പത്തനംതിട്ട ജില്ലയില്‍ കോവിഡ് പോസിറ്റീവ് ആയവര്‍, ക്വാറന്റീനില്‍ കഴിയുന്നവര്‍ എന്നിവരെ തപാല്‍ വോട്ട് ചെയ്യിക്കുന്നതായി സ്പെഷല്‍ പോളിങ് ടീമിനുള്ള പരിശീലനം പൂര്‍ത്തിയാക്കി. പി.പി.ഇ കിറ്റ് സുരക്ഷിതമായി ധരിക്കാനും കോവിഡ് പ്രോട്ടോക്കോള്‍ പാലിച്ച് എങ്ങനെ സ്‌പെഷല്‍ വോട്ടിംഗ് നടത്താം എന്നതിനുമാണ് പരിശീലനം നല്‍കിയത്. സ്‌പെഷല്‍ പോസ്റ്റല്‍ ബാലറ്റിനെ സംബന്ധിച്ചും സ്‌പെഷല്‍ വോട്ടിംഗിനെ സംബന്ധിച്ചുമുള്ള ടെയിനിംഗ് ഉദ്യോഗസ്ഥര്‍ക്ക് നേരത്തേ ലഭിച്ചിരുന്നു.  എട്ട് ബ്ലോക്ക് ഓഫീസുകളിലാണ് ഉദ്യോഗസ്ഥര്‍ക്ക് പരിശീലനം നല്‍കിയത്. 

  തദ്ദേശ തെരഞ്ഞെടുപ്പ് ഡ്യൂട്ടിക്ക് നിയോഗിക്കപ്പെട്ട പോളിങ് ഉദ്യോഗസ്ഥര്‍  ജില്ലാ പഞ്ചായത്തിലേക്കുള്ള പോസ്റ്റല്‍ ബാലറ്റിനുള്ള അപേക്ഷ തങ്ങള്‍ താമസിക്കുന്ന വാര്‍ഡ് ഉള്‍പ്പെടുന്ന ബ്ലോക്ക് പഞ്ചായത്തിന്റെ വരണാധികാരികള്‍ക്ക് സമര്‍പ്പിക്കണമെന്ന്  ഡെപ്യൂട്ടി കലക്ടര്‍ (ജനറല്‍) അറിയിച്ചു.

ബ്ലോക്ക് വരണാധികാരിമാരുടെ വിവരങ്ങള്‍

  തദ്ദേശ സ്ഥാപന തെരഞ്ഞെടുപ്പിനുള്ള ബാലറ്റ് പേപ്പറുകളുടെയും വോട്ടിങ് യന്ത്രങ്ങളില്‍ പതിപ്പിക്കുന്ന ബാലറ്റ് ലേബലുകളുടെയും അച്ചടി വിവിധ സര്‍ക്കാര്‍ പ്രസ്സുകളില്‍ പുരോഗമിക്കുന്നതായി സംസ്ഥാന തെരഞ്ഞെടുപ്പ് കമ്മീഷണര്‍ വി. ഭാസ്‌കരന്‍ അറിയിച്ചു. ഗ്രാമപഞ്ചായത്തുകള്‍, മുനിസിപ്പാലിറ്റികള്‍, കോര്‍പ്പറേഷനുകള്‍ എന്നിവിടങ്ങളില്‍ വെള്ള നിറത്തിലും, ബ്ലോക്ക് പഞ്ചായത്തുകളിലേക്ക് പിങ്ക് നിറത്തിലും, ജില്ലാ പഞ്ചായത്തുകളിലേക്ക് ആകാശനീല നിറത്തിലും ആണ് ബാലറ്റ് പേപ്പറുകളും ബാലറ്റ് ലേബലുകളും അച്ചടിക്കുന്നത്.

സ്ഥാനാര്‍ത്ഥികള്‍ക്കും രാഷ്ട്രീയ കക്ഷികള്‍ക്കും വോട്ടര്‍മാരെ ബോധവത്കരിക്കുന്നതിന് ഡമ്മി ബാലറ്റ് പേപ്പറും ഡമ്മി ബാലറ്റ് യൂനിറ്റുകളും വ്യവസ്ഥകള്‍ പാലിച്ച് ഉപയോഗിക്കാമെന്ന് സംസ്ഥാന തെരഞ്ഞെടുപ്പ് കമ്മീഷണര്‍. ഡമ്മി ബാലറ്റ് പേപ്പറിന് വലിപ്പത്തിലും നിറത്തിലും അസ്സല്‍ ബാലറ്റ് പേപ്പറിനോട് സാമ്യമുണ്ടാകാന്‍ പാടില്ല. ഗ്രാമപഞ്ചായത്ത്, മുനിസിപ്പാലിറ്റി, കോര്‍പ്പറേഷനുകള്‍ എന്നിവയ്ക്ക് വെള്ളയും ജില്ലാ പഞ്ചായത്തുകള്‍ക്ക് ആകാശ നീലയും ബ്ലോക്ക് പഞ്ചായത്തുകള്‍ക്ക് പിങ്കും നിറത്തിലുള്ള ബാലറ്റ് പേപ്പറാണ് കമ്മീഷന്‍ നിശ്ചയിച്ചിട്ടുള്ളത്.

ബംഗാള്‍ ഉള്‍ക്കടലില്‍ ബുറേവി ചുഴലിക്കാറ്റ് രൂപം കൊണ്ടതിനെ തുടര്‍ന്ന് ഡിസംബര്‍ മൂന്നു മുതല്‍ അഞ്ചു വരെ പത്തനംതിട്ട  ജില്ലയില്‍ അതിശക്തമായ മഴയ്ക്കും കാറ്റിനും സാധ്യതയുള്ളതായി കാലാവസ്ഥ നിരീക്ഷണ വകുപ്പും സംസ്ഥാന ദുരന്തനിവാരണ അതോറിറ്റിയും അറിയിച്ചിട്ടുണ്ട്. ജില്ലയില്‍ ഈ ചുഴലിക്കാറ്റ് ബാധിക്കാന്‍ സാധ്യതയുള്ള തദ്ദേശ സ്വയം ഭരണ സ്ഥാപന പ്രദേശങ്ങളുടെ പട്ടിക: 

രോഗമുക്തി 814 

അഴിയൂര്‍ ഗ്രാമപഞ്ചായത്ത് പരിധിയിലെ വീടുകളിലെ  ഉപയോഗശൂന്യമായ തുണികള്‍ ഹരിത കര്‍മ്മ സേന പ്രവര്‍ത്തകര്‍ ശേഖരിക്കുന്നു. കുടുംബശ്രീ പ്രവര്‍ത്തകരുടെ സഹായത്തോടെ ഹരിത കര്‍മ്മ സേന പ്രവര്‍ത്തകര്‍ വീടുകളില്‍ നേരിട്ടെത്തിയാണ് തുണികള്‍ ശേഖരിക്കുന്നത്.  യൂസര്‍ഫീ നല്‍കണം.  പഞ്ചായത്ത് സെക്രട്ടറി ടി.ഷാഹുല്‍ ഹമീദ്, ഹരിത കര്‍മ്മ സേന ലീഡര്‍ എ.ഷിനി, കുടുംബശ്രീ സിഡിഎസ്  അംഗങ്ങളായ ദാക്ഷായാണി, സൈബൂന്നിസ, അനിത, എന്നിവര്‍ പ്രവര്‍ത്തനത്തിന് നേതൃത്വം നല്‍കി. കോഴിക്കോട് ആസ്ഥാനമായി പ്രവര്‍ത്തിക്കുന്ന ഗ്രീന്‍ വേംസ് എന്ന സ്ഥാപനവുമായി സഹകരിച്ചാണ് തുണി ശേഖരണം നടത്തുന്നത്.