കൊച്ചി ശാസ്ത്ര സാങ്കേതിക സർവകലാശാലയിലെ കുസാറ്റെക് ഫൗണ്ടേഷനിൽ പ്രവർത്തിക്കുന്ന കുസാറ്റ്-ടിബിഐയിൽ റൂസ 2.0 പദ്ധതിയുടെ ഭാഗമായി ടെക്ന‌ിക്കൽ അസിസ്റ്റൻ്റ് ഒഴിവിലേക്ക് താത്കാലിക നിയമനം നടത്തുന്നു.

എൻജിനീയറിംഗ് അഥവാ അനുബന്ധ വിഷയങ്ങളിൽ ഡിഗ്രി/ഡിപ്ലോമയും ത്രീ ഡി പ്രിൻ്റിംഗ്,ത്രീ ഡി സ്കാനിംഗ്,സിഎൻസി മെഷീൻ ഓപ്പറേഷൻ, റോബോട്ടിക്സ്, സോൾഡറിംഗ്, ഇലക്ട്രോണിക്/മെക്കാനിക്കൽ ഡിസൈൻ തുടങ്ങിയ മേഖലകളിലെ പ്രവൃത്തിപരിചയവുമാണ് യോഗ്യത. ഫാബ് അക്കാദമിയിൽ നിന്നുള്ള ഡിപ്ലോമ/സർട്ടിഫിക്കറ്റ്, കൂടാതെ ഫാബ്‌ലാബ് അനുബന്ധ പ്രവർത്തനങ്ങളിൽ ഒരു വർഷത്തെ പ്രവൃത്തിപരിചയം അഭികാമ്യം.

വിഷൻ 2031 ന്റെ ഭാഗമായി റവന്യൂ വകുപ്പിന്റെ ആഭിമുഖ്യത്തിൽ സംഘടിപ്പിക്കുന്ന സെമിനാർ ഇന്ന് (25/10/2025) തൃശ്ശൂർ റീജിയണൽ തിയേറ്ററിൽ നടക്കും. രാവിലെ 9.30ന് റവന്യൂ വകുപ്പ് മന്ത്രി കെ രാജൻ സെമിനാർ ഉദ്ഘാടനം ചെയ്യും. 

 മൂന്നു വേദികളിലായി വിവിധ സെഷനുകളിൽ ഭൂഭരണം: ഡിജിറ്റൽ വിപ്ലവവും ഇ- സേവനങ്ങളും, സുസ്ഥിര കേരളത്തിനായുള്ള ഭൂവിനിയോഗം, ഭൂനിയമങ്ങളുടെ നവീകരണം : കേരളത്തിൻറെ ഭൂഭരണ നിർവഹണത്തിന്റെ ഭാവി എന്നീ വിഷയങ്ങളിൽ പാനൽ ചർച്ചകൾ നടക്കും.

 റവന്യൂ വകുപ്പ് സെക്രട്ടറി എം. ജി രാജമാണിക്യം വകുപ്പിന്റെ ഒൻപതു വർഷത്തെ നേട്ടങ്ങളുടെ റിപ്പോർട്ട് അവതരിപ്പിക്കും. 

ഒരു തൈ നടാം' ജനകീയ ക്യാമ്പിന്റെ ഭാഗമായി ആലങ്ങാട് കെ.ഇ.എം. ഹൈസ്കൂളിൽ പച്ചത്തുരുത്ത് നിർമ്മാണത്തിന് തുടക്കമായി. ഗ്രാമപഞ്ചായത്ത് പ്രസിഡൻറ് പി. എം. മനാഫ് നിർമ്മാണോദ്ഘാടനം നിർവഹിച്ചു.

ആലങ്ങാട് ഗ്രാമപഞ്ചായത്ത് തൊഴിലുറപ്പ് പദ്ധതിയിൽ ഉൾപ്പെടുത്തി, ഹരിത കേരളം മിഷൻ, പറവൂർ റോട്ടറി ക്ലബ് , എന്നിവരുടെ സഹകരണത്തോടെയാണ് പദ്ധതി നടപ്പാക്കുന്നത്.

കേരള മോട്ടോർ തൊഴിലാളി ക്ഷേമനിധി പദ്ധതിയിൽ അംഗങ്ങളായ തൊഴിലാളികളുടെ മക്കൾക്കുള്ള വിദ്യാഭ്യാസ സ്കോളർഷിപ്പിന് അപേക്ഷ ക്ഷണിച്ചു. എട്ട്, ഒമ്പത്,പത്ത് ക്ലാസുകളിൽ പഠിക്കുന്ന വിദ്യാർഥികൾ ഒഴികെയുള്ളവർ സ്കോളർഷിപ്പിന് അപേക്ഷിക്കുന്ന കോഴ്സിന്റെ യോഗ്യതാ പരീക്ഷയിൽ 50 ശതമാനം മാർക്കോ തത്തുല്യ ഗ്രേഡോ നേടിയിരിക്കണം.അപേക്ഷ ഫോറവും വിശദ വിവരങ്ങളും എറണാകുളം ജില്ലാ ഓഫീസിൽ നിന്നും,കേരള മോട്ടോർ തൊഴിലാളി ക്ഷേമനിധി ബോർഡിന്റെ ഔദ്യോഗിക വെബ്സൈറ്റായ www.kmtwwfb.org യിൽ നിന്നും ലഭിക്കുന്നതാണ്.അപേക്ഷകൾ നവംബർ ഒന്ന് മുതൽ നവംബർ 30 വരെ ജില്ലാ ഓഫീസിൽ സമർപ്പിക്കണം.

ഫോൺ : 0484 - 2401632

കേരള മീഡിയ അക്കാദമി ഇൻസ്റ്റിറ്റ്യൂട്ട് ഓഫ് കമ്മ്യൂണിക്കേഷനിലെ ഫോട്ടോജേണലിസം ഡിപ്ലോമ കോഴ്സിലേക്ക് ഒഴിവുള്ള സീറ്റുകളിൽ സ്പോട്ട് അഡ്മിഷൻ നടത്തുന്നു.നവംബർ ആദ്യവാരം ആരംഭിക്കുന്ന കോഴ്സിന് 25000 രൂപയാണ് ഫീസ്.തിയറിയും പ്രാക്ടിക്കലും ഉൾപ്പെടെ മൂന്നു മാസമാണ് കോഴ്സിന്റെ കാലാവധി.ശനി ഞായർ ദിവസങ്ങളിലാണ് ക്ലാസുകൾ.പ്രായപരിധി ഇല്ല. പ്ലസ് ടു വിദ്യാഭ്യാസ യോഗ്യതയുള്ളവർക്ക് അപേക്ഷിക്കാം. 

ഫോൺ :0484-2422215 ,8281300060 

തിരുവനന്തപുരം മുട്ടടയിൽ പ്രവർത്തിക്കുന്ന ഐഎച്ച് ആർ ഡിയുടെ റീജിയണൽ സെന്ററിൽ നവംബർ ഒന്നിന് ഹൈസ്കൂൾ വിദ്യാർത്ഥികൾക്കായി ഏകദിന ശിൽപശാല സംഘടിപ്പിക്കുന്നു. 

ഫോൺ: 8547005087,9495069307,9495384193,9496395544

കേരള സംസ്ഥാന ഭവന നിർമ്മാണ ബോർഡ് എറണാകുളം ഡിവിഷൻ കാക്കനാട് വർക്കിങ് വുമൺസ് ഹോസ്റ്റലിലെ 30KLD സീവേജ് ട്രീറ്റ്മെൻറ് പ്ലാൻറ് - കളക്ഷൻ എയറേഷൻ ടാങ്കുകൾ വൃത്തിയാക്കുന്നതിന് ക്വട്ടേഷൻ ക്ഷണിച്ചു.ഒക്ടോബർ 31 വൈകീട്ട് 3 വരെ ക്വട്ടേഷൻ സമർപ്പിക്കാം.

ഫോൺ : 0484 -2369059,9497366385

കേരള വനിതാ കമ്മീഷന്റെ എറണാകുളം ജില്ലാതല സിറ്റിംഗ് ഒക്ടോബർ 29 ,30 തീയതികളിൽ വൈ എം സി എ ഹാളിൽ നടക്കും. രാവിലെ 10 ന് ആരംഭിക്കുന്ന സിറ്റിങ്ങിൽ പുതിയ പരാതികളും സ്വീകരിക്കും.

നാല് ദിവസത്തെ കേരള സന്ദർശനം പൂർത്തിയാക്കി രാഷ്ട്രപതി 

 ദ്രൗപദി മുർമു ഡൽഹിയിലേക്ക് മടങ്ങി. കൊച്ചി അന്താരാഷ്ട്ര വിമാനത്താവളത്തിൽ നിന്ന് ഉച്ചക്ക് 2.15ന് വ്യോമസേനയുടെ പ്രത്യേക വിമാനത്തിലാണ് ഡൽഹിയിലേക്ക് മടങ്ങിയത്.

കേരള സന്ദർശനത്തിൻ്റെ ഭാഗമായി കൊച്ചിയിലെത്തിയ രാഷ്ട്രപതി ദ്രൗപദി മുർമു സെന്റ് തെരേസാസ് കോളേജിലെ പരിപാടിയിൽ പങ്കെടുത്തശേഷം 

നാവിക വിമാനത്താവളത്തിൽ നിന്ന് നെടുമ്പാശ്ശേരി അന്താരാഷ്ട്ര വിമാനത്താവളത്തിലേക്ക് തിരിച്ചു.

ഗവര്‍ണര്‍ രാജേന്ദ്ര വിശ്വനാഥ് ആര്‍ലേക്കറുടെ നേതൃത്വത്തിൽ നാവിക വിമാനത്താവളത്തിൽ നിന്ന് രാഷ്ട്രപതിയെ യാത്രയാക്കി.