വനിതാ ശിശു വികസന ഓഫീസിന് കീഴിൽ കണിയാമ്പറ്റയിൽ പ്രവർത്തിക്കുന്ന എൻട്രി ഹോം ഫോർ ഗേൾസ് ഹോമിലേക്ക് വാഹനം വാടകയ്ക്ക് നൽകാൻ താത്പര്യമുള്ളവരിൽ നിന്നും ടെൻഡർ ക്ഷണിച്ചു. ടെൻഡറുകൾ നവംബർ 11 ന് വൈകിട്ട് മൂന്ന് വരെ സ്വീകരിക്കും. ഫോൺ: 04936 296362

നടുവണ്ണൂർ ടൗണിൽ നിർമിക്കുന്ന ഓപൺ ഓഡിറ്റോറിയത്തിന്റെ പ്രവൃത്തി ഉദ്ഘാടനം പൊതുമരാമത്ത്-ടൂറിസം വകുപ്പ് മന്ത്രി പി എ മുഹമ്മദ് റിയാസ് ഓൺലൈനായി നിർവഹിച്ചു. കെ എം സച്ചിൻ ദേവ് എംഎൽഎ അധ്യക്ഷനായി. 

കലാ-സാംസ്‌കാരിക പരിപാടികൾ അവതരിപ്പിക്കുന്നതിനായി പൊതുഇടം എന്ന നിലയിലാണ് ഒരു കോടി രൂപ ചെലവിൽ നടുവണ്ണൂർ ടൗണിൽ ഓപൺ ഓഡിറ്റോറിയം നിർമിക്കുന്നത്. ജലസേചന വകുപ്പിൻ്റെ അധീനതയിലുള്ള ഭൂമിയും അതിനടുത്ത് വെള്ളപ്പാലൻകണ്ടി കുടുംബം സൗജന്യമായി വിട്ടുകൊടുത്ത ഭൂമിയും ചേർന്നുള്ള സ്ഥലത്താണ് നിർമാണം. 

സംസ്ഥാന സര്‍ക്കാറിന്റെ ആഭിമുഖ്യത്തില്‍ തദ്ദേശ സ്വയംഭരണ വകുപ്പും ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പും സംയുക്തമായി  സംഘടിപ്പിക്കുന്ന വികസന സദസ് കൊപ്പം ഗ്രാമ പഞ്ചായത്തില്‍ ഇന്ന് (ഒക്ടോബര്‍ 28 ) രാവിലെ പത്തിന് പുലാശ്ശേരി പാരഡൈസ് കണ്‍വന്‍ഷന്‍ സെന്ററില്‍  പൊതുമരാമത്ത് - ടൂറിസം വകുപ്പ് മന്ത്രി പി.എ മുഹമ്മദ് റിയാസ് ഉദ്ഘാടനം ചെയ്യും. പരിപാടിയില്‍ മുഹമ്മദ് മുഹ്‌സിന്‍ എം.എല്‍.എ അധ്യക്ഷത ചെയ്യും.

കോട്ടൂർ ഗ്രാമപഞ്ചായത്ത് നിർമിച്ച കോടിയേരി ബാലകൃഷ്ണൻ ഹാപ്പിനസ് പാർക്ക്‌ പൊതുമരാമത്ത്-ടൂറിസം വകുപ്പ് മന്ത്രി പി എ മുഹമ്മദ് റിയാസ് ഓൺലൈനായി ഉദ്ഘാടനം ചെയ്തു. കെ എം സച്ചിൻദേവ് എംഎൽഎ അധ്യക്ഷനായി. കല്പടവുകളോട് കൂടിയ നീന്തൽകുളം, അടുക്ക്കട്ടകൾ പാകിയ വിശാലമായ മുറ്റം, ഓപൺ ജിം, സെൽഫി കോർണർ, സ്റ്റേജ്, ശുചിമുറികൾ, യോഗ പരിശീലനം തുടങ്ങിയ സൗകര്യങ്ങളോടെയാണ് ഹാപ്പിനസ് പാർക്ക്‌ ഒരുക്കിയത്. ചുറ്റുമതിലിൽ, പ്രവേശന കവാടം, ലൈറ്റുകൾ എന്നിവയും സ്ഥാപിച്ചിട്ടുണ്ട്. 

ജനകീയ ആരോഗ്യ കേന്ദ്രങ്ങളുടെ അടിസ്ഥാന ലക്ഷ്യം പൊതുജനാരോഗ്യ സേവനം, രോഗപ്രതിരോധം, രോഗ നിയന്ത്രണം എന്നിവയാണെന്ന് ആരോഗ്യ വകുപ്പ് മന്ത്രി വീണാ ജോര്‍ജ്ജ് പറഞ്ഞു. കൊല്ലങ്കോട് ഗ്രാമപഞ്ചായത്തിലെ ചീരണിയില്‍ ജനകീയ ആരോഗ്യ കേന്ദ്രം ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.