തദ്ദേശ തെരഞ്ഞെടുപ്പിനായി ഇലക്ട്രോണിക് വോട്ടിങ് മെഷീനുകളിൽ സ്ഥാനാർഥികളുടെ പേരുകളും ചിഹ്നവും ക്രമീകരിക്കുന്ന കാൻഡിഡേറ്റ് സെറ്റിങ് ഡിസംബർ നാലിനു നടക്കും. വരണാധികാരികളുടെ ഓഫിസുകളിൽ സ്ഥാനാർഥികളുടേയും പ്രതിനിധികളുടേയും സാന്നിധ്യത്തിലാണു കാൻഡിഡേറ്റ് സെറ്റിങ് നടക്കുന്നത്. ഇതിനായി വോട്ടിങ് മെഷീനുകൾ നാളെയും മറ്റന്നാളുമായി (ഡിസംബർ 02, 03) അതത് റിട്ടേണിങ് ഓഫിസർമാർക്കു വിതരണം ചെയ്യും. 

കോവിഡ് രോഗികൾക്കും ക്വാറന്റൈനിൽ കഴിയുന്നവർക്കും സ്‌പെഷ്യൽ തപാൽ ബാലറ്റ് നൽകുന്നതിനു തയാറാക്കുന്ന സർട്ടിഫൈഡ് ലിസ്റ്റിൽ ആദ്യ ദിനം 8,197 പേർ. ഇവർക്ക് സ്‌പെഷ്യൽ പോളിങ് ഓഫിസർമാർ ബാലറ്റ് പേപ്പർ നൽകും.

നവംബർ 29ന് ഡെസിഗ്നേറ്റഡ് ഹെൽത്ത് ഓഫിസർ തയാറാക്കി ജില്ലാ തെരഞ്ഞെടുപ്പ് ഓഫിസർകൂടിയായ കളക്ടർക്കു കൈമാറിയ പട്ടികയിലാണ് 8197 സമ്മതിദായകരുള്ളത്. ഇതിൽ 2906 പേർ കോവിഡ് പോസിറ്റിവും 5291 പേർ ക്വാറന്റൈനിൽ കഴിയുന്നവരുമാണ്.

കെല്‍ട്രോണില്‍ റീട്ടെയില്‍ ആന്റ് ലോജിസ്റ്റിക്‌സ് മാനേജ്‌മെന്റ്, ലോജിസ്റ്റിക്‌സ് ആന്റ് സപ്ലൈചെയിന്‍ മാനേജ്‌മെന്റ്, ഗ്രാഫിക്‌സ് ആന്റ് ഡിജിറ്റല്‍ ഫിലിം മേക്കിംഗ് ടെക്‌നിക്‌സ് എന്നീ പ്രൊഫഷണല്‍ ഡിപ്ലോമ കോഴ്‌സുകളിലേക്ക് അപേക്ഷ ക്ഷണിച്ചു. ഫോണ്‍-  0491 2504599, 9847412359.

ഡിസംബര്‍ മൂന്നിന് ജില്ലയില്‍ റെഡ് അലേര്‍ട്ട് പ്രഖ്യാപിച്ച സാഹചര്യത്തില്‍ ജില്ലയിലെ സാഹചര്യം വിലയിരുത്തുന്നതിനായി കളക്ടര്‍ ഡോ. നവജ്യോത് ഖോസയുടെ നേതൃത്വത്തില്‍ ഇന്ന്(ഡിസംബര്‍ 1) രാവിലെ 11.30ന് കളക്ടറേറ്റില്‍ ദുരന്തനിവാരണ അതോറിറ്റി യോഗം ചേരും.  ഡെപ്യൂട്ടി കളക്ടര്‍മാര്‍, തഹസില്‍ദാര്‍മാര്‍, മറ്റ് വകുപ്പുകളിലെ ജില്ലാതല ഉദ്യോഗസ്ഥര്‍, കര-വ്യോമസേന-കോസ്റ്റ് ഗാര്‍ഡ് കമാന്‍ഡര്‍മാര്‍, വിഴിഞ്ഞം തീരദേശ പോലീസ് സ്റ്റേഷന്‍ എസ്.എച്ച്.ഒ, ഫിഷറീസ് ഡെപ്യൂട്ടി ഡയറക്ടര്‍, ദുരന്തനിവാരണ അതോറിറ്റി അംഗങ്ങള്‍ എന്നിവര്‍ പങ്കെടുക്കും.

തിരുവനന്തപുരത്ത് ഇന്ന് (30 നവംബര്‍ 2020) 234 പേര്‍ക്കു കൂടി കോവിഡ് 19 സ്ഥിരീകരിച്ചു. 334 പേര്‍ രോഗമുക്തരായി. നിലവില്‍ 4,180 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്. ജില്ലയില്‍ നാലുപേരുടെ മരണം കോവിഡ് മൂലമാണെന്നു സ്ഥിരീകരിച്ചു. പാപ്പനംകോട് സ്വദേശിനി ജഗദമ്മ (75), തമ്പാനൂര്‍ സ്വദേശി ജയരാജ് (52), വര്‍ക്കല സ്വദേശി അലി അക്ബര്‍ (86), കല്ലറ സ്വദേശി വിജയന്‍ (60) എന്നിവരുടെ മരണമാണു കോവിഡ് മൂലമാണെന്നു സ്ഥിരീകരിച്ചത്.

മലമ്പുഴ ഗവ.വൊക്കേഷണല്‍ ഹയര്‍സെക്കന്ററി സ്‌കൂളില്‍ എന്‍.എസ്.എസ് യൂണിറ്റ് ഉദ്ഘാടനം കുറ്റിപ്പുറം മേഖല വി.എച്ച്.എസ്.ഇ അസിസ്റ്റന്റ് ഡയറക്ടര്‍ ഉബൈദുള്ള ഓണ്‍ലൈനായി നിര്‍വഹിച്ചു.  പരിപാടിയില്‍ എ ഹാര്‍ട്് ടു ഹെല്‍പ് പദ്ധതിയും ഉദ്ഘാടനം ചെയ്തു.
പി.ടി.എ പ്രസിഡന്റ് എം.ആര്‍ ശിവപ്രസാദ് അധ്യക്ഷനായ യോഗത്തില്‍  വി.എച്ച്.എസ്.ഇ പ്രിന്‍സിപ്പാള്‍ എം.എം അനിത, ഹയര്‍സെക്കസെക്കന്ററി പ്രിന്‍സിപ്പാള്‍ ടി.എന്‍ മുരളി, ഹെഡ്മിസ്ട്രസ് സി.ദേവിക, അധ്യാപകര്‍, പി.ടി.എ ഭാരവാഹികള്‍ എന്നിവര്‍ പങ്കെടുത്തു.

തദ്ദേശ സ്വയംഭരണ സ്ഥാപനങ്ങളിലേക്കുള്ള പൊതു തെരഞ്ഞെടുപ്പിന്റെ ഭാഗമായി ജില്ലാ പഞ്ചായത്ത് ഡിവിഷനുകളിലേക്കുള്ള ബാലറ്റ് പേപ്പറുകള്‍ എത്തി. ഇ.വി.എം, ടെണ്ടേര്‍ഡ്, പോസ്റ്റല്‍ ബാലറ്റ് പേപ്പറുകളാണ് എത്തിയിരിക്കുന്നത്. ഷൊര്‍ണൂര്‍ സര്‍ക്കാര്‍ പ്രസ്സില്‍ നിന്നും ജില്ലാ വരണാധികാരിയായ ജില്ലാ കലക്ടര്‍ കെ.ഗോപാലകൃഷ്ണന്‍ ചുമതലപ്പെടുത്തിയ ഹുസൂര്‍ ശിരസ്ദാര്‍ ആണ്  ബാലറ്റുകള്‍ ഏറ്റുവാങ്ങിയത്. ജില്ലാ പഞ്ചായത്തിലെ 32 ഡിവിഷനുകളിലേക്കായി 50 പെട്ടികളിലായാണ് ബാലറ്റുകള്‍ എത്തിച്ചിരിക്കുന്നത്.

നേരിട്ടുള്ള സമ്പര്‍ക്കത്തിലൂടെ 578 പേര്‍ക്ക് വൈറസ്ബാധ
25 പേര്‍ക്ക് ഉറവിടമറിയാതെ രോഗബാധ
ആരോഗ്യ മേഖലയില്‍ രണ്ട് പേര്‍ക്ക് വൈറസ്ബാധ
രോഗബാധിതരായി ചികിത്സയില്‍ 7,786 പേര്‍
ആകെ നിരീക്ഷണത്തിലുള്ളത് 85,239 പേര്‍

കോട്ടക്കല്‍- ഗവ-വനിതാ പോളിടെക്‌നിക് കോളജില്‍ ഒന്നാം വര്‍ഷ ഡിപ്ലോമ കോഴ്‌സില്‍ നിലവിലുള്ള ഒഴിവുകളിലേക്ക് (വിവിധ ബ്രാഞ്ചുകളിലായി 93) ഡിസംബര്‍ അഞ്ചിന്   സ്‌പോട്ട് അഡ്മിഷന്‍ നടത്തും. താത്പര്യമുള്ളവര്‍ (റാങ്ക് ലിസ്റ്റില്‍ പേരുള്ള വനിതകള്‍) ഡിസംബര്‍ ഒന്ന്, രണ്ട് തീയതികളില്‍ www.polyadmission.orgല്‍ കോട്ടക്കല്‍ ഗവ.വുമണ്‍സ്  പോളി ടെക്‌നിക് കോളജ് ഓപ്റ്റ് ചെയ്യണം. രണ്ടാം സ്‌പോട്ടിന് രജിസ്റ്റര്‍ ചെയ്യാത്തവരെ പരിഗണിക്കില്ല. കൂടുതല്‍ വിവരങ്ങള്‍ക്ക് www.gwptck.ac.in.

തൊഴിലധിഷ്ഠിത/പ്രവര്‍ത്തിപര/സാങ്കേതിക കോഴ്‌സുകളില്‍ പഠിക്കുന്ന വിമുക്തഭടന്മാരുടെ ആശ്രിതരില്‍ നിന്ന് സ്‌കോളര്‍ഷിപ്പിനുള്ള അപേക്ഷ ക്ഷണിച്ചു. അപേക്ഷ സ്വീകരിക്കുന്ന അവസാന തീയതി ഡിസംബര്‍ 13. അപേക്ഷാ ഫോമിനും മറ്റ് വിവരങ്ങള്‍ക്കും ജില്ലാ സൈനീക ക്ഷേമ ഓഫീസുമായി ബന്ധപ്പെടണം. ഫോണ്‍: 0483 2734932.