ജന്‍ ശിക്ഷണ്‍ സന്‍സ്ഥാന്‍ മലയില്‍ ഫുഡ്‌സുമായി സഹകരിച്ച് തൊഴില്‍ പരിശീലന പരിപാടി സംഘടിപ്പിക്കുന്നു. മില്ലറ്റ് ഉല്‍പ്പന്നങ്ങള്‍ ഉപയോഗിച്ച് വ്യത്യസ്ത തരത്തിലുള്ള രുചികരമായ ഭക്ഷണ സാധനങ്ങള്‍ ഉണ്ടാക്കി തൊഴില്‍ സംരംഭങ്ങള്‍ തുടങ്ങാന്‍ താത്പര്യമുള്ള യുവതീ-യുവാക്കള്‍ക്കാണ് പരിശീലനം. ജില്ലയില്‍ രണ്ട് ബാച്ചുകളിലായി 40 പേര്‍ക്ക് 20 ദിവസം നീണ്ടുനില്‍ക്കുന്ന പരിശീലന പരിപാടിയാണ് സംഘടിപ്പിക്കുന്നത്. മലപ്പുറം ജെ.എസ്.എസ് ഓഫീസിലും പാങ്ങിലുള്ള മലയില്‍ പാര്‍ക്കിലുമാണ് പരിശീലനം. 15നും 45നും ഇടയിലുള്ള തൊഴില്‍രഹിതരായവര്‍ക്ക് പങ്കെടുക്കാം.

 
വികസന നേട്ടങ്ങൾ അവതരിപ്പിച്ച് മീനങ്ങാടി ഗ്രാമപഞ്ചായത്ത് വികസന സദസ്. ഗ്രാമപഞ്ചായത്ത് കമ്മ്യൂണിറ്റി ഹാളിൽ നടന്ന പരിപാടി സുൽത്താൻ ബത്തേരി ബ്ലോക്ക്‌ പഞ്ചായത്ത് പ്രസിഡന്റ്‌ സി അസൈനാർ ഉദ്ഘാടനം ചെയ്തു. ജനാധിപത്യ മൂല്യങ്ങൾ പരിപാലിക്കുന്ന ഭരണ സംവിധാനമാണ് സംസ്ഥാന സർക്കാർ നടപ്പാക്കുന്നതെന്നും വികസന പ്രക്രിയയിൽ ജനങ്ങളുടെ സജീവ പങ്കാളിത്തം സര്‍ക്കാര്‍ ഉറപ്പാക്കുകയാണെന്നും അദ്ദേഹം പറഞ്ഞു.

അവകാശികളില്ലാത്ത ബാങ്ക് നിക്ഷേപങ്ങള്‍ക്ക് അവകാശികളെയോ, അനന്തരാവകാശികളെയോ (ബാങ്ക് നോമിനി) കണ്ടെത്തുക എന്ന പ്രാഥമിക ലക്ഷ്യത്തോടെ കേന്ദ്ര സര്‍ക്കാര്‍ നടത്തുന്ന രാജ്യവ്യാപക ക്യംപയിന്‍ 'നിങ്ങളുടെ പണം, നിങ്ങളുടെ അവകാശം' ലീഡ് ബാങ്കിന്റെ നേതൃത്വത്തില്‍ നവംബര്‍ മൂന്നിന് രാവിലെ 10.30 ന് മലപ്പുറം ടൗണ്‍ ഹാളില്‍ നടക്കും. നിര്‍ജീവമായിട്ടുള്ളതും അവകാശികള്‍ ഇല്ലാത്തതുമായ നിക്ഷേപങ്ങള്‍ തിരിച്ചെടുക്കുന്നതിനുള്ള രേഖകള്‍ അവകാശികള്‍ ഹാജരാക്കിയാല്‍ പണം ലഭിക്കുന്നതിനു വേണ്ട നിര്‍ദേശങ്ങള്‍ ക്യാംപില്‍ ലഭിക്കും. ആര്‍.ബിഐ, ബാങ്കുകള്‍, സെബി, ഐ.ആര്‍.ഡി.എ.ഐ തുടങ്ങിയ സഹായ കേന്ദ്രങ്ങളുമുണ്ടാകും.

ജില്ലാതല പട്ടയമേള ഇന്ന് (31)

കോഴിക്കോട് ജില്ലാതല പട്ടയമേള ഇന്ന് (ഒക്ടോബർ 31) പകൽ 10.30-ന് കോവൂർ പി കൃഷ്ണപിള്ള മെമോറിയൽ ഹാളിൽ റവന്യൂ- ഭവന നിർമ്മാണ വകുപ്പ് മന്ത്രി കെ രാജൻ ഉദ്ഘാടനം ചെയ്യും. പൊതുമരാമത്ത് ടൂറിസം വകുപ്പ് മന്ത്രി പി എ മുഹമ്മദ് റിയാസ് അധ്യക്ഷനാവും. വനം വന്യജീവി സംരക്ഷണ വകുപ്പ് മന്ത്രി എ കെ ശശീന്ദ്രൻ, മേയർ ഡോ. ബീന ഫിലിപ്പ്, എം കെ രാഘവൻ എംപി, അഹമ്മദ് ദേവർകോവിൽ എംഎൽഎ തുടങ്ങിയവർ പങ്കെടുക്കും.

ഓഡിയോളജിസ്റ്റ് ആന്റ് എസ്എല്‍പി ഗ്രേഡ് II നിയമനം

എസ്.എസ്.എല്‍.സി മുതലുള്ള വിവിധ പൊതുപരീക്ഷകള്‍ക്ക് ഉയര്‍ന്ന മാര്‍ക്ക് വാങ്ങി വിജയിക്കുന്ന പട്ടികജാതി വിദ്യാര്‍ഥികള്‍ക്കുള്ള പ്രത്യേക പ്രോത്സാഹന സമ്മാനപദ്ധതി സ്‌കോളര്‍ഷിപ്പിന് അപേക്ഷ ക്ഷണിച്ചു. 2024-25 അധ്യയന വര്‍ഷം 'ബി' ഗ്രേഡ് അല്ലെങ്കില്‍ 60 ശതമാനം മാര്‍ക്കിന് മുകളില്‍ വാങ്ങിയവരാവണം. മാര്‍ക്ക് ലിസ്റ്റ് സഹിതം ഇ ഗ്രാന്റ്‌റ്സ് 3.0' പ്രൊഫൈല്‍ മുഖേന ഡിസംബര്‍ 31നകം അപേക്ഷിക്കണം. കൂടുതല്‍ വിവരങ്ങള്‍ ജില്ലാ പട്ടികജാതി വികസന ഓഫിസില്‍ ലഭിക്കും. ഫോണ്‍-0483 2734901.

ജില്ലാ ഭരണകൂടവും ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പും ചേര്‍ന്ന് സംഘടിപ്പിക്കുന്ന മലയാള ദിനാചരണത്തിന്റെയും ഭരണഭാഷാ വാരാചരണത്തിന്റെയും ജില്ലാതല ഉദ്ഘാടനം നവംബര്‍ ഒന്നിന് രാവിലെ 10.30ന് ജില്ലാ കലക്ടര്‍ വി.ആര്‍. വിനോദ് നിര്‍വഹിക്കും. സിവില്‍ സ്റ്റേഷനിലെ തദ്ദേശസ്വയംഭരണവകുപ്പ് ജോയിന്റ് ഡയറക്ടറുടെ കാര്യാലയത്തിലെ കോണ്‍ഫ്രന്‍സ് ഹാളില്‍ നടക്കുന്ന പരിപാടിയില്‍ ഭാഷാദിന പ്രതിജ്ഞ കലക്ടര്‍ ചൊല്ലിക്കൊടുക്കും. എഴുത്തുകാരനും പ്രഭാഷകനുമായ ഡോ. സന്തോഷ് വള്ളിക്കാട് മുഖ്യപ്രഭാഷണം നടത്തും. എ.ഡി.എം. എന്‍.എം. മെഹറലി അധ്യക്ഷത വഹിക്കും. ജില്ലാ ഇന്‍ഫര്‍മേഷന്‍ ഓഫീസിലെ അസി. എഡിറ്റര്‍ ഐ.ആര്‍.

കോട്ടക്കലിലുള്ള കേരള ആയുര്‍വേദിക് സ്റ്റഡീസ് ആന്‍ഡ് റിസര്‍ച്ച് സൊസൈറ്റിയില്‍ വി.പി.എസ്.വി ആയുര്‍വേദ കോളേജ് ആശുപത്രിയിലെ ബയോഗ്യാസ് പ്ലാന്റ് നവീകരണം, ജനറല്‍ വാര്‍ഡിലെ ബാത്ത്‌റൂം ബ്ലോക്കുകളുടെ നവീകരണം, അധ്യാപകര്‍ക്ക് കാബിന്‍ നിര്‍മിക്കല്‍ എന്നീ പ്രവൃത്തികള്‍ക്ക് പൊതുമരാമത്ത് വകുപ്പില്‍ രജിസ്റ്റര്‍ ചെയ്ത അംഗീകൃത കരാറുകാരില്‍ നിന്നും ഇ-ടെന്‍ഡര്‍ ക്ഷണിച്ചു. ടെന്‍ഡര്‍ ഫോമും  മറ്റു വിവരങ്ങളും https://etenders.kerala.gov.in എന്ന വെബ്‌സൈറ്റില്‍ ലഭിക്കും. ടെന്‍ഡറും അനുബന്ധ രേഖകളും നവംബര്‍ പത്തിന് വൈകുന്നേരം 4.30 വരെ ഓണ്‍ലൈനായി സ്വീകരിക്കും.

എല്ലാവര്‍ക്കും ഭൂമി, എല്ലാ ഭൂമിക്കും രേഖ, എല്ലാ സേവനങ്ങളും സ്മാര്‍ട്ട് എന്ന സംസ്ഥാന സര്‍ക്കാര്‍ ലക്ഷ്യത്തിന്റെ ഭാഗമായി റവന്യു വകുപ്പിന്റെ നേതൃത്വത്തില്‍ സംഘടിപ്പിക്കുന്ന ജില്ലാതല പട്ടയമേള നാളെ (ഒക്ടോബര്‍ 31)നടക്കും. രാവിലെ പത്തിന് കളക്ടറേറ്റ് കോണ്‍ഫ്രന്‍സ് ഹാളില്‍ നടക്കുന്ന പരിപാടി റവന്യു മന്ത്രി കെ. രാജന്‍ ഓണ്‍ലൈനായി ഉദ്ഘാടനം ചെയ്യും. കായിക-ന്യൂനപക്ഷ വകുപ്പ് മന്ത്രി വി. അബ്ദുറഹ്‌മാന്‍ അധ്യക്ഷത വഹിക്കും. എം.പി.മാരായ പ്രിയങ്ക ഗാന്ധി, ഇ.ടി. മുഹമ്മദ് ബഷീര്‍, അബ്ദുസ്സമദ് സമദാനി, പി.വി. അബ്ദുല്‍ വഹാബ്, പി.പി. സുനീര്‍, ജില്ലാ കളക്ടര്‍ വി.ആര്‍.

മലബാര്‍ ദേവസ്വം ബോര്‍ഡിന് കീഴിലുള്ള ക്ഷേത്ര ജീവനക്കാരുടെയും എക്സിക്യൂട്ടീവ് ഓഫീസര്‍മാരുടെയും ക്ഷേമനിധിയില്‍ നിന്ന് ബാങ്ക് മുഖേന പെന്‍ഷന്‍/ കുടുംബ പെന്‍ഷന്‍ കൈപ്പറ്റുന്ന എല്ലാ ഗുണഭോക്താക്കളും നവംബര്‍ 15ന് മുന്‍പായി ലൈഫ് സര്‍ട്ടിഫിക്കറ്റ് ഹാജരാക്കണം. വില്ലേജ് ഓഫീസര്‍/ഗസറ്റഡ് ഓഫീസര്‍/ബാങ്ക് മാനേജര്‍/ക്ഷേമനിധി ബോര്‍ഡ് മെമ്പര്‍ ഒപ്പിട്ട ലൈഫ് സര്‍ട്ടിഫിക്കറ്റിനോടൊപ്പം ബാങ്ക് പാസ്ബുക്ക് കോപ്പി, ആധാര്‍ കോപ്പി എന്നിവ സഹിതം സെക്രട്ടറി, മലബാര്‍ ക്ഷേത്ര ജീവനക്കാരുടെയും എക്സിക്യൂട്ടീവ് ഓഫീസര്‍മാരുടെയും ക്ഷേമനിധി, ഹൗസ്ഫെഡ് കോംപ്ലക്സ്, എരഞ്ഞിപ്പാലം പി.ഒ.കോഴിക്കോട് എന്ന വിലാസത്തില്‍ അയക്കണം.

ലോക പക്ഷാഘാത ദിനാചരണത്തിന്റെ ജില്ലാതല ഉദ്ഘാടനം ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക നിര്‍വഹിച്ചു. കുടുംബത്തിനും സമൂഹത്തിനും വലിയ ആഘാതം സൃഷ്ടിക്കുന്ന പക്ഷാഘാതത്തെ തടയാന്‍ ആരോഗ്യകരമായ ജീവിതശൈലി നിലനിര്‍ത്തണമെന്ന് ഡി.എം.ഒ. പറഞ്ഞു. മലപ്പുറം പടിഞ്ഞാറ്റുമുറി കാലിക്കറ്റ് സര്‍വകലാശാല ടീച്ചര്‍ എജ്യൂക്കേഷന്‍ സെന്ററില്‍ നടന്ന പരിപാടിയില്‍ പ്രിന്‍സിപ്പല്‍ ഗോപാലന്‍ മങ്കട അധ്യക്ഷത വഹിച്ചു.