തദ്ദേശ തിരഞ്ഞെടുപ്പിൽ സ്ഥാനാർത്ഥികൾക്ക് പ്രചാരണത്തിനായി ദൃശ്യ, ശ്രവ്യ മാധ്യമങ്ങളിലൂടെയും ബി.എസ്.എൻ.എല്ലിലൂടെയും അനുമതിയോടെ സന്ദേശങ്ങൾ പ്രചരിപ്പിക്കാമെന്ന് സംസ്ഥാന തിരഞ്ഞെടുപ്പ് കമ്മീഷണർ വി. ഭാസ്‌കരൻ അറിയിച്ചു. ജില്ലാ ഇൻഫർമേഷൻ ഓഫീസർമാരാണ് പരസ്യം/സന്ദേശങ്ങളുടെ ഉള്ളടക്കം പരിശോധിച്ച് പ്രചരിപ്പിക്കുന്നതിന് സർട്ടിഫിക്കറ്റ് നൽകുക. സർട്ടിഫിക്കറ്റിന് അപേക്ഷിക്കുമ്പോൾ പരസ്യം/സന്ദേശത്തിന്റെ ഉള്ളടക്കം നിലവിലെ തിരഞ്ഞെടുപ്പ് നിയമങ്ങളും വിവര സാങ്കേതിക നിയമവും അനുശാസിക്കുന്ന പ്രകാരമാണെന്ന് സത്യവാങ്മൂലം നൽകണം. സന്ദേശങ്ങൾ പ്രചരിപ്പിക്കുന്നതിന്  ലഭിക്കുന്ന സർട്ടിഫിക്കറ്റ് ബന്ധപ്പെട്ട ഏജൻസിയിൽ നൽകണം.

ബുറേവി ചുഴലിക്കാറ്റും അനുബന്ധിച്ചുണ്ടായേക്കാവുന്ന ന്യൂനമർദ്ദത്തിന്റെയും പശ്ചാത്തലത്തിൽ തിരുവനന്തപുരം, കൊല്ലം, ആലപ്പുഴ, പത്തനംതിട്ട, ഇടുക്കി  എന്നീ ജില്ലകളിലെ പോളിടെക്നിക് കോളേജുകളിൽ  നാലിന് (വെള്ളിയാഴ്ച) നടത്താനിരുന്ന സ്‌പോട്ട് അഡ്മിഷൻ അഞ്ചിലേക്ക് (ശനിയാഴ്ച) മാറ്റിവച്ചു. അഡ്മിഷനിൽ പങ്കെടുക്കുന്നവർ വിശദവിവരങ്ങൾക്ക് www.polyadmission.org എന്ന വെബ്‌സൈറ്റ് സന്ദർശിക്കണം  

പി.എൻ.എക്‌സ്. 4242/2020

കൊറോണ കൺട്രോൾറൂം
എറണാകുളം   3/12/ 20

ബുള്ളറ്റിൻ -  6.15 PM
• ജില്ലയിൽ ഇന്ന്   441  പേർക്ക്  രോഗം  സ്ഥിരീകരിച്ചു. 

• വിദേശം/ ഇതര സംസ്ഥാനത്ത് നിന്നെത്തിയവർ - 5

• സമ്പർക്കം വഴി രോഗം സ്ഥിരീകരിച്ചവർ - 335

 ഉറവിടമറിയാത്തവർ - 95

• ആരോഗ്യ പ്രവർത്തകർ- 6

 കോവിഡ് സ്ഥിരീകരിച്ചവരുടെ പ്രാദേശിക വിവരങ്ങൾ 

* ജില്ലാ കളക്ടർമാരുടെ പ്രവർത്തനം ഏകോപിപ്പിക്കാൻ സെക്രട്ടറിമാർക്ക് ചുമതല

കൈറ്റ് വിക്ടേഴ്‌സിലൂടെ സംപ്രേഷണം ചെയ്തുവരുന്ന ഫസ്റ്റ്‌ബെൽ ഡിജിറ്റൽ ക്ലാസുകൾ ആദ്യം പൊതുപരീക്ഷ നടക്കുന്ന പത്ത്, പന്ത്രണ്ട്  ക്ലാസുകൾക്ക് കൂടുതൽ സമയം നൽകിക്കൊണ്ട് തിങ്കളാഴ്ച്ച (ഡിസംബർ 7) മുതൽ പുനഃക്രമീകരിച്ചു. പുതിയ ടൈംടേബിൾ അനുസരിച്ച് തിങ്കൾ മുതൽ വെള്ളിവരെ പ്ലസ് ടുവിന് ദിവസം ഏഴു ക്ലാസുകളും പത്തിന് അഞ്ചു ക്ലാസുകളും ഉണ്ടാകും.

* ചികിത്സയിലുള്ളവർ 61,209; ഒരു പുതിയ ഹോട്ട് സ്‌പോട്ട്
കേരളത്തിൽ വ്യാഴാഴ്ച 5376 പേർക്ക് കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയൻ അറിയിച്ചു. മലപ്പുറം 714, തൃശൂർ 647, കോഴിക്കോട് 547, എറണാകുളം 441, തിരുവനന്തപുരം 424, ആലപ്പുഴ 408, പാലക്കാട് 375, കോട്ടയം 337, പത്തനംതിട്ട 317, കണ്ണൂർ 288, കൊല്ലം 285, ഇടുക്കി 265, വയനാട് 238, കാസർഗോഡ് 90 എന്നിങ്ങനേയാണ് ജില്ലകളിൽ രോഗബാധ സ്ഥിരീകരിച്ചത്.

തിരുവനന്തപുരം കോളേജ് ഓഫ് എൻജിനിയറിങിൽ എം.ടെക് കോഴ്‌സിൽ ഇൻഡസ്ട്രിയൽ എൻജിനിയറിംഗിലും എം.പ്ലാനിംഗ് (ഹൗസിങ്) ലും സ്റ്റേറ്റ് മെരിറ്റിൽ ഒഴിവുള്ള ഓരോ സീറ്റിൽ നാളെ (ഡിസംബർ 5) സ്‌പോട്ട് അഡ്മിഷൻ നടക്കും.  വിദ്യാർഥികൾ അസ്സൽ സർട്ടിഫിക്കറ്റുകൾ സഹിതം രാവിലെ ഒൻപതിന് കോളേജിൽ ഹാജരാകണം.  വിശദവിവരങ്ങൾക്ക്: www.cet.ac.in.    
പി.എൻ.എക്‌സ്. 4237/2020

കേരള അബ്കാരി തൊഴിലാളി ക്ഷേമനിധിയിൽ അംഗങ്ങളായ വിദേശമദ്യ, ബാർ സ്ഥാപനങ്ങളിലെ തൊഴിലാളികളുടെ മക്കൾക്കുള്ള സ്‌കോളർഷിപ്പിന് അപേക്ഷ ക്ഷണിച്ചു.  പദ്ധതിക്ക് കീഴിൽ നിലവിൽ തുടർ വിദ്യാഭ്യാസ കോഴ്‌സുകളിൽ പഠിക്കുന്നവർക്ക് സ്‌കോളർഷിപ്പും പ്രൊഫഷണൽ  കോഴ്‌സുകളിൽ പഠിക്കുന്നവർക്ക് ലാപ്‌ടോപ്പും വിതരണം ചെയ്യും.  റ്റി.റ്റി.സി, ഐ.റ്റി.ഐ/ ഐ.റ്റി.സി, പ്ലസ് ടു, ഡിഗ്രി, പി.ജി, പ്രൊഫഷണൽ കോഴ്‌സുകൾ വിവിധ ഡിപ്ലോമ കോഴ്‌സുകൾ എന്നിവയ്ക്ക് അംഗീകൃത വിദ്യാഭ്യാസ സ്ഥാപനങ്ങളിൽ പഠിക്കുന്നവരും യോഗ്യതാ പരീക്ഷയിൽ 50 ശതമാനം മാർക്ക് നേടിയവർക്കുമാണ് സ്‌കോളർഷിപ്പിന് അർഹത.