കോവിഡ് പോസിറ്റീവായവര്‍ക്കും ക്വാറന്റൈനിലുള്ളവര്‍ക്കും വോട്ടു ചെയ്യാനുള്ള പ്രത്യേക പോസ്റ്റല്‍ ബാലറ്റ് പേപ്പറിനുള്ള അപേക്ഷ ഫോമുകള്‍ ജില്ലയില്‍ വിതരണത്തിന് തയ്യാറായി. കൊവിഡ് പശ്ചാത്തലത്തില്‍ പ്രത്യേകം തയ്യാറാക്കിയ ഫോറങ്ങളും കവറുകളും അച്ചടി പൂര്‍ത്തിയാക്കി കലക്ട്രേറ്റിലേറ്റിലെ മെറ്റീരിയല്‍ സെല്ലിലേക്ക് മാറ്റി. 

കോഴിക്കോട് ജില്ലയില്‍ ദേശീയപാത 66 ല്‍ പൂഴിത്തല മുതല്‍ കൈനാട്ടി വരെയുളള റോഡിന്റെ പുനരുദ്ധാരണ പ്രവൃത്തി നടക്കുന്നതിനാല്‍ ഇന്ന് (ഡിസംബര്‍ ഒന്ന്) മുതല്‍ പ്രവൃത്തി തീരുന്നതു വരെ ഇതുവഴിയുള്ള ഗതാഗതത്തിന്  നിയന്ത്രണം ഏർപ്പെടുത്തിയതായി  എക്സിക്യൂട്ടീവ് എഞ്ചിനീയര്‍ അറിയിച്ചു.

തദ്ദേശ സ്വയംഭരണ സ്ഥാപനങ്ങളിലേക്കുള്ള പൊതുതെരഞ്ഞെടുപ്പിന്റെ ഭാഗമായി പോളിംഗ് ഉദ്യോഗസ്ഥര്‍ക്ക് പോസ്റ്റല്‍ ബാലറ്റിനുള്ള അപേക്ഷ നല്‍കാമെന്ന് ജില്ലാ തെരഞ്ഞെടുപ്പ് ഓഫീസറായ ജില്ലാ കലക്ടര്‍ അറിയിച്ചു.. ജില്ലയിലെ ഏത് വരണാധികാരിക്കും അപേക്ഷ നല്‍കാം. ലഭിക്കുന്ന അപേക്ഷ വരണാധികാരി രജിസ്റ്ററില്‍ ചേര്‍ത്ത് ബന്ധപ്പെട്ട ബ്ലോക്ക് വരണാധികാരിക്ക് അയയ്ക്കും. ബ്ലോക്ക് വരണാധികാരിയുടെ നേതൃത്വത്തില്‍ പഞ്ചായത്ത്- ബ്ലോക്ക് വരണാധികാരികള്‍ ഒരുമിച്ചിരുന്ന് പോസ്റ്റല്‍ ബാലറ്റ് ബന്ധപ്പെട്ടവര്‍ക്ക് അയച്ചു കൊടുക്കും. ഒരു പാസ്റ്റല്‍ ബാലറ്റ് അപേക്ഷയ്ക്ക് തന്നെ ജില്ലാ- ബ്ലോക്ക്- ഗ്രാമ പഞ്ചായത്ത് ബാലറ്റുകള്‍ നല്‍കും.

പുതുതായി വന്ന 869 പേര്‍ ഉള്‍പ്പെടെ ജില്ലയില്‍ 23463 പേര്‍ നിരീക്ഷണത്തില്‍. ഇതുവരെ 1,71,263 പേര്‍ നിരീക്ഷണം പൂര്‍ത്തിയാക്കി.

തദ്ദേശ സ്വയംഭരണ സ്ഥാപനങ്ങളിലേക്കുള്ള പൊതു തെരഞ്ഞെടുപ്പിന് നിയോഗിക്കപ്പെട്ട ജില്ലയിലെ പോളിംഗ് ഉദ്യോഗസ്ഥര്‍ക്കുള്ള പരിശീലനം  ആരംഭിച്ചു. മാനന്തവാടി ബ്ലോക്ക്, നഗരസഭ പോളിംഗ് ഉദ്യോഗസ്ഥര്‍ക്ക്  മാനന്തവാടി സെന്റ് പാട്രിക് സ്‌കൂളിലായിരുന്നു ആദ്യ പരിശീലന ക്ലാസ്. മാനന്തവാടി ബ്ലോക്ക് റിട്ടേണിംഗ് ഓഫീസര്‍ ഡെപ്യൂട്ടി കലക്ടര്‍ സി.എം. വിജയലക്ഷ്മി, അസിസ്റ്റന്റ് റിട്ടേണിംഗ് ഓഫീസര്‍ പി.കെ.പുരുഷോത്തമന്‍ എന്നിവര്‍ പരിശീലനത്തിന് നേതൃത്വം നല്‍കി.

രോഗമുക്തി 913 

 
ജില്ലയില്‍ സര്‍ക്കാര്‍ ഉത്തരവിന്റെ അടിസ്ഥാനത്തില്‍ പ്രവര്‍ത്തിക്കുന്ന ബുദ്ധിപരമായ വെല്ലുവിളികള്‍ നേരിടുന്ന കുട്ടികളുള്ള സ്‌കൂളുകള്‍ക്കുള്ള 2020-21 സാമ്പത്തിക വര്‍ഷത്തില്‍ ഗ്രാന്റിനുള്ള പ്രൊപ്പോസല്‍ ഡിസംബര്‍ 5 നകം പൊതു വിദ്യാഭ്യാസ ഡയറക്ടര്‍ക്ക് സമര്‍പ്പിച്ച് പകര്‍പ്പ് വിദ്യാഭ്യാസ ഉപഡയറക്ടര്‍ക്ക് നല്‍കണം.

മീനങ്ങാടി മോഡല്‍ കോളജില്‍ ബി.എസ്.സി. ഇലക്‌ട്രോണിക്‌സ്, ബി.എസ്.സി. കമ്പ്യൂട്ടര്‍ സയന്‍സ് കോഴ്‌സുകള്‍ക്ക് ഏതാനും സീറ്റുകള്‍ ഒഴിവുണ്ട്. എസ്.സി, എസ്.ടി, ഒ.ബി.സി വിദ്യാര്‍ത്ഥികള്‍ക്ക് ഫീസ് ആനുകൂല്യവും ഗ്രാന്റും ലഭിക്കും. ഫോണ്‍: 9747680868.

താമരശ്ശേരിയിലെ കോളേജ് ഓഫ് അപ്ലൈഡ് സയന്‍സില്‍ ബിബിഎ, ബിസിഎ, ബിഎസ്‌സി കമ്പ്യൂട്ടര്‍ സയന്‍സ്, ബി.എ ഇംഗ്ലീഷ് കോഴ്സുകളില്‍ ഒഴിവുളള സീറ്റുകളിലേക്ക് ഡിസംബര്‍ മൂന്നിന് രാവിലെ 10 മണിക്ക് സ്പോട്ട് അഡ്മിഷന്‍ നടത്തുമെന്ന് പ്രിന്‍സിപ്പാള്‍ അറിയിച്ചു.  കൂടുതല്‍ വിവരങ്ങള്‍ക്ക് 0495 2223243.