കോട്ടയം: അസാപ് കേരളയും തിരുവല്ല മെഡിക്കല്‍ മിഷന്‍ ആശുപത്രിയും ചേര്‍ന്ന് നടത്തുന്ന ജനറല്‍ ഡ്യൂട്ടി അസിസ്റ്റന്റ് അഡ്വാന്‍സ്ഡ് കോഴ്‌സിലേക്ക് അഡ്മിഷന്‍ ആരംഭിച്ചു. പ്ലസ്ടു യോഗ്യതയുള്ളവര്‍ക്ക് അപേക്ഷിക്കാം. പ്രായപരിധി 18-40 വയസ്. അവസാന തീയതി: നവംബര്‍ ഏഴ്. ഫോണ്‍: 9495999688, 9496085912.

മലബാർ ദേവസ്വം ബോർഡിനു കീഴിലുള്ള മലബാർ ക്ഷേത്ര ജീവനക്കാരുടെയും എക്‌സിക്യൂട്ടീവ് ഓഫീസർമാരുടെയും ക്ഷേമനിധിയിൽ നിന്നും ബാങ്ക് മുഖേന പെൻഷൻ/കുടുംബപെൻഷൻ കൈപ്പറ്റി വരുന്ന എല്ലാ ഗുണഭോക്താക്കളും നവംബർ 15 നു മുൻപ് 'ലൈഫ് സർട്ടിഫിക്കറ്റ്', സമർപ്പിക്കേണ്ടതാണ്. വില്ലേജ് ഓഫീസർ/ഗസറ്റഡ് ഓഫീസർ/ബാങ്ക് മാനേജർ/ക്ഷേമനിധി ബോർഡ് മെമ്പർ ഒപ്പിട്ട 'ലൈഫ് സർട്ടിഫിക്കറ്റ്', ബാങ്ക് പാസ്‌ബുക്ക് കോപ്പി, ആധാർ കോപ്പി എന്നിവ സഹിതം സെക്രട്ടറി, മലബാർ ക്ഷേത്ര ജീവനക്കാരുടെയും എക്‌സിക്യുട്ടീവ് ഓഫീസർമാരുടെയും ക്ഷേമനിധി, ഹൗസ് ഫെഡ് കോംപ്ലക്‌സ്, പി.ഒ.എരഞ്ഞിപ്പാലം, കോഴിക്കോട്-673 006 എന്ന വിലാസത്തിൽ അയക്കുക.

പട്ടികജാതി വികസന വകുപ്പിന് കീഴിൽ തൃശ്ശൂർ ജില്ലയിൽ പ്രവർത്തിക്കുന്ന നടത്തറ, ഹെർബർട്ട് നഗർ, ഏങ്കക്കാട്, പുല്ലൂറ്റ്, എടത്തിരുത്തി എന്നീ അഞ്ച് ഗവൺമെൻ്റ് ഐ.ടി.ഐ കളിൽ 2025-26 അധ്യയന വർഷത്തിൽ എംപ്ലോയബിലിറ്റി സ്കിൽസ് വിഷയത്തിൽ ഗസ്റ്റ് ഇൻസ്ട്രക്ടർമാരെ ക്ഷണിക്കുന്നു.

എം.ബി.എ/ ബി.ബി.എ/ ഏതെങ്കിലും വിഷയത്തിൽ ഡിപ്ലോമ/ രണ്ട് വർഷത്തെ പ്രവൃത്തി പരിചയവും ഡി.ജി.ടി അംഗീകൃത സ്ഥാപനങ്ങളിൽ നിന്ന് എംപ്ലോയബിലിറ്റി സ്കിൽസ് വിഷയത്തിൽ ഷോർട്ട് ടേം ടി.ഒ.ടി കോഴ്‌സ് പൂർത്തിയാക്കിയവരും പ്ലസ് ടു അല്ലെങ്കിൽ ഡിപ്ലോമ തലത്തിലോ അതിനുമുകളിൽ ഇംഗ്ലീഷ് / കമ്മ്യൂണിക്കേഷൻ സ്കില്ലും ബേസിക് കമ്പ്യൂട്ടറും പഠിച്ചിരിക്കണം.

വേളൂക്കര ഗ്രാമപഞ്ചായത്തിലെ രണ്ടാം വാർഡിൽ ആധുനിക സൗകര്യങ്ങളോട് കൂടിയ നിവേദ്യ അങ്കണവാടി കെട്ടിടം യാഥാർത്ഥ്യമായി. ആർ.സി.സി ഫ്രെയിംഡ് സ്ട്രക്ചറിൽ 780 ചതുരശ്ര മീറ്റർ വിസ്തൃതിയിലുള്ള ഈ പുതിയ കെട്ടിടം, കുട്ടികൾക്കും അമ്മമാർക്കും സുരക്ഷിതവും സൗകര്യപ്രദവുമായ അന്തരീക്ഷം ഒരുക്കുന്നു. അങ്കണവാടി യാത്ഥാർത്ഥ്യമായതോടെ കുഞ്ഞുങ്ങളുടെ സ്വപ്നങ്ങൾക്കും അമ്മമാരുടെ ആശ്വാസത്തിനും ഒരുപോലെ ഒരിടം ലഭിച്ചു.
 

കോട്ടയം: തൊഴില്‍ വകുപ്പും സാമ്പത്തിക സ്ഥിതിവിവരക്കണക്ക് വകുപ്പും ചേര്‍ന്ന് നടത്തുന്ന കുടുംബ ബജറ്റ് സര്‍വേ ആരംഭിച്ചു. കാര്‍ഷിക വ്യാവസായിക തൊഴിലാളികളുടെ മിനിമം വേതന നിയമപ്രകാരമുളള ക്ഷാമബത്ത നിശ്ചയിക്കുന്നതിനുള്ള ഉപഭോക്തൃ വിലസൂചികയുടെ അടിസ്ഥാന വര്‍ഷം പുതുക്കുകയാണ് ഉദ്ദേശം. ജില്ലയിലെ കോട്ടയം, മുണ്ടക്കയം സെന്ററുകളിലായി 720 തൊഴിലാളി കുടുംബങ്ങള്‍ സര്‍വ്വേയുടെ ഭാഗമാകും.

മാടക്കത്തറ ഗ്രാമപഞ്ചായത്ത് റബ്ബർമാറ്റ്, മിനറൽ മിക്ചർ ( കാൽസ്യം ) വിതരണം ചെയ്തു. പഞ്ചായത്ത് പ്രസിഡന്റ് ഇന്ദിര മോഹനൻ വിതരണോദ്ഘാടനം നിർവഹിച്ചു. ഗ്രാമപഞ്ചായത്ത് വികസനകാര്യ സ്റ്റാന്റിംഗ് കമ്മിറ്റി ചെയർപേഴ്സൺ സാവിത്രി രാമചന്ദ്രൻ അധ്യക്ഷത വഹിച്ചു. താണികുടം മൃഗാശുപത്രിയിൽ നടന്ന ചടങ്ങിൽ ഡോ. ശരണ്യ,  ഡോ. സിൻസി, ഗ്രാമപഞ്ചായത്തംഗം മിഥുൻ തുടങ്ങിയവർ സംസാരിച്ചു.

അവണൂർ റോഡിൽ മണിത്തറ മുതൽ മുണ്ടൂർ വരെ നവംബർ ഒന്ന് മുതൽ ടാറിംഗ് പണി നടക്കുന്നതിനാൽ പ്രവൃത്തി തീരുന്നത് വരെ വാഹന ഗതാഗതം പൂർണമായും തടസപ്പെടുമെന്ന് അസിസ്റ്റന്റ് എഞ്ചിനീയർ അറിയിച്ചു. വാഹനങ്ങൾ ചൂലിശ്ശേരി, കൊളങ്ങട്ടുകര, വരടിയം, അമല വഴി പോകാവുന്നതാണെന്ന് അസിസ്റ്റന്റ് എഞ്ചിനീയർ അറിയിച്ചു

 ഗതാഗത നിയന്ത്രണം

കോട്ടയം: ആരോഗ്യവകുപ്പിലെ ജൂനിയര്‍ ഹെല്‍ത്ത് ഇന്‍സ്‌പെക്ടര്‍ ഗ്രേഡ് 2 തസ്തികയിലേക്ക് 2022 ഫെബ്രുവരി പത്തിന് നിലവില്‍ വന്ന 73/2022/ഡി.ഒ.കെ  റാങ്ക് പട്ടിക റദ്ദാക്കി. ഒ.ബി.സി വിഭാഗത്തിനുവേണ്ടി മാറ്റിവെച്ച നിയമന ശുപാര്‍ശയില്‍ 2022 ജൂലൈയില്‍ ഉദ്യോഗാര്‍ഥി ജോലിയില്‍ പ്രവേശിച്ചതിനാലാണ് റാങ്ക് പട്ടിക റദ്ദാക്കിയതെന്ന് കേരള പബ്ലിക് സര്‍വീസ് കമ്മീഷന്‍ കോട്ടയം ജില്ലാ ഓഫീസര്‍ അറിയിച്ചു.

ജില്ലയിലെ രണ്ടാമത്തെ തെരുവുനായ പ്രജനന നിയന്ത്രണ കേന്ദ്രം (എ ബി സി-സെന്റർ ) മാള ബ്ലോക്ക് പഞ്ചായത്തിൽ പ്രവർത്തനം ആരംഭിച്ചു. കേന്ദ്രത്തിന്റെ ഉദ്ഘാടനം അഡ്വ. വി. ആർ. സുനിൽകുമാർ എം.എൽ.എ നിർവഹിച്ചു. മാള ബ്ലോക്ക് പഞ്ചായത്ത് ഹാളിൽ വെച്ച് നടന്ന ചടങ്ങിൽ ജില്ലാ പഞ്ചായത്ത് പ്രസിഡന്റ് വി. എസ്. പ്രിൻസ് അധ്യക്ഷത വഹിച്ചു.

കുടുംബശ്രീ അഗ്രി ന്യൂട്രി ഗാർഡൻ പദ്ധതിയുടെ 2025- 26 സാമ്പത്തിക വർഷത്തെ ജില്ലാതല ഉദ്ഘാടനം റവന്യൂ ഭവന നിർമാണ വകുപ്പ് മന്ത്രി അഡ്വ. കെ. രാജൻ നിർവ്വഹിച്ചു. പദ്ധതിയുടെ പ്രത്യേകതകളെ കുറിച്ച് ഉദ്ഘാടന പ്രസംഗത്തിൽ അദ്ദേഹം സംസാരിച്ചു. കാർഷിക പ്രവർത്തനങ്ങളിലേക്ക് കുടുംബശ്രീ എത്തിയ സാഹചര്യത്തെ കുറിച്ചും കാർഷിക സംസ്കാരത്തിനൊപ്പം അത് കൊണ്ടുവരുന്ന ഒരു ഭക്ഷ്യ സംസ്കാരത്തെ കുറിച്ചും മന്ത്രി സൂചിപ്പിച്ചു.