കൊയിലാണ്ടി നഗരസഭ കുടുംബശ്രീ നോര്‍ത്ത് സി.ഡി.എസിന്റെ ഐ.എസ്.ഒ 9001-2015 പ്രഖ്യാപനം നഗരസഭ ചെയര്‍പേഴ്‌സണ്‍ സുധ കിഴക്കെപ്പാട്ട് നിര്‍വഹിച്ചു. സി.ഡി.എസ് ചെയര്‍പേഴ്‌സണ്‍ ഇന്ദുലേഖ അധ്യക്ഷയായി. ജീവന്‍ ദീപം ഡെത്ത് ക്ലെയിം, അതിദരിദ്ര എമര്‍ജന്‍സി ഫണ്ട് എന്നിവ ചടങ്ങില്‍ കൈമാറി. ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ കെ ഷിജു മാസ്റ്റര്‍, എന്‍.യു.എല്‍.എം സിറ്റി മിഷന്‍ മാനേജര്‍ തുഷാര, സി.ഡി.എസ് വൈസ് ചെയര്‍പേഴ്‌സണ്‍ ആരിഫ, റിസോഴ്‌സ് പേഴ്‌സണ്‍ അമൃത, ഉപസമിതി കണ്‍വീനര്‍ രേഖ, സി ഒ ഖാദര്‍ എന്നിവര്‍ സംസാരിച്ചു.

തളിപ്പറമ്പ് 220 കെ വി സബ്സ്റ്റേഷനിൽ അടിയന്തര അറ്റകുറ്റപ്പണികൾ നടക്കുന്നതിനാൽ ഒക്ടോബർ 26 ന് രാവിലെ ഒൻപത് മണി മുതൽ വൈകീട്ട് അഞ്ച് മണിവരെ തളിപ്പറമ്പ്, കരിമ്പം, പരിയാരം, ചപ്പാരപ്പടവ് ഇലക്ട്രിക്കൽ സെക്ഷൻ പരിധിയിൽ വൈദ്യുതി തടസ്സം ഉണ്ടാകുമെന്ന് അസിസ്റ്റന്റ് എക്സിക്യൂട്ടീവ് എഞ്ചിനീയർ അറിയിച്ചു.

കോട്ടയം : അതിരമ്പുഴ, തിരുവാര്‍പ്പ് ഗ്രാമപഞ്ചായത്തുകളിലെ വികസന സദസ് ശനിയാഴ്ച(ഒക്ടോബര്‍ 25) സഹകരണം -തുറമുഖം- ദേവസ്വം വകുപ്പ് മന്ത്രി വി.എന്‍. വാസവന്‍ ഉദ്ഘാടനം ചെയ്യും.

അതിരമ്പുഴ വിശ്വമാതാ ഓഡിറ്റോറിയത്തില്‍ രാവിലെ 11.30 ന് നടക്കുന്ന പരിപാടിയില്‍  ഗ്രാമപഞ്ചായത്ത് പ്രസിഡന്റ് ജോസ് അമ്പലക്കുളം അധ്യക്ഷത വഹിക്കും. 

കേരള മീഡിയ അക്കാദമി ഇൻസ്റ്റിറ്റ്യൂട്ട് ഓഫ് കമ്യൂണിക്കേഷനിലെ മൂന്നുമാസ ഫോട്ടോ ജേർണലിസം ഡിപ്ലോമ കോഴ്‌സിന്റെ ഒഴിവുള്ള സീറ്റുകളിലേക്ക് സ്പോട്ട് അഡ്മിഷൻ നടത്തുന്നു. ശനി, ഞായർ ദിവസങ്ങളിലാണ് ക്ലാസുകൾ. പ്രായപരിധിയില്ല. പ്ലസ് ടു യോഗ്യതയുള്ളവർക്ക് അപേക്ഷിക്കാം. താൽപര്യമുള്ളവർക്ക് യോഗ്യത സർട്ടിഫിക്കറ്റുകൾ, ആധാർ കാർഡ് എന്നിവയുടെ ഒറിജിനലും പകർപ്പും പാസ്പോർട്ട് സൈസ് ഫോട്ടോയും സഹിതം ഒക്ടോബർ 31നകം കൊച്ചി കാക്കനാടുള്ള അക്കാദമി സെന്ററിൽ നേരിട്ട് വന്ന് അഡ്മിഷൻ നേടാം. ഫോൺ: 8281360360, 0484-2422275 വെബ്‌സൈറ്റ്: www.kma.ac.in

തരിശുനിലങ്ങളുടെ വീണ്ടെടുക്കല്‍ സാധ്യതകള്‍, കാലാവസ്ഥാ വ്യതിയാന സാഹചര്യങ്ങളും പൊരുത്തപ്പെടല്‍ മാര്‍ഗങ്ങളും എന്നീ വിഷയങ്ങളെ മുന്‍നിര്‍ത്തി സെന്റര്‍ ഫോര്‍ വാട്ടര്‍ റിസോഴ്സസ് ഡെവലപ്മെന്റ് ആന്‍ഡ് മാനേജ്മെന്റ് (സി.ഡബ്ല്യു.ആര്‍.ഡി.എം) മുഖേന ജില്ലാപഞ്ചായത്ത് തയാറാക്കിയ രണ്ട് പഠനറിപ്പോര്‍ട്ടുകളുടെ പ്രകാശനം ജില്ലാ കലക്ടര്‍ സ്‌നേഹില്‍ കുമാര്‍ സിങ് നിര്‍വഹിച്ചു. ജില്ലാപഞ്ചായത്ത് മീറ്റിങ് ഹാളില്‍ നടന്ന പരിപാടിയില്‍ ജില്ലാ പഞ്ചായത്ത് പ്രസിഡന്റ് ഷീജ ശശി അധ്യക്ഷയായി. 

യു ജി സി മാനവിക വിഷയങ്ങളിൽ ഡിസംബർ മാസത്തിൽ നടത്താൻ നിശ്ചയിച്ചിരിക്കുന്ന നെറ്റ് പരീക്ഷയ്ക്ക് തയ്യാറെടുക്കുന്നവർക്കായി കണ്ണൂർ യൂണിവേഴ്സിറ്റി എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോ പരിശീലന പരിപാടി സംഘടിപ്പിക്കുന്നു. ജനറൽ പേപ്പറിന് വേണ്ടി ആരംഭിക്കുന്ന 10 ദിവസത്തെ പരിശീലന പരിപാടിയിലേക്ക് ആദ്യം രജിസ്റ്റർ ചെയ്യുന്ന 35 പേർക്കാണ് അവസരം. താൽപര്യമുള്ളവർ കണ്ണൂർ യൂണിവേഴ്സിറ്റിയുടെ താവക്കര ആസ്ഥാന മന്ദിരത്തിൽ പ്രവർത്തിക്കുന്ന എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയിൽ നേരിട്ട് ഹാജരായി പേര് രജിസ്റ്റർ ചെയ്യണം. ഫോൺ: 04972703130

കോട്ടയം: വനിതാ കമ്മീഷന്‍ സിറ്റിംഗ് ഒക്ടോബര്‍ 27 തിങ്കളാഴ്ച ചങ്ങനാശ്ശേരി മുനിസിപ്പല്‍ ടൗണ്‍ഹാളില്‍ നടത്തും. രാവിലെ 10ന് ആരംഭിക്കുന്ന സിറ്റിങ്ങില്‍ പുതിയ പരാതികളും സ്വീകരിക്കും.
 

ജില്ലാ എൽ എസ് ജി ഡി വകുപ്പിൽ പബ്ലിക് ഹെൽത്ത് ഇൻസ്പെക്ടർ ഗ്രേഡ് 2 (കാറ്റഗറി നമ്പർ 611/2024) ചുരുക്കപ്പട്ടികയിൽ ഉൾപ്പെട്ട് ഒറ്റത്തവണ വെരിഫിക്കേഷൻ പൂർത്തീകരിച്ച ഉദ്യോഗാർഥികളിൽ 45 പേർക്കുള്ള അഭിമുഖ പരീക്ഷ നവംബർ ആറ്, ഏഴ് തീയതികളിൽ കെ പി എസ് സി ജില്ലാ ഓഫീസിൽ നടക്കും. ഉദ്യോഗാർഥികൾ ഒ ടി ആർ പ്രൊഫൈലിൽനിന്നും ഡൗൺലോഡ് ചെയ്ത അഡ്മിഷൻ ടിക്കറ്റ്, ബയോഡാറ്റാ ഫോം, വൺടൈം വെരിഫിക്കേഷൻ സർട്ടിഫിക്കറ്റ്, അസ്സൽ രേഖകൾ, കമ്മീഷൻ അംഗീകരിച്ച തിരിച്ചറിയൽ രേഖ എന്നിവ സഹിതം അനുവദിക്കപ്പെട്ട തീയതിയിലും സമയത്തും നേരിട്ട് എത്തണം. ഫോൺ: 0497 2700482
 

റോസ്ഗര്‍ മേളയില്‍ നിയമന ഉത്തരവുകള്‍ മന്ത്രി കൈമാറി

ജില്ലയിലെ പട്ടയ മിഷന്റെ ജോലികൾക്കായി സർവെയർ, ചെയിൻമാൻ/ ഹെൽപ്പർ, ഡാറ്റാ എൻട്രി ഓപ്പറേറ്റർ തസ്തികകളിലേക്കുള്ള അഭിമുഖം ഒക്ടോബർ 29 ന് രാവിലെ 10 മണിക്ക് കലക്ടറേറ്റ് ഓഡിറ്റോറിയത്തിൽ നടക്കും. ഐ ടി ഐ സർവെ / ഡിപ്ലോമ ഇൻ സിവിൽ എഞ്ചിനീയറിംഗ് / മോഡേൺ സർവെ കോഴ്‌സ് അണ്ടർ സർവെ ആൻഡ് ലാൻഡ് റെക്കോർഡ് യോഗ്യതയുള്ളവർക്ക് സർവെയർ തസ്തികയിലേക്കും എസ് എസ് എൽ സി / തത്തുല്യ യോഗ്യതയുള്ളവർക്ക് ചെയിൻ മാൻ / ഹെൽപ്പർ തസ്തികയിലേക്കും കെ ജി ടി ഇ മലയാളം, ഇംഗ്ലീഷ് ലോവർ, വേഡ് പ്രൊസസിംഗ് യോഗ്യതയുള്ളവർക്ക് ഡാറ്റ എൻട്രി ഓപ്പറേറ്റർ തസ്തികയിലേക്കും അപേക്ഷിക്കാം.