ഇന്ത്യൻ നേവിയിലെ വിമുക്തഭടന്മാർക്കും അവരുടെ ആശ്രിതർക്കുമായി നവംബർ നാലിന് രാവിലെ 11 മണി മുതൽ ഉച്ചയ്ക്ക് ഒരു മണി വരെ ജില്ലാ സൈനിക ക്ഷേമ ഓഫീസ് കോൺഫറൻസ് ഹാളിൽ സതേൺ നേവൽ കമാൻഡിന്റെ നേതൃത്വത്തിൽ ഐഎൻഎസ് വെണ്ടുരുത്തിയിൽ നിന്നുള്ള ഉദ്യോഗസ്ഥർ സംവേദനാത്മക പരിപാടിയും ബോധവത്കരണ സെമിനാറും നടത്തുന്നു. ഇന്ത്യൻ നേവിയിലെ എല്ലാ വിമുക്തഭടന്മാരും അവരുടെ ആശ്രിതരും പരിപാടിയിൽ പങ്കെടുക്കണമെന്ന് ജില്ലാ സൈനിക ക്ഷേമ ഓഫീസർ അറിയിച്ചു.

64 മത് സംസ്ഥാന സ്കൂൾ കലോത്സവം ലോ ആൻറ് ഓർഡർ കമ്മിറ്റിയുടെ  നേതൃത്വത്തിൽ 2600 ഓളം വോളന്റിയർമാർക്ക്  രണ്ട് ഘട്ടങ്ങളിലായി പരിശീലനം നൽകും. ആദ്യ ഘട്ട പരിശീലനം കമ്മിറ്റി ചെയർമാൻ മുരളി പെരുനെല്ലി എം.എൽ.എ  ഉദ്ഘാടനം ചെയ്തു. ടൗൺ ഈസ്റ്റ് ഇൻസ്പെക്ടർ ബിബിൻ അധ്യക്ഷത വഹിച്ചു. കൺവീനർ ഫെറിൻ ജേക്കബ് കമ്മിറ്റിയുടെ പ്രവർത്തന രൂപരേഖ അവതരിപ്പിച്ചു.

ആദ്യഘട്ടം പരിശീലനം പൂർത്തിയാക്കിയ അധ്യാപകരുടെയും വിദ്യാർത്ഥികളുടെയും നേതൃത്വത്തിൽ രണ്ടാം ഘട്ട പരിശീലനം കലോത്സവ വേദികളിൽ നവംബർ - ഡിസംബർ മാസങ്ങളിൽ നടക്കും. കലോത്സവ വേദികളായ വിദ്യാലയങ്ങളിലെ പി.ടി.എ അംഗങ്ങളെ ഏകോപിപ്പിച്ച് ജാഗ്രതാ സമിതികൾ രൂപീകരിക്കും.

സ്പെഷ്യൽ ഇന്റൻസീവ് റിവിഷൻ (SIR 2025) ന്റെ ഭാഗമായി കളക്ടറേറ്റിൽ ആരംഭിച്ച ഹെൽപ്പ് ഡെസ്ക് ജില്ലാ കളക്ടർ അനു കുമാരി ഉദ്ഘാടനം ചെയ്തു. എസ്.ഐ.ആർ സംബന്ധിച്ച് പൊതുജനങ്ങൾക്കുള്ള സംശയങ്ങൾ ദുരീകരിക്കുക, ആവശ്യമായ സഹായങ്ങൾ നൽകുക എന്നിവയാണ് ഹെൽപ്പ് ഡെസ്കിന്റെ ഉദ്ദേശം.

കളക്ടറേറ്റിലെ ഇലക്ഷൻ വിഭാഗത്തിൽ രാവിലെ 9 മുതൽ രാത്രി 9 വരെയാണ് ഹെൽപ്പ് ഡെസ്ക് പ്രവർത്തിക്കുന്നത്. പൊതുജനങ്ങൾക്ക് ഹെൽപ്പ് ഡെസ്കിലേക്ക് വിളിക്കാവുന്നതാണ്.  

ഫോൺ: 8281889193. നോഡൽ ഓഫീസർ: 9497090375

വോട്ടര്‍പട്ടിക ശുദ്ധീകരണവുമായി ബന്ധപ്പെട്ട് തെരഞ്ഞെടുപ്പ് കമ്മീഷന്‍ നടത്തുന്ന സ്പെഷ്യന്‍ ഇന്റന്‍സീവ് റിവിഷന്‍ 2025 ന്റെ ഭാഗമായി ബൂത്ത് ലെവല്‍ ഓഫീസര്‍മാര്‍ക്ക് പരിശീലന പരിപാടി സംഘടിപ്പിക്കുന്നു. ജില്ലയിലെ വട്ടിയൂര്‍ക്കാവ്, നേമം മണ്ഡലങ്ങളിലെ ബൂത്ത് ലെവല്‍ ഓഫീസര്‍മാര്‍ക്കാണ് പരിശീലന പരിപാടി സംഘടിപ്പിക്കുന്നത്.  

ഇന്ന് (ഒക്ടോബർ 31) കോട്ടയ്ക്കകം പ്രിയദര്‍ശിനി ഹാളില്‍, വട്ടിയൂര്‍ക്കാവ് നിയോജകമണ്ഡലത്തിലെ ബിഎല്‍ഒമാര്‍ക്ക് രാവിലെ 9.30 നും നേമം മണ്ഡലത്തിലെ ബിഎല്‍ഒമാര്‍ക്ക് ഉച്ചക്ക് 2.00 മണിക്കുമാണ് പരിശീലന പരിപാടി സംഘടിപ്പിക്കുന്നത്.

മാനന്തവാടി  ക്ലബ്ബ്കുന്നിൽ നിർമ്മാണം പൂർത്തിയാക്കിയ നഗരസഭയുടെ പുതിയ ഓഫീസ് സമുച്ചയം പ്രിയങ്ക ഗാന്ധി വാദ്ര എം. പി ഉദ്ഘാടനം ചെയ്തു. സ്ഥലപരിമിതികളാലും അസൗകര്യങ്ങളാലും വീർപ്പുമുട്ടിയിരുന്ന  നഗരസഭാ ഓഫീസ് കെട്ടിടത്തിൽ നിന്നുമാറി മാനന്തവാടി  ക്ലബ്ബ്കുന്നിൽ നിർമ്മാണം പൂർത്തിയാക്കിയ പുതിയ കെട്ടിടത്തിൽ നഗരസഭയുടെ പ്രവർത്തനങ്ങൾക്ക് തുടക്കമായി. 15,000 ചതുരശ്ര അടി വിസ്തീർണത്തിൽ നാല് കോടി രൂപ ചെലവിലാണ് സമുച്ചയ നിർമ്മാണം പൂർത്തിയാക്കിയത്. നഗരസഭയുമായി ബന്ധപ്പെട്ട എല്ലാ ഓഫീസുകളും ഇതോടെ ഒരു കുടക്കീഴിലായി.

കണിയാമ്പറ്റ ഗവ യു.പി സ്‌കൂളില്‍ യു.പി.എസ്.ടി ഹിന്ദി തസ്തികയിലേക്ക് താത്ക്കാലിക നിയമനം നടത്തുന്നു. ഉദ്യോഗാര്‍ത്ഥികള്‍ യോഗ്യതാ സര്‍ട്ടിഫിക്കറ്റിന്റെ അസലുമായി ഒക്ടോബര്‍ 31  രാവിലെ 10.30ന് സ്‌കൂള്‍ ഓഫീസില്‍ നടക്കുന്ന  കൂടിക്കാഴ്ചയില്‍ പങ്കെടുക്കണം. ഫോണ്‍: 04936 286119

ജില്ലയിലെ വിവിധ ഫോറസ്റ്റ് റെയിഞ്ച്, വിവിധ വില്ലേജുകളില്‍ നിന്നും വനം വകുപ്പിന്റെ കുപ്പാടി ഡിപ്പോയില്‍ എത്തിച്ച തേക്ക്, വീട്ടി തടികള്‍, ബില്ലറ്റ്, വിറക് എന്നിവ നവംബര്‍ മൂന്നിന് ഓണ്‍ലൈനായി വില്‍പന നടത്തുന്നു. ഇ-ലേലത്തില്‍ പങ്കെടുക്കാന്‍ താത്പര്യമുള്ളവര്‍ www.mstcecommerce.com ല്‍  രജിസ്റ്റര്‍ ചെയ്യണം. ആവശ്യക്കാര്‍ക്ക് ഡിപ്പോയില്‍ നിന്നും സൗജന്യമായി രജിസ്‌ട്രേഷന്‍ ചെയ്ത് നല്‍കും. ഇ-ലേലത്തിന് മുമ്പ് ഡിപ്പോയിലെത്തി തടി പരിശോധിക്കാം. ഫോണ്‍: 8547602856, 8547602858, 04936 221562

മോട്ടോര്‍ തൊഴിലാളി ക്ഷേമനിധി പദ്ധതിയില്‍ അംഗങ്ങളായ തൊഴിലാളികളുടെ മക്കള്‍ക്ക്  വിദ്യാഭ്യാസ സ്‌കോളര്‍ഷിപ്പിന് അപേക്ഷിക്കാം.   എട്ടാം ക്ലാസിലോ അതിന് മുകളിലോ പഠിക്കുന്ന വിദ്യാര്‍ത്ഥികള്‍ക്കാണ് അപേക്ഷിക്കാന്‍ അവസരം. പുരിപ്പിച്ച അപേക്ഷകള്‍ നവംബര്‍ 30 നകം ജില്ലാ ഓഫീസില്‍ നല്‍കണം. അപേക്ഷാ ഫോം ജില്ലാ ഓഫീസിലും മോട്ടോര്‍ തൊഴിലാളി ക്ഷേമനിധി ബോര്‍ഡ്  വെബ്‌സൈറ്റിലും (kmtwwfb.org) ലഭിക്കും. കൂടുതല്‍ വിവരങ്ങള്‍ക്ക് ജില്ലാ ഓഫീസുമായി ബന്ധപ്പെടാം. ഫോണ്‍: 04936 206355,  9188519862.