്യനീതി വകുപ്പിന്റെ ആഭിമുഖ്യത്തില്‍ അന്താരാഷ്ട്ര ഭിന്നശേഷി ദിനാചരണത്തിന്റെ ഭാഗമായി ബിരുദ പരീക്ഷയില്‍ ഉന്നത വിജയം നേടിയ വിദ്യാര്‍ത്ഥിയെ ആദരിച്ചു. ഫാറൂഖ് കോളേജ് വിദ്യാര്‍ത്ഥിയായ പി.കെ ഹരികൃഷ്ണനെയാണ് ജില്ലാ കലക്ടര്‍ സാംബശിവറാവു വിജയാമൃതം അവാര്‍ഡ് നല്‍കി ആദരിച്ചത്. സര്‍ട്ടിഫിക്കറ്റും ക്യാഷ് പ്രൈസുമാണ് വിതരണം ചെയ്തത്.

ഇന്ന് ആലപ്പുഴ ജില്ലയിൽ408 പേർക്ക് കോവിഡ് സ്ഥിരീകരിച്ചു.  ഒരാൾ  വിദേശത്തു നിന്നും  എത്തിയതാണ് .  381പേർക്ക് സമ്പർക്കത്തിലൂടെയാണ് രോഗം ബാധിച്ചത് . 26 പേരുടെ സമ്പർക്ക ഉറവിടം വ്യക്തമല്ല.537പേരുടെ പരിശോധനാഫലം നെഗറ്റീവായി. ആകെ 43571പേർ രോഗ മുക്തരായി.4777പേർ ചികിത്സയിൽ ഉണ്ട്.

ബുറേവി ചുഴലിക്കാറ്റ് സംബന്ധിച്ച മുന്നറിയിപ്പ് ഉള്ളതിനാൽ നാളെയും ഹൗസ് ബോട്ടുകൾ സർവീസ് നടത്തരുതെന്ന് ജില്ലാ കലക്ടർ അറിയിച്ചു. മത്സ്യബന്ധനത്തിന് ഇനിയൊരു അറിയിപ്പ് ഉണ്ടാകുന്നതുവരെ നിരോധനം നേരത്തെ തന്നെ പ്രഖ്യാപിച്ചിരുന്നു. പൊന്തു വള്ളങ്ങളും കടലിൽ ഇറങ്ങരുത്.  

ജില്ലയിൽ കൺട്രോൾ റൂം നന്പരുകൾ. 0477 2236831, 2238630

 1077 എന്ന ടോൾഫ്രീ നമ്പറിലും  ബന്ധപ്പെടാം.

താലൂക്കുകളിലും കൺട്രോൾ റൂമുകൾ സജ്ജമാക്കി
-ചേർത്തല
0478-2813103

അമ്പലപ്പുഴ -
0477-2253771

കുട്ടനാട്
0477-2702221

കാർത്തികപ്പള്ളി
0479-2412797

ബുറേവി ചുഴലിക്കാറ്റിന്റെ സഞ്ചാരപഥത്തിലുള്ള അഞ്ചു ജില്ലകളിൽ വെള്ളിയാഴ്ച (ഡിസംബർ 4) പൊതു മേഖലാ സ്ഥാപനങ്ങൾ ഉൾപ്പെടെയുള്ള ഓഫീസുകൾക്ക് സർക്കാർ പൊതു അവധി പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളിലാണ് പൊതു അവധി.
ദുരന്ത നിവാരണം, അവശ്യ സർവീസുകൾ, തിരഞ്ഞെടുപ്പ് ചുമതലകൾ എന്നിവയ്ക്ക് അവധി ബാധകമായിരിക്കില്ല.

തദ്ദേശ തിരഞ്ഞെടുപ്പുമായി ബന്ധപ്പെട്ട് ജില്ല തിരഞ്ഞെടുപ്പ് ഉദ്യോഗസ്ഥനായ ജില്ല കളക്ടര്‍ ശ്രീ എ.അലക്സാണ്ടര്‍ ഐ.എ.എസ് ഡിസംബര്‍ നാലിന് ഉച്ചകഴിഞ്ഞ് മൂന്ന് മണിക്ക് ജില്ല പഞ്ചായത്ത് ഹാളില്‍ പ്രസ് മീറ്റ് നടത്തുന്നു. എല്ലാ മാധ്യമപ്രവര്‍ത്തരും പങ്കെടുക്കണമെന്ന് അഭ്യര്‍ത്ഥിക്കുന്നു.

ബുറേവി ചുഴലിക്കാറ്റ് ശക്തി കുറഞ്ഞു ഒരു അതിതീവ്ര ന്യൂനമർദമായതായി (Deep Depression) കേന്ദ്ര കാലാവസ്ഥ വകുപ്പ് അറിയിച്ചു.  

'ബുറേവി' ചുഴലിക്കാറ്റ് മാന്നാർ കടലിടുക്കിൽ, തമിഴ്നാട്
രാമനാഥപുരത്തിനടുത്ത് വെച്ച് തന്നെ ശക്തി കുറഞ്ഞ് ഒരു തീവ്ര ന്യൂനമർദമായി മാറിയിരിക്കുന്നു എന്ന് കേന്ദ്ര കാലാവസ്ഥ വകുപ്പ് അറിയിച്ചു. 2020 ഡിസംബർ 3 ന് അർദ്ധരാത്രിയോടെ തന്നെ രാമനാഥപുരത്ത് കൂടി കരയിൽ പ്രവേശിക്കും.

പുതുക്കിയ സഞ്ചാരപഥം കേന്ദ്ര കാലാവസ്ഥ വകുപ്പ് ഉടനെ പ്രസിദ്ധീകരിക്കും.