കരുവാറ്റ വാർഡ് 5,  കൈനകരി വാർഡ് 12, തണ്ണീർമുക്കം വാർഡ് 23ൽ തെക്ക് മാക്ഡവൽ കമ്പനിയ്ക്ക് പടിഞ്ഞാറുവശത്തേക്കുള്ള റോഡ്, വടക്ക് പാലംകുളം തെക്ക് വശമുള്ള റോഡ്, കിഴക്ക് മാക്ഡവൽ റോഡ്, പടിഞ്ഞാറ് മണ്ണ് കമ്പനി ജവഹർ കോളനി റോഡ് എന്നിവ കണ്ടെയ്ൻമെന്റ് സോണിൽ നിന്നും ഒഴിവാക്കി.

ജില്ലയിലെ പൊതുസ്ഥലങ്ങളില്‍ സ്ഥാനാര്‍ത്ഥികളും രാഷ്ട്രീയ പാര്‍ട്ടികളും സ്ഥാപിച്ച പ്രചാരണ സാമഗ്രികള്‍ ആന്റി ഡിഫെസ്‌മെന്റ് സ്‌ക്വാഡിന്റെ നേതൃത്വത്തില്‍ നീക്കം ചെയ്തു. പെരിന്തല്‍മണ്ണ, ഏറനാട്, നിലമ്പൂര്‍, തിരൂര്‍, തിരൂരങ്ങാടി, പൊന്നാനി, കൊണ്ടോട്ടി എന്നീ താലൂക്കുകളിലും കെ എസ് ഇ ബി , പിഡബ്ല്യൂഡി കെട്ടിടങ്ങള്‍ റോഡുകള്‍, പാലങ്ങള്‍ ,എന്‍ എച്ച് അതോറിറ്റി, ഡി ഡി പഞ്ചായത്ത്, ജില്ലാ പഞ്ചായത്ത് , നഗരസഭകള്‍ എന്നീ വകുപ്പുകളുടെ കീഴില്‍ വരുന്ന സ്ഥലങ്ങളിലുമായി  വിവിധ തരത്തിലുള്ള 58097 പോസ്റ്ററുകള്‍ നീക്കം ചെയ്തു.

ആലപ്പുഴ: അന്ധകാരനഴി ഷട്ടറുകള്‍ തുറക്കുന്നത് സംബന്ധിച്ച് തീരുമാനിക്കാനായി ഡിസംബര്‍ 10ന് രാവിലെ 10.30ന് ജില്ല കളക്ടറുടെ അധ്യക്ഷതയില്‍ ഉപദേശക സമിതി യോഗം ചേരും. സൂം മീറ്റ് വഴിയാണ് യോഗം.

മാനേജ്മെന്റ് ഓഫ് ലേണിംഗ് ഡിസബിലിറ്റീസ് വിഷയത്തില്‍ സ്റ്റേറ്റ് റിസോഴ്സ് സെന്റര്‍ (എസ്.ആര്‍.സി) കമ്യൂണിറ്റി കോളജ് നടത്തുന്ന സര്‍ട്ടിഫിക്കറ്റ് കോഴ്സിന്റെ 2021 ജനുവരി ബാച്ചിലേക്ക് അപേക്ഷ ക്ഷണിച്ചു. പ്ലസ്ടു യോഗ്യതയുള്ള കോഴ്സിന് അപേക്ഷിക്കുന്നതിന് പ്രായപരിധിയില്ല. വിദൂരവിദ്യാഭ്യാസ രീതിയിലുള്ള കോഴ്സിന് സ്‌കൂള്‍ അധ്യാപകര്‍, സ്പെഷ്യല്‍ എഡ്യുക്കേറ്റര്‍മാര്‍, സൈക്കോളജിസ്റ്റ്, എഡ്യുക്കേഷണല്‍ തെറാപ്പിസ്റ്റ് എന്നിവര്‍ക്ക് മുന്‍ഗണനയുണ്ടായിരിക്കും. കോഴ്സ് വിജയകരമായി പൂര്‍ത്തിയാക്കുന്നവര്‍ക്ക് സ്റ്റേറ്റ് റിസോഴ്സ് സെന്റര്‍ നല്‍കുന്ന സര്‍ട്ടിഫിക്കറ്റുകള്‍ ലഭിക്കും.

2020 നവംബറില്‍ നടത്തിയ രണ്ടാം വര്‍ഷ ബി എസ് സി ഒപ്‌റ്റോമെട്രി ഡിഗ്രി സപ്ലിമെന്ററി പരീക്ഷാഫലം പ്രസിദ്ധീകരിച്ചു. റീടോട്ടലിങ്, ഉത്തരക്കടലാസ്സുകളുടേയും സ്‌കോര്‍ഷീറ്റിന്റേയും പകര്‍പ്പ് എന്നിവക്ക് നിശ്ചിത ഫീസടച്ച് കോളേജ് പ്രിന്‍സിപ്പല്‍മാര്‍ മുഖേന ഓണ്‍ലൈന്‍ ആയി 2020  ഡിസംബര്‍ എട്ടിനകം അപേക്ഷിക്കേണ്ടതാണ്.

ആലപ്പുഴ: മാവേലിക്കര സ്പെഷ്യല്‍ സബ് ജയിലിലെ കെ.എല്‍ 01.എ.ക്യൂ1193  ടാറ്റ സ്പെഷിയോ (2006 മോഡല്‍)  വാഹനം ലേലം ചെയ്യുന്നു. ഇന്ന് (ഡിസംബര്‍ 04) രാവിലെ 11ന് കോവിഡ് പ്രോട്ടോക്കാള്‍ പാലിച്ച് മാവേലിക്കര സ്പെഷ്യല്‍ സബ് ജയിലിലാണ് ലേലം. വിശദവിവരത്തിന് ഫോണ്‍: 0479 2302237.

2020 ഫെബ്രുവരിയില്‍ നടത്തിയ സെക്കന്റ് പ്രൊഫഷണല്‍ എം ബി ബി എസ് ഡിഗ്രി റെഗുലര്‍ ആന്റ് സപ്ലിമെന്ററി പരീക്ഷാഫലം പ്രസിദ്ധീകരിച്ചു. റീടോട്ടലിങ്, ഉത്തരക്കടലാസുകളുടേയും സ്‌കോര്‍ഷീറ്റിന്റെയും പകര്‍പ്പ് എന്നിവക്ക് അപേക്ഷിക്കുന്നവര്‍ നിശ്ചിത ഫീസടച്ച് കോളേജ് പ്രിന്‍സിപ്പല്‍മാര്‍ മുഖേന ഓണ്‍ലൈന്‍ ആയി 2020 ഡിസംബര്‍ 15 നകം അപേക്ഷിക്കേണ്ടതാണ്.