കോട്ടയം: കെല്‍ട്രോണിന്റെ കോട്ടയം നോളജ് സെന്ററില്‍ വിവിധ ഡിപ്ലോമ കോഴ്‌സുകള്‍ക്ക് നവംബര്‍ പത്തു വരെ രജിസ്റ്റര്‍ ചെയ്യുന്നവര്‍ക്ക് പത്തു ശതമാനം ഫീസ് ഇളവ് ലഭിക്കും. 

രജിസ്റ്റര്‍ ചെയ്യുന്നതിന് യോഗ്യതാ സര്‍ട്ടിഫിക്കറ്റുകളുടെയും ആധാര്‍ കാര്‍ഡിന്റെയും പകര്‍പ്പുകളുമായി നാഗമ്പടം കെല്‍ട്രോണ്‍ നോളജ് സെന്ററില്‍ എത്തണം. ഫോണ്‍:6282841772, 8590118698, 0481-2304031

കൂടരഞ്ഞി ഗ്രാമപഞ്ചായത്തിൽ പുതുതായി നിർമ്മിച്ച ബഡ്സ് സ്കൂൾ കെട്ടിടം ലിന്റോ ജോസഫ് എംഎൽഎ ഉദ്ഘാടനം ചെയ്തു. കേരള സാമൂഹ്യ സുരക്ഷ മിഷൻ ബുദ്ധിമുട്ട് അനുഭവിക്കുന്ന കുട്ടികൾക്കും യുവാക്കൾക്കും പ്രാഥമിക വിദ്യാഭ്യാസം, തൊഴിൽ പരിശീലനം, സാമൂഹിക സംയോജനവത്കരണം എന്നിവ നൽകുന്നതിനായി ആവിഷ്കരിച്ച ബഡ്‌സ് പദ്ധതിയുടെ ഭാഗമായാണ് ബഡ്‌സ് സ്കൂൾ നിർമ്മിച്ചത്. ഗ്രാമപഞ്ചായത്ത് പ്രസിഡന്റ്‌ ആദർശ് ജോസഫ് അധ്യക്ഷനായി.

കോട്ടയം: ഭക്ഷ്യസുരക്ഷാ അസിസ്റ്റന്റ് കമ്മീഷണറുടെ കാര്യാലയത്തിന്റെ പരിധിയില്‍ വരുന്ന പ്രദേശങ്ങളില്‍ ഭക്ഷ്യസുരക്ഷാ പ്രവര്‍ത്തനങ്ങള്‍ക്ക് കരാര്‍ അടിസ്ഥാനത്തില്‍ വാഹനം വാടകയ്ക്ക് ലഭ്യമാക്കുന്നതിന് ദര്‍ഘാസ് ക്ഷണിച്ചു. ഫോണ്‍: 0481-2564677. 

കൊയിലാണ്ടി നഗരസഭയിലെ ജൈവ വൈവിധ്യ പരിപാലന സമിതിയുടെ നേതൃത്വത്തിൽ തയാറാക്കിയ പുതുക്കിയ ജൈവവൈവിധ്യ രജിസ്റ്ററിൻ്റെ പ്രകാശനം കാനത്തിൽ ജമീല എംഎൽഎ ഓൺലൈനായി ജില്ലാ ജൈവവൈവിധ്യ സമിതി കോർഡിനേറ്റർ ഡോ. മഞ്ജു ധനീഷിന് നൽകി പ്രകാശനം ചെയ്തു. ചടങ്ങ് നഗരസഭ ചെയർപേഴ്സൺ സുധ കിഴക്കെപ്പാട്ട് ഉദ്ഘാടനം ചെയ്തു. പരിസ്ഥിതി പ്രവർത്തകൻ സത്യൻ മേപ്പയൂർ, ടി സുരേഷ് എന്നിവർ പ്രഭാഷണം നടത്തി.

സഹകരണ പ്രസ്ഥാനങ്ങൾ നാടിന്റെ സമ്പദ് വ്യവസ്ഥയുടെ അടിസ്ഥാന ഘടകമാണെന്ന് റവന്യൂ, ഭവന നിർമ്മാണ വകുപ്പ് മന്ത്രി കെ രാജൻ. നാട്ടിക സർവ്വീസ് സഹകരണ ബാങ്ക് ബീച്ച് ബ്രാഞ്ച് പുതിയ കെട്ടിടത്തിൻ്റെ ഉദ്ഘാടനം നിർവഹിച്ച ശേഷം സംസാരിക്കുകയായിരുന്നു മന്ത്രി.  ഈ നാടിന്റെ എല്ലാവിധത്തിലുള്ള പ്രവർത്തനത്തിനും നേതൃത്വം നൽകിയവരാണ് ബാങ്ക് ജീവനക്കാർ.  പഞ്ചായത്തുകളുടെ സാമ്പത്തിക സ്രോതസ് ആയി മാറിയവരാണ് സഹകരണ പ്രസ്ഥാനങ്ങളെന്നും സാധാരണക്കാരുടെ ജീവിത മുന്നേറ്റത്തിന് ആവശ്യമായ സഹായം നൽകുന്നത് സഹകരണ പ്രസ്ഥാനങ്ങളിലൂടെയാണെന്നും മന്ത്രി പറഞ്ഞു.

കോട്ടയം: തപാല്‍ വകുപ്പിന്റെ കോട്ടയം ഡിവിഷനിലെ  അദാലത്ത് നവംബര്‍ 12 രാവിലെ 11ന് പോസ്റ്റ് ഓഫീസ് സീനിയര്‍ സൂപ്രണ്ട് ഓഫീസില്‍ നടക്കും. 

കോട്ടയം ഡിവിഷനിലെ തപാല്‍ സേവനങ്ങളെക്കുറിച്ചുള്ള പരാതികളും സേവനം മെച്ചപ്പെടുത്തുന്നതിനുള്ള നിര്‍ദേശങ്ങളും  പരിഗണിക്കും. പങ്കെടുക്കാന്‍ ഉദ്ദേശിക്കുന്നവര്‍ നവംബര്‍ നാലിനു മുന്‍പ് ലഭിക്കത്തക്ക വിധം പരാതികള്‍ അയയ്ക്കണം. 

വിലാസം: ഓഫീസ് ഓഫ് സീനിയര്‍ സൂപ്രണ്ട് ഓഫ് പോസ്റ്റ് ഓഫീസ്സ്, കോട്ടയം ഡിവിഷന്‍, കോട്ടയം- 686001.  ഫോണ്‍: 0481-2582970, 2301066, 2581680.

 കയ്പമംഗലം നിയോജകമണ്ഡലത്തിലെ ജനങ്ങളുടെ ചിരകാല സ്വപ്നമായിരുന്ന മിനി സിവിൽ സ്റ്റേഷൻ യാഥാർത്ഥ്യമാകുന്നു. മിനി സിവിൽ സ്റ്റേഷന്റെ നിർമ്മാണോദ്ഘാടനം റവന്യൂ, ഭവന നിർമാണ വകുപ്പ് മന്ത്രി കെ രാജൻ നിർവഹിച്ചു.

 കേരളത്തിലെ 140 മണ്ഡലങ്ങളിൽ സഞ്ചരിച്ച് സർക്കാരിന് പറയാനുള്ളത് പറയുവാനും ജനങ്ങൾക്ക് പറയാനുള്ളത് കേൾക്കുവാനും നടത്തിയ നവകേരള സദസ്സിന്റെ ഫലമായാണ് കയ്പമംഗലം മണ്ഡലത്തിൽ നിർമ്മിക്കാൻ പോകുന്ന മിനി സിവിൽ സ്റ്റേഷൻ. നവ കേരള സദസ്സിന്റെ ഭാഗമായി ജില്ലക്ക് ലഭിച്ച വികസന പ്രവൃത്തികളിൽ തറക്കല്ലിട്ട് നിർമ്മാണം ആരംഭിക്കുന്ന ആദ്യ പ്രവൃത്തിയാണ് കയ്പമംഗലം സിവിൽ സ്റ്റേഷനെന്ന് മന്ത്രി പറഞ്ഞു.

ജില്ലയിലെ കായികപ്രേമികള്‍ ഏറെ പ്രതീക്ഷയോടെ കാത്തിരുന്ന ഫുട്‌ബോള്‍ ഇതിഹാസമായ പത്മശ്രീ പുരസ്‌ക്കാര ജേതാവായ ഐ.എം. വിജയന്റെ പേരിലുള്ള സ്‌പോര്‍ട്‌സ് കോംപ്ലക്‌സ് യാഥാര്‍ത്ഥ്യമാകുന്നു. മാലിന്യകൂമ്പാരമായിരുന്ന ലാലൂര്‍ ഇനി ചരിത്രത്തില്‍ അടയാളപ്പെടുത്തുന്ന കായിക വിസ്മയത്തിന്റെ ഈറ്റില്ലമായി മാറുകയാണ്.