കോവിഡാണോ, ബി പോസിറ്റീവ് എന്ന് പറയാനാണ് കോട്ടക്കല്‍ സ്വദേശി സുമേഷിന് ഇഷ്ടം. ജീവിതത്തില്‍ ഒരിക്കലെങ്കിലും രക്തദാനം നടത്താന്‍ അവസരം കിട്ടാത്ത സുമേഷിന് കോവിഡ് മുക്തിക്ക് ശേഷമാണ് തന്റെ രക്തത്തിനും ഇത്രയേറെ വിലയുണ്ടെന്നത് തിരിച്ചറിയാനായത്. കോവിഡ് ബാധിച്ച് കഷ്ടതയനുഭവിക്കുന്നവരെ തിരികെ ജീവിതത്തിലേക്കെത്തുന്നതില്‍ പ്ലാസ്മ ദാനത്തിലൂടെ പങ്കാളികളായതിന്റെ ആത്മ നിര്‍വൃതിയിലാണിന്ന് സുമേഷും ഭാര്യ കാര്‍ത്തികയും.

സായുധ സേനാ പതാക നിധിയുടെയും ജില്ലാ സൈനിക ബോര്‍ഡിന്റെയും സംയുക്ത യോഗം ചേര്‍ന്നു. അഡീഷണല്‍ ജില്ലാ മജിസ്ട്രേറ്റിന്റെ അധ്യക്ഷതയില്‍ ചേര്‍ന്ന യോഗത്തില്‍ 2020-21 സാമ്പത്തിക വര്‍ഷത്തില്‍ സായുധ സേനാ പതാക നിധിയിലേക്ക് 20 ലക്ഷം രൂപ  സമാഹരിക്കുവാനാണ് ലക്ഷ്യമിടുന്നത്. യുദ്ധത്തില്‍ മരണമടഞ്ഞ ജവാന്മാരുടെ ആശ്രിതര്‍ക്കും അംഗവൈകല്യം സംഭവിച്ച ജവാന്മാര്‍ക്കും വിമുക്ത ഭടന്മാരുടെ ആശ്രിതര്‍ക്കുള്ള ക്ഷേമ പുനരധിവാസ പദ്ധതികള്‍ക്കുമായാണ് ഈ തുക വിനിയോഗിക്കുന്നത്.

ഹരിതകേരള മിഷന്‍ നവംബര്‍ 30 രാവിലെ 11ന് നടത്താനിരുന്ന ജില്ലാ എംപ്ലോയ്മെന്റ് എക്സ്ചേഞ്ച് വഴിയുള്ള താത്ക്കാലിക ക്ലര്‍ക്ക് കം ടൈപ്പിസ്റ്റ് തസ്തികയിലേക്കുള്ള അഭിമുഖം മാറ്റി. പുതിക്കിയ തീയതി പിന്നീട് അറിയിക്കുമെന്ന് ഹരിത കേരള മിഷന്‍ ജില്ലാ കോര്‍ഡിനേറ്റര്‍ അറിയിച്ചു.            

തിരൂരങ്ങാടി എ.കെ.എന്‍.എം ഗവ. പോളിടെക്‌നിക് കോളജില്‍ 2010 മുതല്‍ 2014 വരെ പ്രവേശനം നേടിയ വിദ്യാര്‍ഥികളില്‍ ക്വാഷന്‍ ഡെപ്പോസിറ്റ്  കൈപ്പറ്റാത്തവര്‍  ഡിസംബര്‍ അഞ്ചിനക തുക കൈപ്പറ്റണം. അല്ലാത്തപക്ഷം  അവ സര്‍ക്കാരിലേക്ക് അടയ്ക്കും.
 

തിരൂര്‍ ആലത്തിയൂരില്‍ ന്യൂനപക്ഷ യുവജനതക്കായുള്ള   പി.എസ്.സി പരിശീലന കേന്ദ്രത്തില്‍ 2021 ജനുവരി ഒന്നിന് ആരംഭിക്കുന്ന സൗജന്യ പരിശീലന ബാച്ചുകളിലേക്ക് ഡിസംബര്‍ ഒന്ന്  മുതല്‍ അപേക്ഷ ക്ഷണിച്ചു. റഗുലര്‍, ഹോളിഡേ ബാച്ചുകള്‍ ലഭിക്കും. ന്യൂനപക്ഷ വിഭാഗത്തിന് 80 ശതമാനവും മറ്റു ഒ.ബി.സി വിഭാഗത്തിന് 20 ശതമാനവും സീറ്റുകള്‍  ലഭിക്കും. എസ്എസ്എല്‍.സി ബുക്ക്, യോഗ്യത തെളിയിക്കുന്ന സര്‍ട്ടിഫിക്കറ്റുകള്‍, ആധാര്‍ കാര്‍ഡ് എന്നിവയുടെ പകര്‍പ്പും രണ്ടു കോപ്പി ഫോട്ടോയും സഹിതം പ്രിന്‍സിപ്പല്‍, കോച്ചിങ് സെന്റര്‍ ഫോര്‍ മൈനോറിറ്റി യൂത്ത്, കെ ബി ആര്‍ കോംപ്ലക്‌സ്, ആലത്തിയൂര്‍, 676102 എന്ന വിലാസത്തില്‍ നേരിട്ട് അപേക്ഷിക്കണം.

കോവിഡ് രോഗികള്‍ക്ക് പ്രതീക്ഷയേകി കോട്ടക്കല്‍ കുടുംബാരോഗ്യ കേന്ദ്രത്തിലെ പ്ലാസ്മ ദാനക്യാമ്പ്. കോട്ടക്കല്‍ നഗരസഭയില്‍ കോവിഡ് രോഗ വിമുക്തരായ 1125 ലധികം ആളുകളില്‍ നിന്നും തെരഞ്ഞെടുക്കപ്പെട്ടവരില്‍ നിന്നാണ് പ്ലാസ്മ സ്വീകരിക്കുന്നത്. മഞ്ചേരി മെഡിക്കല്‍ കോളജ് ആശുപത്രിയുടെയും ജില്ലാ ബ്ലഡ് ബാങ്കിന്റെയും സഹകരണത്തോടെ നടത്തിയ ആദ്യ ക്യാമ്പില്‍ 52 പേരുടെ പ്ലാസ്മയാണ് ശേഖരിച്ചത്.

പോളിങ് ഡ്യൂട്ടിക്കായി തെരഞ്ഞെടുത്തിട്ടുള്ള പ്രിസൈഡിങ് ഓഫീസര്‍, ഫസ്റ്റ് പോളിങ്  ഓഫീസര്‍ എന്നിവര്‍ക്കുള്ള പരിശീലന ക്ലാസുകള്‍ നവംബര്‍ 30 മുതല്‍ ഡിസംബര്‍ അഞ്ച് വരെ ജില്ലയിലെ വിവിധ കേന്ദ്രങ്ങളില്‍ നടക്കും. പോളിങ് ഉദ്യോഗസ്ഥര്‍ക്കുള്ള നിയമന ഉത്തരവില്‍ അവരവര്‍ക്കുള്ള പരിശീലന ക്ലാസിന്റെ സ്ഥലം, തീയതി, സമയം എന്നിവ രേഖപ്പെടുത്തിയിട്ടുണ്ട്. നിയമന ഉത്തരവ് ലഭിച്ചിട്ടുള്ള എല്ലാ ഉദ്യോഗസ്ഥരും തെരഞ്ഞെടുപ്പ് പരിശീലന ക്ലാസുകളില്‍ നിര്‍ബന്ധമായും പങ്കെടുക്കണം. പങ്കെടുക്കാത്ത ഉദ്യോഗസ്ഥര്‍ക്കെതിരെ തെരഞ്ഞെടുപ്പ് ചട്ട പ്രകാരമുള്ള നടപടികള്‍ സ്വീകരിക്കും.

പോളിങ് ബൂത്തുകളില്‍ ഡ്യൂട്ടി നിര്‍ഹിക്കേണ്ട ഉദ്യോഗസ്ഥരുടെ നിയമന നടപടികള്‍ ഇ-ഡ്രോപ്പ് സോഫ്റ്റ് വെയര്‍ ഉപയോഗിച്ച് ജില്ലാ തലത്തില്‍ പൂര്‍ത്തീകരിച്ചതായി ഇഡ്രോപ്പ് നോഡല്‍ ഓഫീസറായ എ.ഡി.എം എന്‍.എം മെഹറലി അറിയിച്ചു. പോളിങ് ഡ്യൂട്ടിക്കായി തെരഞ്ഞെടുത്തിട്ടുള്ള ഉദ്യോഗസ്ഥരുടെ നിയമന ഉത്തരവുകള്‍ ഇ-ഡ്രോപ്പ് സോഫ്റ്റ് വെയറില്‍ പ്രസിദ്ധീകരിച്ചിട്ടുണ്ട്. ജില്ലയിലെ എല്ലാ തദ്ദേശസ്വയംഭരണ സ്ഥാപന സെക്രട്ടറിമാരും  സോഫ്റ്റ് വെയറില്‍ പ്രസിദ്ധീകരിച്ചിട്ടുള്ള നിയമന ഉത്തരവിന്റെ പ്രിന്റ് എടുത്ത് ബന്ധപ്പെട്ട സ്ഥാപന മേധാവികള്‍ക്ക്  നവംബര്‍ 28നകം വിതരണം ചെയ്യണം.

നേരിട്ടുള്ള സമ്പര്‍ക്കത്തിലൂടെ 574 പേര്‍ക്ക് വൈറസ്ബാധ
27 പേര്‍ക്ക് ഉറവിടമറിയാതെ രോഗബാധ
ആരോഗ്യ മേഖലയില്‍ പ്രവര്‍ത്തിക്കുന്ന രണ്ട് പേര്‍ക്കും വൈറസ്ബാധ
രോഗബാധിതരായി ചികിത്സയില്‍ 7,813 പേര്‍
ആകെ നിരീക്ഷണത്തിലുള്ളത് 85,192 പേര്‍