സംസ്ഥാന സര്‍ക്കാറിന്റെ ആഭിമുഖ്യത്തില്‍ തദ്ദേശ സ്വയംഭരണ വകുപ്പും ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പും സംയുക്തമായി  സംഘടിപ്പിക്കുന്ന വികസന സദസ് പല്ലശ്ശന ഗ്രാമപഞ്ചായത്തില്‍ ഇന്ന് (ഒക്ടോബര്‍ 28 ) ഉച്ചയ്ക്ക് രണ്ടിന് നടക്കും.  കെ ബാബു എം.എൽ.എ ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് കെ. ബിനുമോൾ, നെന്മാറ ബ്ലോക്ക് പഞ്ചായത്ത് പ്രസിഡന്റ് സി ലീലാമണി, തദ്ദേശ സ്വയംഭരണ വകുപ്പ് ജോയിന്റ് സെക്രട്ടറി കെ ഗോപിനാഥൻ എന്നിവർ മുഖ്യാതിഥികൾ ആകും.  പല്ലശ്ശന തല്ലുമന്ദത്ത് നടക്കുന്ന പരിപാടിയിൽ പല്ലശ്ശന ഗ്രാമപഞ്ചായത്ത് പ്രസിഡന്റ് എൽ സായ് രാധ അധ്യക്ഷത വഹിക്കും.

പാലക്കാട് ജില്ലയില്‍ വിദ്യാഭ്യാസ വകുപ്പില്‍ എല്‍ പി എസ് ടി (മലയാളം മീഡിയം-  കാറ്റഗറി നം. 516/2019) തസ്തികയിലേക്കുള്ള തിരഞ്ഞെടുപ്പിനായി നിലവില്‍ വന്ന 258/2022/SSV റാങ്ക് പട്ടിക കാലാവധി പൂര്‍ത്തിയായതിനാല്‍  31.05.2025 പൂര്‍വാഹ്നം പ്രാബല്യത്തില്‍ റദ്ദായതായി പി എസ് സി ജില്ലാ ഓഫീസര്‍ അറിയിച്ചു.

മലബാര്‍ ദേവസ്വം ബോര്‍ഡിന് കീഴില്‍ പട്ടാമ്പി ശ്രീ പടിഞ്ഞാറെ മഠം ദേവസ്വത്തില്‍ പാരമ്പര്യേതര ട്രസ്റ്റിമാരായി നിയമിക്കുന്നതിന് ഹിന്ദുമതത്തില്‍പ്പെട്ടവര്‍ക്ക് അപേക്ഷിക്കാം. താല്പര്യമുള്ളവര്‍ നവംബര്‍ 25 നകം കോഴിക്കോട് മലബാര്‍ ദേവസ്വം ബോര്‍ഡ് കമ്മീഷ്ണറുടെ ഓഫീസില്‍ അപേക്ഷിക്കണം. അപേക്ഷാ ഫോമുകള്‍ malabardevaswom.kerala.gov.in ല്‍ ലഭിക്കുമെന്ന് കമ്മീഷ്ണര്‍ അറിയിച്ചു.

ചെര്‍പ്പുളശ്ശേരി നഗരസഭയുടെ വികസന സദസ്സ് ഇന്ന് രാവിലെ 9.30ന് (ഒക്ടോബര്‍ 28ന് ) നടക്കും. കായിക-ന്യൂനപക്ഷ ക്ഷേമ വകുപ്പ് മന്ത്രി വി. അബ്ദുറഹ്‌മാന്‍ ഉദ്ഘാടനം നിര്‍വ്വഹിക്കും. ചെര്‍പ്പുളശ്ശേരി മഞ്ചക്കല്ലിലുള്ള ചൈതന്യ കണ്‍വെന്‍ഷന്‍ സെന്ററില്‍ നടക്കുന്ന പരിപാടിയില്‍ പി മമ്മിക്കുട്ടി എം എല്‍ എ അധ്യക്ഷത വഹിക്കും.തദ്ദേശ സ്വയംഭരണ വകുപ്പ് ജോയ്ന്റ് ഡയറക്ടര്‍ കെ. ഗോപിനാഥന്‍ ചടങ്ങില്‍ മുഖ്യാതിഥിയാവും.

നഗരസഭ ചെയര്‍മാന്‍ പി രാമചന്ദ്രന്‍, വൈസ് ചെയര്‍പേഴ്‌സണ്‍ സി കമലം, സ്ഥിരം സമിതി അധ്യക്ഷര്‍, നഗരസഭാംഗങ്ങള്‍,

സംസ്ഥാന സര്‍ക്കാറിന്റെ ആഭിമുഖ്യത്തില്‍ തദ്ദേശ സ്വയംഭരണ വകുപ്പും ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പും സംയുക്തമായി സംഘടിപ്പിക്കുന്ന വികസന സദസ്സ് വല്ലപ്പുഴ ഗ്രാമപഞ്ചായത്തില്‍ ഇന്ന് (ഒക്ടോബര്‍ 28 ) രാവിലെ 11.30 ന് വല്ലപ്പുഴ പഞ്ചാരത്ത്പടി കെ. എസ്. എം ഓഡിറ്റോറിയത്തില്‍ നടക്കും. കായിക വകുപ്പ് മന്ത്രി  വി. അബ്ദുറഹ്‌മാന്‍ ഉദ്ഘാടനം നിര്‍വഹിക്കും. പരിപാടിയില്‍ വല്ലപ്പുഴയെ അതിദാരിദ്ര്യമുക്ത ഗ്രാമപഞ്ചായത്തായി മന്ത്രി പ്രഖ്യാപിക്കും.

പഴമ്പാലക്കോട്-കഴനി റോഡ് ബി.എം. ആന്‍ഡ് ബി.സി  നിലവാരത്തിലേക്ക് ഉയര്‍ത്തുന്ന പ്രവൃത്തിക്ക് ഇന്ന് (ഒക്ടോബര്‍ 28)തുടക്കമാകും. അത്തിപ്പൊറ്റ സെന്ററില്‍ വൈകീട്ട് നാലിന് പൊതുമരാമത്ത്, വിനോദ സഞ്ചാര വകുപ്പ് മന്ത്രി പി.എ.മുഹമ്മദ് റിയാസ് ഉദ്ഘാടനം ചെയ്യും.തരൂര്‍ നിയോജകമണ്ഡലത്തിലെ പൊതുമരാമത്ത് വകുപ്പ് റോഡുകളുടെ സമഗ്ര വികസനം മുന്‍നിര്‍ത്തി 2024-25 സാമ്പത്തിക വര്‍ഷത്തെ സംസ്ഥാനബജറ്റ് വിഹിതത്തിലെ നാല് കോടി രൂപ വകയിരുത്തിയാണ് കഴനി പഴമ്പാലക്കോട് റോഡ് ബി.എം.ബി.സി. നിലവാരത്തില്‍ നവീകരിക്കുന്നത്.പരിപാടിയില്‍ പി.പി. സുമോദ് എംഎല്‍എ അധ്യക്ഷനാകും.  

കേരളത്തിലെ ആദ്യ ഭിന്നശേഷി സൗഹൃദ ഇന്‍ഡോര്‍ സ്റ്റേഡിയം ഒറ്റപ്പാലം ഗവ. ബധിര-മൂക വിദ്യാലയത്തില്‍ ഒരുങ്ങുന്നു. ഇന്‍ഡോര്‍ സ്റ്റേഡിയത്തിന്റെ നിര്‍മ്മാണോദ്ഘാടനം ഒറ്റപ്പാലം ഗവ. ബധിര-മൂക വിദ്യാലയത്തില്‍ ഇന്ന് (ഒക്ടോബര്‍ 28 )വൈകിട്ട് നാലിന് കായിക വകുപ്പ് മന്ത്രി വി അബ്ദുറഹ്‌മാന്‍ നിര്‍വഹിക്കും.കെ പ്രേംകുമാര്‍ എംഎല്‍എ അധ്യക്ഷനാകും.

നിര്‍മ്മാണോദ്ഘാടനവും ബിസി ഓവര്‍ലെന്‍ നവീകരണോദ്ഘാടനവും ഇന്ന് മന്ത്രി മുഹമ്മദ് റിയാസ് നിര്‍വ്വഹിക്കും
 

സംസ്ഥാന സര്‍ക്കാരിന്റെ ലെവല്‍ ക്രോസ് വിമുക്ത കേരളം എന്ന ലക്ഷ്യം സാക്ഷാത്കരിക്കുന്നതിന്റെ ഭാഗമായി വല്ലപ്പുഴ ഗ്രാമപഞ്ചായത്തിലെ റെയില്‍വേ മേല്‍പ്പാലവും യാഥാര്‍ത്ഥ്യമാകുന്നു. റെയില്‍വേ മേല്‍പ്പാലത്തിന്റെ നിര്‍മ്മാണോദ്ഘാടനം ഇന്ന് (ഒക്ടോബര്‍ 28 ) ഉച്ചയ്ക്ക് 12 ന് പൊതുമരാമത്ത് ടൂറിസം വകുപ്പ് മന്ത്രി പി എ മുഹമ്മദ് റിയാസ് നിര്‍വ്വഹിക്കും. വല്ലപ്പുഴ പഞ്ചാരത്ത്പ്പടി കെ എസ് എം ഓഡിറ്റോറിയത്തില്‍ നടക്കുന്ന പരിപാടിയില്‍ മുഹമ്മദ് മുഹ്‌സിന്‍ എംഎല്‍എ അധ്യക്ഷത വഹിക്കും.