കൊച്ചിൻ ദേവസ്വം ബോർഡിലെ എൽ.ഡി ടൈപ്പിസ്റ്റ് തസ്തികയിലേക്ക് നേരിട്ടുള്ള നിയമനത്തിനും (കാറ്റഗറി നമ്പർ 05/2019) തസ്തികമാറ്റം വഴിയുള്ള നിയമനത്തിനും (കാറ്റഗറി നമ്പർ 06/2019) അപേക്ഷ സമർപ്പിച്ച ഉദ്യോഗാർത്ഥികൾക്കുള്ള ഒ.എം.ആർ പരീക്ഷ ഡിസംബർ 20ന് ഉച്ചയ്ക്ക് 1.30 മുതൽ 3.15 വരെ തൃശൂർ ജില്ലയിലെ വിവിധ കേന്ദ്രങ്ങളിൽ നടത്തും.  അഡ്മിഷൻ ടിക്കറ്റ് ഡിസംബർ 04 മുതൽ അവരുടെ പ്രൊഫൈലിൽ നിന്ന് ഡൗൺലോഡ് ചെയ്യണം.  പരീക്ഷയ്ക്ക് ഹാജരാകുന്നവർ സംസ്ഥാനത്ത് നിലവിലുള്ള കോവിഡ് മാനദണ്ഡങ്ങൾ പൂർണ്ണമായും പാലിക്കണം.  ഹാൻഡ് ഗ്ലൗസ്, ഫേസ് മാസ്‌ക് എന്നിവ നിർബന്ധമായും ഉപയോഗിക്കണം.
പി.എൻ.എക്‌സ്. 4198/2020

കേരളത്തിൽ അതിശക്തമായ മഴയ്ക്ക് സാധ്യതയുള്ളതിനാൽ വിവിധ ജില്ലകളിൽ റെഡ്, ഓറഞ്ച്, യെല്ലോ അലർട്ടുകൾ പ്രഖ്യാപിച്ചു. ബംഗാൾ ഉൾക്കടലിൽ രൂപം കൊണ്ട അതിതീവ്രന്യൂനമർദം ചുഴലിക്കാറ്റായി മാറാൻ സാധ്യതയുണ്ട്. സിസ്റ്റത്തിന്റെ സ്വാധീനം മൂലം കേരളത്തിൽ അതിതീവ്ര മഴക്കുള്ള സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

* ചികിത്സയിലുള്ളവർ 61,092; മൂന്നു പുതിയ ഹോട്ട് സ്‌പോട്ടുകൾ
കേരളത്തിൽ ചൊവ്വാഴ്ച 5375 പേർക്ക് കോവിഡ്-19 സ്ഥിരീകരിച്ചു. മലപ്പുറം 886, തൃശൂർ 630, കോട്ടയം 585, കോഴിക്കോട് 516, എറണാകുളം 504, തിരുവനന്തപുരം 404, കൊല്ലം 349, പാലക്കാട് 323, പത്തനംതിട്ട 283, ആലപ്പുഴ 279, കണ്ണൂർ 222, ഇടുക്കി 161, വയനാട് 150, കാസർഗോഡ് 83 എന്നിങ്ങനേയാണ് ജില്ലകളിൽ രോഗബാധ സ്ഥിരീകരിച്ചത്.

എറണാകുളം : കോവിഡ് പോസിറ്റീവ് ആയവർക്കും നിരീക്ഷണത്തിൽ കഴിയുന്നവർക്കും സ്പെഷ്യൽ ബാലറ്റ് പേപ്പർ വഴി വോട്ട് ചെയ്യുന്നതിനായി ഇലക്ഷൻ കമ്മീഷൻ ജില്ലയിൽ നിയമിച്ച സ്പെഷ്യൽ പോളിങ് ഓഫീസര്മാരും പോളിങ് അസിസ്റ്റന്റ്മാരും ബുധനാഴ്ച രാവിലെ 10 മണിക്ക് തന്നെ അതാത് ബ്ലോക്ക്‌ റിട്ടേണിങ് ഓഫീസർ / മുൻസിപ്പൽ സെക്രട്ടറി /കോർപറേഷൻ സെക്രട്ടറി മുൻപാകെ ഡ്യൂട്ടിക്ക് ഹാജരാവണമെന്ന് ജില്ലാ ഇലക്ഷൻ ഓഫീസർ കൂടിയായ ജില്ലാ  കളക്ടർ അറിയിച്ചു. ഇതിൽ വീഴ്ച വരുത്തുന്ന ഉദ്യോഗസ്ഥർക്കെതിരെ ജന പ്രാതിനിധ്യ നിയമ പ്രകാരം കർശന നടപടി സ്വീകരിക്കുമെന്നും കളക്ടർ അറിയിച്ചു.

കൊച്ചി: എറണാകുളം ജനറല്‍ ആശുപത്രിയിലെ എച്ച്.ഐ.സി ആന്റ് ഹൗസ് കീപ്പിങ്ങ് വിഭാഗത്തില്‍ കോവിഡ് 19 വേസ്റ്റും ബയോമെഡിക്കല്‍ വേസ്റ്റും ഇടുന്ന മഞ്ഞ ബാഗ്, ചുവന്ന ബാഗ് എന്നിവ സുരക്ഷിതമായി വെക്കുന്ന ആവശ്യത്തിലേക്കായി  15 മഞ്ഞ ബക്കറ്റ് പെഡല്‍ ഓപ്പറേറ്റിംഗ് ടൈപ്പ്, 40 എണ്ണം ലിഡ് ഓടുകൂടിയ മഞ്ഞ ബക്കറ്റ്, രണ്ട് എണ്ണം ലിഡ് ഓടുകൂടിയ നീല ബക്കറ്റ് എന്നിവ വിതരണം ചെയ്യുന്നതിന് അംഗീകൃത സ്ഥാപനങ്ങളില്‍ നിന്നും മുദ്രവച്ച കവറുകളില്‍ ക്വട്ടേഷനുകള്‍ ക്ഷണിച്ചു. ക്വട്ടേഷനുകള്‍ ഡിസംബര്‍ 15-ന് രാവിലെ 11 വരെ സ്വീകരിക്കും. കൂടുതല്‍ വിവരങ്ങള്‍ ഓഫീസില്‍ നിന്ന് പ്രവൃത്തി സമയങ്ങളില്‍ അറിയാം.

എറണാകുളം: ഡയാലിസിസ് വേണ്ടി വരുന്ന കോവിഡ് രോഗികൾക്ക് ആശ്വാസം പകർന്ന് കലൂർ കോവിഡ് അപെക്സ് സെൻ്റർ. പണം നൽകാതെ പൂർണമായും സൗജന്യമായ 500 ഡയാലിസിസുകളാണ് മൂന്ന് മാസത്തിനുള്ളിൽ ഇവിടെ പൂർത്തിയാക്കിയത്. 

സ്ഥിരമായി ഡയാലിസിസ് നടത്തുന്നവർക്ക് കോവിഡ് പോസിറ്റീവായാൽ ഇവരുടെ ചികിത്സ പൂർണമായും അപെക്സ് സെൻ്ററാണ് ഏറ്റെടുത്തത്. കോവിഡ് ബാധിച്ചതിനാൽ ഇവരുടെ തുടർ ചികിത്സ പ്രതിസന്ധിയിലായിരുന്നു. ഇത്തരക്കാർക്ക് പൂർണ പിന്തുണയാണ് സെൻറർ നൽകിയത്. 

എറണാകുളം: തദ്ദേശ സ്വയം ഭരണ സ്ഥാപനങ്ങളിലേക്കുള്ള തിരഞ്ഞെടുപ്പില്‍  കോവിഡ് 19 പോസിറ്റീവ് ആയവരുടെയും നിരീക്ഷണത്തില്‍ കഴിയുന്നവരുടെയും പോസ്റ്റല്‍ വോട്ടിങ്ങ് പ്രവര്‍ത്തനങ്ങള്‍ക്കായി നിയോഗിക്കപ്പെടുന്ന സ്പെഷ്യല്‍ പോളിങ്ങ് ഓഫീസര്‍മാര്‍ക്ക് കളക്ടറേറ്റ് കോണ്‍ഫറൻസ് ഹാളില്‍ വെച്ച് പരിശീലനം നല്‍കി.

സംസ്ഥാന വിത്ത് വികസന അതോറിറ്റിയുടെ ഓഡിറ്റ് നടത്തുന്നതിന് ചാർട്ടേർഡ് അക്കൗണ്ടന്റ്സ് സ്ഥാപനങ്ങളിൽ നിന്ന് ക്വട്ടേഷൻ ക്ഷണിച്ചു.

സ്ഥാപനം ഇൻസ്റ്റിറ്റ്യൂട്ട് ഓഫ് ചാർട്ടേഡ് അക്കൗണ്ടുകളിൽ രജിസ്റ്റർ ചെയ്തിരിക്കണം. സീൽ ചെയ്ത ക്വട്ടേഷനുകൾ ജോയിന്റ് ഡയറക്ടർ ഓഫ് അഗ്രിക്കൾച്ചർ, കേരള സ്റ്റേറ്റ് സീഡ് ഡെവലപ്പ്മെന്റ് അതോറിറ്റി, തൃശൂർ എന്ന വിലാസത്തിൽ അയയ്ക്കണം.

ഇൻസ്റ്റിറ്റ്യൂട്ട് ഓഫ് ചാർട്ടേർഡ് അക്കൗണ്ടൻസ് ഓഫ് ഇന്ത്യ  നൽകുന്ന സർട്ടിഫിക്കറ്റിന്റെ ഒരു പകർപ്പ് ക്വട്ടേഷനിൽ  വയ്ക്കേണ്ടതാണ്. സീൽ ചെയ്ത ക്വട്ടേഷനുകൾ ഡിസംബർ 15 ന് 11 മണിക്ക് മുൻപായി  ലഭിക്കണം.

കോവിഡ് രോഗികൾക്കും ക്വാറന്റൈനിൽ കഴിയുന്നവർക്കും വോട്ട് രേഖപ്പെടുത്തുന്നതിന് വേണ്ട നിർദ്ദേശങ്ങൾ നൽകുന്നതുമായി ബന്ധപ്പെട്ട് സ്പെഷ്യൽ പോളിംഗ് ഉദ്യോഗസ്ഥർക്കുള്ള ഓൺലൈൻ പരിശീലന ക്ലാസ് നടന്നു.  സ്പെഷ്യൽ വോട്ടർമാർക്ക് ബാലറ്റ് പേപ്പർ കൈമാറുമ്പോൾ ശ്രദ്ധിക്കേണ്ട കാര്യങ്ങൾ, വോട്ട് രേഖപ്പെടുത്തുന്നതിന് സ്വീകരിക്കേണ്ട മാർഗ്ഗങ്ങൾ, വോട്ട് രേഖപ്പെടുത്തിയ ബാലറ്റ് പേപ്പർ എങ്ങനെ തിരിച്ചെത്തിക്കാം