കോവിഡ് 19 ബാധിതരായി  ജില്ലയില്‍ നിലവില്‍ 4775 പേരാണ് ചികിത്സയിലുള്ളത്.  ഇന്ന് (നവംബർ 26) ജില്ലയില്‍ 376 പേര്‍ക്കാണ് രോഗം സ്ഥിരീകരിച്ചത്. ഇന്ന് 170 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 90137 സാമ്പിളുകള്‍ പരിശോധനയ്ക്കായി അയച്ചതില്‍ 88801 പരിശോധനാ ഫലങ്ങളാണ് ലഭ്യമായത്. ഇന്ന് 318 പരിശോധനാ ഫലങ്ങളാണ് ലഭിച്ചത്. പുതുതായി 345 സാമ്പിളുകൾ അയച്ചു. 36915 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 31686 പേർ രോഗമുക്തി നേടി. 

പാലക്കാട് ജില്ലയിൽ ഇന്ന്(നവംബർ 26) 376 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. ഇതിൽ സമ്പർക്കത്തിലൂടെ രോഗബാധ ഉണ്ടായ 229 പേർ, ഉറവിടം അറിയാതെ രോഗം ബാധിച്ച 140 പേർ, ഇതര സംസ്ഥാനത്തുനിന്നും വിദേശത്തുനിന്നുമായി വന്ന 6 പേർ, ഒരു ആരോഗ്യ പ്രവർത്തകൻ എന്നിവർ ഉൾപ്പെടും. 461 പേർക്ക് രോഗമുക്തി ഉള്ളതായും അധികൃതർ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങൾ

പാലക്കാട് സ്വദേശികൾ- 39 പേർ 

കരിമ്പുഴ സ്വദേശികൾ - 32 പേർ 

ഓങ്ങല്ലൂർ സ്വദേശികൾ- 25 പേർ

കാരക്കുറിശ്ശി സ്വദേശികൾ- 23 പേർ

അമ്പലപ്പാറ, വല്ലപ്പുഴ സ്വദേശികൾ- 17 പേർ വീതം

 തദ്ദേശ തിരഞ്ഞെടുപ്പുമായി ബന്ധപ്പെട്ട്  പോളിംഗ് ഉദ്യോഗസ്ഥരെ നിയമിച്ച് കൊണ്ടുള്ള ഉത്തരവ് ബന്ധപ്പെട്ട പഞ്ചായത്ത്/  മുനിസിപ്പൽ അധികൃതരിൽ നിന്നും കൈപ്പറ്റുന്നതിന് ജില്ലയിലെ മുഴുവൻ സർക്കാർ/അർദ്ധ സർക്കാർ/ പൊതുമേഖലാ സ്ഥാപനങ്ങൾ അവധി ദിനങ്ങളായ നവംബർ 28, 29 തിയതികളിൽ  തുറന്ന് പ്രവർത്തിക്കുന്നതിന്   ബന്ധപ്പെട്ട സ്ഥാപന മേധാവികൾ നടപടി സ്വീകരിക്കണമെന്ന് ഇ- ഡ്രോപ് മാനേജ്മെന്റ്, നോഡൽ ഓഫീസർ അറിയിച്ചു
 

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ജില്ലയിൽ ഇന്ന് (നവംബർ 25) വൈകിട്ട് 6.30 വരെ പോലീസ് നടത്തിയ പരിശോധനയിൽ ഒരു    കേസ് രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു.  ഒരാളെ  അറസ്റ്റ് ചെയ്തു. 
 
 മാസ്ക് ധരിക്കാത്ത 48 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 48 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 
 

കോവിഡ് 19 ബാധിതരായി  ജില്ലയില്‍ നിലവില്‍ 4874 പേരാണ് ചികിത്സയിലുള്ളത്.  ഇന്ന് (നവംബർ 25) ജില്ലയില്‍ 463 പേര്‍ക്കാണ് രോഗം സ്ഥിരീകരിച്ചത്. ഇന്ന് 151 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 89792 സാമ്പിളുകള്‍ പരിശോധനയ്ക്കായി അയച്ചതില്‍ 88483 പരിശോധനാ ഫലങ്ങളാണ് ലഭ്യമായത്. ഇന്ന് 393 പരിശോധനാ ഫലങ്ങളാണ് ലഭിച്ചത്. പുതുതായി 310 സാമ്പിളുകൾ അയച്ചു. 36539 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 31225 പേർ രോഗമുക്തി നേടി. ഇനി 147 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്.

തദ്ദേശ തിരഞ്ഞെടുപ്പുമായി ബന്ധപ്പെട്ട് പെരുമാറ്റച്ചട്ടം നിലനിൽക്കുന്നതിനാൽ നവംബർ മാസത്തെ  ജില്ലാ വികസന സമിതി യോഗം ഉണ്ടായിരിക്കില്ലെന്ന് ജില്ലാ കളക്ടർ ഡി. ബാലമുരളി അറിയിച്ചു.
 

വാണിയംകുളം ഗവ.ഐ.ടി.ഐ യില്‍ ഫാഷന്‍ ഡിസൈന്‍ ആന്റ് ടെക്‌നോളജി ട്രേഡില്‍ പട്ടികവര്‍ഗ്ഗ വിഭാഗത്തില്‍ രണ്ട് സീറ്റുകള്‍ ഒഴിവുണ്ട്. താത്പര്യമുള്ളവര്‍ നവംബര്‍ 27 ന് ഐ.ടി.ഐ യില്‍ ഹാജരാകണമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 9995537130
 

പാലക്കാട് വ്യാവസായിക ട്രൈബ്യൂണലും ഇന്‍ഷുറന്‍സ് കോടതി ജഡ്ജിയും എംപ്ലോയീസ് കോമ്പന്‍സേഷന്‍ കമ്മീഷണറുമായ സാബു സെബാസ്റ്റ്യന്‍ ഡിസംബര്‍  1, 7, 8, 14, 15, 21, 22, 28, 29 തിയ്യതികളില്‍ പാലക്കാട് റവന്യു ഡിവിഷണല്‍ മജിസ്ട്രേറ്റ് കോടതി ഹാളില്‍ (ആര്‍.ഡി.ഒ കോര്‍ട്ട്) സിറ്റിംഗ് നടത്തും. തൊഴില്‍ തര്‍ക്ക, ഇന്‍ഷുറന്‍സ്, എംപ്ലോയീസ് കോമ്പന്‍സേഷന്‍ കേസ്സുകള്‍ വിചാരണ ചെയ്യുമെന്ന് വ്യാവസായിക ട്രൈബ്യൂണല്‍ സെക്രട്ടറി അറിയിച്ചു.
 

വിമുക്തഭടന്മാരുടെ തൊഴിലധിഷ്ഠിത / പ്രവൃത്തിപര  / സാങ്കേതിക കോഴ്സുകളില്‍ പഠിക്കുന്ന മക്കള്‍ക്ക് 2020 - 21 വര്‍ഷത്തെ സ്‌കോളര്‍ഷിപ്പിന് അപേക്ഷിക്കാം. മറ്റ് സ്‌കോളര്‍ഷിപ്പ് ലഭിക്കുന്നവരും ഇതേ കോഴ്സ് ഫീസിളവ് ലഭിക്കുന്നവരും സ്‌കോളര്‍ഷിപ്പിന് അര്‍ഹരല്ല. അപേക്ഷകര്‍ക്ക് കഴിഞ്ഞ അദ്ധ്യയന വര്‍ഷത്തെ വാര്‍ഷിക പരീക്ഷയില്‍ 50 ശതമാനമെങ്കിലും മാര്‍ക്ക് ലഭിച്ചിരിക്കണം. വാര്‍ഷിക വരുമാന പരിധി ഇല്ല. അപേക്ഷകള്‍ ഡിസംബര്‍ 15 നകം ജില്ലാ സൈനിക ക്ഷേമ ഓഫീസില്‍ നേരിട്ട്  സമര്‍പ്പിക്കണം. വിശദ വിവരങ്ങള്‍ക്ക് ജില്ലാ സൈനികക്ഷേമ ഓഫീസുമായി ബന്ധപ്പെടാം. ഫോണ്‍: 0491 2971633.