ജില്ലാ പഞ്ചായത്തിന് കീഴിലുള്ള പാലക്കോട് മത്സ്യബന്ധന തുറമുഖത്തിന്റെ പ്രവർത്തനോദ്ഘാടനം ടി ഐ മധുസൂദനൻ എം എൽ എ നിർവഹിച്ചു.
 ജില്ലാപഞ്ചായത്ത് പ്രസിഡന്റ് അഡ്വ. കെ.കെ രത്നകുമാരി അധ്യക്ഷയായി. ജില്ലാപഞ്ചായത്ത് വികസനകാര്യ സ്റ്റാന്റിംഗ് കമ്മിറ്റി ചെയർപേഴ്സൺ യു.പി ശോഭ പദ്ധതി വിശദീകരിച്ചു. ജില്ലാപഞ്ചായത്തംഗം സി.പി ഷിജു, ഗ്രാമപഞ്ചായത്ത് പ്രസിഡന്റ് വി ഷൈമ, മത്സ്യഫെഡ് മാനേജർ വി രജിത, ജില്ലാ പഞ്ചായത്ത് സെക്രട്ടറി ടൈനി സൂസൻ ജോൺ, പാലക്കോട് കവ്വായി മത്സ്യത്തൊഴിലാളി വികസന ക്ഷേമ സഹകരണ സംഘം പ്രസിഡന്റ് എം വി ഗോവിന്ദൻ എന്നിവർ പങ്കെടുത്തു.

കണ്ണൂർ ജില്ലാ പഞ്ചായത്തിന്റെയും രാമന്തളി ഗ്രാമപഞ്ചായത്തിന്റെയും സംയുക്ത പദ്ധതിയിൽ ഉൾപ്പെടുത്തി നിർമിച്ച തുരുത്തുമ്മൽ നഗർ സാംസ്കാരിക നിലയം ജില്ലാപഞ്ചായത്ത്‌ പ്രസിഡന്റ്‌ അഡ്വ. കെ.കെ രത്നകുമാരി ഉദ്ഘാടനം ചെയ്തു. 25 ലക്ഷം രൂപ വകയിരുത്തിയാണ് സാംസ്കാരിക നിലയം നിർമിച്ചത്.

ഗ്രാമപഞ്ചായത്ത് പ്രസിഡന്റ് വി ഷൈമ അധ്യക്ഷയായി. ഗ്രാമപഞ്ചായത്ത് വൈസ് പ്രസിഡന്റ് ടി ഗോവിന്ദൻ, ജില്ലാ പഞ്ചായത്തംഗം സി.പി ഷിജു, എ.വി സുനിത, ബിന്ദു നീലകണ്ഠൻ, കെ.പി ദിനേശൻ, എ.വി വത്സല, പി.പി പത്മനാഭൻ എന്നിവർ സംസാരിച്ചു.

കടന്നപള്ളി പാണപ്പുഴ ഗ്രാമപഞ്ചായത്തിലെ   തുമ്പോട്ട ഇ എം എസ് സ്റ്റേഡിയം ഓപ്പൺ ഓഡിറ്റോറിയം  എം വിജിൻ എം എൽ എ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് ടി സുലജ അധ്യക്ഷയായി.

എംഎൽഎ യുടെ ആസ്തി വികസന ഫണ്ട് 10 ലക്ഷം രൂപ ഉപയോഗിച്ചാണ് ഓപ്പൺ ഓഡിറ്റോറിയം നിർമ്മിച്ചത്.

ഗ്രാമപഞ്ചായത്ത് അംഗം ബേബി മനോഹരൻ, വൈസ് പ്രസിഡന്റ് കെ മോഹനൻ, പി പി ദാമോദരൻ, ഇ പി ബാലൻ, മല്ലപളളി നാരായണൻ, സി വി വിനോദ്, ടി വി രമേശൻ എന്നിവർ സംസാരിച്ചു.

ചലച്ചിത്രമേളകളുടെ ഭൂപടത്തിൽ തലശ്ശേരിയെ അടയാളപ്പെടുത്തി രാജ്യാന്തര ചലച്ചിത്രമേളയ്ക്ക്  തിരശ്ശീല താഴ്ന്നു. കഴിഞ്ഞ നാലു ദിവസങ്ങളായി ലോകസിനിമയുടെ മായാദൃശ്യങ്ങൾ മനസ്സിൽ പതിപ്പിച്ച് കേരള സംസ്ഥാന ചലച്ചിത്ര അക്കാദമി സംഘടിപ്പിച്ച  പ്രഥമ തലശ്ശേരി രാജ്യാന്തര ചലച്ചിത്രമേളയുടെ സമാപനസമ്മേളനം  നിറഞ്ഞ സദസ്സിൽ  പട്ടികജാതി, പട്ടികവർഗ, പിന്നോക്ക ക്ഷേമ വകുപ്പ് മന്ത്രി  ഒ..ആർ കേളു  ഉദ്ഘാടനം ചെയ്തു. നമ്മുടെ നാടിനെ ഇന്നത്തെ കേരളമായി മാറ്റിയെടുക്കാൻ സാധിച്ചതിൽ ചലച്ചിത്രം വലിയ പങ്ക് വഹിച്ചിട്ടുണ്ടെന്നും അതിനെ ശക്തിയോടെ പരിപോഷിപ്പിക്കേണ്ടതുണ്ടെന്നും മന്ത്രി പറഞ്ഞു. 

കണ്ണപുരം ഗ്രാമപഞ്ചായത്തിലെ കീഴറ കാരകുന്ന് റോഡ് ഉദ്ഘാടനം  എം വിജിൻ എം എൽ എ നിർവ്വഹിച്ചു.  കണ്ണപുരം പഞ്ചായത്ത് പ്രസിഡന്റ് കെ രതി അധ്യക്ഷത വഹിച്ചു.
ഫ്ലഡ് പദ്ധതിയിൽ ഉൾപ്പെടുത്തി 550 മീറ്റർ നീളത്തിലും മൂന്ന് മീറ്റർ  വീതിയിലും റീ ടാറിങ്ങും ഇരുഭാഗവും 85 മീറ്റർ ഷോൾഡർ കോൺഗ്രീറ്റും ചെയ്യുന്നതിന് സംസ്ഥാന സർക്കാർ 10 ലക്ഷം രൂപയാണ് അനുവദിച്ചത്. 
 കണ്ണപുരം പഞ്ചായത്ത് സ്ഥിരം സമിതി അധ്യക്ഷ പി വിദ്യ, മുൻ പഞ്ചായത്ത് പ്രസിഡന്റ് കെ.വി രാമകൃഷ്ണൻ, വാർഡ്‌ വികസന സമിതി കൺവീനർ എൻ.പി ദിനേശൻ എന്നിവർ സംസാരിച്ചു.

മുഴപ്പിലങ്ങാട് പഞ്ചായത്ത്‌ വികസന സദസ് മുൻ എംഎൽഎ എം.വി ജയരാജൻ ഉദ്ഘാടനം ചെയ്തു. മുഴപ്പിലങ്ങാട് ഗ്രാമപഞ്ചായത്ത് പ്രസിഡന്റ് ടി സജിത അധ്യക്ഷയായി. സംസ്ഥാനതല വികസന റിപ്പോർട്ട് റിസോഴ്സ് പേഴ്സൺ പി വി കെ മഞ്ജുഷ അവതരിപ്പിച്ചു.  മുഴപ്പിലങ്ങാട് പഞ്ചായത്ത്തല വികസന റിപ്പോർട്ട് പഞ്ചായത്ത് സെക്രട്ടറി വിനോദ് കൃഷ്ണൻ അവതരിപ്പിച്ചു. പഞ്ചായത്തിന്റെ വികസനരേഖ തലശ്ശേരി ബ്ലോക്ക് പഞ്ചായത്ത് പ്രസിഡന്റ് സി.പി അനിത പ്രകാശനം ചെയ്തു.

ജനങ്ങളെ ചേർത്തുനിർത്തി നാടിനെ വികസനത്തിലേക്ക് നയിക്കുകയാണ് സർക്കാർ ചെയ്തതെന്ന് എം. വിജിൻ എം.എൽ.എ പറഞ്ഞു. മലപ്പട്ടം ഗ്രാമപഞ്ചായത്ത്‌ വികസന സദസ്സ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സാമൂഹ്യസുരക്ഷാ പെൻഷൻ, ലൈഫ് ഭവനപദ്ധതി, വിലക്കയറ്റം നിയന്ത്രിക്കുന്നതിന് പൊതുവിപണിയിൽ നടത്തിയ ഇടപെടലുകൾ എന്നിവയിലൂടെ സർക്കാർ ജനങ്ങളെ ചേർത്തു പിടിച്ചു. പൊതുവിദ്യാഭ്യാസ മേഖലയിൽ നടത്തിയ അടിസ്ഥാനസൗകര്യ വികസനം, പഠനനിലവാരം മെച്ചപ്പെടുത്താൻ വിദ്യാകിരണം പദ്ധതി, അധ്യാപകർക്ക്  എഐ ട്രെയിനിങ് എന്നിവയിലൂടെ വിദ്യാഭ്യാസ മേഖല ശക്തിപ്പെടുത്തി.

മുഴക്കുന്ന് ഗ്രാമപഞ്ചായത്ത് വികസന സദസ് ജില്ലാ പഞ്ചായത്ത് പ്രസിഡന്റ് അഡ്വ. കെ.കെ രത്നകുമാരി ഉദ്ഘാടനം ചെയ്തു.  ഗ്രാമപഞ്ചായത്ത് വൈസ് പ്രസിഡന്റ് വി.വി വിനോദ്  അധ്യക്ഷനായി. പേരാവൂർ ബ്ലോക്ക് പഞ്ചായത്ത് പ്രസിഡന്റ് കെ സുധാകരൻ വികസന റിപ്പോർട്ട് പ്രകാശനം ചെയ്തു. റിസോഴ്സ് പേഴ്സൺ പി.എം രമണൻ സംസ്ഥാനതല വികസന റിപ്പോർട്ടും പഞ്ചായത്ത് സെക്രട്ടറി പി.കെ വിനോദ് പഞ്ചായത്ത്തല വികസന റിപ്പോർട്ടും അവതരിപ്പിച്ചു. സംസ്ഥാന സർക്കാരിൻ്റെ വികസന നേട്ടങ്ങൾ വിവരിക്കുന്ന  വീഡിയോയും പഞ്ചായത്തിൻ്റെ വീഡിയോ ഡോക്യുമെൻ്ററിയും പ്രദർശിപ്പിച്ചു. വികസന സദസിൽ പങ്കെടുക്കാനെത്തിയവർക്ക് കെ സ്മാർട്ട് ക്ലിനിക്ക് സേവനവും സജ്ജമാക്കി.

കോട്ടയം ഗ്രാമപഞ്ചായത്ത്‌ വികസന സദസ്സും പഞ്ചായത്തിന്റെ നവീകരിച്ച ഹാളും നിയമസഭ സ്പീക്കർ അഡ്വ. എ എൻ ഷംസീർ ഉദ്ഘാടനം ചെയ്തു. നവീകരിച്ച പഞ്ചായത്ത്‌ ഹാളിൽ നടന്ന പരിപാടിയിൽ കെ.പി മോഹനൻ എം എൽ എ അധ്യക്ഷനായി. സംസ്ഥാനതല വികസന റിപ്പോർട്ട് കില റിസോഴ്സ് പേഴ്സൺ സുജിത് കുമാർ അവതരിപ്പിച്ചു. കോട്ടയം പഞ്ചായത്ത്തല വികസന റിപ്പോർട്ട് പഞ്ചായത്ത് സെക്രട്ടറി പി.പി സജിത അവതരിപ്പിച്ചു. പഞ്ചായത്തിന്റെ വികസനരേഖ കെ.പി മോഹനൻ എം എൽ എയ്ക്ക് നൽകി സ്പീക്കർ പ്രകാശനം ചെയ്തു. പഞ്ചായത്തിലെ വിവിധ മേഖലകളിൽ മികവ് തെളിയിച്ചവരെ സ്പീക്കർ ആദരിച്ചു.

തലശ്ശേരി തിരുവങ്ങാട് ചമ്പാട് റോഡ് യഥാർഥ്യമാക്കുമെന്ന് നിയമസഭാ സ്പീക്കർ അഡ്വ. എ എൻ ഷംസീർ പറഞ്ഞു. പന്ന്യന്നൂർ ഗ്രാമപഞ്ചായത്ത് വികസനസദസ്സ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വികസനം തടയിടാൻ ശ്രമിക്കുന്നവർ ഒറ്റപ്പെടും എന്നല്ലാതെ വികസനം മുടക്കാൻ സാധിക്കില്ലെന്നും സ്പീക്കർ പറഞ്ഞു. പഞ്ചായത്തിൽ സ്ഥാപിച്ച 40 നീരിക്ഷണ ക്യാമറകളുടെ ഉദ്ഘാടനവും സ്പീക്കർ നിർവഹിച്ചു. കുടിവെള്ള പദ്ധതി, കുളനിർമ്മാണം,ലൈഫ് ഭവന പദ്ധതി, അങ്കണവാടി എന്നിവയ്ക്ക് ഭൂമി വിട്ടുനൽകിയ 11 പേരെ ആദരിച്ചു.