വനിത റിക്രിയേഷൻ സെൻ്ററിൽ പരിശീലനം 

പേരാമ്പ്ര ബ്ലോക്ക് പഞ്ചായത്തിന് കീഴിൽ എരവട്ടൂരിൽ സ്ഥിതി ചെയ്യുന്ന വനിത റിക്രിയേഷൻ സെൻ്ററിൽ സ്വകാര്യ സ്ഥാപനവുമായി സഹകരിച്ച് ടെക്നിക്കൽ അസിസ്റ്റന്റ്, സി എ ഡി ടെക്‌നിഷ്യൻ എന്നീ പരിശീലനങ്ങളിലേക്ക് ബിരുദം, കമ്പ്യൂട്ടർ പരിജ്ഞാനം എന്നീ യോഗ്യത ഉള്ള വനിതകൾ തെരെഞ്ഞെടുക്കുന്നു. ഒക്ടോബർ 26ന് രാവിലെ 9.30 ന് പേരാമ്പ്ര ബ്ലോക്ക് ഓഫീസിൽ അഭിമുഖം നടക്കും. വിശദവിവരങ്ങൾക്ക്- 8089163757.

മള്‍ട്ടി പര്‍പ്പസ് ഹെല്‍ത്ത് വര്‍ക്കര്‍ അപേക്ഷ ക്ഷണിച്ചു

 കുടുംബശ്രീയും കേന്ദ്ര ഗ്രാമവികസന മന്ത്രാലയവും സംയുക്തമായി പാലക്കാട് തൃത്താല ചാലിശ്ശേരിയിൽ സംഘടിപ്പിക്കുന്ന ദേശീയ സരസ് മേളയുടെ സമ്മാനക്കൂപ്പണിന്റെ പ്രകാശനം ജില്ലാ പഞ്ചായത്ത് ഹാളിൽ തദ്ദേശ സ്വയംഭരണ എക്സൈസ് പാർലമെന്റ്റി കാര്യ വകുപ്പ് മന്ത്രി എം.ബി രാജേഷ് ജില്ലാ കളക്ടർ എം.എസ് മാധവിക്കുട്ടിക്ക് നൽകി നിർവഹിച്ചു.

കേരള സർക്കാർ കാർഷിക വികസന കർഷകക്ഷേമ വകുപ്പിന് കീഴിൽ പ്രവർത്തിച്ചുവരുന്ന സെൻട്രൽ ഓർച്ചാർഡ് സമഗ്ര നവീകരണം ഫാം ടൂറിസം നിർമാണോദ്ഘാടനം ഇന്ന് (ഒക്ടോബർ 24) നടക്കും.പട്ടാമ്പി പിഷാരടീസ് ഓഡിറ്റോറിയത്തിൽ ഉച്ചയ്ക്ക് രണ്ടിന് നടക്കുന്ന പരിപാടി കാർഷിക വികസന കർഷകക്ഷേമ വകുപ്പുമന്ത്രി
പി. പ്രസാദ് നിർവഹിക്കും.
പട്ടാമ്പി ബ്ലോക്കിൽ നടപ്പാക്കുന്ന 'കൂൺഗ്രാമം' പദ്ധതിയുടെ ഉദ്ഘാടനവും ഇതിനോടൊപ്പം നടക്കും. മുഹമ്മദ് മുഹ്സിൻ എംഎൽഎ അധ്യക്ഷനാകും.

നരിപ്പറ്റ ഗ്രാമപഞ്ചായത്ത് വികസന സദസ്സ് മന്ത്രി ഉദ്ഘാടനം ചെയ്തു

കാലാനുസൃതമായി ജനങ്ങളെ മുന്നോട്ട് നയിക്കാനാണ് ജനങ്ങളുടെ അഭിപ്രായം തേടുന്നതെന്നും അതിനാണ് ഇത്തരം വികസന സദസ്സുകൾ നടത്തുന്നതെന്നും പട്ടികജാതി പട്ടികവർഗ പിന്നാക്ക വിഭാഗ ക്ഷേമവകുപ്പ് മന്ത്രി ഒ ആർ കേളു. നരിപ്പറ്റ ഗ്രാമപഞ്ചായത്ത് വികസന സദസ്സ് ഉദ്ഘാടനം ചെയ്യുകയായിരുന്നു മന്ത്രി. ജനകീയ ആസൂത്രണം വഴി ജനങ്ങളുടെ ജീവിതനിലവാരം ഉയർന്നിട്ടുണ്ടെന്നും ഇതുപോലുള്ള സദസ്സുകളാണ് അതിന് വഴിയൊരുക്കിയതെന്നും മന്ത്രി കൂട്ടിച്ചേർത്തു. കൈവേലി ടൗണിൽ നടന്ന പരിപാടിയിൽ ഇ കെ വിജയൻ എംഎൽഎ അധ്യക്ഷനായി.

ജില്ലയിലെ കാർഷിക വികസനത്തിന് കുതിപ്പേകാൻ അനങ്ങനടി ഗ്രാമപഞ്ചായത്തിലെ നവീകരണം പൂർത്തീകരിച്ച സ്റ്റേറ്റ് സീഡ് ഫാം ഇന്ന് (ഒക്ടോബർ 24 ന് ) രാവിലെ 9 മണിക്ക് കൃഷിവകുപ്പ് മന്ത്രി പി പ്രസാദ് നിർവഹിക്കും.ജില്ലാ പഞ്ചായത്ത് പ്രസിഡന്റ്  കെ. ബിനു മോൾ അധ്യക്ഷയാകും. പി മമ്മിക്കുട്ടി എം എൽ എ വിശിഷ്ടാതിഥിയാകും. ചടങ്ങിൽ ജനപ്രതിനിധികളും കൃഷിവകുപ്പിലെ ഉന്നത ഉദ്യോഗസ്ഥരും കാർഷിക വിദഗ്‌ധരും പങ്കെടുക്കും.

ഊർജ്ജ വകുപ്പ് സംഘടിപ്പിക്കുന്ന 'വിഷൻ 2031' സെമിനാർ  ഇന്ന് (ഒക്ടോബർ 24) രാവിലെ പത്തിന് പാലക്കാട് മലമ്പുഴ ഹോട്ടൽ ട്രൈപെൻ്റയിൽ വച്ച് നടക്കും. വൈദ്യുതി വകുപ്പ് മന്ത്രി കെ. കൃഷ്ണൻകുട്ടി ‘വിഷൻ 2031’ കരട് നയരേഖ അവതരിപ്പിക്കും. ഊർജ്ജ വകുപ്പ് അഡീഷണൽ ചീഫ് സെക്രട്ടറി പുനീത് കുമാർ കഴിഞ്ഞ പത്തു വർഷങ്ങളിലെ വകുപ്പിന്റെ പ്രധാന നേട്ടങ്ങളും നിലവിലെ നയചട്ടക്കൂടും സംബന്ധിച്ച റിപ്പോർട്ട് അവതരിപ്പിക്കും. ദേശീയ, അന്തർദേശീയ തലത്തിൽ ശ്രദ്ധേയരായ വിദഗ്‌ധരുടെ നേതൃത്വത്തിലായിരിക്കും പാനൽ ചർച്ചകൾ. സെമിനാറിന്റെ സമാപന സെഷനിൽ വൈദ്യുതി വകുപ്പുമന്ത്രി കെ കൃഷ്ണൻകുട്ടി വിഷൻ - 2031 നയരേഖ അവതരിപ്പിക്കും.

#അതിദാരിദ്ര്യമുക്ത നഗരസഭയായി നെയ്യാറ്റിൻകര#

നഗരസഭ നടത്തിയ വികസന പ്രവർത്തനങ്ങൾ ജനങ്ങൾക്ക് മുന്നിൽ അവതരിപ്പിച്ചും ജനങ്ങളിൽ നിന്ന് അഭിപ്രായങ്ങൾ ശേഖരിച്ചുകൊണ്ടും നെയ്യാറ്റിൻകര നഗരസഭ വികസന സദസ്സ് സംഘടിപ്പിച്ചു. സദസ്സ് കെ.ആൻസലൻ എം.എൽ.എ ഉദ്ഘാടനം ചെയ്തു. സംസ്ഥാന സർക്കാരിന്റെ വികസന നേട്ടങ്ങൾ കോർത്തിണക്കിയ വീഡിയോ സദസ്സിൽ പ്രദർശിപ്പിച്ചു. യോഗത്തിൽ നെയ്യാറ്റിൻകര നഗരസഭയെ അതിദാരിദ്ര്യ മുക്ത നഗരസഭയായി എം.എൽ.എ പ്രഖ്യാപിച്ചു.

നാവായിക്കുളം ഗ്രാമപഞ്ചായത്തിൽ വികസന സദസ്സ് സംഘടിപ്പിച്ചു.

മനോജ് ഓഡിറ്റോറിയത്തിൽ സംഘടിപ്പിച്ച ചടങ്ങിൽ  നാവായിക്കുളം ഗ്രാമപഞ്ചായത്ത് അതി ദാരിദ്ര്യമുക്ത പഞ്ചായത്തായി  വി ജോയ് എംഎൽഎ പ്രഖ്യാപിച്ചു.

അതി ദാരിദ്ര്യമുള്ള ഒരൊറ്റ ആളുപോലും ഇല്ലാത്ത നാടായി കേരളം മാറുന്നത് അഭിമാനകരമായ നേട്ടമാണെന്ന്  അദ്ദേഹം പറഞ്ഞു.

 സംസ്ഥാന സർക്കാരിന്റെയും നാവായിക്കുളം ഗ്രാമപഞ്ചായത്തിന്റെയും കഴിഞ്ഞ അഞ്ചുവർഷത്തെ വികസന പ്രവർത്തനങ്ങൾ വികസന സദസ്സിൽ അവതരിപ്പിച്ചു.

അഞ്ച് വർഷത്തെ പഞ്ചായത്തിലെ വികസന നേട്ടങ്ങളും ഭാവി പദ്ധതികളും ജനങ്ങളുമായി നേരിട്ട് പങ്കുവെച്ച് കടമക്കുടി പഞ്ചായത്ത് വികസന സദസ്സ്. പിഴല ബാങ്ക് ഹാളിൽ

 ചേർന്ന സദസ്സ് കെ എൻ ഉണ്ണികൃഷ്ണൻ എം എൽ എ ഉദ്ഘാടനം ചെയ്തു. ചടങ്ങിൽ വികസനരേഖയുടെ പ്രകാശനവും എംഎൽഎ നിർവഹിച്ചു. 

പഞ്ചായത്തിൽ കഴിഞ്ഞ നാലര വർഷത്തിനിടെ വികസന പ്രവർത്തനങ്ങൾക്കായി 212.45 കോടി രൂപ വിനിയോഗിച്ചുവെന്ന് പരിപാടി ഉദ്ഘാടനം ചെയ്തുകൊണ്ട് എംഎൽഎ പറഞ്ഞു. ആസ്തി വികസന ഫണ്ടിൽ 4.52 കോടി, പ്രത്യേക വികസന പദ്ധതിയിൽ 1,00,27,941 രൂപയും ചിലവഴിച്ചു.

ഭിന്നശേഷി കുട്ടികൾക്ക് അവരുടെ കഴിവുകൾ പ്രകടിപ്പിക്കാൻ വേദിയൊരുക്കി ആലങ്ങാട് ഗ്രാമപഞ്ചായത്തിൽ ‘ വർണ്ണപ്പകിട്ട് 2025 ‘ ഭിന്നശേഷി കലോത്സവം സംഘടിപ്പിച്ചു. ആലങ്ങാട് കരിങ്ങാതുരുത്ത് എൻ എസ് എസ് ഹാളിൽ നടന്ന ചടങ്ങ് ആലങ്ങാട് ബ്ലോക്ക് പഞ്ചായത്ത് പ്രസിഡന്റ് രമ്യ തോമസ് ഉദ്ഘാടനം ചെയ്തു .

പഞ്ചായത്തിലെ നൂറോളം കുട്ടികളാണ് വിവിധ കലാ -കായിക മത്സരങ്ങളിൽ മാറ്റുരച്ചത്. ഭിന്നശേഷി കുട്ടികളുടെ സംഗമ വേദി കൂടിയായി കലോത്സവം മാറി. ഫാൻസി ഡ്രസ്സ്‌, നൃത്ത- സംഗീത മത്സരങ്ങൾ എന്നിവ കാണികളുടെ കയ്യടി നേടി.