കെല്‍ട്രോണ്‍ തളിപ്പറമ്പ് നോളജ് സെന്ററില്‍ ഒരു വര്‍ഷ പ്രൊഫഷണല്‍ ഡിപ്ലോമ കോഴ്‌സുകളായ ലോജിസ്റ്റിക്‌സ് ആന്‍ഡ് സപ്ലൈ ചെയിന്‍ മാനേജ്‌മെന്റ്, ഫയര്‍ ആന്‍ഡ് സേഫ്റ്റി, പ്രീ സ്‌കൂള്‍ ടീച്ചേര്‍സ് ട്രെയിനിംഗ് എന്നിവയില്‍ അഡ്മിഷന്‍ തുടരുന്നു. താല്‍പര്യമുള്ളവര്‍ക്ക് തളിപ്പറമ്പ് മുനിസിപ്പാലിറ്റി ബസ്സ്റ്റാന്റ് കോംപ്ലക്‌സിലുള്ള കെല്‍ട്രോണ്‍ നോളജ് സെന്ററുമായി ബന്ധപ്പെടാം. ഫോണ്‍: 04602205474, 0460 2954252

കണ്ണൂർ റീജിയണൽ ട്രാൻസ്‌പോർട് അതോറിറ്റി യോഗം ഒക്ടോബർ 31 നു രാവിലെ 11 മണിക്ക് കലക്ടറേറ്റ് ഓഡിറ്റോറിയത്തിൽ ചേരും. 

കേരള പി എസ് സി ഒക്ടോബര്‍ 25 ന് നടത്താനിരുന്ന അറ്റന്‍ഡര്‍ ഗ്രേഡ് 2 (037/2024), സ്‌റ്റോര്‍ കീപ്പര്‍ (377/2024) പരീക്ഷകളുടെ കേന്ദ്രം കണ്ണൂര്‍ പയ്യാമ്പലം ജി വി എച്ച് എസ് ന് പകരം പള്ളിക്കുന്ന് ജി എച്ച് എസ് എസ് (എച്ച് എസ് എസ് സെക്ഷന്‍) ലേക്ക് മാറ്റിയതായി ജില്ലാ ഓഫീസര്‍ അറിയിച്ചു. പരീക്ഷാ സമയത്തില്‍ മാറ്റമില്ല. 

തലശ്ശേരി താലൂക്ക് കണ്ണവം വില്ലേജിലെ ചിറ്റാരിപ്പറമ്പ് ഗ്രാമപഞ്ചായത്തില്‍ ബ്ലോക്ക് നമ്പര്‍ 75 ല്‍പ്പെട്ട 108/121, 108/118, 108/119,108/120,108/117,108/171,108/183,108/170 റീ സര്‍വെ നമ്പറുകളില്‍ 5.0248 ഹെക്ടര്‍ സ്ഥലത്ത് ചെണ്ടയാട് ഗ്രാനൈറ്റ്‌സ് പ്രൈവറ്റ് ലിമിറ്റഡ് ആരംഭിക്കുവാന്‍ ഉദ്ദേശിക്കുന്ന കരിങ്കല്‍ ധാതു ഖനന പദ്ധതിയുമായി ബന്ധപ്പെട്ട പരിസരവാസികളായ പൊതുജനങ്ങള്‍ക്കുവേണ്ടിയുള്ള പൊതുതെളിവെടുപ്പ് ഒക്ടോബര്‍ 25 ന് രാവിലെ 11 മണിക്ക് കൂത്തുപറമ്പ് മുനിസിപ്പല്‍ വി.കെ.സി ഹാളില്‍ നടക്കും.
 

ജില്ലാപഞ്ചായത്ത് വാര്‍ഷിക പദ്ധതിയില്‍ ഉള്‍പ്പെടുത്തി ഏഴോം ഗ്രാമപഞ്ചായത്തില്‍ 24 പട്ടികജാതി കുടുംബങ്ങള്‍ക്കായി നിര്‍മിച്ച ഭവനസമുച്ചയത്തിന്റെ ഉദ്ഘാടനം ഒക്ടോബര്‍ 24 ന് വെള്ളിയാഴ്ച വൈകുന്നേരം നാല് മണിക്ക് തദ്ദേശ സ്വയംഭരണ എക്‌സൈസ് വകുപ്പ് മന്ത്രി എം.ബി രാജേഷ് നിര്‍വഹിക്കും. എം വിജിന്‍ എം എല്‍ എ അധ്യക്ഷനാകും.

=കല്ല്യാശ്ശേരി മണ്ഡലത്തില്‍ ആരംഭിക്കുന്ന കൂണ്‍ ഗ്രാമം പദ്ധതിയും കര്‍ഷകര്‍ക്കുള്ള പരിശീലനവും എം വിജിന്‍ എം എല്‍ എ ഉദ്ഘാടനം ചെയ്തു. കല്ല്യാശ്ശേരി ബ്ലോക്ക് പഞ്ചായത്തില്‍ നടന്ന പരിപാടിയില്‍ ബ്ലോക്ക് പഞ്ചായത്ത് വൈസ് പ്രസിഡന്റ് ഡി വിമല അധ്യക്ഷയായി.

ചിറക്കല്‍ ഗ്രാമപഞ്ചായത്തിലെ കുടുംബാരോഗ്യ കേന്ദ്രത്തില്‍ പുതുതായി നിര്‍മിക്കുന്ന കോണ്‍ഫറന്‍സ് ഹാളിന്റെ പ്രവൃത്തി ഉദ്ഘാടനം കെ.വി സുമേഷ് എം എല്‍ എ നിര്‍വഹിച്ചു. ചിറക്കല്‍ ഗ്രാമപഞ്ചായത്ത് പ്രസിഡന്റ് പി ശ്രുതി അധ്യക്ഷയായി.

കെ.വി സുമേഷ് എംഎല്‍എയുടെ 2022 - 23 വര്‍ഷത്തെ ആസ്തി വികസന ഫണ്ടില്‍ നിന്നും 50 ലക്ഷം രൂപ ചെലവഴിച്ചാണ് കോണ്‍ഫറന്‍സ് ഹാള്‍ നിര്‍മിക്കുന്നത്. കുടുംബാരോഗ്യ കേന്ദ്രത്തിലെ ഫാര്‍മസി കെട്ടിടത്തിന് മുകളിലാണ് നിര്‍മാണം. സ്റ്റേജും ടോയ്ലറ്റുമടക്കം 173.85 ചതുരശ്ര മീറ്ററാണ് ഹാളിന്റെ വിസ്തീര്‍ണം.

കൊല്ലം ജില്ലയില്‍ കേന്ദ്ര കാലാവസ്ഥ വകുപ്പ് ഓറഞ്ച് അലര്‍ട്ട് പ്രഖ്യാപിച്ചു. ഒറ്റപ്പെട്ടയിടങ്ങളില്‍ അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില്‍ 115.6 mm മുതല്‍ 204.4 mm വരെ  മഴയ്ക്കുള്ള സാധ്യതയുണ്ട്.

67-ാമത് സംസ്ഥാന  സ്‌കൂള്‍ കായിക മേളയില്‍ ഇന്‍ക്ലൂസീവ് വിഭാഗത്തില്‍ ബോച്ചേ 14 വയസിന് താഴെയുള്ള മത്സരത്തില്‍ മങ്ങാട്  സര്‍ക്കാര്‍ ഹയര്‍ സെക്കണ്ടറി സ്‌കൂളിലെ എട്ടാം ക്ലാസ് വിദ്യാര്‍ഥിനി ഡി.വി.ഇഷാനിക്ക് സ്വര്‍ണമെഡല്‍. മങ്ങാട് പുതുവലില്‍ വീട്ടില്‍ വിനോദ് നടരാജന്റെയും ദിവ്യയുടെയും മകളാണ്.  
 

റീജിയണല്‍ ട്രാന്‍സ്‌പോര്‍ട്ട് അതോറിറ്റിയുടെ  യോഗം  ഒക്‌ടോബര്‍ 27 രാവിലെ 10.30ന്  കലക്‌ട്രേറ്റ് കോണ്‍ഫറന്‍സ് ഹാളില്‍ ചേരും.