സമഗ്ര ആരോഗ്യ ബോധവത്കരണത്തിന്റെ ഭാഗമായി നിലമ്പൂര്‍ പീവീസ് മോഡല്‍ സ്‌കൂള്‍ നടത്തുന്ന തെരുവ് നാടകത്തിന്റെ ആദ്യ അവതരണം സിവില്‍ സ്റ്റേഷനില്‍ അരങ്ങേറി. ജില്ലാ കളക്ടര്‍ വി.ആര്‍. വിനോദ് ഉദ്ഘാടനം ചെയ്തു. അനാരോഗ്യകരമായ ഭക്ഷണ സംസ്‌കാരത്തിന്റെ ദൂഷ്യ വശങ്ങള്‍ ഓര്‍മ പ്പെടുത്തുന്നതായിരുന്നു തെരുവ് നാടകം. ജീവിത ശൈലി രോഗങ്ങള്‍ തടയുന്നതില്‍ ഭക്ഷണത്തിന്റെ പങ്കും ആരോഗ്യകരമായ ഭക്ഷണ രീതിയുമെല്ലാം നാടകത്തിലൂടെ അവതരിപ്പിച്ചു. എണ്ണയുടെയും, പഞ്ചസാരയുടെയും അമിത ഉപഭോഗത്തിനെതിരെ പൊതുജനങ്ങളെ പങ്കെടുപ്പിച്ചുകൊണ്ടുള്ള സജീവ പ്രചരണമാണ് ബോധവത്കരണത്തിലൂടെ ലക്ഷ്യമിടുന്നത്.

ആയുഷ് മേഖലയിലെ 46 ഫിസിയോതെറാപ്പി യൂണിറ്റുകളുടെ സംസ്ഥാനതല ഉദ്ഘാടനം ആരോഗ്യ വനിതാ ശിശു വികസന വകുപ്പ് മന്ത്രി വീണാ ജോര്‍ജ് ഓണ്‍ലൈനായി നിര്‍വഹിച്ചു. ആയുര്‍വേദ ആശുപത്രിയിലെ ഫിസിയോതെറാപ്പി യൂണിറ്റ് മലപ്പുറം നഗരസഭ ആരോഗ്യസ്റ്റാന്‍ഡിങ് കമ്മിറ്റി ചെയര്‍മാന്‍ ഹമീദ് പരി ഉദ്ഘാടനം ചെയ്തു. സീനിയര്‍ മെഡിക്കല്‍ ഓഫീസര്‍ ഡോ. ഷബ്‌ന ഹബീബ് അധ്യക്ഷത വഹിച്ചു. നാഷണല്‍ ആയുഷ് മിഷന്‍ ആയൂര്‍വിദ്യ മെഡിക്കല്‍ ഓഫീസര്‍ ഡോ. റംല സനീബ് പദ്ധതി വിശദീകരിച്ചു. ഡോ. നൗഫല്‍ പനക്കല്‍, ഡോ. ടി.സി. അഞ്ജലി, ഫിസിയോ തെറാപ്പിസ്റ്റ് കെ.യു. മായ, മുജീബ് റഹ്‌മാന്‍, സി.കെ. ജാഫറലി എന്നിവര്‍ സംസാരിച്ചു.

താനൂര്‍ തൂവല്‍ തീരം ബീച്ചില്‍ 2023 മെയ് ഏഴിന് നടന്ന ബോട്ട് അപകടത്തിനിടയാക്കിയ കാരണങ്ങളെക്കുറിച്ചും ഭാവിയില്‍ ഇത്തരം ദുരന്തങ്ങള്‍ ഒഴിവാക്കാനുള്ള നടപടികള്‍ സംബന്ധിച്ചും അന്വേഷണ റിപ്പോര്‍ട്ട് നല്‍കാന്‍ സര്‍ക്കാര്‍ നിയോഗിച്ച ജസ്റ്റിസ് വി.കെ. മോഹനന്‍ കമ്മീഷന്റെ രണ്ടാംഘട്ട പൊതു തെളിവെടുപ്പും ഹിയറിങ്ങും സമാപിച്ചു.

മുന്നിയൂര്‍ പഞ്ചായത്ത്

അഞ്ചുവര്‍ഷത്തെ വികസന നേട്ടം ജനങ്ങളിലേക്ക് എത്തിച്ച് മൂന്നിയൂര്‍ ഗ്രാമപഞ്ചായത്ത് വികസന സദസ്സ് ജനശ്രദ്ധ നേടി. സി.പി. ഓഡിറ്റോറിയത്തില്‍ നടന്ന പരിപാടി പഞ്ചായത്ത് പ്രസിഡന്റ് എന്‍.എം. സുഹറാബി ഉദ്ഘാടനം ചെയ്തു. വൈസ് പ്രസിഡന്റ് ഹനീഫ അച്ചാട്ടില്‍ അധ്യക്ഷത വഹിച്ചു. പഞ്ചായത്ത് സമഗ്ര മേഖലയിലും മികച്ച നേട്ടം കൈവരിച്ചതായും 179 കോടി രൂപയുടെ വികസന പ്രവര്‍ത്തനങ്ങള്‍ നടത്തിയതായും ഉദ്ഘാടന പ്രസംഗത്തില്‍ പഞ്ചായത്ത് പ്രസിഡന്റ് എന്‍.എം. സുഹറാബി പറഞ്ഞു.

കേരള കളള് വ്യവസായ തൊഴിലാളി ക്ഷേമനിധി ബോര്‍ഡ് നല്‍കി വരുന്ന ക്ഷേമനിധിയില്‍ അംഗങ്ങളായ തൊഴിലാളികളുടെ മക്കൾക്ക്  സ്‌കോളര്‍ഷിപ്പിനുളള അപേക്ഷയും ഒന്നാം വര്‍ഷ പ്രൊഫഷണല്‍ കോഴ്സുകളില്‍ പഠിക്കുന്ന കുട്ടികള്‍ക്കായുള്ള ലാപ്‌ടോപ്പിനുള്ള അപേക്ഷയും ഒക്ടോബർ 31 വരെ സ്വീകരിക്കും. 

എട്ടാം ക്ലാസ് മുതല്‍ പി ജി പ്രൊഫഷണല്‍ കോഴ്‌സ് വരെ പഠിക്കുന്ന വിദ്യാര്‍ഥികള്‍ക്കാണ് സ്കോളർഷിപ്പിന് അർഹത. ഫോൺ: 0477-2267751.

കൈത്തറി വസ്ത്രങ്ങളുടെ പ്രചരണാര്‍ത്ഥം സംസ്ഥാന സര്‍ക്കാര്‍ കൈത്തറി ആന്‍ഡ് ടെക്സ്റ്റയില്‍സ് ഡയറക്ടറേറ്റിന്റെയും ആലപ്പുഴ ജില്ലാ വ്യവസായ കേന്ദ്രത്തിന്റെയും ആഭിമുഖ്യത്തില്‍ സ്‌കൂള്‍ കുട്ടികള്‍ക്കായി  നടത്തിയ ചിത്രരചനാ മത്സരത്തിൻ്റ ഫലം പ്രഖ്യാപിച്ചു.

മാവേലിക്കര താലൂക്കിലെ തെക്കേക്കര വില്ലേജ് പരിധിയിൽ ഡിജിറ്റല്‍ റീസര്‍വെ കേരള സര്‍വെയും അതിരടയാളവും ആക്റ്റ് 9 (1) പ്രകാരം പൂര്‍ത്തിയായി. ഇപ്രകാരം തയ്യാറാക്കിയിട്ടുള്ള സര്‍വ്വെ  റിക്കാര്‍ഡുകള്‍ എന്റെ ഭൂമി പോര്‍ട്ടലിലും കുറത്തിക്കാട്, തെക്കേക്കര ഗ്രാമപഞ്ചായത്ത് കമ്മ്യൂണിറ്റി ഹാളിന്റെ മുകളിലത്തെ നിലയില്‍ പ്രവര്‍ത്തിച്ച് വരുന്ന ഡിജിറ്റല്‍ സര്‍വെ ക്യാമ്പ് ഓഫീസിലും പ്രദര്‍ശിപ്പിച്ചിട്ടുണ്ട്.

കുടുംബശ്രീ ജില്ലാ മിഷന്റെ ആഭിമുഖ്യത്തിൽ ഇന്ന് (ഒക്ടോബർ 25 ) വൈകുന്നേരം നാല് മണിക്ക് ആലപ്പുഴ ഇഎംഎസ് സ്റ്റേഡിയം മുതൽ ആലപ്പുഴ ബീച്ച് വരെ മിനി മാരത്തോൺ സംഘടിപ്പിക്കും. കുടുംബശ്രീ പ്രവർത്തകരായ 1300 ഓളം വനിതകൾ പങ്കെടുക്കുന്ന മാരത്തോണിൽ ജില്ലയിലെ 18നും 45നും ഇടയിൽ പ്രായമുള്ള വനിതകൾ പങ്കാളികളാകും.

അമ്പലപ്പുഴ - ഹരിപ്പാട് റെയിൽവേ സ്റ്റേഷനുകൾക്കിടയിലുള്ള ലെവൽ ക്രോസ് നമ്പർ 115 (തൃപ്പക്കുടം ഗേറ്റ്) ഒക്ടോബർ 27 ന് രാവിലെ എട്ട് മണി മുതൽ മേൽപ്പാലം നിർമാണത്തിന്റെ ഭാഗമായി  സ്ഥിരമായി അടച്ചിടുമെന്ന് റെയിൽവെ ആലപ്പുഴ സീനിയർ സെക്ഷൻ എഞ്ചിനീയർ അറിയിച്ചു.

ഹരിപ്പാട് - എടത്വ റോഡിലെ ഗതാഗതം  വഴി തിരിച്ചു വിടും.
റെയിൽവേ ഗേറ്റ് അടയ്ക്കുന്നതിന്റെ ഭാഗമായി ഗതാഗത ക്രമീകരണം ഏർപ്പെടുത്തി ജില്ല കളക്ടർ ഉത്തരവായി. 
ഹരിപ്പാട് -എടത്വ റോഡിലൂടെ വരുന്ന ചെറിയ വാഹനങ്ങൾ നിലവിലുള്ള ആലിൻ ചുവട്, ഗണപതിയാകുളങ്ങര എന്നീ രണ്ട് അടിപ്പാതകൾ വഴി പോകേണ്ടതാണ്.

*ആലപ്പുഴ നഗരസഭ വികസന സദസ്സ് സംഘടിപ്പിച്ചു

സംസ്ഥാനത്തിന്റെ വികസന, ക്ഷേമ മേഖലയിൽ വലിയ മുന്നേറ്റമുണ്ടാക്കാൻ സർക്കാരിന് കഴിഞ്ഞതായി എച്ച് സലാം എംഎൽഎ പറഞ്ഞു. ആലപ്പുഴ നഗരസഭ വികസന സദസ്സ് ഉദ്ഘാടനം നഗരസഭ ശതാബ്‌ദി മന്ദിരത്തിൽ നിർവഹിച്ച് സംസാരിക്കുകയായിരുന്നു അദ്ദേഹം. ഈ വികസനക്കുതിപ്പ് തുടരുന്നതിനും അതിനെ  ജനകീയ സ്വഭാവത്തിലുള്ള കാഴ്ചപ്പാടാക്കി രൂപപ്പെടുത്തുന്നതിനുമാണ് വികസന സദസ്സുകൾ സംഘടിപ്പിക്കുന്നതെന്നും എംഎൽഎ പറഞ്ഞു.