ജില്ലാ എംപ്ലോയ്മെന്റ് എക്സ്ചേഞ്ചിലെ എംപ്ലോയബിലിറ്റി സെന്ററില്‍ വിവിധ സ്വകാര്യ സ്ഥാപനങ്ങളിലെ ഒഴിവുകളിലേക്ക് നവംബര്‍ മൂന്നിന് പുനലൂര്‍ ടൗണ്‍ എംപ്ലോയ്മെന്റ് എക്സ്ചേഞ്ചിലും  നാലിന്  ജില്ലാ എംപ്ലോയ്മെന്റ് എക്സ്ചേഞ്ചിലും  രാവിലെ 10.30 മുതല്‍ അഭിമുഖം നടത്തും. പ്ലസ് ടു മുതല്‍ ഉയര്‍ന്ന യോഗ്യതയുള്ള 18 നും 35നും മധ്യേ പ്രായമുള്ളവര്‍ക്ക് പങ്കെടുക്കാം. മൂന്ന് സെറ്റ് ബയോഡാറ്റയും ആധാര്‍ കാര്‍ഡുമായി എത്തണം. എംപ്ലോയബിലിറ്റി സെന്ററില്‍ രജിസ്റ്റര്‍ ചെയ്യുന്നവര്‍ക്ക് സോഫ്റ്റ് സ്‌കില്‍, കംപ്യൂട്ടര്‍ പരിശീലനം നല്‍കി സര്‍ട്ടിഫിക്കറ്റ് വിതരണം ചെയ്യും. ഫോണ്‍: 8281359930, 8304852968, 9497474677.
 

കേരള കെട്ടിട നിര്‍മ്മാണ തൊഴിലാളി ക്ഷേമബോര്‍ഡില്‍ നിന്നും 2025 ജനുവരി ഒന്നിന് മുന്‍പ് വിവിധ പെന്‍ഷനുകള്‍ ലഭിക്കുന്നവര്‍ തുടര്‍ന്നും പെന്‍ഷന്‍ ലഭിക്കുന്നതിനായി ഗസറ്റഡ് ഓഫീസര്‍ സാക്ഷ്യപ്പെടുത്തിയ ലൈഫ് സര്‍ട്ടിഫിക്കറ്റ് ഡിസംബര്‍ 31നകം ജില്ലാ ഓഫീസില്‍ സമര്‍പ്പിക്കണം. സ്വാന്തനസഹായം, കുടുംബ പെന്‍ഷന്‍ എന്നിവ ലഭിക്കുന്ന 60 വയസിനു താഴെയുള്ളവര്‍ പുനര്‍വിവാഹം ചെയ്തിട്ടില്ലെന്ന സര്‍ട്ടിഫിക്കറ്റും ഹാജരാക്കണം. പെന്‍ഷന്‍ ലഭിക്കുന്നവര്‍ ബാങ്ക് പാസ്സ്ബുക്കിന്റെയും ആധാര്‍ കാര്‍ഡിന്റെയും പകര്‍പ്പും ലഭ്യമാക്കണമെന്ന്   ജില്ലാ എക്‌സിക്യുട്ടീവ് ഓഫീസര്‍ അറിയിച്ചു.
 
 

അസാപ് കേരളയും തിരുവല്ല മെഡിക്കല്‍ മിഷന്‍ ആശുപത്രിയും ചേര്‍ന്ന് നടത്തുന്ന ജനറല്‍ ഡ്യൂട്ടി അസിസ്റ്റന്റ് അഡ്വാന്‍സ്ഡ് കോഴ്‌സിലേക്കുള്ള പ്രവേശനം ആരംഭിച്ചു.   യോഗ്യത: പ്ലസ്ടു. പ്രായപരിധി 18- 40 വയസ്. അവസാന തീയതി നവംബര്‍ ഏഴ്. ഫോണ്‍: 9495999688, 9496085912.  
 

കോട്ടയം കെല്‍ട്രോണ്‍ നോളഡ്ജ് സെന്ററില്‍ ആര്‍ട്ടിഫിഷ്യല്‍ ഇന്റലിജന്‍സ്,   എ.ആര്‍, വി.ആര്‍, എം.ആര്‍ കോഴ്‌സുകളിലെ പ്രവേശനത്തിന് 10 ശതമാനം ഫീസളവ്. നവംബര്‍ 10നകം യോഗ്യത സര്‍ട്ടിഫിക്കറ്റുകള്‍, ആധാര്‍ കാര്‍ഡ് എന്നിവയുടെ പകര്‍പ്പുകള്‍ സഹിതം എത്തണം. ഫോണ്‍:  6282841772, 8590118698, 0481 2304031.
 

  ജില്ലാ ശാസ്ത്രമേള ഒക്ടോബര്‍ 31 മുതല്‍ നവംബര്‍ ഒന്ന് വരെ  അഞ്ചാലുംമൂട്  ജി.എച്ച്.എസ്.എസ്, അഞ്ചാംലുമൂട് എല്‍ പി എസ്,  നീരാവില്‍ എസ് എന്‍ ഡി പി എച്ച് എസ് എസ്,     നീരാവില്‍ ജി എല്‍ പി എസ്   എന്നീ സ്‌കൂളുകളില്‍ നടത്തും. അഞ്ചാലുംമൂട്  ജി.എച്ച്.എസ്.എസില്‍ ഒക്‌ടോബര്‍ 31ന്  രാവിലെ 10ന് ജില്ലാ പഞ്ചായത്ത് പ്രസിഡന്റ് ഡോ. പി.കെ ഗോപന്‍ ഉദ്ഘാടനം ചെയ്യും.  മേയര്‍ ഹണി അധ്യക്ഷയാകും. സമാപനസമ്മേളനം  നവംബര്‍ ഒന്ന് വൈകിട്ട് 6.30ന് എന്‍.കെ പ്രേമചന്ദ്രന്‍ ഉദ്ഘാടനം ചെയ്യും. ഡെപ്യൂട്ടി മേയര്‍ എസ്.

* വിപുലമായ സംവിധാനം, പരിശോധനാ വിവരങ്ങൾ മൊബൈലിൽ

ഭക്ഷ്യഭദ്രതയിലൂടെ അതിദാരിദ്ര്യമുക്തിയിലെത്തുന്നതിന്റെ ഭാഗമായി ഒക്ടോബർ 31 വെള്ളിയാഴ്ച രാവിലെ 11 മണിക്ക് സത്യൻ സ്മാരകത്തിൽ പൊതുവിതരണ ഉപഭോക്തൃകാര്യ വകുപ്പിന്റെ ആഭിമുഖ്യത്തിൽ ജീവനക്കാരുടെ വിപുലമായ യോഗം ചേരും.

സി-ഡിറ്റിന്റെ പോസ്റ്റ് ഗ്രാജുവറ്റ് ഡിപ്ലോമ, അഡ്വാൻസ്ഡ് ഡിപ്ലോമ, ഡിപ്ലോമ, സർട്ടിഫിക്കറ്റ്  തൊഴിൽ അധിഷ്ഠിത ഐടി കോഴ്സുകളിൽ ഒഴിവുള്ള സീറ്റുകളിലേക്ക് പ്രവേശനത്തിന് നവംബർ 1നകം വിവിധ തദ്ദേശസ്വയംഭരണ സ്ഥാപനങ്ങളുടെ പരിധിയിലുള്ള പഠന കേന്ദ്രങ്ങളിൽ അപേക്ഷിക്കണം.

ലോകത്തെ മാറുന്ന തൊഴിൽ സാഹചര്യങ്ങളെ നേരിടാൻ കേരളത്തിനാകണമെന്ന് ധനകാര്യ മന്ത്രി കെ എൻ ബാലഗോപാൽ.

സംസ്ഥാനത്തിന്റെ വികസനപ്രവർത്തനങ്ങളുടെ ധനശേഖരണാർഥം 2,000 കോടി രൂപയുടെ കടപ്പത്രം പുറപ്പെടുവിക്കുന്നു. ഇതിനായുള്ള ലേലം നവംബർ 4ന് റിസർവ് ബാങ്കിന്റെ മുംബൈ ഫോർട്ട് ഓഫീസിൽ ഇ-കുബേർ സംവിധാനം വഴി നടക്കും.