ഡിസംബർ ഒന്ന് ലോക എയ്ഡ്‌സ് ദിനാചരണത്തിന്റെ ഭാഗമായി ജില്ലയിൽ വിവിധ പരിപാടികൾ സംഘടിപ്പിച്ചു. ജില്ലാ കലക്ടർ എസ് ഷാനവാസിന് ജില്ലാ മെഡിക്കൽ ഓഫീസർക്കു വേണ്ടി ഡിസ്ട്രിക്ട് സർവയലൻസ് ഓഫീസർ ഡോ ടി കെ അനൂപ് റെഡ് റിബൺ അണിയിച്ചു.

ജില്ലാ മെഡിക്കൽ ഓഫീസ്, ജില്ലാ ടി ബി സെൽ, എയ്ഡ്‌സ് കണ്ട്രോൾ സൊസൈറ്റി എന്നിവയുടെ നേതൃത്വത്തിൽ വടക്കുംനാഥ ക്ഷേത്രം തെക്കേ ഗോപുര നടയിൽ ഐക്യദാർഢ്യ ദീപം തെളിയിച്ചു. ആരോഗ്യ കേരളം ജില്ലാ പ്രോഗ്രാം മാനേജർ ഡോ ടി വി സതീശൻ ആദ്യ ദീപം തെളിയിച്ചു.

തദ്ദേശ സ്വയംഭരണ സ്ഥാപനങ്ങളിലെ തിരഞ്ഞെടുപ്പുമായി ബന്ധപ്പെട്ട്  കലക്ടറേറ്റിൽ കൺട്രോൾ റൂം സജ്ജമാക്കും. വെബ് കാസ്റ്റിംഗ് സൗകര്യം ആവശ്യമുള്ള 54 പ്രശ്നബാധിത പോളിങ് ബൂത്തുകൾ ഉൾപ്പെടുത്തിയാണ് കൺട്രോൾ റൂം സജ്ജമാക്കുക. ജില്ലാ കലക്ടർ എസ് ഷാനവാസിന്റെ അധ്യക്ഷതയിൽ കലക്ടറുടെ ചേംബറിൽ നടന്ന വെബ് കാസ്റ്റിംഗ് ഉദ്യോഗസ്ഥരുടെ യോഗത്തിലാണ് ഇക്കാര്യം 

തീരുമാനിച്ചത്. കലക്ടറേറ്റിലെ രണ്ടാം നിലയിലെ 

മീഡിയ റൂമിലാണ് 

കൺട്രോൾ റൂം പ്രവർത്തിക്കുക.

പ്രശ്ന ബാധിത ബൂത്തുകളെ ഈ കൺട്രോൾ റൂമിൽ നിന്നും നിരീക്ഷിക്കും.

ജില്ലയിലെ മുഴുവൻ അക്ഷയ കേന്ദ്രങ്ങളെയും  ബിഎസ്എൻഎൽ

പത്തനംതിട്ട ജില്ലയിലെ വിവിധ  ബ്ലോക്കുകളില്‍ രാത്രികാല മൃഗചികിത്സ സേവനം നല്‍കുന്നതിനായി കേരള സ്റ്റേറ്റ് വെറ്റിനറി കൗണ്‍സിലില്‍  രജിസ്റ്റര്‍ ചെയ്തിട്ടുളള തൊഴില്‍രഹിതരായിട്ടുളള  വെറ്റിനറി സയന്‍സ് ബിരുദധാരികളില്‍ നിന്നും അപേക്ഷ ക്ഷണിച്ചു.  ഇവരുടെ അഭാവത്തില്‍ സര്‍വീസില്‍ നിന്നും വിരമിച്ച വെറ്റിനറി ഡോക്ടര്‍മാരെയും പരിഗണിക്കും. പത്തനംതിട്ട വെറ്റിനറി കോംപ്ലക്സിലുളള  ജില്ലാ മൃഗ സംരക്ഷണ ഓഫീസില്‍ ഈ മാസം നാലിന്  രാവിലെ 11 മുതല്‍ നടത്തുന്ന ഇന്റര്‍വ്യൂവില്‍ ഹാജരാകുന്ന ഉദ്യോഗാര്‍ഥികളില്‍ നിന്നും  തെരഞ്ഞെടുക്കുന്നവരെ 179 ദിവസത്തേക്ക് കരാര്‍ അടിസ്ഥാനത്തില്‍ നിബന്ധനകള്‍ക്ക് വിധേയമായി  നിയമിക്കും.

സംസ്ഥാന ദുരന്ത  നിവാരണ  അതോറിറ്റിയുടെ  നിര്‍ദേശ പ്രകാരം  കെ.എസ്.ഇ.ബി ലിമിറ്റഡ്, പത്തനംതിട്ട ഇലക്ട്രിക്കല്‍ സര്‍ക്കിളിന് കീഴില്‍ കണ്‍ട്രോള്‍ റൂം തുറന്നു. 9446009347 ആണ് നമ്പര്‍. വൈദ്യുതി സംബന്ധമായ അപകടങ്ങള്‍ അറിയിക്കുന്നതിന് 9496010101, 1912 എന്നീ നമ്പറുകളിലും വിളിക്കാം. 
പൊട്ടി വീഴുന്ന  വൈദ്യുതി ലൈനുകളില്‍ നിന്ന് സുരക്ഷിത അകലം പാലിക്കേണ്ടതും മിന്നല്‍ സമയങ്ങളില്‍ വൈദ്യുത ഉപകരണങ്ങളുമായി നേരിട്ട് സമ്പര്‍ക്കത്തില്‍ ഏര്‍പ്പെടാതിരിക്കുകയും ചെയ്യണമെന്ന് ഡെപ്യൂട്ടി ചീഫ് എന്‍ജിനീയര്‍ അറിയിച്ചു.

സംസ്ഥാന പബ്ലിക് സർവീസ് കമ്മീഷൻ നടത്തുന്ന ഡിപ്പാർട്മെന്റൽ പരീക്ഷയ്ക്ക് പട്ടിക ജാതി - പട്ടിക വർഗ്ഗ വിഭാഗങ്ങളിൽപെട്ട സർക്കാർ ഉദ്യോഗസ്ഥർക്ക് ഇൻസ്റ്റിറ്റ്യൂട്ട് ഓഫ് മാനേജ്മന്റ് ഇൻ ഗവണ്മെന്റ് (ഐ. എം. ജി) സൗജന്യ ഓൺലൈൻ പരിശീലനം നടത്തുന്നു. പരിശീലനം ജനുവരി ആദ്യവാരം ആരംഭിക്കും.

തിരുവനന്തപുരം കോളേജ് ഓഫ് എൻജിനിയറിങ്ങിൽ ബി.ടെക്ക് കോഴ്‌സിൽ ഡിസംബർ 4ന് സ്‌പോട്ട് അഡ്മിഷൻ നടത്തും.  വിദ്യാർഥികൾ അസ്സൽ സർട്ടിഫിക്കറ്റുകൾ സഹിതം രാവിലെ 9ന് കോളേജിൽ എത്തണം.  കൂടുതൽ വിവരങ്ങൾക്ക്:  www.cet.ac.in. 
പി.എൻ.എക്‌സ്. 4193/2020
 

ശുചീകരണ തൊഴിലാളികളെ രാജ്യവ്യാപകമായി തിരിച്ചറിയുന്ന തരത്തിൽ യൂണിഫോം ഏർപ്പെടുത്താൻ കേന്ദ്ര പാർപ്പിട നഗരകാര്യ മന്ത്രാലയം തയ്യാറെടുക്കുന്നു.  ഇതിനായി സംസ്ഥാനതല മത്സരത്തിലൂടെ മികച്ച ഡിസൈൻ തിരഞ്ഞെടുക്കുന്നതിന് ശുചിത്വ മിഷൻ യൂണിഫോം ഡിസൈൻ ക്ഷണിച്ചു.  ഡിസൈനിംഗ് വിദഗ്ധർ, ഇൻസ്റ്റിറ്റ്യൂട്ടുകൾ തുടങ്ങി എല്ലാവർക്കും യൂണിഫോം ഡിസൈൻ തയ്യാറാക്കി 5 ന് മുമ്പ്  iecsuchitwamission@gmail.com ൽ അയക്കാം.

പാലക്കാട് വ്യാവസായിക ട്രൈബ്യൂണലും ഇൻഷുറൻസ് കോടതി ജഡ്ജിയും എംപ്ലോയീസ് കോമ്പൻസേഷൻ കമ്മീഷണറുമായ സാബു സെബാസ്റ്റ്യൻ ഡിസംബർ ഏഴ്, എട്ട്, 14, 15, 21, 22, 28, 29 തിയതികളിൽ പാലക്കാട് റവന്യൂ ഡിവിഷണൽ മജിസ്‌ട്രേറ്റ് കോടതി ഹാളിൽ സിറ്റിംഗ് നടത്തും.  ഡിസംബർ 4ന് പെരിന്തൽമണ്ണ സബ് ഡിവിഷണൽ മജിസ്‌ട്രേറ്റ് കോടതി ഹാളിലും 18ന് മഞ്ചേരി ഇന്ദിരാഗാന്ധി ബസ് ടെർമിനൽ ബിൽഡിംഗിലെ ഒന്നാം നിലയിലെ കോടതി ഹാളിലും തൊഴിൽ തർക്ക കേസ്സുകളും ഇൻഷുറൻസ് കേസ്സുകളും എംപ്ലോയീസ് കോമ്പൻസേഷൻ കേസ്സുകളും വിചാരണ ചെയ്യും.      
പി.എൻ.എക്‌സ്. 4191/2020