കനത്ത മഴയെ തുടർന്ന് നെയ്യാർ ഡാമിൽ ജലനിരപ്പ് ഉയരുന്ന സാഹചര്യത്തിൽ  ഡാമിന്റെ നാലു ഷട്ടറുകളും ഇന്ന് (25.10.2025)  രാവിലെ 9.30 മണിക്ക്  10  സെന്റീമീറ്റർ  വീതം ( നിലവിൽ 20 സെന്റിമീറ്റർ വീതം ഉയർത്തിയിട്ടുള്ളതിനാൽ ആകെ 120 സെന്റീമീറ്റർ ) ഉയർത്തും. ഡാമിന്റെ സമീപപ്രദേശങ്ങളിൽ താമസിക്കുന്നവർ ജാഗ്രത പാലിക്കണമെന്ന് ജില്ലാ കളക്ടർ അറിയിച്ചു.

അഖിലേന്ത്യാ സഹകരണ വാരാഘോഷത്തോടനുബന്ധിച്ച് നെയ്യാര്‍ഡാമിലുള്ള കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റും(കിക്മ) , കേരള ബാങ്ക്, മില്‍മ തുടങ്ങിയ സ്ഥാപനങ്ങളുമായി ചേര്‍ന്ന് സംസ്ഥാനത്തെ വിവിധ കോളേജുകളിലെ ബിരുദ വിദ്യാര്‍ഥികള്‍ക്കായി ക്വിസ് മത്സരം സംഘടിപ്പിക്കുന്നു.

തിരുവനന്തപുരം മുട്ടടയില്‍ പ്രവര്‍ത്തിക്കുന്ന ഐഎച്ച്ആര്‍ഡിയുടെ റീജിയണല്‍ സെന്ററില്‍ നവംബര്‍ 25 ന് ഹൈസ്‌കൂള്‍ വിദ്യാര്‍ത്ഥികള്‍ക്കായി ഒരു ദിവസത്തെ ആര്‍ട്ടിഫിഷ്യല്‍ ഇന്റലിജന്‍സ് വര്‍ക്ക്ഷോപ്പും മൈക്രോസോഫ്റ്റ് എക്‌സല്‍ ബേസിക്‌സ് ആന്റ് അഡ്വാന്‍സ്ഡ് ഫീച്ചേഴ്‌സ് വര്‍ക്ക് ഷോപ്പും നടത്തുന്നു. താത്പര്യമുള്ളവര്‍ രജിസ്റ്റര്‍ ചെയ്യുക. വിശദ വിവരങ്ങള്‍ക്കായി 8547005087, 9495069307, 9495384193, 9496395544 എന്നീ നമ്പറുകളില്‍ ബന്ധപ്പെടുക.

കോഴിക്കോട് ഗവ. ഐ.ടി.ഐ എന്റര്‍പ്രണര്‍ഷിപ്പ് ഡെവലപ്മെന്റ് ക്ലബിന്റെ നേതൃത്വത്തില്‍ 'ഇന്‍സ്പയര്‍ -2025' സെമിനാര്‍ സംഘടിപ്പിച്ചു. പ്രിന്‍സിപ്പല്‍ മുഹമ്മദ് അഷ്റഫ് ഉദ്ഘാടനം ചെയ്തു. ക്ലബ് കോഓഡിനേറ്റര്‍ യൂനുസ് മുക്കില്‍ അധ്യക്ഷനായി. 'ടെക്നിക്കല്‍ സ്‌കില്‍ ഡെവലപ്മെന്റ് ആന്‍ഡ് മോട്ടിവേഷന്‍' എന്ന വിഷയത്തില്‍ കെ കെ ഷാഗിത്ത് ക്ലാസെടുത്തു. വൈസ് പ്രിന്‍സിപ്പല്‍ എ ജി സുധീര്‍, ഗ്രൂപ്പ് ഇന്‍സ്ട്രക്ടര്‍ പി പി ജ്യോതിഷ്, കേശവദാസ്, റിയാന്‍ തുടങ്ങിയവര്‍ സംസാരിച്ചു.

 ഭാരതീയ ചികിത്സാവകുപ്പിന്റെയും നാഷണല്‍ ആയുഷ് മിഷന്റെയും ആഭിമുഖ്യത്തില്‍ ശാന്തിപുരം ഗവ. ആയുര്‍വേദ ആശുപത്രിയില്‍ അനുവദിച്ച ഫിസിയോ തെറാപ്പി സെന്ററിന്റെ ഉദ്ഘാടനം ആരോഗ്യ വകുപ്പ് മന്ത്രി വീണാജോര്‍ജ് ഓണ്‍ലൈനായി നിര്‍വ്വഹിച്ചു. ഇ.ടി ടൈസണ്‍ മാസ്റ്റര്‍ എം.എല്‍.എ അധ്യക്ഷത വഹിച്ചു.

സംസ്ഥാനത്ത് ആയുഷ് മേഖലയില്‍ അനുവദിച്ച 46 ഫിസിയോ തെറാപ്പി യൂണിറ്റുകളില്‍ ജില്ലക്ക് ലഭിച്ച ഏക യൂണിറ്റാണ് എസ്.എന്‍ പുരം ഗവ. ആയുര്‍വേദ ആശുപത്രിയില്‍ ആരംഭിച്ചിട്ടുള്ളത്.

കുടുംബശ്രീ നേതൃത്വത്തിൽ പ്രവർത്തിച്ചുവരുന്ന ബഡ്സ് സ്‌കൂളുകൾ സംസ്ഥാന സർക്കാരിന്റെ വികസന മാതൃകയുടെ മികച്ച ഉദാഹരണമാണെന്ന് തദ്ദേശ സ്വയംഭരണ എക്‌സൈസ് വകുപ്പ് മന്ത്രി എം ബി രാജേഷ് പറഞ്ഞു. തില്ലങ്കേരി ബഡ്സ് സ്‌കൂൾ പുതിയ കെട്ടിടം ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. 

 വടക്കാഞ്ചേരിയിലെ സ്മാര്‍ട്ട് കൃഷിഭവന്‍ ഉദ്ഘാടനം ഇന്ന് (ഒക്ടോബര്‍ 24) വൈകീട്ട് നാലിന് കേരള കാര്‍ഷിക വികസന കര്‍ഷക ക്ഷേമ വകുപ്പ് മന്ത്രി പി. പ്രസാദ് നിര്‍വ്വഹിക്കും. സേവ്യര്‍ ചിറ്റിലപ്പിള്ളി എം.എല്‍.എ അധ്യക്ഷനാകും. കെ.  രാധാകൃഷ്ണന്‍ എം.പി വിശിഷ്ടാതിഥിയാകും. കെ.എല്‍.ഡി.സി ചെയര്‍മാന്‍ പി.വി സത്യനേശന്‍ മുഖ്യപ്രഭാഷണം നടത്തും.
 

സാമൂഹിക വനവത്കരണ വിഭാഗം ഉത്തരമേഖല, സോഷ്യല്‍ ഫോറസ്ട്രി ഡിവിഷന്‍ കോഴിക്കോട്, സോഷ്യല്‍ ഫോറസ്ട്രി റേഞ്ച് എന്നിവയുടെ നേതൃത്വത്തില്‍ കാലാവസ്ഥാ പ്രവര്‍ത്തനത്തിനായുള്ള അന്തര്‍ദേശീയ ദിനത്തിന്റെ ഭാഗമായി കോഴിക്കോട് സാമൂതിരി ഗുരുവായൂരപ്പന്‍ കോളേജ് എന്‍എസ്എസ് വളണ്ടിയര്‍മാര്‍ക്ക് ബോധവത്കരണ ക്ലാസ് സംഘടിപ്പിച്ചു. ഉത്തരമേഖല സാമൂഹിക വനവത്കരണ വിഭാഗം കണ്‍സര്‍വേറ്റര്‍ ആര്‍ കീര്‍ത്തി ഉദ്ഘാടനം ചെയ്തു. സാമൂഹിക വനവത്കരണ വിഭാഗം കോഴിക്കോട് അസി. കണ്‍സര്‍വേറ്റര്‍ കെ നീതു അധ്യക്ഷയായി.

ഇന്ത്യയിലെ ആദ്യത്തെ ഡിസൈനര്‍ സൂവായ പുത്തൂര്‍ സുവോളജിക്കല്‍ പാര്‍ക്ക് കാണാന്‍ അവരെത്തി. ജില്ലയിലെ തിരഞ്ഞെടുക്കപ്പെട്ട സ്‌പെഷ്യല്‍ സ്‌കൂളുകളില്‍ നിന്നുള്ള വിദ്യാര്‍ത്ഥികള്‍ വിവിധയിനം പക്ഷികളും മൃഗങ്ങളും അടങ്ങുന്ന പ്രകൃതിരമണീയമായ കാഴ്ചകള്‍ കണ്ടു നടന്നു. കുറ്റൂര്‍ സ്വാശ്രയ, ചേറൂര്‍ സെന്റ് ജോസഫ്‌സ് സ്‌പെഷ്യല്‍ സ്‌കൂള്‍, കാര്യാട്ടുകര അംഹ, മണ്ണുത്തി സ്‌നേഹ ദീപ്തി, അത്താണി പോപ്പ് പോള്‍ എന്നീ സ്‌പെഷ്യല്‍ സ്‌കൂളുകളില്‍ നിന്നായി നൂറ് വിദ്യാര്‍ത്ഥികളാണ് പുത്തൂര്‍ സുവോളജിക്കല്‍ പാര്‍ക്ക് സന്ദര്‍ശിച്ചത്.

 തദ്ദേശ സ്ഥാപനങ്ങളിലൂടെ അഞ്ച് വർഷം കൊണ്ട് 85000കോടിയുടെ വികസനം നടത്തിയെന്ന് തദ്ദേശ, എക്സൈസ് വകുപ്പ് മന്ത്രി എം. ബി. രാജേഷ് പറഞ്ഞു. മാലൂർ പഞ്ചായത്ത്‌ വികസനഫണ്ട്‌ ഉപയോഗിച്ച് നിർമ്മിച്ച തൃക്കടാരിപ്പൊയിൽ ഷോപ്പിംഗ് കോംപ്ലക്സ് ഉദ്ഘാടനം ചെയ്തു സംസാരിക്കുകയായിരുന്നു മന്ത്രി.