പുതിയ കെട്ടിടത്തിന്റെ ഉദ്ഘാടനം മന്ത്രി എ കെ ശശീന്ദ്രൻ ഇന്ന് (31) നിർവഹിക്കും

കട്ടിപ്പാറയുടെ മലയോര മണ്ണിൽ വായനാ–സാംസ്കാരിക പ്രവർത്തനത്തിൻ്റെ വിത്തുപാകിയ നെഹ്‌റു മെമ്മോറിയൽ ലൈബ്രറിക്ക് പുതിയ കെട്ടിടം ഒരുങ്ങി. അഞ്ച് പതിറ്റാണ്ടിൻ്റെ ചരിത്രമുള്ള ലൈബ്രറിക്ക് പുതിയ കെട്ടിടം ഒരുങ്ങിയത് കട്ടിപ്പാറയുടെ വായനാശീലത്തിനും സാമൂഹ്യജീവിതത്തിനും പുതിയ അധ്യായമാണ് തുറന്ന് നൽകുന്നത്.  കൊടുവള്ളി ബ്ലോക്ക്‌ പഞ്ചായത്ത് 2021-2025 വാർഷിക പദ്ധതികളിൽ ഉൾപ്പെടുത്തി 48 ലക്ഷം രൂപ വകയിരുത്തിയാണ് കെട്ടിട നിർമാണം പൂർത്തിയാക്കിയത്.

പേരാമ്പ്ര ബ്ലോക്ക് പഞ്ചായത്തിന്റെ ജനകീയാസൂത്രണ പദ്ധതിയിൽ ഫണ്ട് വകയിരുത്തി ആരംഭിച്ച കർഷക പരിശീലന കേന്ദ്രത്തിൻ്റെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് എൻ പി ബാബു നിർവഹിച്ചു. ബ്ലോക്ക്തല വിജ്ഞാന കേന്ദ്രത്തിൻ്റെ കീഴിൽ അത്യാധുനിക സംവിധാനങ്ങളോടെയാണ് ബ്ലോക്ക് പഞ്ചായത്ത് കെട്ടിടത്തിൽ പരിശീലന കേന്ദ്രം പ്രവർത്തനമാരംഭിച്ചത്. 

നാച്ചുറൽ മിഷൻ ഓൺ നാച്ചുറൽ ഫാമിംഗ് പദ്ധതിയുടെ ഭാഗമായി കർഷകർക്ക് പ്രകൃതി കൃഷി വിഷയത്തിൽ പരിശീലന പരിപാടിയും സംഘടിപ്പിച്ചു. ജില്ലാ കൃഷിത്തോട്ടത്തിലെ ഓഫീസർ പി മുബീന ക്ലാസ് നയിച്ചു. 

അധ്യാപക പരിശീലനവും സിജിഎം വിതരണവും സംഘടിപ്പിച്ചു 

ടൈപ്പ്-1 പ്രമേഹം നേരിടുന്ന കുട്ടികൾ അനുഭവിക്കുന്ന പ്രശ്നങ്ങളും വെല്ലുവിളികളും പരിഹരിക്കുന്നതിനായി കോഴിക്കോട് ജില്ലാ ഭരണകൂടം ആരംഭിച്ച 'സൗഖ്യ' പദ്ധതിയുടെ ഭാഗമായി ടൈപ്പ്-1 പ്രമേഹക്കാരായ കുട്ടികൾക്ക് പരിചരണവും പിന്തുണയും ഉറപ്പാക്കുന്നതിന് അധ്യാപകർക്ക് പരിശീലനം നൽകി. പരിശീലനം ജില്ലാ പഞ്ചായത്ത് വൈസ് പ്രസിഡൻറ് പി ഗവാസ് ഉദ്ഘാടനം ചെയ്തു. കളക്ടറേറ്റ് കോൺഫറൻസ് ഹാളിൽ നടന്ന ചടങ്ങിൽ സിജിഎം (കണ്ടിന്യുവസ് ഗ്ലൂക്കോസ് മോണിറ്ററിൽ സിസ്റ്റം) വിതരണം ജില്ലാ കളക്ടർ സ്നേഹിൽ കുമാർ സിംഗ് ഉദ്ഘാടനം ചെയ്തു. 

വടക്കാഞ്ചേരി മണ്ഡലത്തിലെ വിലങ്ങൻകുന്ന് വിനോദസഞ്ചാരകേന്ദ്രം വികസനത്തിന് 3.45 കോടി രൂപയുടെ ഭരണാനുമതി ലഭിച്ചതായി സേവ്യർ ചിറ്റിലപ്പിള്ളി എംഎൽഎ അറിയിച്ചു. വിലങ്ങൻകുന്നിലെ ആദ്യഘട്ട സൗന്ദര്യവത്കരണ പ്രവൃത്തികൾക്ക് 2024-25 സാമ്പത്തിക വർഷത്തിൽ ഒരു കോടി രൂപയുടെ ഭരണാനുമതി ലഭിച്ചിരുന്നു. ടൂറിസം വകുപ്പിന്റെ 2025-26 വർഷത്തെ പ്ലാൻ പദ്ധതികളിൽ ഉൾപ്പെടുത്തി "വിലങ്ങൻകുന്ന് സൗന്ദര്യവത്കരണം - രണ്ടാം ഘട്ടം" പദ്ധതിക്ക് 2.45 കോടി രൂപയുടെ കൂടി ഭരണാനുമതിയായി. ഇതോടെ 3.45 കോടി രൂപയുടെ വികസന പ്രവർത്തനങ്ങളാണ് വിലങ്ങൻകുന്നിൽ യാഥാർത്ഥ്യമാകുന്നത്.

വരന്തരപ്പിള്ളി ഗ്രാമ പഞ്ചായത്ത് ഹെൽത്ത് ഗ്രാൻ്റിൽ നിന്നും 55 ലക്ഷം രൂപ ചെലവഴിച്ചു നിർമ്മിച്ച  കുണ്ടായി ഹെൽത്ത് സബ് സെന്ററിന്റെ ഉദ്ഘാടനം കെ കെ രാമചന്ദ്രൻ എംഎൽഎ നിർവഹിച്ചു. പഞ്ചായത്തിൻ്റെ 2025-26 വാർഷിക പദ്ധതിയിൽ ഉൾപ്പെടുത്തിയാണ് കുണ്ടായി ഹെൽത്ത് സബ് സെൻ്റർ നിർമ്മിച്ചത്.
അംഗൻവാടിക്കും സബ് സെന്ററിനുമായി സ്ഥലം വിട്ടു നൽകിയ വണ്ടിക്കൽ ബീവിയെ യോഗത്തിൽ ആദരിച്ചു

അന്തിക്കാട് ബ്ലോക്ക് പഞ്ചായത്ത് കമ്മ്യൂണിറ്റി ഹാളിന്റെ നിർമ്മാണ ഉദ്ഘാടനം  സി സി മുകുന്ദൻ എംഎൽഎ  നിർവഹിച്ചു. അന്തിക്കാട് ബ്ലോക്ക്‌ പ്രസിഡൻറ് കെ കെ ശശിധരൻ അധ്യക്ഷത വഹിച്ചു.സംസ്ഥാന സർക്കാർ ബഡ്ജറ്റിൽ രണ്ട് കോടി രൂപയാണ് ആദ്യഘട്ടത്തിൽ നിർമ്മാണത്തിനായി  അനുവദിച്ചിട്ടുള്ളത്.

കണ്ടാണശ്ശേരി ഗ്രാമപഞ്ചായത്തിലെ  ആര്യംപാടം - ശങ്കരംകുളം റോഡിന്റെ നിർമ്മാണോദ്ഘാടനം മുരളി പെരുനെല്ലി   എം.എൽ.എ നിർവഹിച്ചു. ഗ്രാമപഞ്ചായത്ത് പ്രസിഡൻ്റ് മിനി ജയൻ അധ്യക്ഷത വഹിച്ചു. ചൊവ്വന്നൂർ ബ്ലോക്ക് പഞ്ചായത്ത് വൈസ് പ്രസിഡൻ്റ് കെ.ജി പ്രമോദ് മുഖ്യാതിഥിയായി പങ്കെടുത്തു.

2023- 2024 എം.എൽ.എ ആസ്തി വികസന ഫണ്ടിൽ നിന്നും 25 ലക്ഷം രൂപ ചിലവഴിച്ചാണ് കോൺക്രീറ്റ് റോഡിന്റെ നിർമാണം പൂർത്തീകരിച്ചത്.

ചൊവ്വന്നൂർ ബ്ലോക്ക് പഞ്ചായത്ത് വാർഷിക പദ്ധതിയിൽ ഉൾപ്പെടുത്തി നിർമ്മിച്ച വനിതാ വ്യവസായ കേന്ദ്രത്തിന്റെ ഉദ്ഘാടനം എ.സി മൊയ്തീൻ എം.എൽ.എ നിർവഹിച്ചു. ബ്ലോക്ക് പഞ്ചായത്ത് പ്രസിഡൻ്റ് ആൻസി വില്യംസ് അധ്യക്ഷത വഹിച്ചു.

വനിതാ ശാക്തീകരണവും സംരംഭകത്വ വികസനവും ലക്ഷ്യമാക്കി ബ്ലോക്ക് പഞ്ചായത്തിൻ്റെ 2019 വാർഷിക പദ്ധതിയിൽ ഉൾപ്പെടുത്തിയാണ് വ്യവസായ കേന്ദ്രത്തിന്റെ നിർമ്മാണം പൂർത്തീകരിച്ചത്. തുടർന്ന് 2024-25 വാർഷിക പദ്ധതിയിൽ ഉൾപ്പെടുത്തി വ്യവസായ കേന്ദ്രത്തിൽ യന്ത്രോപകരണങ്ങൾ സ്ഥാപിച്ചു.
 

പട്ടികജാതി വികസന വകുപ്പിന് കീഴിൽ ജില്ലയിൽ പ്രവർത്തിക്കുന്ന നടത്തറ, ഹെർബർട്ട് നഗർ, എങ്കക്കാട്, പുല്ലൂറ്റ്, എടത്തിരുത്തി എന്നീ അഞ്ച് ഗവ. ഐ.ടി.ഐകളിൽ 2025-26 അദ്ധ്യയന വർഷത്തിൽ നിശ്ചിത കാലയളവിൽ എംപ്ലോയബിലിറ്റി സ്കിൽസ് എന്ന വിഷയം പഠിപ്പിക്കുന്നതിന് ഗസ്റ്റ് ഇൻസ്ട്രക്ടർമാരെ നിയമിക്കുന്നു.

വികസന നേട്ടങ്ങള്‍ ചര്‍ച്ച് ചെയ്്ത് കോട്ടത്തറ ഗ്രാമപഞ്ചായത്ത് വികസന സദസ് സംഘടിപ്പിച്ചു.  ഗ്രാമപഞ്ചായത്ത്ഉമ്മന്‍ചാണ്ടി സ്മാരക ഹാളില്‍ നടന്ന വികസന സദസ് പ്രസിഡന്റ് പി.പി റനീഷ് ഉദ്ഘാടനം ചെയ്തു. ഗ്രാമപഞ്ചായത്തിലെ എല്ലാ വിഭാഗം ജനങ്ങള്‍ക്കും സുരക്ഷിതമായ പാര്‍പ്പിടം ഒരുക്കാന്‍  7.16 കോടി രൂപവിനിയോഗിച്ചതായി വികസന സദസ്സില്‍വിശദീകരിച്ചു. ദേശീയ തൊഴിലുറപ്പ് പദ്ധതിയിലൂടെ 30 ലക്ഷം രൂപ ചെലവില്‍വണ്ടിയാമ്പറ്റ മുതലടി ചെക്ക് ഡാംനിര്‍മ്മിച്ചത് സംസ്ഥാനത്തിന്മാതൃകയായ പ്രവര്‍ത്തനമായി സദസ് വിലയിരുത്തി.