എയ്ഡഡ് സ്‌കൂളുകളില്‍ ഭിന്നശേഷി സംവരണ നിയമന തസ്തിക വിവരങ്ങളും യോഗ്യരായ ഉദ്യോഗാര്‍ത്ഥികളുടെ വിവരങ്ങളും സമന്വയ വെബ്‌സൈറ്റില്‍ പ്രസിദ്ധീകരിച്ചതായി വിദ്യാഭ്യാസ ഉപഡയറക്ടര്‍ അറിയിച്ചു. ഉദ്യോഗാര്‍ത്ഥികള്‍ മൊബൈല്‍ നമ്പറില്‍ ലഭ്യമായ ലോഗിന്‍ വിവരങ്ങള്‍ ഉപയോഗിച്ച് https://samanwaya.kite.kerala.gov.in ല്‍ പ്രവേശിച്ച് നവംബര്‍ ഏഴിനകം പ്രൊഫൈല്‍ അപ്‌ഡേറ്റ് ചെയ്ത് സര്‍ട്ടിഫിക്കറ്റ് അപ്‌ലോഡ് ചെയ്യണം. ലഭ്യമായ ഒഴിവുകള്‍ പരിശോധിച്ച് ഉദ്യോഗാര്‍ത്ഥികള്‍ക്ക് ഓപ്ഷന്‍ നല്‍കാം.

ഹരിതകേരള മിഷന്റെയും ജില്ലാ ലൈബ്രറി കൗണ്‍സിലിന്റെയും നേതൃത്വത്തില്‍ ഹരിത ഗ്രന്ഥശാല ക്യാമ്പയിന്റെ ഭാഗമായി മാനന്തവാടി താലൂക്കിലെ മുഴുവന്‍ ഗ്രന്ഥശാലകളും ഹരിത ഗ്രന്ഥശാലകളായി പ്രഖ്യാപിച്ചു.  മാനന്തവാടി ബ്ലോക്ക്പഞ്ചായത്ത് പ്രസിഡന്റ് ജസ്റ്റിന്‍ ബേബി ഹരിത ഗ്രന്ഥശാല പ്രഖ്യാപനം നടത്തി. മാനന്തവാടി താലൂക്കിലെ 82 ഗ്രന്ഥശാലകളാണ് ഹരിതഗ്രന്ഥശാല പദവി നേടിയത്.

 *മത്സ്യ ഫാം/ ഹാച്ചറി ലൈസൻസ് പുതുക്കാം*

സംസ്ഥാന മത്സ്യവിത്ത് കേന്ദ്രത്തിൽ രജിസ്റ്റർ ചെയ്തിട്ടുള്ള ജില്ലയിലെ മത്സ്യ ഫാമുകൾക്കും ഹാച്ചറികൾക്കും 2025-26 വർഷത്തെ ലൈസൻസ് പുതുക്കുന്നതിന് അദാലത്തുകൾ സംഘടിപ്പിക്കുന്നു. മത്സ്യഭവനുകളിലാണ് അദാലത്തുകൾ നടത്തുന്നത്. നവംബർ ഒന്നിന് ഞാറക്കൽ, നവംബർ മൂന്നിന് ആലുവ , നവംബർ നാലിന് പറവൂർ , നവംബർ ആറിന് ഉദയംപേരൂർ, നവംബർ എട്ടിന് എറണാകുളം ചെല്ലാനം മത്സ്യ ഭവനുകളിലും അദാലത്തുകൾ നടക്കും.

അദാലത്തിൽ പങ്കെടുക്കുന്നവർ ഫാം/ഹാച്ചറി രജിസ്ട്രേഷൻ സർട്ടിഫിക്കറ്റ്, മുൻ വർഷത്തെ ലൈസൻസ് എന്നിവയുടെ പകർപ്പ് ഹാജരാക്കേണ്ടതാണ്.

 സാധാരണക്കാരായ മനുഷ്യരെ ശാക്തീകരിക്കുന്നതിൽ നിയമസാക്ഷരതയ്ക്ക് നിർണ്ണായക പങ്കുണ്ടെന്ന് കേരള ഹൈക്കോടതി ജഡ്ജി ജസ്റ്റിസ് എൻ. നഗരേഷ് പറഞ്ഞു.

എറണാകുളം ഗവൺമെന്റ് ലോ കോളേജ് ലീഗൽ എയ്ഡ് ക്ലിനിക്ക്, ജില്ലാ ലീഗൽ സർവീസസ് അതോറിറ്റി (DLSA), ആലുവ താലൂക്ക് ലീഗൽ സർവീസസ് അതോറിറ്റി  എന്നിവയുടെ സംയുക്താഭിമുഖ്യത്തിൽ സംഘടിപ്പിച്ച നിയമസാക്ഷരതാ സെമിനാറും ഔട്ട്‌റീച്ച് പ്രോജക്റ്റുകളുടെ ഉദ്ഘാടനവും നിർവ്വഹിച്ചു സംസാരിക്കുകയായിരുന്നു അദ്ദേഹം.

​ഇളവൂർ സെന്റ് ആന്റണീസ് ചർച്ച് ജൂബിലി ആഘോഷങ്ങളുടെ ഭാഗമായി മഹാത്മാഗാന്ധി സ്മാരക ഗ്രന്ഥശാലയുടെ സഹകരണത്തോടെ ചർച്ച് പാരിഷ് ഹാളിലാണ് ചടങ്ങ് നടന്നത്.

കടമക്കുടി സെൻ്റർ ബോട്ട് ജെട്ടി 52 ലക്ഷം രൂപ ചെലവിൽ പുനരുദ്ധരിക്കുമെന്ന് കെ.എൻ. ഉണ്ണിക്കൃഷ്ണൻ എം.എൽ.എ. അറിയിച്ചു. പുനരുദ്ധാരണത്തിനായിട്ടുള്ള തുക ജില്ലാ ജനറൽ സിവിൽ വർക്ക് ചീഫ് എഞ്ചിനീയർ അനുവദിച്ചു.

ഏകദേശം 25 വർഷങ്ങൾക്കു മുമ്പ് നാട്ടുകാരുടെ സഹകരണത്തോടെ നിർമ്മിക്കുകയും വിവിധ സർക്കാർ ഏജൻസികൾ കാലാകാലങ്ങളായി പണി നടത്തുകയും ചെയ്തിരുന്നു. 2018 ലെ വെള്ളപ്പൊക്കത്തിൻ്റെ ഭാഗമായി ജെട്ടി തകർന്നു. ബോട്ട് അടുപ്പിക്കാൻ കഴിയാത്ത സാഹചര്യമായി. നിലവിൽ സാധാരണ ജനവിഭാഗങ്ങൾക്കായി സർവീസ് നടത്തുന്ന ആശുപത്രി ബോട്ട് പോലും വളരെ ബുദ്ധിമുട്ടിയാണ് ജെട്ടിയിൽ അടുപ്പിക്കുന്നത്.

* വികസനരേഖ പ്രകാശനം ചെയ്തു

മരട് നഗരസഭയിൽ കഴിഞ്ഞ അഞ്ചുവർഷക്കാലത്ത് നടപ്പാക്കിയ സമഗ്ര വികസന പ്രവർത്തനങ്ങൾ ഉൾപ്പെടുത്തിയ വികസനരേഖ പ്രകാശനം ചെയ്തു. 

 നഗരസഭ കാര്യാലയത്തിൽ നടന്ന ചടങ്ങിൽ ചെയർപേഴ്സൺ ആൻ്റണി ആശാംപറമ്പിൽ 

പ്രകാശനം നിർവഹിച്ചു. തുടർന്ന് വൈസ് ചെയർപേഴ്സൺ അഡ്വ. രശ്മി സനിലിന് ചെയർപേഴ്സൺ വികസന രേഖ കൈമാറി.  

* വനിതാ കമ്മീഷൻ അദാലത്തിൽ 57 പരാതികൾക്ക് പരിഹാരം

കേരള വനിതാ കമ്മീഷന്‍ അധ്യക്ഷ പി.സതീദേവിയുടെ നേതൃത്വത്തില്‍ വൈ എം സി എ ഹാളില്‍ രണ്ട് ദിവസങ്ങളിലായി നടത്തിയ അദാലത്തില്‍ 57 പരാതികള്‍ തീര്‍പ്പാക്കി. ഒമ്പത് പരാതികളിൽ പോലീസില്‍ നിന്നും രണ്ട് പരാതികളിൽ ജാഗ്രത സമിതികളിൽ നിന്നും റിപ്പോർട്ട് തേടും. 180 പരാതികളാണ് കമ്മീഷന് മുമ്പാകെ എത്തിയത്. 112 പരാതികള്‍ അടുത്ത അദാലത്തില്‍ പരിഗണിക്കും. പുതിയതായി 5 പരാതികൾ കൂടി ലഭിച്ചു.

*അരൂക്കുറ്റിയിലെ നവീകരിച്ച ബോട്ട് ടെർമിനൽ ഉദ്ഘാടനം ചെയ്തു

സംസ്ഥാനത്തിൻ്റെ ഭാവി വികസനത്തിന് ദിശാബോധം നൽകുക എന്ന ലക്ഷ്യത്തോടെ സംസ്ഥാന സര്‍ക്കാര്‍ സംഘടിപ്പിക്കുന്ന 'വിഷൻ 2031"ന്റെ ഭാഗമായി മത്സ്യമേഖലയിലെ വികസനാധിഷ്‌ഠിത സെമിനാർ ഇന്ന് നടക്കും. ഒക്ടോബർ 31ന് രാവിലെ 10മണിക്ക് ആലപ്പുഴ യെസ്കെ ഓഡിറ്റോറിയത്തിൽ കൃഷി വകുപ്പ് മന്ത്രി പി പ്രസാദ് സെമിനാർ ഉദ്ഘാടനം ചെയ്യും. ഫിഷറീസ് വകുപ്പ് മന്ത്രി സജി ചെറിയാൻ അധ്യക്ഷനാകും.

ആലപ്പുഴ ജില്ലാ വ്യവസായ കേന്ദ്രത്തിൻറെ അഭിമുഖ്യത്തിൽ ജില്ലാതല നിക്ഷേപക സംഗമവും  ബാങ്കേഴ്‌സ് മീറ്റും ഇന്ന് (31) സംഘടിപ്പിക്കും.

രാവിലെ 11 മണിക്ക് ചുങ്കം പഗോഡ റിസോർട്ടിൽ  കൃഷി വകുപ്പ് മന്ത്രി പി പ്രസാദ്  പരിപാടി ഉദ്ഘാടനം ചെയ്യും . എച്ച് സലാം എം എൽ എ അധ്യക്ഷനാകും. ജില്ലാ വ്യവസായ കേന്ദ്രം ജനറൽ മാനേജർ പി എൻ അനിൽകുമാർ, വിവിധ ഉദ്യോഗസ്ഥർ തുടങ്ങിയവർ സംസാരിക്കും. രജിസ്ട്രേഷൻ രാവിലെ ഒമ്പത് മണി മുതൽ 10 മണി വരെ നടക്കും.