സായുധ സേന പതാകദിനം ഡിസംബര്‍ ഏഴിന് ആചരിക്കും.  ഇതിന്റെ ഭാഗമായി സായുധ സേന പതാക വില്‍പ്പനയുടെ ജില്ലാ തല ഉദ്ഘാടനം  രാവിലെ 11 മണിക്ക് ജില്ലാ കളക്ടറുടെ ചേംബറില്‍ നടത്തുമെന്ന് ജില്ലാ സൈനികക്ഷേമ ഓഫീസര്‍ അറിയിച്ചു.  ജില്ലാ സൈനിക ബോര്‍ഡ് വൈസ് പ്രസിഡന്റ് കേണല്‍ എന്‍.വി.മോഹന്‍ദാസില്‍നിന്നും സായുധ സേന പതാക സ്വീകരിച്ചുകൊണ്ട് ജില്ലാ കളക്ടര്‍ സാംബശിവറാവു വില്‍പനയുടെ ജില്ലാതല ഉദ്ഘാടനം നിര്‍വഹിക്കും.  ഫോണ്‍ - 0495-2771881
 

തദ്ദേശ സ്വയംഭരണ സ്ഥാപനങ്ങളിലെ ഹരിതകര്‍മ്മസേനാംഗങ്ങള്‍ ശേഖരിച്ച അജൈവ മാലിന്യങ്ങള്‍ തരംതിരിച്ച് ക്ലീന്‍ കേരള കമ്പനിക്ക് വിലയ്ക്ക് കൈമാറുന്ന പ്രവര്‍ത്തനം ജില്ലയില്‍ തുടങ്ങി. സംസ്ഥാന സര്‍ക്കാരിന്റെ ശുചിത്വ പദവി പ്രഖ്യാപനത്തിലെ തുടര്‍ പ്രവര്‍ത്തനങ്ങളുടെ ഭാഗമായാണ് നടപടി.

കോവിഡ് ബാധിതര്‍ക്കും ക്വാറന്റീനിലുള്ളവര്‍ക്കും ഏര്‍പ്പെടുത്തിയ സ്‌പെഷ്യല്‍ പോസ്റ്റല്‍ ബാലറ്റ് തപാല്‍ മാര്‍ഗം അയക്കുന്നവരില്‍ നിന്ന് തപാല്‍ ചാര്‍ജ്ജ് ഈടാക്കില്ല. കാലതാമസം ഒഴിവാക്കാനായി സ്‌പെഷ്യല്‍ തപാല്‍ വോട്ട് സ്പീഡ് പോസ്റ്റ് വഴി അയക്കുന്നതിനുള്ള ക്രമീകരണമാണ് ഒരുക്കുന്നത്.

ബംഗാള്‍ ഉള്‍ക്കടലില്‍ രൂപം കൊണ്ട ന്യൂനമര്‍ദ്ദം കേരളത്തിലെ തെക്കന്‍ ജില്ലകളായ തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളില്‍ പ്രകൃതിക്ഷോഭത്തിന് കാരണമായേക്കാവുന്ന സാഹചര്യത്തില്‍ ഭീഷണി ഒഴിയുന്നതുവരെ ശബരിമല തീര്‍ത്ഥാടനം മാറ്റിവെക്കണമെന്ന് ജില്ലാ കലക്ടര്‍ അറിയിച്ചു.  കടലില്‍ പോകുന്നത് ഇനിയൊരറിയിപ്പുണ്ടാകുന്നതുവരെ പൂര്‍ണ്ണമായും നിരോധിക്കുകയും ചെയ്തു.

തദ്ദേശ തെരഞ്ഞെടുപ്പുമായി ബന്ധപ്പെട്ട് ജില്ലയില്‍ പ്രവര്‍ത്തനം ഊര്‍ജ്ജിതമാക്കി ആന്റി ഡിഫെസ്‌മെന്റ് സ്‌ക്വാഡ്. പെരുമാറ്റ ചട്ടലംഘനങ്ങള്‍ കണ്ടെത്താന്‍ അഞ്ച് സ്‌ക്വാഡുകളാണ് ജില്ലയില്‍ പ്രവര്‍ത്തിക്കുന്നത്. ജില്ലാതലത്തില്‍ ഒരു സ്‌ക്വാഡും നാലു താലൂക്കുകളില്‍ ഓരോ സ്‌ക്വാഡുമാണുള്ളത്. ചാര്‍ജ് ഓഫീസര്‍, സ്റ്റാഫ്, പോലീസ് എന്നിവര്‍ അടങ്ങിയതാണ് സ്‌ക്വാഡ്.

ലോക എയ്ഡ്‌സ് ദിനാചരണത്തിന്റെ ഭാഗമായി പാന്‍ടെക് എഫ്.എസ്.ഡബ്ല്യു സുരക്ഷ പ്രോജക്റ്റിന്റെ നേതൃത്വത്തില്‍ കാഞ്ഞങ്ങാട് അഗ്‌നിരക്ഷാ നിലയത്തില്‍ ബോധവല്‍ക്കരണ ക്ലാസ് സംഘടിപ്പിച്ചു. സ്റ്റേഷന്‍ ഓഫീസര്‍ കെ.വി പ്രഭാകരന്‍ ഉദ്ഘാടനം ചെയ്തു. അസിസ്റ്റന്റ് സ്റ്റേഷന്‍ ഓഫീസര്‍ നസറുദ്ദീന്‍ എയ്ഡ്‌സ് പ്രതിരോധ പ്രതിജ്ഞ ചൊല്ലിക്കൊടുത്തു. എച്ച്.ഐ.വി ബാധിതര്‍ക്കുള്ള പിന്തുണ സൂചകമായി ഉദ്യോഗസ്ഥര്‍ റെഡ് റിബണ്‍ ധരിച്ചു. പ്രോജക്ട് മാനേജര്‍ സാമുവല്‍ വിന്‍സെന്റ് ക്ലാസെടുത്തു.

കാസര്‍കോട് മുന്‍സിഫ് കോടതിയുടെ അധികാരത്തിലുള്ള ഉപയോഗശൂന്യമായ ഫര്‍ണ്ണിച്ചറുകള്‍ ഡിസംബര്‍ 17 ന് ഉച്ചയ്ക്ക് രണ്ടിന് മുന്‍സിഫ് കോടതി കാര്യാലയത്തില്‍ പുനര്‍ലേലം ചെയ്യും. ഫോണ്‍: 04994 256 338

തൃക്കരിപ്പൂര്‍ ഇ.കെ.എന്‍.എം ഗവ.പോളിടെക്‌നിക്ക് കോളേജില്‍  ഡിസംബര്‍ മൂന്ന്, നാല് തിയ്യതികളില്‍ പോളിടെക്‌നിക് പ്രവേശനത്തിനുള്ള രണ്ടാംഘട്ട സ്‌പോട്ട് അഡ്മിഷന്‍ നടക്കും.  ഡിസംബര്‍ മൂന്നിന് രാവിലെ 9.30 ന്  32000 റാങ്ക് വരെയുളള ഓര്‍ഫന്‍, ഫിസിക്കലി ഹാന്റികാപ്ഡ്, കുഡുംബി, ലാറ്റിന്‍ കത്തോലിക്ക് ആന്റ് ആംഗ്ലോ ഇന്ത്യന്‍, എസ്.ടി എന്നീ വിഭാഗങ്ങളില്‍പെട്ടവര്‍ കോളേജില്‍ ഹാജരാകണം. സ്ട്രീം ഒന്നില്‍ 32001 മുതല്‍ 46000 വരെ റാങ്കുളള വെബ്‌സൈറ്റില്‍ പേര് രജിസ്റ്റര്‍ ചെയ്തവരും ഡിസംബര്‍ മൂന്നിന് രാവിലെ 11.30 നകം കേളേജിലെത്തി രജിസ്റ്റര്‍ ചെയ്യണം. 

കാസര്‍കോട് ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ നേതൃത്വത്തില്‍ പ്രവര്‍ത്തിക്കുന്ന എംപ്ലോയബിലിറ്റി സെന്ററില്‍ രജിസ്‌ട്രേഷന്‍ നടത്താന്‍ അവസരം. സ്വകാര്യ മേഖലയില്‍ തൊഴില്‍ കണ്ടെത്താന്‍ ആഗ്രഹിക്കുന്നവര്‍ക്ക്  എംപ്ലോയബിലിറ്റി സെന്ററിലെത്തി രജിസ്റ്റര്‍ ചെയ്യാം. ഫോണ്‍: 04994 297470, 9207155700