പോലീസ് ഉദ്യോഗസ്ഥരുടെ സര്‍വ്വീസ് സംബന്ധവും അല്ലാത്തതുമായ പരാതികള്‍ പരിഹരിക്കുന്നതിന് സംസ്ഥാന പോലീസ് മേധാവിയുടെ പരാതി പരിഹാര അദാലത്തായ SPC TALK WITH COPS  എന്ന പദ്ധതിയുടെ ഭാഗമായി ഇടുക്കി ജില്ലയിലെ പോലീസ് ഉദ്യോഗസ്ഥരുടെ പരാതികള്‍ പരിഹരിക്കുന്നതിന് ഓണ്‍ലൈന്‍ അദാലത്ത് നവംബര്‍ 23 രാവിലെ 11ന് നടത്തും. അദാലത്തില്‍ പരിഗണിക്കേണ്ട അപേക്ഷകള്‍ നവംബര്‍ 20 രാത്രി 10വരെ സ്വീകരിക്കും. പോലീസ് ഉദ്യോഗസ്ഥരുടെ ഭാര്യമാര്‍ക്കും  പരാതികള്‍ സമര്‍പ്പിക്കാം. പരാതികളില്‍ ഫോണ്‍ നമ്പര്‍ രേഖപ്പെടുത്തേണ്ടതാണ്.

തിരഞ്ഞെടുപ്പ് പ്രചാരണത്തിന് പോസ്റ്ററുകള്‍, ലഘുലേഖകള്‍ എന്നിവ അച്ചടിക്കുമ്പോള്‍ പ്രസാധകരുടെയും അച്ചടി സ്ഥാപനത്തിന്റെയും  പേര്, വിലാസം, അച്ചടിക്കുന്ന കോപ്പികളുടെ എണ്ണം, എന്നിവ ഉള്‍ക്കൊള്ളിക്കണം.  ഇതിന്റെ പകര്‍പ്പ് ജില്ലാ തിരഞ്ഞെടുപ്പ് ഉദ്യോഗസ്ഥന് സമര്‍പ്പിക്കണം. പ്രചരണ ഭാഗമായി സ്ഥാനാര്‍ത്ഥിയുടെ ഫോട്ടോയോ ചിഹ്നമോ ആലേഖനം ചെയ്ത തൊപ്പി, മുഖംമൂടി, മാസ്‌ക് പോലെയുള്ളവ ഉപയോഗിക്കുന്നുണ്ടെങ്കില്‍   ഇവയുടെ ചെലവ് ബന്ധപ്പെട്ട സ്ഥാനാര്‍ഥിയുടെ തിരഞ്ഞെടുപ്പ് ചെലവില്‍ ഉള്‍പ്പെടുത്തണം.

തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിലേക്ക് ജില്ലയില്‍ ഇതുവരെ ലഭിച്ചത് 8375 പത്രികകള്‍. ജില്ലാ പഞ്ചായത്തിലേക്ക് 140 പത്രികകളാണ് ലഭിച്ചത്. കോഴിക്കോട് കോര്‍പ്പറേഷനില്‍ 290 നാമനിര്‍ദ്ദേശ പത്രികകളും ജില്ലയിലെ 12 ബ്ലോക്ക് പഞ്ചായത്തുകളിലായി 606 പത്രികകളുമാണ് ലഭിച്ചത്. ഏഴ് മുന്‍സിപ്പാലിറ്റികളിലേക്ക് 1217 പത്രികകളും 70 ഗ്രാമപഞ്ചായത്തുകളിലേക്ക് 6122 പത്രികളും ബുധനാഴ്ച വരെ ലഭിച്ചു. 

പത്രികാ സമര്‍പ്പണം ഇന്ന് (വ്യാഴാഴ്ച) അവസാനിക്കും. 20ന് സൂക്ഷ്മ പരിശോധന നടക്കും.

പട്ടികജാതി - പട്ടികവര്‍ഗ്ഗ ക്ഷേമ പ്രവര്‍ത്തനങ്ങള്‍ സംബന്ധിച്ച മികച്ച റിപ്പോര്‍ട്ടിനുള്ള ഡോ. ബി. ആര്‍. അംബേദ്കര്‍ മാധ്യമ അവാര്‍ഡിന് അപേക്ഷ ക്ഷണിച്ചു. പട്ടികജാതി വികസന വകുപ്പാണ് അവാര്‍ഡ് നല്‍കുന്നത്. അച്ചടി, ദൃശ്യ, ശ്രവ്യ മാധ്യമങ്ങളിലെ മികച്ച റിപ്പോര്‍ട്ടുകള്‍ക്കാണ് അവാര്‍ഡ്.

തദ്ദേശ സ്വയംഭരണ സ്ഥാപനങ്ങളിലേയ്ക്കുള്ള തിരഞ്ഞെടുപ്പിനായി നാമനിര്‍ദ്ദേശ പത്രിക സമര്‍പ്പിക്കാനുള്ള സമയം ഇന്നു (19.11.20) അവസാനിക്കും.  രാവിലെ 11 മണി മുതല്‍ മൂന്നു മണി വരെ ബന്ധപ്പെട്ട വരണാധികാരികള്‍ക്കോ ഉപവരണാധികാരികള്‍ക്കോ പത്രിക സമര്‍പ്പിക്കാവുന്നതാണ്.  പത്രികാ സമര്‍പ്പണത്തിന്റെ അഞ്ചാം ദിനത്തില്‍ (18.11) 2471 പത്രികകള്‍  ലഭിച്ചു. 

ജില്ലാ പഞ്ചായത്ത് -  58
ബ്ലോക്ക് പഞ്ചായത്തുകള്‍ - 243

അടിമാലി 28
ദേവികുളം 43
നെടുങ്കണ്ടം 34
ഇളംദേശം 23
ഇടുക്കി 23
കട്ടപ്പന 30
തൊടുപുഴ 40
അഴുത 22

പൊന്‍മുടി ജലസംഭരണിയിലെ ജലവിതാനം നിയന്ത്രിക്കുന്നതിന്റെ ഭാഗമായി നാളെ (19.11.20) രാവിലെ 6 മണി മുതല്‍ പൊന്‍മുടി ഡാമിന്റെ രണ്ട് ഷട്ടറുകള്‍  30 സെ.മീ വീതം ഉയര്‍ത്തി 45 ക്യുമിക്‌സ് വരെ ജലം ഘട്ടം ഘട്ടമായി പുറത്തുവിടും. പന്നിയാര്‍, മുതിരപ്പുഴയാര്‍, പെരിയാര്‍ എന്നിവയുടെ തീരത്തുള്ളവര്‍ ജാഗ്രത പുലര്‍ത്തണമെന്ന് ജില്ലാ കളക്ടര്‍ അറിയിച്ചു.
 

രോഗമുക്തി 920