തദ്ദേശ പൊതുതെരഞ്ഞെടുപ്പുമായി ബന്ധപ്പെട്ട് പത്തനംതിട്ട ജില്ലയില്‍ ജില്ലാതല, താലൂക്ക്തല ആന്റി-ഡിഫേയ്‌സ്‌മെന്റ് സ്‌ക്വാഡ് രൂപീകരിച്ച് ജില്ലാ തെരഞ്ഞെടുപ്പ് ഓഫീസര്‍കൂടിയായ ജില്ലാ കളക്ടര്‍ പി.ബി. നൂഹ് ഉത്തരവ് പുറപ്പെടുവിച്ചു. ജില്ലാ തലത്തില്‍ അസിസ്റ്റന്റ് കളക്ടര്‍ വി.ചെല്‍സാസിനിയാണ് നോഡല്‍ ഓഫീസര്‍. താലൂക്കുതലത്തില്‍ തഹസില്‍ദാര്‍മാരാണ് നോഡല്‍ ഓഫീസര്‍മാര്‍. കോഴഞ്ചേരി, കോന്നി, റാന്നി, അടൂര്‍, തിരുവല്ല, മല്ലപ്പള്ളി താലൂക്കുകളില്‍ തഹസില്‍ദാര്‍മാരായ കെ. ഓമനക്കുട്ടന്‍ നായര്‍, സുരേഷ്‌കുമാര്‍, കെ. നവീന്‍ ബാബു, ബീന എസ് ഹനീഫ്, പി ജോണ്‍ വര്‍ഗീസ്, എം.ടി ജയിംസ് എന്നിവരാണ് നോഡല്‍ ഓഫീസര്‍മാര്‍.

 
ശബരിമല മണ്ഡല മകരവിളക്ക് തീര്‍ഥാടനത്തിനോടനുബന്ധിച്ച് റാന്നി പെരുനാട് ഗ്രാമപഞ്ചായത്ത് പരിധിയില്‍പ്പെട്ട പെരുനാട് മഠത്തുംമൂഴി ജംഗ്ഷന്‍ മുതല്‍ അട്ടത്തോട് വരെയുള്ള തീര്‍ഥാടന പാതയില്‍ കന്നുകാലികളേയും ആട് മാടുകളേയും അലക്ഷ്യമായി മേയാന്‍ വിടുന്നത് തീര്‍ഥാടന കാലയിളവില്‍ കര്‍ശനമായി നിരോധിച്ചതായി റാന്നി പെരുനാട് ഗ്രാമപഞ്ചായത്ത് സെക്രട്ടറി അറിയിച്ചു. നിരോധനം ലംഘിക്കുന്ന കാലികളുടെ ഉടമകളില്‍നിന്ന് പിഴ ഈടാക്കും.
 

ദേശീയ അഖണ്ഡത ദിനത്തോടനുബന്ധിച്ചു ഇന്ന് മുതല്‍ (നവംബര്‍ 19 വ്യാഴം) 25 വരെ ദേശീയ അഖണ്ഡത വാരാചരണം നടക്കും. ഇതിന്റെ ഭാഗമായി വിവിധ പരിപാടികള്‍ സംഘടിപ്പിക്കാന്‍ ജില്ലാപോലീസ് തലത്തില്‍ കമ്മിറ്റി രൂപവല്‍ക്കരിച്ചു. ജില്ലാ സി ബ്രാഞ്ച് ഡിവൈഎസ്പി ആര്‍.സുധാകരന്‍ പിള്ള ചെയര്‍മാനും, എസ്പിസി ജില്ലാ നോഡല്‍ ഓഫീസറായ നാര്‍ക്കോട്ടിക് സെല്‍ ഡിവൈഎസ്പി ആര്‍.പ്രദീപ് കുമാര്‍, അസിസ്റ്റന്റ് ജില്ലാ നോഡല്‍ ഓഫീസര്‍ എസ് ഐ സുരേഷ് കുമാര്‍ എന്നിവര്‍ അംഗങ്ങളുമാണ്.

ജില്ലയില്‍ ഇന്ന് 226 പേര്‍ രോഗമുക്തരായി

ഇന്ന് രോഗം സ്ഥിരീകരിച്ചവരില്‍ 8 പേര്‍ വിദേശ രാജ്യങ്ങളില്‍ നിന്ന് വന്നവരും, 19 പേര്‍ മറ്റ് സംസ്ഥാനങ്ങളില്‍ നിന്നും വന്നവരും, 207 പേര്‍ സമ്പര്‍ക്കത്തിലൂടെ രോഗം ബാധിച്ചവരുമാണ്. ഇതില്‍ സമ്പര്‍ക്കപശ്ചാത്തലം വ്യക്തമല്ലാത്ത 47 പേരുണ്ട്.

ഇന്ന് രോഗബാധിതരായവരുടെ തദ്ദേശസ്വയംഭരണ സ്ഥപനങ്ങള്‍ തിരിച്ചുളള കണക്ക്
ക്രമ നമ്പര്‍, തദ്ദേശസ്വയംഭരണ സ്ഥാപനം, രോഗബാധിതരായവരുടെ എണ്ണം

പട്ടികജാതി - പട്ടികവര്‍ഗ്ഗ ക്ഷേമ പ്രവര്‍ത്തനങ്ങള്‍ സംബന്ധിച്ച മികച്ച റിപ്പോര്‍ട്ടിനുള്ള ഡോ. ബി. ആര്‍. അംബേദ്കര്‍ മാധ്യമ അവാര്‍ഡിന് അപേക്ഷ ക്ഷണിച്ചു. പട്ടികജാതി വികസന വകുപ്പാണ് അവാര്‍ഡ് നല്‍കുന്നത്. അച്ചടി, ദൃശ്യ, ശ്രവ്യ മാധ്യമങ്ങളിലെ മികച്ച റിപ്പോര്‍ട്ടുകള്‍ക്കാണ് അവാര്‍ഡ്.

തദ്ദേശ പൊതുതെരഞ്ഞെടുപ്പില്‍ പത്തനംതിട്ട ജില്ലയിലെ ഗ്രാമപഞ്ചായത്തുകളില്‍ ഇതുവരെ ലഭിച്ചത് 2792 നാമനിര്‍ദേശ പത്രികളും നഗരസഭകളില്‍ 444 പത്രികകളുമാണ്. ഗ്രാമപഞ്ചായത്തില്‍ ഇന്നലെ(18 ബുധന്‍) മാത്രം 1735 പത്രികകളും നഗരസഭകളില്‍ 308 പത്രികകളും ലഭിച്ചു.
ജില്ലാ പഞ്ചായത്തില്‍ ഇതുവരെ ലഭിച്ചത് 29 നാമനിര്‍ദേശ പത്രികകള്‍. ഇന്നലെ(18) മാത്രം ലഭിച്ചത് 28 പത്രികകളാണ്.
ബ്ലോക്ക് പഞ്ചായത്തുകളില്‍ ലഭിച്ചത് 193 നാമനിര്‍ദേശ പത്രികകളാണ്. ഇന്നലെ (18 ) മാത്രം ലഭിച്ചത് 143 പത്രികകള്‍.
 

എറണാകുളം: തദ്ദേശ സ്വയം ഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് പ്രവര്‍ത്തനങ്ങള്‍ ഏകോപിപ്പി ക്കുന്നതിന് സംസ്ഥാന തിരഞ്ഞെടുപ്പ് കമ്മീഷന്‍ ഏര്‍ പ്പെടുത്തിയ പോള്‍ മാനേജര്‍ മൊബൈല്‍ ആപ്ലിക്കേഷനില്‍  മാസ്റ്റര്‍ ട്രെയിനര്‍മാര്‍ക്ക പരിശീലനം നല്‍കി.  എന്‍.ഐ.സിയുടെ ജില്ലാ ഇന്‍ഫര്‍മാറ്റിക്‌സ് ഓഫീസര്‍ മാരാണ് പരിശീലനത്തിന് നേതൃത്വം നല്‍കിയത്. പരിശീലനം ലഭിച്ച മാസ്റ്റര്‍ ട്രയിനര്‍മാര്‍, ബ്ലോക്ക് ലെവല്‍/ മുനിസിപ്പല്‍ ട്രയിനര്‍  തുടങ്ങിയവര്‍ക്ക് പരിശീലനം നല്‍കും. പ്രിസൈഡിംഗ് ഓഫീസര്‍, ഫസ്റ്റ് പോളിംഗ് ഓഫീസര്‍ തുടങ്ങിയവര്‍ക്ക് ബ്ലോക്ക് ലെവല്‍ ട്രയിനര്‍ മാരാകും പരിശീലനം നല്‍കുക.

എറണാകുളം : തദ്ദേശ സ്വയം ഭരണ  തിരഞ്ഞെടുപ്പിന്  ആവശ്യമായ ജീവനക്കാരുടെ വിവരങ്ങൾ ശേഖരിക്കുന്ന ഇ -ഡ്രോപ്പ് സോഫ്റ്റ്‌വെയറിൽ ജീവനക്കാരുടെ വിവരങ്ങൾ  രേഖപ്പെടുത്താത്ത സ്ഥാപനങ്ങളുടെ മേധാവികൾക്കെതിരെ നടപടി സ്വീകരിക്കുമെന്ന് കളക്ടർ എസ്. സുഹാസ് അറിയിച്ചു. ഇലക്ഷൻ പ്രവർത്തനങ്ങളുടെ സുഗമമായ നടത്തിപ്പിനാണ് വിവരങ്ങൾ e-ഡ്രോപ്പ് വഴി രേഖപ്പെടുത്താൻ സംസ്ഥാന തിരഞ്ഞെടുപ്പ് കമ്മീഷൻ ആവശ്യപ്പെട്ടിട്ടുള്ളത്. നവംബർ 20 ആണ് വിവരങ്ങൾ രേഖപ്പെടുത്താനുള്ള അവസാന തീയതി.

എറണാകുളം  തദ്ദേശ സ്വയം ഭരണ സ്ഥാപനങ്ങളിലേക്കുള്ള തിരഞ്ഞെടുപ്പില്‍ രാഷ്ട്രീയ കക്ഷികളും സ്ഥാനാര്‍ത്ഥികളും നടത്തുന്ന പ്രചാരണ പരിപാടികള്‍ നിയമാനുസൃതമാണോ എന്ന് പരിശോധിക്കുന്നതിനായി ആന്റി ഡീഫെയ്സ്മെന്റ് സ്‌ക്വാഡ് പ്രവര്‍ത്തനമാരംഭിച്ചു. ജില്ലയില്‍ നിലവില്‍ താലൂക്ക് തലത്തില്‍ തഹസില്‍ദാര്‍മാരുടെ നേതൃത്വത്തിലാണ് സ്ക്വാഡുകള്‍ പ്രവര്‍ത്തിക്കുന്നത്. ഇതിന് പുറമെ വരണാധികാരികളും തിരഞ്ഞെടുപ്പ് പ്രവര്‍ത്തനങ്ങള്‍ നിയമാനുസൃതമാണോ എന്ന് പരിശോധിക്കും.