മഞ്ചേശ്വരം ഗോവിന്ദപൈ മെമ്മോറിയല്‍ ഗവ കോളേജില്‍ ഒന്നാം വര്‍ഷ ബി എസ് സി സ്റ്റാറ്റിസ്റ്റിക്‌സില്‍ സീറ്റുകള്‍ ഒഴിവുണ്ട്. താല്‍പര്യമുള്ളവര്‍ ഡിസംബര്‍ ഏഴിന് വൈകീട്ട് നാലിനകം കേളേജ് ഓഫീസില്‍ അപേക്ഷിക്കണം. ഫോണ്‍: 04998272670

മഞ്ചേശ്വരം താലൂക്കിലെ  ഇച്ചിലങ്കോട്, ഷേണി വില്ലേജ്  ഓഫീസുകളില്‍  വിവിധ കേസുകളിലായി പിടിച്ചെടുത്ത് സൂക്ഷിച്ച പുഴമണല്‍  ഡിസംബര്‍ മൂന്നിന്  ലേലം ചെയ്യും.   ഇച്ചിലങ്കോട് വില്ലേജ്  ഓഫീസില്‍ ശേഖരിച്ച പുഴ മണല്‍  രാവിലെ  11 നും ഷേണി വില്ലേജ്   ഓഫീസ്  പരിസസരത്ത് സൂക്ഷിച്ച    മണല്‍ ഉച്ചയ്ക്ക് 12 നുമാണ് ലേലം ചെയ്യുക. 

തദ്ദേശ സ്വയംഭരണ സ്ഥാപനങ്ങളില്‍ പുതിയതായി അധികാരമേല്‍ക്കുന്ന ജനപ്രതിനിധികള്‍ക്ക് പരിശീലനം നല്‍കുന്നവര്‍ക്കുള്ള കിലയുടെ  പരിശീലനം ആരംഭിച്ചു. പടന്നക്കാട് കാര്‍ഷിക കോളേജ്, മേലാങ്കോട്ട് എ.സി. കണ്ണന്‍ നായര്‍ സ്മാരക ഗവ.യു.പി.സ്‌കൂള്‍, മുളിയാര്‍ ഗ്രാമപഞ്ചായത്ത് ഹാള്‍ എന്നിവിടങ്ങളില്‍ നടക്കുന്ന പരിശീലനം ഡിസംബര്‍ നാലിന് സമാപിക്കും. പൊതുഭരണം, ആസൂത്രണ നടപടിക്രമങ്ങള്‍, ധനകാര്യ മാനേജ്‌മെന്റ് തുടങ്ങിയ വിഷയങ്ങളില്‍ നടക്കുന്ന ഓണ്‍ലൈന്‍ പരിശീലനത്തില്‍ 60 പേരാണ് പങ്കെടുക്കുന്നത്.

എയ്ഡസ് ദിനാചരണത്തിന്റെ ഭാഗമായി എയ്ഡ്‌സ് കണ്‍ട്രോള്‍ സൊസൈറ്റി, ജില്ലാ മെഡിക്കല്‍ ഓഫീസ്, ആരോഗ്യകേരളം, വിവിധ സന്നദ്ധസംഘടനകള്‍ എന്നിവയുടെ നേതൃത്വത്തില്‍ ജില്ലയിലെ കോളേജ് വിദ്യാര്‍ത്ഥികള്‍ക്കായി ഡിജിറ്റല്‍ പോസ്റ്റര്‍ നിര്‍മ്മാണ മത്സരം സംഘടിപ്പിക്കുന്നു.  'ഐക്യദാര്‍ഢ്യം പ്രഖ്യാപിക്കാം ഉത്തരവാദിത്തം പങ്കുവയ്ക്കാം'  എന്നതാണ് വിഷയം. മലയാളം, ഇംഗ്ലീഷ്, കന്നഡ ഭാഷകളില്‍ പോസ്റ്റര്‍ തയ്യാറാക്കാം. എഫോര്‍ സൈസില്‍ (1280*720 പിക്‌സല്‍) പോര്‍ട്രേറ്റായി നിര്‍മ്മിച്ച പോസ്റ്ററിന്റെ പി ഡി എഫ് ഫയലാണ് അയക്കേണ്ടത്.

 വോട്ടര്‍മാരെ ബോധവത്കരിക്കുന്നതിന് ഡമ്മി ബാലറ്റു യൂണിറ്റുകള്‍ ഉപയോഗിക്കുന്നതിന് സ്ഥാനാര്‍ഥികള്‍ക്ക് നിയന്ത്രണമേര്‍പ്പെടുത്തി സംസ്ഥാന തെരഞ്ഞെടുപ്പ് കമ്മീഷന്‍. യഥാര്‍ഥ ബാലറ്റു യൂണിറ്റുകളുടെ പകുതി വലുപ്പത്തിലുള്ളതും തടിയിലോ പ്ലൈവുഡിലോ നിര്‍മ്മിച്ചതുമായ ഡമ്മി ബാലറ്റു യൂണിറ്റുകള്‍ സ്ഥാനാര്‍ഥികള്‍ക്ക് ഉപയോഗിക്കാം. എന്നാല്‍ യഥാര്‍ഥ ബാലറ്റു യൂണിറ്റുകളുടെ നിറത്തിലുള്ള ഡമ്മി ബാലറ്റുകള്‍  ഉപയോഗിക്കാന്‍ അനുമതിയില്ല.

പൊതുയോഗം, ജാഥ എന്നിവ നടത്തുമ്പോള്‍ 

സമയപരിധി മറക്കരുത്

തദ്ദേശ സ്വയംഭരണ തെരഞ്ഞെടുപ്പുമായി ബന്ധപ്പെട്ട് ജില്ലാ കളക്ടര്‍ ഡോ ഡി സജിത് ബാബു കാസര്‍കോട്  ഗവ കോളേജിലെ സ്‌ട്രോംഗ് റൂം സന്ദര്‍ശിച്ച് ,സുരക്ഷാ ക്രമീകരണങ്ങള്‍ വിലയിരുത്തി. ഉദ്യോഗസ്ഥര്‍ക്ക്് കളക്ടര്‍ മാര്‍ഗ്ഗ നിര്‍ദേശങ്ങള്‍  നല്‍കി. തെരഞ്ഞെടുപ്പിന് ശേഷം, കാസര്‍കോട് ബ്ലോക്കിന് കീഴിലുള്ള പഞ്ചായത്തുകളുടെയും നഗരസഭയുടെയും ഇലക്‌ട്രോണിക് വോട്ടിംഗ് യന്ത്രങ്ങള്‍ അതീവ സുരക്ഷയോടെ ഇവിടെയാണ് സൂക്ഷിക്കുക. ഈ പഞ്ചായത്തുകളുടെയും നഗരസഭയുടെയും പോളിങ് സാമഗ്രികളുടെ വിതരണ, സ്വീകരണ കേന്ദ്രങ്ങളും കോളേജില്‍ തന്നെയാണ് സജ്ജീകരിക്കുക. ഇവയുടെ വോട്ടെണ്ണെല്‍ കേന്ദ്രവും  ഇവിടെ തന്നെയാണ്.

ജില്ലയില്‍  ഇതുവരെയായി രോഗം സ്ഥിരീകരിച്ചത് 22091പേര്‍ക്ക്,  രോഗം ഭേദമായത് 20764 പേര്‍ക്ക്

തദ്ദേശ തെരഞ്ഞെടുപ്പിന്റെ വോട്ടെണ്ണൽ ജില്ലയിൽ നടക്കുന്നത് 16 കേന്ദ്രങ്ങളിൽ. ത്രിതല പഞ്ചായത്തുകളിലെ വോട്ടെണ്ണൽ ബ്ലോക്ക്  പഞ്ചായത്ത് അടിസ്ഥാനത്തിലാണ് നടക്കുന്നത്. കോർപ്പറേഷൻ, മുനിസിപ്പാലിറ്റി എന്നിവിടങ്ങളിൽ ഓരോ വോട്ടെണ്ണൽ കേന്ദ്രങ്ങൾ വീതമാണുള്ളത്. ഇവിടങ്ങളിൽനിന്നുതന്നെയാണ് വോട്ടെടുപ്പിനായി ഇലക്ട്രോണിക് വോട്ടിങ് യന്ത്രങ്ങളും മറ്റു സാമഗ്രികളും വിതരണം ചെയ്യുന്നതും.

** സ്‌പെഷ്യൽ പോസ്റ്റൽ ബാലറ്റ് പേപ്പർ വിതരണത്തിനു തുടക്കമായി

കോവിഡ് രോഗികൾക്കും ക്വാറന്റൈനിൽ കഴിയുന്നവർക്കും സ്‌പെഷ്യൽ പോസ്റ്റൽ ബാലറ്റ് പേപ്പർ നൽകുന്നതിനായി തയ്യാറാക്കുന്ന സർട്ടിഫൈഡ് ലിസ്റ്റിൽ ജില്ലയിൽ ഇതുവരെ 13,795 പേർ. ഇവർക്ക് സ്‌പെഷ്യൽ പോസ്റ്റൽ ബാലറ്റ് നൽകുന്ന നടപടികൾക്കു തുടക്കമായി. 130 ടീമുകളായാണ് സ്‌പെഷ്യൽ പോളിങ് ഓഫിസർമാരുടെ നേതൃത്വത്തിൽ സ്‌പെഷ്യൽ പോസ്റ്റൽ ബാലറ്റ് പേപ്പറുകൾ നൽകുന്നത്.

തിരുവനന്തപുരത്ത് ഇന്ന് (02 ഡിസംബര്‍ 2020) 523 പേര്‍ക്കു കൂടി കോവിഡ് 19 സ്ഥിരീകരിച്ചു. 465 പേര്‍ രോഗമുക്തരായി. നിലവില്‍ 4,169 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്. ജില്ലയില്‍ നാലുപേരുടെ മരണം കോവിഡ് മൂലമാണെന്ന് സ്ഥിരീകരിച്ചു. കുടപ്പനക്കുന്ന് സ്വദേശിനി സുമതി (65), പാല്‍ക്കുളങ്ങര സ്വദേശി ഗണേശ പിള്ള (82), ശ്രീകാര്യം സ്വദേശി തുളസീധരന്‍ നായര്‍ (57), തിരുവനന്തപുരത്ത് ചികിത്സയിലായിരുന്ന ചെന്നൈ സ്വദേശിനി പ്രേമ (60) എന്നിവരുടെ മരണമാണു കോവിഡ് മൂലമാണെന്നു സ്ഥിരീകരിച്ചത്.