കുടുംബശ്രീയും കേന്ദ്ര ഗ്രാമവികസന മന്ത്രാലയവും സംയുക്തമായി 2026 ജനുവരി രണ്ടു മുതല്‍ 11 വരെ പാലക്കാട് തൃത്താല ചാലിശ്ശേരിയില്‍ സംഘടിപ്പിക്കുന്ന ദേശീയ സരസ് മേളയുടെ സമ്മാനക്കൂപ്പണുകള്‍ വിതരണം ചെയ്തു. ജില്ലയിലെ 97 സി ഡി എസ്സുകള്‍ക്കായി ആദ്യഘട്ട സമ്മാന കൂപ്പണുകള്‍ ഹോട്ടല്‍ ഗസാലയില്‍ കുടുംബശ്രീ ജില്ലാമിഷന്‍ കോര്‍ഡിനേറ്റര്‍ ബി എസ് മനോജ,് അസിസ്റ്റന്റ് ജില്ലാ മിഷന്‍ കോര്‍ഡിനേറ്റര്‍ എസ് അനുരാധ എന്നിവര്‍ സി ഡി എസ് ചെയര്‍പേഴ്സണ്‍മാര്‍ക്ക് വിതരണം ചെയ്തു.

അറ്റകുറ്റപ്പണികള്‍ നടക്കുന്നതിനാല്‍ പുതുനഗരം -പാലക്കാട് ടൗണിനിടയിലുള്ള യാക്കര റെയില്‍വേ ഗേറ്റ് (ലെവല്‍ ക്രോസ് നമ്പര്‍ 46) നവംബര്‍ എട്ടിന് രാവിലെ ഏഴ് മുതല്‍ നവംബര്‍ 12 ന് രാത്രി ഏഴ് വരെ അടച്ചിടും. യാക്കര -പാലക്കാട് ടൗണ്‍ വഴി പോകേണ്ട വാഹനങ്ങള്‍ ഇംഗ്ലീഷ് ചര്‍ച്ച് -ഡി.പി.ഒ റോഡ് ഉപയോഗപ്പെടുത്തണമെന്ന് കൊല്ലങ്കോട് സീനിയര്‍ സെക്ഷന്‍ എഞ്ചിനീയര്‍ അറിയിച്ചു.

ജില്ലാ വ്യവസായ കേന്ദ്രത്തിന്റെ ആഭിമുഖ്യത്തില്‍ നടന്ന ജില്ലാതല ഇൻവെസ്റ്റേഴ്സ് മീറ്റ് 2025 വി കെ ശ്രീകണ്ഠൻ എം പി ഉദ്ഘാടനം ചെയ്തു.

നിക്ഷേപകരെ ആകര്‍ഷിക്കുക, നിക്ഷേപം പ്രോത്സാഹിപ്പിക്കുക, നൂതനമായ സംരംഭ ആശയങ്ങള്‍ അവതരിപ്പിക്കുക, വിവിധ സര്‍ക്കാര്‍ വകുപ്പുകളുടെ അനുമതികളും സേവനങ്ങളും വിശദീകരിക്കുക, വിവിധ ധനകാര്യ സ്ഥാപനങ്ങളുടെ പദ്ധതികളെ അവതരിപ്പിക്കുക എന്ന ലക്ഷ്യങ്ങളുമായാണ് ഇൻവെസ്റ്റേഴ്സ് മീറ്റ് സംഘടിപ്പിച്ചത്.

#ശിലാസ്ഥാപനം മന്ത്രി ജെ.ചിഞ്ചുറാണി നിർവ്വഹിച്ചു​#

പാറശ്ശാല പന്നിവളർത്തൽ കേന്ദ്രത്തിന്റെ പുനർനിർമ്മാണത്തിന്റെ ശിലാസ്ഥാപനം മൃഗസംരക്ഷണ ക്ഷീര വികസന വകുപ്പ് മന്ത്രി ജെ.ചിഞ്ചുറാണി നിർവ്വഹിച്ചു.

അസുഖം ബാധിച്ച പന്നികളെ കേരളത്തിലേക്ക് കയറ്റി അയയ്ക്കുന്ന സാഹചര്യം പൂർണമായും തടഞ്ഞ് നല്ലയിനം പന്നികളെ ഇവിടെ തന്നെ വളർത്തിയെടുക്കുന്നതാണ് ഇത്തരം പദ്ധതികളിലൂടെ ലക്ഷ്യമിടുന്നതെന്ന് മൃഗസംരക്ഷണ ക്ഷീര വികസന വകുപ്പ് മന്ത്രി ജെ.ചിഞ്ചുറാണി പറഞ്ഞു.

സംസ്ഥാന സര്‍ക്കാറിന്റെ ആഭിമുഖ്യത്തില്‍ തദ്ദേശ സ്വയംഭരണ വകുപ്പും ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പും സംയുക്തമായി  സംഘടിപ്പിക്കുന്ന വികസന സദസ് പട്ടാമ്പി നഗരസഭയില്‍ നടന്നു. വികസന സദസ് പട്ടാമ്പി നഗരസഭ ചെയര്‍പേഴ്സണ്‍ ഒ. ലക്ഷ്മിക്കുട്ടി ഉദ്ഘാടനം ചെയ്തു.

പട്ടാമ്പി നഗരസഭ ഹാളില്‍ നടന്ന പരിപാടിയില്‍ വൈസ് ചെയര്‍മാന്‍ ടി.പി ഷാജി അധ്യക്ഷയായി.  പരിപാടിയില്‍ നഗരസഭ സൂപ്രണ്ട് ഡി. ബിജു, പൊതുമരാമത്ത് സ്റ്റാന്‍ഡിങ് കമ്മറ്റി ചെയര്‍പേഴ്സണ്‍ വിജയകുമാര്‍, ജനപ്രതിനിധികള്‍, വകുപ്പ് ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

മാനന്തവാടി  ക്ലബ്ബ്കുന്നിൽ നിർമ്മാണം പൂർത്തിയാക്കിയ നഗരസഭയുടെ പുതിയ ഓഫീസ് സമുച്ചയം പ്രിയങ്ക ഗാന്ധി വാദ്ര എം. പി ഉദ്ഘാടനം ചെയ്തു. സ്ഥലപരിമിതികളാലും അസൗകര്യങ്ങളാലും വീർപ്പുമുട്ടിയിരുന്ന  നഗരസഭാ ഓഫീസ് കെട്ടിടത്തിൽ നിന്നുമാറി മാനന്തവാടി  ക്ലബ്ബ്കുന്നിൽ നിർമ്മാണം പൂർത്തിയാക്കിയ പുതിയ കെട്ടിടത്തിൽ നഗരസഭയുടെ പ്രവർത്തനങ്ങൾക്ക് തുടക്കമായി. 15,000 ചതുരശ്ര അടി വിസ്തീർണത്തിൽ നാല് കോടി രൂപ ചെലവിലാണ് സമുച്ചയ നിർമ്മാണം പൂർത്തിയാക്കിയത്. നഗരസഭയുമായി ബന്ധപ്പെട്ട എല്ലാ ഓഫീസുകളും ഇതോടെ ഒരു കുടക്കീഴിലായി.