കോട്ടയം: കാഞ്ഞിരപ്പള്ളി ഗ്രാമപഞ്ചായത്തിലെ കാളകെട്ടി കുടുംബാരോഗ്യ കേന്ദ്രം ഒക്ടോബർ 23 ന്(വ്യാഴാഴ്ച) രാവിലെ 10.30ന്   ആരോഗ്യ- വനിതശിശു വികസന വകുപ്പ് മന്ത്രി വീണാ ജോർജ്  ഉദ്ഘാടനം ചെയ്യും. കുടുംബാരോഗ്യ കേന്ദ്ര അങ്കണത്തിൽ നടക്കുന്ന  ചടങ്ങിൽ സർക്കാർ ചീഫ് വിപ്പ് ഡോ. എൻ. ജയരാജ് അധ്യക്ഷത വഹിക്കും. ആന്റോ ആന്റണി എം.പി മുഖ്യാതിഥിയാവും. ജില്ലാ പഞ്ചായത്ത് പ്രസിഡന്റ് ഹേമലത പ്രേംസാഗർ മുഖ്യപ്രഭാഷണം നടത്തും.

വിവരാവകാശ നിയമത്തിന്റെ 20-ാം വാര്‍ഷികം: സംസ്ഥാനതല സെമിനാര്‍ സംഘടിപ്പിച്ചു

സംസ്ഥാന ഭാഗ്യക്കുറി ക്ഷേമനിധി അംഗങ്ങളുടെ മക്കള്‍ക്ക് സ്‌കോളര്‍ഷിപ്പിന് അപേക്ഷ ക്ഷണിച്ചു. ജില്ലാ ഭാഗ്യക്കുറി ക്ഷേമനിധി ഓഫീസര്‍ സാക്ഷ്യപ്പെടുത്തിയ അംഗത്വ പാസ്ബുക്കിന്റെ ആദ്യ പേജ്, എസ്.എസ്.എല്‍.സി ബുക്കിന്റെ പകര്‍പ്പ്, പഠിക്കുന്ന സ്ഥാപനത്തിന്റെ മേലധികാരി നല്‍കുന്ന കോഴ്സ് സര്‍ട്ടിഫിക്കറ്റ് എന്നിവ സഹിതം നവംബര്‍ 20നകം സമര്‍പ്പിക്കണം. ഫോണ്‍: 0495237822.

കേരള വനിതാ കമീഷന്‍ സിറ്റിങ് ഇന്ന് (ഒക്ടോബര്‍ 23) രാവിലെ 10 മുതല്‍ കോഴിക്കോട് ടൗണ്‍ ഹാളില്‍ നടക്കും. 

വടകര ഐ.സി.ഡി.എസ് അര്‍ബന്‍ പ്രോജക്ടിന്റെ ഉപയോഗത്തിനായി നവംബര്‍ മുതല്‍ ഒരു വര്‍ഷത്തേക്ക് വാഹനം (ജീപ്പ്/കാര്‍) കരാര്‍ അടിസ്ഥാനത്തില്‍ നല്‍കാന്‍ ടെണ്ടര്‍ ക്ഷണിച്ചു. വാഹനത്തിന് 12 വര്‍ഷത്തിലധികം പഴക്കമുണ്ടാകരുത്. ഒക്ടോബര്‍ 27ന് ഉച്ചക്ക് രണ്ട് വരെ ടെണ്ടര്‍ സ്വീകരിക്കും. ഫോണ്‍: 0496 2515176. 
 

തോണിക്കടവ്-കരിയാത്തുംപാറ ടൂറിസം കേന്ദ്രത്തിലെ തോണിക്കടവ് സൈറ്റിലെ കഫ്റ്റീരിയ നവംബര്‍ മുതല്‍ 2026 ഒക്ടോബര്‍ വരെ ഏറ്റെടുത്ത് നടത്തുന്നതിനുള്ള ലേലം നവംബര്‍ മൂന്നിന് രാവിലെ 11.30ന് പേരാമ്പ്ര കെ.വൈ.ഐ.പി ഡിവിഷനില്‍ നടക്കും. ക്വട്ടേഷന്‍ നവംബര്‍ ഒന്ന് വൈകിട്ട് മൂന്ന് വരെ എക്സിക്യൂട്ടീവ് എഞ്ചിനീയറുടെ കാര്യാലയം, കെ.വൈ.ഐ.പി ഡിവിഷന്‍, പേരാമ്പ്ര വിലാസത്തില്‍ സ്വീകരിക്കും. ഫോണ്‍: 0496 2610249. 
 

അറപ്പീടിക-കണ്ണാടിപൊയില്‍-കൂട്ടാലിട റോഡില്‍ പ്രവൃത്തി നടക്കുന്നതിനാല്‍ ഇന്ന് (ഒക്ടോബര്‍ 23) മുതല്‍ പ്രവൃത്തി പൂര്‍ത്തിയാകുന്നത് വരെ കണ്ണാടിപൊയില്‍ മുതല്‍ പുനത്ത് വരെ ഗതാഗതം ഭാഗികമായി നിരോധിച്ചതായി പൊതുമരാമത്ത് വകുപ്പ് എക്സിക്യൂട്ടീവ് എഞ്ചിനീയര്‍ അറിയിച്ചു. 

 കോട്ടയം: വിഷൻ 2031 സഹകരണവകുപ്പ് സെമിനാറിന്റെ സ്വാഗതസംഘം ഓഫീസ് ഉദ്ഘാടനം  ഒക്‌ടോബർ 23 ന് ഏറ്റുമാനൂരിൽ നടക്കും. വൈകിട്ട് ആറിന് പ്രൈവറ്റ് ബസ്റ്റാൻഡിൽ നഗരസഭാ ഓഫീസിന് സമീപമുള്ള ബിൽഡിങ്ങിൽ സ്വാഗതസംഘം ചെയർമാനായ സർക്കാർ ചീഫ് വിപ്പ്  ഡോ: എൻ. ജയരാജ് ഉദ്ഘാടനം നിർവഹിക്കും. ഏറ്റുമാനൂർ ഗ്രാൻഡ് അരീന കൺവൻഷൻ സെന്ററിൽ ഒക്ടോബർ 28-നാണ് വിഷൻ 2031 സഹകരണ സെമിനാർ. സംസ്ഥാനത്തിന്റെ വിവിധ ഭാഗങ്ങളിൽ നിന്നായി 2000 പേർ സെമിനാറിൽ പങ്കെടുക്കും.

കോട്ടയം: ഫിഷറീസ് വകുപ്പിന്റെയും ജില്ലാ പഞ്ചായത്തിന്റെയും സംയുക്താഭിമുഖ്യത്തില്‍ മത്സ്യകുഞ്ഞുങ്ങളെ നിക്ഷേപിച്ചു. വെള്ളൂര്‍ ഗ്രാമപഞ്ചായത്തിലെ മട്ടോഴി കടവില്‍ വെള്ളൂര്‍ ഗ്രാമപഞ്ചായത്ത് പ്രസിഡന്റ് കെ.എന്‍. സോണിക മത്സ്യകുഞ്ഞുങ്ങളെ നിക്ഷേപിച്ചുകൊണ്ട് പരിപാടി ഉദ്ഘാടനം ചെയ്തു. വെള്ളൂര്‍ ഗ്രാമപഞ്ചായത്തംഗം ജെ. നിയാസ് അനീഷ് അധ്യക്ഷത വഹിച്ചു. ചടങ്ങില്‍  ബ്ലോക്ക് പഞ്ചായത്തംഗം പി.കെ സന്ധ്യ, ഫിഷറീസ് അസിസ്റ്റന്റ് ഡയറക്ടര്‍ എ. കൃഷണകുമാരി, ഫിഷറീസ് വകുപ്പ് ഉദ്യോഗസ്ഥര്‍, ജനപ്രതിനിധികള്‍, മത്സ്യകര്‍ഷകര്‍ എന്നിവര്‍ പങ്കെടുത്തു.