ജില്ലാ തിരഞ്ഞെടുപ്പ് വിഭാഗം ഇലക്ഷന്‍ ഡെപ്യൂട്ടി കലക്ടറായി വി.ഇ അബ്ബാസ് ഡിസംബര്‍ ഒന്നിന് ചുമതലയേറ്റു. കൊച്ചി മെട്രോയില്‍ തഹസില്‍ദാരായിരുന്നു. നിലവില്‍ പാലക്കാട് നാഷണല്‍ ഹൈവേ ഡെപ്യൂട്ടി കലക്ടറാണ്.  2020 ഒക്ടോബര്‍ 19 ന് ചുമതലയേറ്റ  ഇലക്ഷന്‍ ഡെപ്യൂട്ടി കലക്ടര്‍ ടി.ജി ഗോപകുമാറിന് കോവിഡ് സ്ഥിരീകരിച്ച സാഹചര്യത്തിലാണ് വി.ഇ അബ്ബാസിന് ചുമതല കൈമാറിയത്. തൊടുപുഴ സ്വദേശിയാണ്.

തദ്ദേശസ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പില്‍ പ്രശ്‌നസാധ്യതാ പട്ടികയില്‍ ഉള്‍പ്പെടാത്ത പോളിംഗ് ബൂത്തുകളില്‍ വീഡിയോഗ്രാഫി ഏര്‍പ്പെടുത്തുന്നതിന് ഇന്നും (ഡിസംബര്‍ 8) അപേക്ഷ നല്‍കാം. ജില്ലയിലെ 30 സെന്‍സിറ്റീവ് ബൂത്തുകളില്‍ വെബ് കാസ്റ്റിംഗോ വീഡിയോഗ്രാഫിയോ ചെയ്യുന്നതിന് തിരഞ്ഞെടുപ്പ് വിഭാഗം ക്രമീകരണം ഏര്‍പ്പെടുത്തിയിട്ടുണ്ട്. 

തദ്ദേശ സ്വയംഭരണ സ്ഥാപന തിരഞ്ഞെടുപ്പിനുള്ള പോളിംഗ് സാമഗ്രികളുടെ വിതരണം ബ്ലോക്ക്, മുനിസിപ്പല്‍ വിതരണ കേന്ദ്രങ്ങളില്‍ നാളെ(ഡിസംബര്‍ 9) നടക്കും. 

തിരക്ക് ഒഴിവാക്കുന്നതിന് ബ്ലോക്ക് തല വിതരണ കേന്ദ്രങ്ങളില്‍ ഓരോ പഞ്ചായത്തിനും നിശ്ചിത സമയം അനുവദിച്ചാണ് വിതരണം നടത്തുന്നത്. 

റിസര്‍വ്  പോളിംഗ് ഉദ്യോഗസ്ഥര്‍  രാവിലെ ഏഴിന് വിതരണ കേന്ദ്രങ്ങളില്‍ റിപ്പോര്‍ട്ട് ചെയ്യണമെന്ന് ജില്ലാ കളക്ടര്‍ എം. അഞ്ജന അറിയിച്ചു.

വിവിധ ബ്ലോക്കുകളിലെ വിതരണത്തിന്‍റെ സമയക്രമം ചുവടെ

പ്രചാരണ സമയം അവസാനിച്ച ശേഷം വോട്ടെടുപ്പ് ദിവസം വരെ രാഷ്ട്രീയ ഭാരവാഹികള്‍ക്ക് മണ്ഡലത്തില്‍ തങ്ങുന്നതിന് നിയന്ത്രണം ഏര്‍പ്പെടുത്തിയിട്ടുണ്ട്. പ്രചാരണ സമയം അവസാനിച്ച ശേഷം മണ്ഡലത്തിന് പുറത്ത് നിന്ന് പ്രചാരണത്തിനെത്തിയ രാഷ്ട്രീയ നേതാക്കളും പ്രവര്‍ത്തകരും മണ്ഡലം വിട്ട് പോകേണ്ടതാണ്. എന്നാല്‍ സ്ഥാനാര്‍ത്ഥിയോ ഇലക്ഷന്‍ ഏജന്റോ മണ്ഡലത്തിന് പുറത്തുള്ള ആളായാല്‍ പോലും മണ്ഡലം വിട്ടു പോകേണ്ടതില്ല.

വോട്ടെടുപ്പ് ദിവസം ഇലക്ഷന്‍ ബൂത്തുകള്‍ സ്ഥാപിക്കുന്നതിനുള്ള മാര്‍ഗ നിര്‍ദേശങ്ങള്‍

എറണാകുളം: പോളിംഗ് സ്‌റ്റേഷനു സമീപം തിരഞ്ഞെടുപ്പുമായി ബന്ധപ്പെട്ട് പ്രവര്‍ത്തിക്കുന്ന രാഷ്ട്രീയ കക്ഷി പ്രവര്‍ത്തകര്‍ പാലിക്കേണ്ട നിര്‍ദേശങ്ങള്‍ തിരഞ്ഞെടുപ്പ് കമ്മീഷന്‍ പുറത്തിറക്കിയിട്ടുണ്ട്. 

പോളിംഗ് സ്‌റ്റേഷനു സമീപം തിരഞ്ഞെടുപ്പുമായി ബന്ധപ്പെട്ട് പ്രവര്‍ത്തിക്കുന്ന രാഷ്ട്രീയ കക്ഷികളുടെ അംഗീകൃത പ്രവര്‍ത്തകര്‍ക്ക് ബാഡ്ജുകളും തിരിച്ചറിയല്‍ കാര്‍ഡുകളും ഉണ്ടാകണമെന്ന് കമ്മീഷന്‍ നിര്‍ദേശിക്കുന്നു. രാഷ്ട്രീയ കക്ഷികളോ സ്ഥാനാര്‍ഥികളോ വോട്ടര്‍മാരെ പോളിംഗ് സ്‌റ്റേഷനുകളില്‍ എത്തിക്കാന്‍ വാഹന സൗകര്യം ഒരുക്കുന്നത് കുറ്റകരമാണ്. 

എറണാകുളം: ജില്ലയില്‍ തദ്ദേശ തിരഞ്ഞെടുപ്പില്‍ വോട്ടു ചെയ്യാനെത്തുന്ന വോട്ടര്‍മാര്‍ കോവിഡ് മാനദണ്ഡങ്ങള്‍ കര്‍ശനമായി പാലിക്കണം. പോളിംഗ് ബൂത്തുകളില്‍ പാലിക്കേണ്ട കോവിഡ് മാനദണ്ഡങ്ങള്‍ സംബന്ധിച്ച് തിരഞ്ഞെടുപ്പ് കമ്മീഷന്‍ മാര്‍ഗനിര്‍ദേശങ്ങള്‍ പുറത്തിറക്കിയിട്ടുണ്ട്. 

എറണാകുളം: കൊച്ചി കോർപറേഷൻ ഡിവിഷനുകളിലെ തിരഞ്ഞെടുപ്പിനുള്ള പോളിംഗ് സാമഗ്രികളുടെ വിതരണം ഡിസംബർ 9 ന് മഹാരാജാസ് സെൻ്റിനറി ഓഡിറ്റോറിയത്തിൽ നടക്കും. ഒന്നു മുതൽ 15 വരെയുള്ള ഡിവിഷനുകളുടെയും 26 മുതൽ 40 വരെയുള്ള ഡിവിഷനുകളുടെയും 51 മുതൽ 65 വരെയുള്ള ഡിവിഷനുകളുടെയും പോളിംഗ് സാമഗ്രികളുടെ വിതരണം രാവിലെ 8 നു നടക്കും. 16 മുതൽ 25 വരെയുള്ള ഡിവിഷനുകളുടെയും 41 മുതൽ 50 വരെ യുള്ള ഡിവിഷനുകളുടെയും 66 മുതൽ 74 വരെയുള്ള ഡിവിഷനുകളുടെയും പോളിംഗ് സാമഗ്രികളുടെ വിതരണം ഉച്ചക്ക് 12നും ആരംഭിക്കും.

പോളിംഗ് സാമഗ്രികളുടെ വിതരണം ഡിസംബർ 9 ന്

കോവിഡ് പ്രതിരോധ കിറ്റും കൈപ്പറ്റണം 

എറണാകുളം: തദ്ദേശ തിരഞ്ഞെടുപ്പിനുള്ള പോളിംഗ് സാമഗ്രികളുടെ വിതരണം ഡിസംബർ 9 ന് നടക്കും. പതിവിനു വിപരീതമായി
പോളിംഗ് സാമഗ്രികളുടെ കൂട്ടത്തിൽ ഇത്തവണ സാനിറ്റൈസറും, മാസ്കും,  ഗ്ലൗസും, ഫേസ് ഷീൽഡും ഉൾപ്പെട്ടിട്ടുണ്ട്. പ്രത്യേകം തയാറാക്കിയ കോവിഡ് പ്രതിരോധ കിറ്റും കൈപ്പറ്റി വേണം ഉദ്യോഗസ്ഥർ വിതരണ കേന്ദ്രം വിട്ടു പോകാൻ. 

പഞ്ചാബിൽ വാഹനാപകടത്തിൽ മരിച്ച സൈനികൻ മിഥുൻ സത്യന് ജീല്ലാ കലക്ടർ സാംബശിവറാവു അന്ത്യോപചാരമർപ്പിച്ചു.

കക്കോടി ബദിരൂരിലെ  വസതിയിലെത്തിയ അദ്ദേഹം പുഷ്പചക്രം സമർപ്പിച്ചു.    ശനിയാഴ്ച പുലർച്ചെ ഉണ്ടായ വാഹനാപകടത്തിലാണ്

മിഥുൻ മരിച്ചത്.  അഞ്ച് വർഷമായി സൈന്യത്തിൽ സേവനമനുഷ്‌ടിച്ച് വരികയായിരുന്നു.