കോട്ടയം: തീക്കോയി ഗ്രാമപഞ്ചായത്തിലെ കുടുംബാരോഗ്യ കേന്ദ്രത്തില്‍ നിര്‍മിച്ച പുതിയ കെട്ടിടത്തിന്റെ ഉദ്ഘാടനം ഒക്ടോബര്‍ 23ന് (വ്യാഴാഴ്ച)  ആരോഗ്യ-വനിതാശിശുവികസന വകുപ്പ് മന്ത്രി വീണാ ജോര്‍ജ് നിര്‍വഹിക്കും. തീക്കോയി കുടുംബാരോഗ്യകേന്ദ്രത്തില്‍ രാവിലെ 11.15 ന് നടക്കുന്ന ചടങ്ങില്‍ അഡ്വ. സെബാസ്റ്റ്യന്‍ കുളത്തുങ്കല്‍ എം.എല്‍.എ. അധ്യക്ഷത വഹിക്കും.

കോട്ടയം: വെളളൂര്‍, മൂന്നിലവ് ഗ്രാമപഞ്ചായത്തുകളില്‍ വികസന സദസ് ഒക്ടോബര്‍ 23 (വ്യാഴാഴ്ച )ന് നടക്കും. വെളളൂര്‍ ഗ്രാമപഞ്ചായത്തിലെ വികസന സദസ് സി.കെ. ആശ എം.എല്‍.എ. ഉദ്ഘാടനം ചെയ്യും. വെളളൂര്‍ സര്‍വ്വീസ് സഹകരണ ബാങ്ക് ഓഡിറ്റോറിയത്തില്‍ നടക്കുന്ന ചടങ്ങില്‍ ഗ്രാമപഞ്ചായത്ത് പ്രസിഡന്റ് കെ.എന്‍. സോണിക അധ്യക്ഷത വഹിക്കും. ബ്ലോക്ക് പഞ്ചായത്തംഗം ജോണ്‍സണ്‍ കൊട്ടുകാപ്പളളി വികസനരേഖ പ്രകാശനം ചെയ്യും. സംസ്ഥാന  സര്‍ക്കാരിന്റെ വികസന പ്രവര്‍ത്തനങ്ങള്‍ റിസോഴ്‌സ് പേഴ്‌സണ്‍ അജൈബ് ചന്ദ്രനും പഞ്ചായത്തുതല വികസന നേട്ടങ്ങള്‍ ഗ്രാമപഞ്ചായത്ത് സെക്രട്ടറി സി.എല്‍. വിജയയും അവതരിപ്പിക്കും. 

കുഞ്ഞിമംഗലം പഞ്ചായത്തിലെ പുതിയ പുഴക്കര  ചേനോളിമിൽ റോഡിന്റെ ഉദ്ഘാടനം
ഒക്ടോബർ 23 ന് വൈകീട്ട് 5.30 ന്  മത്സ്യബന്ധന സാംസ്‌കാരിക വകുപ്പ് മന്ത്രി സജി ചെറിയാൻ ഓൺലൈനായി നിർവഹിക്കുമെന്ന് എം വിജിൻ എം എൽ എ അറിയിച്ചു.  

രാമന്തളി ഗ്രാമപഞ്ചായത്തിലെ കുന്നോത്ത്മൂല - ടാഗോർ സ്റ്റേഡിയം റോഡ് നിർമ്മാണത്തിന്   ഹാർബർ എൻജിനീയറിംഗ് വകുപ്പിൽ നിന്ന് 41.74 ലക്ഷം രൂപയുടെ ഭരണാനുമതി ലഭിച്ചതായി  ടി.ഐ മധുസൂദനൻ എം.എൽ.എ അറിയിച്ചു. എം.എൽ.എയുടെ ആസ്തി വികസന ഫണ്ടിൽ നിന്ന് ഒരു കോടി രൂപ ചെലവഴിച്ച് നിർമ്മിച്ച കുന്നരു ടാഗോർ സ്റ്റേഡിയത്തിലേക്കുള്ള റോഡാണിത്. നടപടിക്രമങ്ങള്‍ വേഗത്തില്‍ പൂര്‍ത്തിയാക്കി പ്രവൃത്തി തുടങ്ങാന്‍ എം.എൽ.എ ബന്ധപ്പെട്ട ഉദ്യോഗസ്ഥർക്ക് നിർദ്ദേശം നൽകി.

ജില്ലാ സ്‌പോര്‍ട്‌സ് കൗണ്‍സിലിന്റെ 2025 - 30 വര്‍ഷത്തേക്കുള്ള എക്‌സിക്യൂട്ടീവ് അംഗങ്ങളായി പി.വി സിറാജുദ്ദീന്‍, കണിച്ചാര്‍ ഗ്രാമപഞ്ചായത്ത് പ്രസിഡന്റ് ആന്റണി സെബാസ്റ്റ്യന്‍, പി നാരായണന്‍ കുട്ടി, പി.സി ആസിഫ്, ദേശീയ പവര്‍ ലിഫ്റ്റിംഗ് താരം സൗപര്‍ണിക രമേശ് എന്നിവരെ തെരഞ്ഞെടുത്തു. 

കല്ല്യാശ്ശേരി ഗ്രാമപഞ്ചായത്ത് ഇരിണാവ് ഗവ. ആയുർവേദ ആശുപത്രിയിലെ ഫിസിയോതെറാപ്പി യൂണിറ്റ്  ആരോഗ്യം, വനിതാ,ശിശു വികസന വകുപ്പ് മന്ത്രി വീണ ജോർജ്  ഓൺലൈനായി ഉദ്ഘാടനം ചെയ്തു. സംസ്ഥാനത്തെ 250 ആയുഷ് സ്ഥാപനങ്ങൾക്ക് ദേശീയ അംഗീകാരമായി എൻ എ ബി എച്ച് ലഭിച്ചത് അഭിമാനകരമായ നേട്ടമാണെന്നും ആയുഷ് മേഖലയുടെ പ്രാധാന്യവും സാധ്യതകളും മനസ്സിലാക്കി  വെൽനസിനും ചികിത്സയ്ക്കും സർക്കാർ ആശുപത്രികളിൽ പ്രാധാന്യം നൽകുന്നുണ്ടെന്നും മന്ത്രി പറഞ്ഞു. 
പരിപാടിയിൽ എം വിജിൻ എം എൽ എ അധ്യക്ഷനായി. 

 
ജില്ലാ സാമൂഹ്യനീതി ഓഫീസ്, ജില്ലാ പഞ്ചായത്ത്, ജില്ലാ ഭരണകൂടം, ജില്ലാ വയോജന കമ്മിറ്റി എന്നിവയുടെ  സംയുക്താഭിമുഖ്യത്തില്‍ അന്താരാഷ്ട്ര വയോജനദിനം ആഘോഷിച്ചു.  ജില്ലാതല ഉദ്ഘാടനം ജില്ലാ പഞ്ചായത്ത് പ്രസിഡന്റ് അഡ്വ. കെ.കെ രത്‌നകുമാരി നിര്‍വഹിച്ചു. 

ജില്ലാ പഞ്ചായത്ത് ഓഡിറ്റോറിയത്തില്‍ നടന്ന പരിപാടിയില്‍ ജില്ലാ പഞ്ചായത്ത് വൈസ് പ്രസിഡന്റ് ബിനോയ് കുര്യന്‍ അധ്യക്ഷനായി. ഡി എല്‍ എസ് എ സെക്രട്ടറി പി മഞ്ജു, എ ഡി എം കലാഭാസ്‌കര്‍ എന്നിവര്‍ മുഖ്യാതിഥികളായി. ജില്ലാപഞ്ചായത്ത് ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ വി.കെ സുരേഷ് ബാബു മുഖ്യപ്രഭാഷണം നടത്തി.