മഞ്ചേരി ഗവ. മെഡിക്കല്‍ കോളേജിലെ ഒഴിവുള്ള ജൂനിയര്‍ റസിഡന്റ് (എം.ബി.ബി.എസ്.) തസ്തികയില്‍ കരാര്‍ അടിസ്ഥാനത്തില്‍ നിയനം നടത്തുന്നു.  താത്പര്യമുള്ള ഉദ്യോഗാര്‍ത്ഥികള്‍ യോഗ്യത, പ്രവൃത്തി പരിചയം, വയസ്സ് എന്നിവ തെളിയിക്കുന്ന രേഖകളുമായി നവംബര്‍ മൂന്നിന് രാവിലെ 10.30 ന് പ്രിന്‍സിപ്പൽ ഓഫീസില്‍ നടക്കുന്ന കൂടിക്കാഴ്ചയ്ക്ക് ഹാജരാകണം. ഉദ്യോഗാര്‍ത്ഥികള്‍ക്കും പ്രവൃത്തി പരിചയമുള്ളവര്‍ക്കും മുന്‍ഗണന ലഭിക്കും. ഫോണ്‍: 0483 2764056.

പൊന്നാനി നഗരസഭ നഗരകുടുംബാരോഗ്യ കേന്ദ്രം (യുപിഎച്ച്‌സി) ബിയ്യം, പൊന്നാനി എന്നീ സ്ഥാപനങ്ങളിലെ സായാഹ്ന ഒ. പി.യിലേക്ക് കരാടിസ്ഥാനത്തില്‍ ഫാര്‍മസിസ്റ്റിനെ നിയമിക്കുന്നു. പ്രീഡിഗ്രി/പ്ലസ് ടു/വിഎച്ച്എസ്‌സി (സയന്‍സ് സ്ട്രീം) യോഗ്യതയുള്ളവര്‍ക്ക് ജനറല്‍ തസ്തികയിലേക്കും ഡിപ്ലോമ ഇന്‍ ഫാര്‍മസി/ തത്തുല്യം/കേരള ഫാര്‍മസി കൗണ്‍സില്‍ അംഗീകരിച്ച രജിസ്‌ട്രേഷന്‍ ഉള്ളവര്‍ക്ക്  ടെക്‌നിക്കല്‍ തസ്തികയിലേക്കും അപേക്ഷിക്കാം.

2025-26 ലേക്കുളള ഡിപ്ലോമ ഇന്‍ അഗ്രികള്‍ച്ചറല്‍ എക്സ്റ്റന്‍ഷന്‍ സര്‍വ്വീസസ് ഫോര്‍ ഇന്‍പുട്ട് ഡീലേര്‍സ് (ഡി.എ.ഇ.എസ്.ഐ) ഒരു വര്‍ഷ ഡിപ്ലോമ കോഴ്‌സിലേക്ക് അപേക്ഷ ക്ഷണിച്ചു. പത്താം ക്ലാസ് പാസായവര്‍ക്ക് അപേക്ഷിക്കാം. കോഴ്‌സ് ഫീ 28,000/ രൂപ.

താത്പര്യമുള്ളവര്‍ ഡി.എ.ഇ.എസ്.ഐ സൈറ്റില്‍ നിന്നും ഡൗണ്‍ലോഡ് ചെയ്‌തെടുത്ത അപേക്ഷ ഫോം പൂരിപ്പിച്ച് എസ്.എസ്.എസ്.എല്‍.സി സര്‍ട്ടിഫിക്കറ്റ്, രണ്ട് പാസ്‌പോര്‍ട്ട് സൈസ് ഫോട്ടോ എന്നിവ സഹിതം മലപ്പുറം പ്രിന്‍സിപ്പല്‍ കൃഷി ഓഫീസിനടുത്തുള്ള ആത്മ ഓഫീസില്‍ എത്തിക്കണം. ഫോണ്‍ 0483 2733916

ഫോട്ടോയില്‍ കാണുന്ന വെളിമുക്ക്, പടിക്കല്‍ സ്വദേശി പള്ളിപ്പറമ്പില്‍ ഹൗസില്‍ മൊയ്തീന്‍കുട്ടിയുടെ മകന്‍ മുഹമ്മദ് ഹസന്‍ 48 വയസ്സ് എന്നയാളെ 2025 ഫെബ്രുരി 22 മുതല്‍ കാണാനില്ല. രാവിലെ ഒന്‍പതിന് ഉമ്മയോട് കണ്ണൂരിലേക്ക് സിയാറത്തിന് പോവുകയാണ് എന്ന് പറഞ്ഞ് പോയിട്ട് ഇതുവരെ വീട്ടില്‍ തിരിച്ചെത്തിയിട്ടില്ല. തിരൂരങ്ങാടി പോലീസ് ക്രൈം നമ്പര്‍ 224/25 ഓഫ് കെ.പി ആക്ട് പ്രകാരം കേസെടുത്ത് അന്വേഷണം നടത്തിവരുന്നു.

നെടുമങ്ങാട് മുനിസിപ്പാലിറ്റി പരിധിയിൽപ്പെട്ട വാർഡുകളിലെ തെരുവുനായ്ക്കളെ  45 ദിവസങ്ങളിൽ വന്ധീകരിയ്ക്കുക എന്ന ലക്ഷ്യത്തോടെ   ഒരുക്കിയിട്ടുള്ള പോർട്ടബിൾ ആനിമൽ ബർത്ത് കൺട്രോൾ സെന്റർ ഇന്ന് പ്രവർത്തന സജ്ജമാവും. സെന്ററിന്റെ  ഉദ്ഘാടനം നെടുമങ്ങാട് ടൗൺ ഹാളിൽ ഇന്ന് (ഒക്ടോബർ 29) ഉച്ചയ്ക്ക് 12ന് മൃഗസംരക്ഷണ ക്ഷീര വികസന മൃഗശാല വകുപ്പ് മന്ത്രി ജെ ചിഞ്ചുറാണി നിർവ്വഹിക്കും.

വികസന രംഗത്ത് അസൂയാവഹമായ നേട്ടമാണ് അഞ്ച് വര്‍ഷം കൊണ്ട് പെരിന്തല്‍മണ്ണ നഗരസഭ സ്വന്തമാക്കിയത്. 140 കോടിയുടെ വികസനമാണ് ഇക്കാലയളവില്‍ നഗരസഭയില്‍ പൂര്‍ത്തിയാക്കിയത്. വീടില്ലാത്തവര്‍ക്കെല്ലാം വീട് നല്‍കാന്‍ നഗരസഭയ്ക്ക് കഴിഞ്ഞു. ലൈഫിലും മറ്റു ഭവനപദ്ധതികളിലുമായി 1795 കുടുംബങ്ങള്‍ക്കാണ് വീട് നല്‍കിയത്. കൂടുതല്‍ വീട് നിര്‍മിച്ച നല്‍കിയ തദ്ദേശസ്ഥാപനമെന്ന ബഹുമതി സ്വന്തമാക്കാനും നഗരസഭയ്ക്ക് കഴിഞ്ഞു. മാലിന്യമുക്ത രംഗത്തും ഏറെ മുന്നിലാണ് പെരിന്തല്‍മണ്ണ. തിരുവനന്തപുരത്ത് നടന്ന വൃത്തി കോണ്‍ക്ലേവില്‍ സംസ്ഥാനത്ത് മൂന്നാം സ്ഥാനം നേടാന്‍ പെരിന്തല്‍മണ്ണയ്ക്ക് കഴിഞ്ഞു.

നേട്ടങ്ങള്‍ അടയാളപ്പെടുത്തി പെരിന്തല്‍മണ്ണ നഗരസഭയുടെ വികസനസദസ്സ് ശ്രദ്ധേയമായി. സംസ്ഥാന സര്‍ക്കാരും തദ്ദേശ സ്ഥാപനങ്ങളും നടത്തിയ വികസന പ്രവര്‍ത്തനങ്ങള്‍ വിലയിരുത്തുന്നതിനും ഭാവി വികസനത്തിന് പൊതുജനാഭിപ്രായവും പുതിയ ആശയങ്ങളും അവതരിപ്പിക്കുന്നതിനുമായി സംഘടിപ്പിക്കുന്ന വികസന സദസ്സ് നിറഞ്ഞ സദസ്സിലാണ് പെരിന്തല്‍മണ്ണയില്‍ നടന്നത്. നഗരസഭ ടൗണ്‍ഹാളില്‍ നടന്ന പരിപാടി ഒറ്റപ്പാലം എം.എല്‍.എ അഡ്വ. കെ. പ്രേംകുമാര്‍ ഉദ്ഘാടനം ചെയ്തു. എല്ലാ വിഭാഗം ജനങ്ങളെയും ഉള്‍കൊള്ളുന്ന സര്‍ക്കാരാണ് കേരളത്തിലേതെന്ന് അദ്ദേഹം പറഞ്ഞു.

പശ്ചാത്തല സേവന മേഖലകളില്‍ കഴിഞ്ഞ അഞ്ചുവര്‍ഷത്തിനുള്ളില്‍ നടപ്പാക്കിയ വികസന, ക്ഷേമ പ്രവര്‍ത്തനങ്ങള്‍ ജനങ്ങള്‍ക്ക് മുന്നില്‍ അവതരിപ്പിച്ച് മുതുവല്ലൂര്‍ ഗ്രാമപഞ്ചായത്ത് വികസന സദസ് സംഘടിപ്പിച്ചു. പീടികക്കണ്ടിയിലെ ഗ്രാമപഞ്ചായത്ത് കോണ്‍ഫറന്‍സ് ഹാളില്‍ നടന്ന പരിപാടി ഗ്രാമ പഞ്ചായത്ത് പ്രസിഡന്റ് പി.കെ. ബാബുരാജ് ഉദ്ഘാടനം ചെയ്തു.

ആധുനിക സൗകര്യങ്ങളോടെ നിർമിച്ച പെരുമ്പടപ്പ് സ്മാർട്ട് വില്ലേജ്‌ ഓഫീസിൻ്റെ ഉദ്ഘാടനം റവന്യൂ മന്ത്രി കെ.രാജൻ ഓൺലൈനായി നിർവഹിച്ചു. പി.നന്ദകുമാർ എം.എൽ.എ. അധ്യക്ഷത വഹിച്ചു. 50 ലക്ഷം രൂപ ചെലവിൽ ഇരുനിലകളിലായാണ് കെട്ടിടം നിർമിച്ചത്. സ്മാർട്ട് വില്ലേജാവുന്ന പൊന്നാനി താലൂക്കിലെ ആദ്യ വില്ലേജാണ് പെരുമ്പടപ്പ്. പ്ലാൻ സ്കീം പദ്ധതിയിൽ ഉൾപ്പെടുത്തിയാണ് നിർമാണം. പുതിയ കെട്ടിടത്തിൽ വില്ലേജ് ഓഫീസർക്ക് പ്രത്യേക ക്യാബിനും ജീവനക്കാർക്ക്‌ കംപ്യൂട്ടർ സൗകര്യത്തോട് കൂടിയ പ്രത്യേക സൗകര്യം, ഫ്രണ്ട് ഓഫീസ്, റെക്കോഡ് റൂം, ഭിന്നശേഷി സൗഹൃദ ശൗചാലയം, റാമ്പോട് കൂടിയ വരാന്ത എന്നിവയുമുണ്ടാവും.

തുറുവാണം പാലത്തിന്റെയും അപ്രോച്ച് റോഡിന്റെയും നിർമാണോദ്ഘാടനം നടന്നു.

പൊന്നാനി നിയോജക മണ്ഡലത്തിലെ ബിയ്യം കായലിന് കുറുകെ പുതുതായി നിർമിക്കുന്ന തുറുവാണം പാലത്തിന്റെയും അപ്രോച്ച് റോഡിന്റെയും നിർമാണ ഉദ്ഘാടനം പൊതുമരാമത്ത് - വിനോദ സഞ്ചാര വകുപ്പ് മന്ത്രി .പി.എ. മുഹമ്മദ് റിയാസ് ഓൺലൈനായി നിർവ്വഹിച്ചു.