ഭർത്താവിന്റെ കാൻസർ ചികിത്സാ ചെലവുകളും സ്കൂളിൽ പഠിക്കുന്ന രണ്ട് കുഞ്ഞുമക്കളുടെ ഭാവിയുമെല്ലാം കാവാലം സ്വദേശിയായ മഞ്ജുഷയുടെ ജീവിതം ഒരിക്കൽ ഇരുട്ടിലാഴ്ത്തിയിരുന്നു. താമസിക്കാൻ സ്വന്തമായി വീട് പോലുമില്ലാതെ ദുരിതസാഹചര്യങ്ങൾക്ക് മുന്നിൽ പകച്ചുനിന്ന മഞ്ജുഷയുടെ കുടുംബത്തിന് സംസ്ഥാന സർക്കാരിന്റെ അതിദാരിദ്ര്യ നിർമ്മാർജ്ജന പദ്ധതിയിലൂടെ തെളിഞ്ഞത് പ്രതീക്ഷയുടെ പുതുവെളിച്ചമാണ്.

തുറവൂര്‍ - ചേര്‍ത്തല റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 30 (സി.എം.എസ് ഗേറ്റ്), 31 (തങ്കി ഗേറ്റ്) എന്നിവ ഒക്ടോബര്‍ 31 ന് രാവിലെ എട്ട് മണി മുതല്‍ വൈകിട്ട് ആറ് മണി വരെ അറ്റകുറ്റ പണികള്‍ക്കായി അടച്ചിടും. വാഹനങ്ങള്‍ തൊട്ടടുത്തുള്ള ലെവല്‍ ക്രോസുകള്‍ വഴി പോകണം.

സംസ്ഥാനത്തെ ദുരിതമനുഭവിക്കുന്ന ജനങ്ങളോടുള്ള പ്രതിബദ്ധതയാണ് സർക്കാരിന്റെ മുഖമുദ്രയെന്ന് വനം, വന്യജീവി വകുപ്പ് മന്ത്രി എ കെ ശശീന്ദ്രൻ പറഞ്ഞു. വനം, വന്യജീവി വകുപ്പ് റാന്നി ഫോറസ്റ്റ് ഡിവിഷനു കീഴിൽ വീയപുരം തടി ഡിപ്പോയുടെ ഭാഗമായി ആരംഭിച്ച 'നഗരവാടിക' പദ്ധതിയുടെയും വനശ്രീ ഇക്കോ ഷോപ്പിന്റെയും പ്രവർത്തനോദ്ഘാടനം വീയപുരം വനം ഡിപ്പോ അങ്കണത്തിൽ നിർവഹിച്ചു സംസാരിക്കുകയായിരുന്നു അദ്ദേഹം. കുട്ടികളെ പ്രകൃതി സംരക്ഷണവും പരിസ്ഥിതി സംരക്ഷണവുമായി ബന്ധപ്പെട്ട മേഖലകളിൽ ഉറപ്പിച്ചു നിർത്തണം.

എല്ലാവർക്കും ഭൂമി എല്ലാ ഭൂമിക്കും രേഖ എല്ലാ സേവനങ്ങളും സ്മാർട്ട് എന്ന ലക്ഷ്യത്തിൻ്റെ ഭാഗമായി  തൃശ്ശൂരിൽ സംഘടിപ്പിക്കുന്ന
സംസ്ഥാനതല പട്ടയ വിതരണത്തിന്റെ ഭാഗമായി നടക്കുന്ന ആലപ്പുഴ ജില്ലാതല പട്ടയമേള   ഇന്ന് (31) ആലപ്പുഴ കളക്ടറേറ്റ് കോൺഫറൻസ് ഹാളിൽ നടക്കും. 

രാവിലെ 10 30 ന് നടക്കുന്ന ചടങ്ങിൽ കൃഷിവകുപ്പ് മന്ത്രി പി പ്രസാദ് അധ്യക്ഷത വഹിക്കും. ഫിഷറീസ് സാംസ്കാരിക വകുപ്പ് മന്ത്രി സജി ചെറിയാൻ മുഖ്യപ്രഭാഷണം നടത്തും.

പട്ടണക്കാട് ബ്ലോക്ക് പഞ്ചായത്ത് പദ്ധതിയിൽ ഉൾപ്പെടുത്തി തുറവൂർ താലൂക്ക് ആശുപത്രിൽ കൗണ്ടറും പ്രധാന കവാടവും ഉൾപ്പെടുത്തിയുള്ള കാത്തിരിപ്പ് അങ്കണത്തിന്റെ നിർമ്മാണം ആരംഭിച്ചു. ബ്ലോക്ക് പഞ്ചായത്ത് പ്രസിഡൻ്റ് മേരി ടെൽഷ്യ നിർമ്മാണ ഉദ്ഘാടനം നിർവഹിച്ചു. 13 ലക്ഷം രൂപ ചെലവിൽ ട്രസ്സ് വർക്കിലൂടെയാണ് കാത്തിരിപ്പ് അങ്കണം നിർമ്മിക്കുന്നത്. നിലവിലെ ആശുപത്രിയ്ക്കും ട്രോമാകെയർ കെട്ടിടത്തിനും ഇടയിലായി ജനങ്ങൾക്ക് വെയിലും മഴയും കൊള്ളാതെ സൗകര്യത്തോടെ നിൽക്കുവാൻ കഴിയുന്ന രീതിയിലാണ് രൂപകൽപ്പന.

ആലപ്പുഴ നോര്‍ത്ത് പൊലീസ് പിടിച്ചെടുത്ത   ഭക്ഷ്യധാന്യങ്ങളില്‍ ഭക്ഷ്യയോഗ്യമായ  നാല് ബാഗ് ഗോതമ്പ് (196.800 കിലോഗ്രാം ) അമ്പലപ്പുഴ താലൂക്ക് സപ്‌ളൈ ആഫീസില്‍ നവംബര്‍ ഏഴിന് രാവിലെ 11 മണിയ്ക്ക് പരസ്യലേലം വഴി വിറ്റഴിക്കും. 

ലേലത്തില്‍ പങ്കെടുക്കുവാന്‍ ആഗ്രഹിക്കുന്നവര്‍ മേല്‍വിലാസം തെളിയിക്കുന്ന രേഖ, ആധാര്‍ എന്നിവയുടെ പകര്‍പ്പുകള്‍സഹിതം ആലപ്പുഴ എന്‍.എഫ്.എസ്.എ. ഗോഡൗണില്‍ (ആലപ്പുഴ ലൈറ്റ് ഹൗസിനു സമീപം) എത്തിച്ചേരണമെന്ന് അമ്പലപ്പുഴ താലൂക്ക് സപ്ലൈ ഓഫീസർ അറിയിച്ചു. ഫോൺ: 0477 2252547.
 

ഭരണഭാഷ മലയാളമാക്കുക എന്ന പ്രഖ്യാപിത ലക്ഷ്യത്തിന്റെ ഭാഗമായി സംസ്ഥാനസര്‍ക്കാര്‍ എല്ലാവര്‍ഷവും സംഘടിപ്പിക്കുന്ന മലയാളദിനത്തിന്റെയും ഭരണഭാഷാ വാരാഘോഷത്തിന്റെയും ജില്ലാതല ഉദ്ഘാടനം നവംബര്‍ 01 ന് രാവിലെ 10 മണിക്ക് കളക്ടറേറ്റ് കോണ്‍ഫറന്‍സ് ഹാളില്‍ ജില്ലാ കളക്ടര്‍ അലക്‌സ് വര്‍ഗീസ് നിര്‍വഹിക്കും. ജില്ലാഭരണകൂടവും വിവരപൊതുജന സമ്പര്‍ക്ക വകുപ്പും ചേര്‍ന്ന് സംഘടിപ്പിക്കുന്ന പരിപാടിയില്‍ പ്രശസ്ത സാഹിത്യകാരന്‍ ഫ്രാന്‍സിസ് നൊറോണ മുഖ്യാതിഥിയാവും. എ ഡി എം, ആശ സി എബ്രഹാം അധ്യക്ഷത വഹിക്കും. ലൈബ്രറി കൗണ്‍സില്‍ ജില്ലാ പ്രസിഡന്റ് അലിയാര്‍ എം.

സംസ്ഥാന ആര്‍ദ്രകേരളം പുരസ്‌കാരം ഏറ്റുവാങ്ങി ഇടുക്കി ജില്ലാ പഞ്ചായത്ത്.  തിരുവനന്തപുരം ടാഗോര്‍ തീയേറ്ററില്‍ സംഘടിപ്പിച്ച പരിപാടിയില്‍ ആരോഗ്യ വകുപ്പ് മന്ത്രി വീണാ ജോര്‍ജ് പുരസ്‌കാരം ജില്ലാ പഞ്ചായത്തിന് സമ്മാനിച്ചു. തദ്ദേശ സ്വയംഭരണ വകുപ്പ് മന്ത്രി എം. ബി രാജേഷ് പരിപാടിയില്‍ അധ്യക്ഷത വഹിച്ചു.

സപ്ലൈകോ സുവർണ്ണ ജൂബിലിയുടെ ഭാഗമായി സഞ്ചരിക്കുന്ന സൂപ്പർമാർക്കറ്റുകൾ എല്ലാ നിയോജക മണ്‌ഡലങ്ങളിലും പര്യടനം നടത്തും. ജില്ലയിലെ പര്യടനം നവംബർ 1 മുതൽ ആരംഭിക്കുമെന്ന് സപ്ലൈകോ അധികൃതർ അറിയിച്ചു. ഒന്നിന് ദേവികുളം നിയോജകമണ്ഡലത്തിലെ

വിജിലന്‍സ് ബോധവത്കരണ വാരാചരണത്തിന്റെ ഭാഗമായി കളക്ടറേറ്റ് കോണ്‍ഫറന്‍സ് ഹാളില്‍ സര്‍ക്കാര്‍ ഉദ്യോഗസ്ഥര്‍ക്കായി ബോധവത്കരണ ക്ലാസ് സംഘടിപ്പിച്ചു. അഡീഷണല്‍ ജില്ലാ മജിസ്‌ട്രേറ്റ് ഷൈജു പി ജേക്കബ് വിജിലന്‍സ് വാരാചരണം ഉദ്ഘാടനം ചെയ്തു. നമ്മുടെ മുന്നില്‍ എത്തുന്ന പൊതുജനങ്ങളുടെ  ആവശ്യങ്ങള്‍ക്ക് പ്രാധാന്യം നല്‍കി ഉദ്യോഗസ്ഥര്‍ പ്രവര്‍ത്തിക്കണമെന്ന് അദ്ദേഹം പറഞ്ഞു.