വിമുക്തി മിഷന്‍ കേരളപ്പിറവി ദിനത്തോടനുബന്ധിച്ച് ജില്ലാ തലത്തില്‍ സിവില്‍ സ്റ്റേഷനിലെ ജീവനക്കാര്‍ക്കായി 'ഒന്നിക്കാം ലഹരിക്കെതിരെ' എന്ന പേരില്‍ ബോധവല്‍ക്കരണ ക്ലാസ് സംഘടിപ്പിക്കുന്നു. ഒക്ടോബര്‍ 31 ന് രാവിലെ 10 മുതല്‍ 12 വരെ കളക്ട്രേറ്റ് കോണ്‍ഫറന്‍സ് ഹാളിലാണ് പരിപാടി. ലഹരി വസ്തുക്കളുടെ ദുരുപയോഗം മൂലമുണ്ടാകുന്ന ആരോഗ്യ പ്രശ്നങ്ങള്‍, ലഹരി മുക്ത ചികിത്സ, കൃത്യമായ ചികിത്സ സമയബന്ധിതമായി സ്വീകരിക്കേണ്ടതിന്റെ ആവശ്യകത, വിമുക്തി മിഷന്‍ നല്‍കുന്ന സേവനങ്ങള്‍ തുടങ്ങിയ വിഷയങ്ങളാണ് ബോധവല്‍ക്കരണ ക്ലാസ് നടത്തുക.

ഓങ്ങല്ലൂര്‍ ഗ്രാമപഞ്ചായത്തിന് കീഴിലെ കുടുംബാരോഗ്യകേന്ദ്രത്തില്‍ ഡാറ്റാ എന്‍ട്രി ഓപ്പറേറ്റര്‍ തസ്തികയില്‍ നിയമനം നടത്തുന്നു. ഏതെങ്കിലും വിഷയത്തില്‍ ബിരുദവും ഗവ അംഗീകൃത കമ്പ്യൂട്ടര്‍ ആപ്ലിക്കേഷനില്‍ ഡിപ്ലോമയുമാണ് യോഗ്യത. താല്‍പര്യമുള്ളവര്‍ നവംബര്‍ ഒന്നിന് വൈകീട്ട് അഞ്ചിനുള്ളില്‍ അപേക്ഷിക്കണം. ഫോണ്‍: 8075088170

തൃത്താല ബ്ലോക്ക് പഞ്ചായത്ത് അസാപ് കേരളയുടെ  സഹകരണത്തോടെ സൗജന്യ നൈപുണ്യ പരിശീലനം സംഘടിപ്പിക്കുന്നു.

ജനറല്‍ ഡ്യൂട്ടി അസിസ്റ്റന്റ് കോഴ്സ് (വനിതകള്‍ക്ക് മാത്രം) ഇലക്ട്രിക് വെഹിക്കിള്‍ സര്‍വീസ് ടെക്നീഷ്യന്‍ കോഴ്സ് എന്നിവയിലാണ് പരിശീലനം. തൃത്താല ബ്ലോക്ക്  പഞ്ചായത്ത് പരിധിയില്‍ സ്ഥിരതാമസമുള്ള പ്ലസ്ടു  മുതല്‍ ഉയര്‍ന്ന  അടിസ്ഥാന യോഗ്യതയുള്ള 18 നും 45 നും ഇടയില്‍ പ്രായമുള്ള   യുവതി യുവാക്കള്‍ക്കാണ് അവസരം. താല്‍പര്യമുള്ളവര്‍ https://link.asapcsp.in/free-training

ലോകത്തെ മാറുന്ന തൊഴില്‍ സാഹചര്യങ്ങളെ നേരിടാനും കേരളത്തിനാകണമെന്ന് ധനകാര്യ മന്ത്രി കെ എന്‍ ബാലഗോപാല്‍. തൊഴിലും നൈപുണ്യവും വകുപ്പിന്റെ വിഷന്‍ 2031 സംസ്ഥാനതല സെമിനാര്‍ ദി ക്വയിലോണ്‍ ബീച്ച് ഹോട്ടലിലെ ഓര്‍ക്കിഡ് കണ്‍വെന്‍ഷന്‍ സെന്ററില്‍ ഉദ്ഘാടനം ചെയ്യുകയായിരുന്നു മന്ത്രി.

വിദ്യാഭ്യാസം, ആരോഗ്യം, സാമൂഹ്യ സുരക്ഷ, അടിസ്ഥാന സൗകര്യ വികസനം തുടങ്ങി എല്ലാ മേഖലകളിലും സംസ്ഥാനം സമഗ്ര മുന്നേറ്റം കൈവരിച്ചുവെന്ന് മൃഗസംരക്ഷണ- ക്ഷീരവികസന വകുപ്പ് മന്ത്രി ജെ.ചിഞ്ചുറാണി. കടയ്ക്കൽ ഗ്രാമപഞ്ചായത്തിന്റെ വികസന സദസും വിവിധ പദ്ധതികളുടെ ഉദ്ഘാടനവും നിർവഹിക്കുകയായിരുന്നു മന്ത്രി.  

വോട്ടര്‍പട്ടിക ശുദ്ധീകരണവുമായി ബന്ധപ്പെട്ട് തെരഞ്ഞെടുപ്പ് കമ്മീഷന്‍ നടത്തുന്ന സ്പെഷ്യന്‍ ഇന്റന്‍സീവ് റിവിഷന്‍ 2025 ന്റെ ഭാഗമായി ബൂത്ത് ലെവല്‍ ഓഫീസര്‍മാര്‍ക്ക് പരിശീലന പരിപാടി സംഘടിപ്പിക്കുന്നു. ജില്ലയിലെ വട്ടിയൂര്‍ക്കാവ്, നേമം മണ്ഡലങ്ങളിലെ ബൂത്ത് ലെവല്‍ ഓഫീസര്‍മാര്‍ക്കാണ് പരിശീലന പരിപാടി സംഘടിപ്പിക്കുന്നത്.  

ഇന്ന് (ഒക്ടോബർ 31) കോട്ടയ്ക്കകം പ്രിയദര്‍ശിനി ഹാളില്‍, വട്ടിയൂര്‍ക്കാവ് നിയോജകമണ്ഡലത്തിലെ ബിഎല്‍ഒമാര്‍ക്ക് രാവിലെ 9.30 നും നേമം മണ്ഡലത്തിലെ ബിഎല്‍ഒമാര്‍ക്ക് ഉച്ചക്ക് 2.00 മണിക്കുമാണ് പരിശീലന പരിപാടി സംഘടിപ്പിക്കുന്നത്.

രാമവർമ്മപുരം ഗവൺമെന്റ് ഹിന്ദി അധ്യാപക പരിശീലന കേന്ദ്രത്തിലെ ഡി.എൽ.എഡ് ഹിന്ദി കോഴ്സിലേക്ക് 2025-2027 അധ്യയന വർഷത്തേക്കുള്ള സ്പോട്ട് അഡ്‌മിഷൻ ഇന്നും നാളെയും (ഒക്ടോബർ 30, 31 തിയതികളിൽ) നടത്തുന്നു. താത്പര്യമുളളവർ അസൽ സർട്ടിഫിക്കറ്റുകളും പകർപ്പുകളുമായി രാമവർമ്മപുരത്തെ ഗവൺമെന്റ് ഹിന്ദി അധ്യാപക പരിശീലന കേന്ദ്രത്തിൽ നേരിട്ട് ഹാജരാകണം. ഫോൺ : 0487 2332340.

64 മത് സംസ്ഥാന സ്കൂൾ കലോത്സവം ലോ ആൻറ് ഓർഡർ കമ്മിറ്റിയുടെ  നേതൃത്വത്തിൽ 2600 ഓളം വോളന്റിയർമാർക്ക്  രണ്ട് ഘട്ടങ്ങളിലായി പരിശീലനം നൽകും. ആദ്യ ഘട്ട പരിശീലനം കമ്മിറ്റി ചെയർമാൻ മുരളി പെരുനെല്ലി എം.എൽ.എ  ഉദ്ഘാടനം ചെയ്തു. ടൗൺ ഈസ്റ്റ് ഇൻസ്പെക്ടർ ബിബിൻ അധ്യക്ഷത വഹിച്ചു. കൺവീനർ ഫെറിൻ ജേക്കബ് കമ്മിറ്റിയുടെ പ്രവർത്തന രൂപരേഖ അവതരിപ്പിച്ചു.

ആദ്യഘട്ടം പരിശീലനം പൂർത്തിയാക്കിയ അധ്യാപകരുടെയും വിദ്യാർത്ഥികളുടെയും നേതൃത്വത്തിൽ രണ്ടാം ഘട്ട പരിശീലനം കലോത്സവ വേദികളിൽ നവംബർ - ഡിസംബർ മാസങ്ങളിൽ നടക്കും. കലോത്സവ വേദികളായ വിദ്യാലയങ്ങളിലെ പി.ടി.എ അംഗങ്ങളെ ഏകോപിപ്പിച്ച് ജാഗ്രതാ സമിതികൾ രൂപീകരിക്കും.

പുത്തൂരിലെ തൃശൂർ സുവോളജിക്കൽ പാർക്ക് സന്ദർശിക്കുന്ന സ്കൂൾ, കോളേജ് വിദ്യാർത്ഥികൾക്കുള്ള മുൻകൂർ രജിസ്ട്രേഷൻ ആരംഭിച്ചു. സ്കൂൾ, കോളേജ് അധികൃതർ thrissurzoologicalpark@gmail.com എന്ന ഇ-മെയിൽ വിലാസം മുഖേന അപേക്ഷ നൽകണം. നവംബർ ഒന്നാം തിയതി മുതലാണ് പ്രവേശനം. പൊതുജനങ്ങൾക്കുള്ള പ്രവേശന തിയതി പിന്നീട് അറിയിക്കും.