മലമ്പുഴ സർക്കാർ മൃഗസംരക്ഷണ പരിശീലന കേന്ദ്രത്തിന്റെ ആഭിമുഖ്യത്തിൽ പശു വളർത്തൽ എന്ന വിഷയത്തിൽ സൗജന്യമായി രണ്ടുദിവസത്തെ പരിശീലനം നൽകുന്നു. ഒക്ടോബർ 29 മുതൽ 30 വരെ മൃഗസംരക്ഷണ പരിശീലന കേന്ദ്രം മലമ്പുഴയിൽ വെച്ച് രാവിലെ പത്ത് മണി മുതൽ അഞ്ച് മണി വരെയായിരിക്കും പരിശീലനം നടക്കുക. പരിശീലനത്തിന് പങ്കെടുക്കാൻ ആഗ്രഹിക്കുന്നവർ ഓഫീസ് പ്രവൃത്തി ദിവസങ്ങളിൽ രാവിലെ പത്ത് മുതൽ വൈകിട്ട് അഞ്ചുമണി വരെയുള്ള സമയത്ത് വിളിച്ച് മുൻകൂട്ടി രജിസ്റ്റർ ചെയ്യണം. പരിശീലനത്തിന് എത്തുന്നവർ ആധാർ കാർഡിന്റെ പകർപ്പ് കൊണ്ടുവരേണ്ടതാണ്. ഫോൺ: 0491 2815454.

കുടുംബശ്രീ ജില്ലാ മിഷനു കീഴിൽ പ്രവർത്തിക്കുന്ന സ്നേഹിത ജെൻഡർ ഹെൽപ്പ് ഡെസ്കിൽ കരാർ അടിസ്ഥാനത്തിൽ കെയർ ടേക്കർ ഒഴിവിലേക്ക് അപേക്ഷ ക്ഷണിച്ചു. ഒരു വർഷത്തേക്കാണ് നിയമനം. അപേക്ഷകർ കുടുംബശ്രീ അംഗങ്ങളോ കുടുംബങ്ങളോ ആയിരിക്കണം. എഴുത്തും വായനയും അറിഞ്ഞിരിക്കണം.
പാചകം, ക്ലീനിംഗ് ഇവ ചെയ്തുള്ള മുൻ പരിചയം ആവശ്യമാണ്. ഉയർന്ന പ്രായപരിധി 50 വയസ്സായിരിക്കും. യോഗ്യരായ ഉദ്യോഗാർത്ഥികൾ അപേക്ഷയോടൊപ്പം പ്രായം, യോഗ്യത, പ്രവൃത്തി പരിചയം എന്നിവ തെളിയിക്കുന്ന സർട്ടിഫിക്കറ്റുകളുടെ

  മുല്ലശ്ശേരി ഐ സി ഡി എസ് പ്രോജക്ട് ഓഫീസിലേക്ക്  നവംബർ മുതൽ ഒരു വർഷത്തേക്ക് വാഹനം വാടകയ്ക്ക് എടുക്കുന്നതിന് റീ ടെണ്ടർ ക്ഷണിച്ചു. ടെണ്ടറുകൾ ഒക്ടോബർ 31ന് വൈകിട്ട് മൂന്നുമണിക്ക് മുൻപായി ഓഫീസിൽ സമർപ്പിക്കണം.
ഫോൺ 9188959753
 

സ്ത്രീകൾക്ക് ആത്മവിശ്വാസത്തോടെയും തൻ്റേടത്തോടെയും ഓട്ടോമൊബൈൽ മേഖലയിലേക്ക് കടന്നു ചെല്ലാൻ പ്രാപ്തരാക്കുന്നതിനായി ആരംഭിച്ച നാരിചക്ര–പെൺകരുത്ത് പരിശീലന പദ്ധതി വനിതാ വിപ്ലവത്തിന് വഴി തെളിക്കുമെന്ന് ഉന്നതവിദ്യാഭ്യാസ-സാമൂഹ്യനീതി വകുപ്പ് മന്ത്രി ഡോ. ആർ. ബിന്ദു. ഉന്നത വിദ്യാഭ്യാസ വകുപ്പിന് കീഴിലെ അസാപ് കേരളയും ഓട്ടോമൊബൈൽ രംഗത്തെ പ്രമുഖ സ്ഥാപനമായ മഹീന്ദ്ര ആൻഡ് മഹീന്ദ്രയും ഇറാം ടെക്നോളജീസും സംയുക്തമായി സഹകരിച്ച് വനിതകൾക്കായി വിഭാവനം ചെയ്‌ത തൊഴിലധിഷ്‌ഠിത നൈപുണ്യ പരിശീലന പരിപാടി നാരിചക്ര-പെൺകരുത്ത് പദ്ധതി ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.

ആശുപത്രി അധികൃതർ നൽകുന്ന കണക്കുകൾ പ്രകാരം, 2025 ജനുവരി മുതൽ സെപ്റ്റംബർ വരെ കീമോതെറാപ്പിക്കായി 5097 രോഗികളാണ് ആശുപത്രിയിൽ എത്തിയത്. ഇതിൽ 1988 രോഗികൾക്ക് സൗജന്യ ചികിത്സാ സേവനം ലഭിച്ചു. ഈ ഒൻപത് മാസക്കാലയളവിൽ മാത്രം 94 പുതിയ കാൻസർ കേസുകളാണ് ഇവിടെ റിപ്പോർട്ട് ചെയ്തത്.

പ്രതിദിനം നൂറുകണക്കിന് രോഗികൾക്ക് ജീവിതത്തിലേക്ക് പ്രതീക്ഷ നൽകി പ്രവർത്തിക്കുന്ന ഈ കീമോതെറാപ്പി യൂണിറ്റ് 2019 ഡിസംബർ 19-നാണ് പ്രവർത്തനം ആരംഭിച്ചത്. കാസ്പ്, മെഡിസെപ് തുടങ്ങിയ സുപ്രധാന പദ്ധതികളുടെ സാമ്പത്തിക പിന്തുണയിലാണ് യൂണിറ്റ് മുന്നോട്ട് പോകുന്നത്. ഒരു ഓങ്കോളജിസ്റ്റ്, ഒരു ഹെഡ് നഴ്സ്, രണ്ട് സ്റ്റാഫ് നഴ്സുമാർ, രണ്ട് ഗ്രേഡ് 2 സ്റ്റാഫ് എന്നിവരടങ്ങിയ വിദഗ്ധ സംഘമാണ് ഇവിടെ രോഗീപരിചരണം നടത്തുന്നത്. തിങ്കൾ മുതൽ ശനി വരെ എല്ലാ പ്രവൃത്തി ദിവസങ്ങളിലും ഇവിടെ കീമോചികിത്സ ലഭ്യമാണ്.
 

സ്വകാര്യ ആശുപത്രിയിലെ ചികിത്സയ്ക്ക് ശേഷം ഇവിടെയെത്തിയ കാരകുളങ്ങര സ്വദേശി ഉണ്ണികൃഷ്ണന്റെ വാക്കുകൾ ഈ യൂണിറ്റിൻ്റെ ഗുണമേന്മയ്ക്ക് അടിവരയിടുന്നു: "ചികിത്സാസമയത്ത് രോഗികൾക്ക് മാനസിക വിഷമമുണ്ടാക്കാത്ത വിധത്തിലുള്ള മാതൃകാപരമായ സമീപനമാണ് ജീവനക്കാർ സ്വീകരിക്കുന്നത്. എത്ര തിരക്കുണ്ടെങ്കിലും എല്ലാ രോഗികൾക്കും കൃത്യ സമയത്ത് ആവശ്യമായ ശ്രദ്ധയും പരിചരണവും ഇവിടെ ഉറപ്പാക്കുന്നു."

ദൂരയാത്രകൾ ഒഴിവാക്കാൻ സാധിച്ച കെ.ടി. ജോർജ് ഡോക്ടറടക്കമുള്ള ജീവനക്കാരുടെ നല്ല പെരുമാറ്റം ചികിത്സാകാലയളവിൽ വലിയ ആശ്വാസം നൽകിയെന്നും കൂട്ടിച്ചേർത്തു.

വടകര ബ്ലോക്ക് പഞ്ചായത്ത് വാര്‍ഷിക പദ്ധതിയില്‍ ഭിന്നശേഷി വിഭാഗക്കാര്‍ക്ക് ഇലക്ട്രിക് വീല്‍ചെയര്‍ വിതരണം ചെയ്തു. പ്രസിഡന്റ് കെ പി ഗിരിജ വിതരണോദ്ഘാടനം നിര്‍വഹിച്ചു. വൈസ് പ്രസിഡന്റ് വി കെ സന്തോഷ് അധ്യക്ഷനായി.  സ്ഥിരം സമിതി അധ്യക്ഷരായ ശശികല ദിനേശന്‍, കെ പി സൗമ്യ, കെ എം സത്യന്‍ മാസ്റ്റര്‍, മെമ്പര്‍മാരായ ശ്യാമള, കെ ബിന്ദു,  ഗീതാ മോഹന്‍, പി പി അജിത, സി.ഡി.പി.ഒ കെ വി രജിഷ എന്നിവര്‍ സംബന്ധിച്ചു.