2020 ഡിസംബര്‍ 29 മുതല്‍ 2021 ജനുവരി 18 വരെയുള്ള തിയ്യതികളിലായി നടത്തുന്ന ഫസ്റ്റ് പ്രൊഫഷണല്‍ ബി എ എം എസ് ഡിഗ്രി സപ്ലിമെന്ററി (2016 സ്‌കീം) തിയറി പരീക്ഷാ ടൈംടേബിള്‍ പ്രസിദ്ധീകരിച്ചു. സെക്കന്റ് പ്രൊഫഷണല്‍ ബി എ എം എസ് ഡിഗ്രി പാര്‍ട്ട് രണ്ട് സപ്ലിമെന്ററി തിയറി പരീക്ഷാ തിയതി പുനഃക്രമീകരിച്ചു. 2020 ഡിസംബര്‍ 23 മുതല്‍ 2021 ജനുവരി ആറു വരെയുള്ള തിയ്യതികളിലായി നടത്തുന്ന സെക്കന്റ് പ്രൊഫഷണല്‍ ബി എ എം എസ് ഡിഗ്രി  പാര്‍ട്ട് രണ്ട് സപ്ലിമെന്ററി (2010 സ്‌കീം) തിയറി പരീക്ഷാ ടൈംടേബിള്‍ പ്രസിദ്ധീകരിച്ചു

ആലപ്പുഴ: ചെങ്ങന്നൂര്‍ സെന്‍ട്രല്‍ ഹാച്ചറി പരിശീലന കേന്ദ്രത്തിന്റെ ആഭിമുഖ്യത്തില്‍ കര്‍ഷകര്‍ക്കായി ഓണ്‍ലൈന്‍ പരിശീലനം നല്‍കുന്നു. ഡിസംബര്‍ 09,10 തീയതികളില്‍ പശു വളര്‍ത്തല്‍, 16,17 തീയതികളില്‍ മുട്ടക്കോഴി വളര്‍ത്തല്‍, 21ന് മുയല്‍ വളര്‍ത്തല്‍, 23ന് താറാവ് വളര്‍ത്തല്‍  എന്നിവയിലാണ് പരിശീലനം നല്‍കുന്നത്. താല്‍പര്യമുള്ള കര്‍ഷകര്‍ 9188522703 എന്ന നമ്പറില്‍ വിളിച്ച് പേര് രജിസ്റ്റര്‍ ചെയ്യണം. പരിശീലനം സൗജന്യമായിരിക്കും. വിശദവിവരത്തിന് ഫോണ്‍: 0479-2452277.

കാസര്‍കോട് ജില്ലാ എംപ്ലോയ്‌മെന്റ് എക്‌സ്‌ചേഞ്ചില്‍  പ്രവര്‍ത്തിക്കുന്ന എംപ്ലോയബിലിറ്റി സെന്ററിന്റെ നേതൃത്വത്തില്‍ സ്വകാര്യ മേഖലയില്‍ തൊഴില്‍ നേടാന്‍ അവസരമൊരുക്കി  രജിസ്‌ട്രേഷന്‍ ക്യാമ്പയിന്‍ സംഘടിപ്പിക്കുന്നു  . കാഞ്ഞങ്ങാട് മിനി സിവില്‍ സ്റ്റേഷനിലെ ഹോസ്ദുര്‍ഗ്ഗ് ടൗണ്‍  എംപ്ലോയ്‌മെന്റ് എക്‌സ്‌ചേഞ്ചില്‍ ആണ് ഡിസംബര്‍ 8ന് രജിസ്‌ട്രേഷന്‍ ക്യാമ്പയിന്‍   സംഘടിപ്പിക്കുക.താല്പര്യമുളള ഉദ്യോഗാര്‍ത്ഥികള്‍ അന്നേദിവസം സര്‍ട്ടിഫിക്കറ്റുകള്‍ , തിരിച്ചറിയല്‍ കാര്‍ഡ് എന്നിവയുടെ പകര്‍പ്പും 250 രൂപ രജിസ്‌ട്രേഷന്‍ ഫീസും അടച്ച് രജിസ്റ്റര്‍ ചെയ്യണം. പ്രായപരിധി 18-40. യോഗ്യത -എസ്.എസ്.എല്‍.സി.

അവസാന വര്‍ഷ എം ഡി/എം.സ് ആയുര്‍വേദ ഡിഗ്രി റെഗുലര്‍/സപ്ലിമെന്ററി പരീക്ഷാ അപേക്ഷ കേരള ആരോഗ്യശാസ്ത്ര സര്‍വ്വകലാശാല 2020 ഡിസംബര്‍ 23 മുതല്‍ ആരംഭിക്കുന്ന അവസാന വര്‍ഷ എം.ഡി /എം.എസ് ആയുര്‍വേദ ഡിഗ്രി റെഗുലര്‍/സപ്ലിമെന്ററി (2012, 2016 സ്‌കീം)  പരീക്ഷക്ക് 2020 ഡിസംബര്‍ ഏഴ് മുതല്‍ 12 വരെയുള്ള തീയതികളില്‍ ഓണ്‍ലൈന്‍ ആയി രജിസ്റ്റര്‍ ചെയ്യാം. പേപ്പര്‍ ഒന്നിന് 110 രൂപ ഫൈനോടുകൂടി 2020 ഡിസംബര്‍ 14 വരേയും, 335 രൂപ സൂപ്പര്‍ ഫൈനോടുകൂടി  ഡിസംബര്‍ 15 വരേയും ഓണ്‍ലൈന്‍ രജിസ്ട്രേഷന്‍ നടത്താം

ആലപ്പുഴ: നെഹ്റു യുവകേന്ദ്രയുടെ ആഭിമുഖ്യത്തില്‍ മലിനീകരണ നിയന്ത്രണ ദിനാചരണത്തിന്റെ ഭാഗമായി സൈക്ലോതോണ്‍ സംഘടിപ്പിച്ചു. മലിനീകരണ നിയന്ത്രണ ബോധവത്ക്കരണത്തിന്റെ ഭാഗമായി രാവിലെ ആറിന് ആലപ്പുഴ ബീച്ചില്‍ നിന്ന് തുടങ്ങിയ സൈക്ലോതോണ്‍ നഗരപ്രദക്ഷിണം നടത്തി ബീച്ചില്‍ സമാപ്പിച്ചു. ആലപ്പി സൈക്ലിങ് ക്ലബിന്റെ സഹകരണത്തോടെയാണ് പരിപാടി സംഘടിപ്പിച്ചത്. നെഹ്‌റു യുവകേന്ദ്ര ജില്ല യൂത്ത് കോ-ഓര്‍ഡിനേറ്റര്‍ വിവേക് ശശിധരന്‍, ആലപ്പി സൈക്ലിങ് ക്ലബ് സെക്രട്ടറി ഷിബു ഡേവിഡ്, ആലപ്പി സൈക്ലിങ് പിങ്ക് ക്ലബ് പ്രസിഡന്റ ധനലക്ഷ്മി തുടങ്ങിയവര്‍ പങ്കെടുത്തു.

വണ്ടൂര്‍ അംബേദ്കര്‍ കോളേജ് ഓഫ് ആര്‍ട്സ് ആന്‍ഡ് സയന്‍സില്‍ 2020-21 അധ്യയന വര്‍ഷം ഒന്നാം വര്‍ഷ ബി.കോം കോ -ഓപ്പറേഷന്‍, ബി.എ എക്കണോമിക്സ്,  ബി.എ-ഇംഗ്ലീഷ്, ബി എസ് സി- മാത്തമാറ്റിക്സ് എന്നീ കോഴ്സുകളില്‍ സ്പോര്‍ട്സ്, ഭിന്നശേഷി, ലക്ഷദ്വീപ് ക്വാട്ടകളില്‍  ഏതാനും സീറ്റുകളും കൂടാതെ ബിഎസ് സി മാത്തമാറ്റിക്സിന് കമ്മ്യൂണിറ്റി ക്വാട്ടയിലും (എസ്.സി) സീറ്റ് ഒഴിവുകളുണ്ട്. യോഗ്യരായ വിദ്യാര്‍ത്ഥികള്‍ തിങ്കളാഴ്ച്ച ഉച്ചക്ക് രണ്ട് മണിക്ക് മുമ്പായി കോളജ് ഓഫീസില്‍ റിപ്പോര്‍ട്ട് ചെയ്യേണ്ടതാണെന്ന് പ്രിന്‍സിപ്പാള്‍ അറിയിച്ചു.
കൂടുതല്‍ വിവരങ്ങള്‍ക്ക് ഫോണ്‍ 04931249666/9745622207

പാലക്കാട് വ്യവസായ ട്രൈബ്യൂണലും ഇന്‍ഷുറന്‍സ് കോടതി ജഡ്ജിയും എംപ്ലോയീസ് കോമ്പന്‍സേഷന്‍ കമ്മീഷണറുമായ സാബു സെബാസ്റ്റ്യന്‍ ഡിസംബര്‍ 7, 8, 14, 15, 21, 22, 28, 29 തീയതികളില്‍ പാലക്കാട് റവന്യൂ ഡിവിഷണല്‍ മജിസ്‌ട്രേറ്റ് കോടതി ഹാളിലും ഡിസംബര്‍ നാലിന്  പെരിന്തല്‍മണ്ണ സബ് ഡിവിഷണല്‍ മജിസ്‌ട്രേറ്റ് കോടതി ഹാളിലും ഡിസംബര്‍ 18 ന് മഞ്ചേരി ഇന്ദിരാഗാന്ധി ബസ് ടെര്‍മിനല്‍ ബില്‍ഡിങിലെ ഒന്നാം നിലയിലെ കോടതി ഹാളിലും തൊഴില്‍ തര്‍ക്ക കേസുകളും ഇന്‍ഷുറന്‍സ് കേസുകളും എംപ്ലോയീസ് കോമ്പന്‍സേഷന്‍ കേസുകളും വിചാരണ ചെയ്യുമെന്ന് പാലക്കാട് വ്യാവസായിക ട്രൈബ്യൂണല്‍ സെക്രട്ടറി അറിയിച്ചു.

മലപ്പുറം ജില്ലാ നിര്‍മിതി കേന്ദ്രയിലേയ്ക്ക് കരാറടിസ്ഥാനത്തില്‍ സൈറ്റ് എഞ്ചിനീയറെ നിയമിക്കുന്നതിന് നവംബര്‍ ഒമ്പതിന് നടത്താനിരുന്ന ഒബ്ജക്റ്റീവ് മാതൃകയിലുള്ള പരീക്ഷ ഈ മാസം 10 ന് രാവിലെ 10.30 മുതല്‍ 11.30 വരെ മലപ്പുറം കേന്ദ്രീയ വിദ്യാലയത്തില്‍ നടത്തുമെന്ന് ജില്ലാ നിര്‍മിതി കേന്ദ്ര പ്രൊജ്ക്ട് മാനേജര്‍ അറിയിച്ചു.

മലപ്പുറം ഗവ. കോളജില്‍ ബിരുദ കോഴ്സുകളിലേക്ക് എസ്.സി, എസ്.ടി ഒഴികെ മറ്റ് സംവരണ വിഭാഗങ്ങളില്‍ ഒഴിവുള്ള സീറ്റുകളിലേക്കുള്ള അപേക്ഷകര്‍ അനുബന്ധ രേഖകളുമായി ഡിസംബര്‍ ഏഴിന് രാവിലെ 10ന് കോളജില്‍ ഹാജരാകേണ്ടതാണെന്ന് പ്രിന്‍സിപ്പാള്‍ അറിയിച്ചു.

എകണോമിക്സ് (എല്‍.സി -01), ഇസ്ലാമിക് ഹിസ്റ്ററി (ഒ.ബി.എക്സ് - 01, ഇ.ഡബ്ലു.എസ് - 04), ഉറുദു (ഈഴവ -03, ഒ.ബി.എക്സ് -01, ഇ.ഡബ്ലു.എസ് - 05, ഒ.ബി.എച്ച് - 01), അറബിക് (ഈഴവ -04, ഒ.ബി.എക്സ് -01, ഇ.ഡബ്ലു.എസ് - 05, ഒ.ബി.എച്ച് - 01), ഫിസിക്സ് (എല്‍.സി - 01), ബി.കോം (എല്‍.സി - 01) എന്നിങ്ങനെയാണ് ഒഴിവുകളുള്ളത്.