ജില്ലാ റവന്യു വകുപ്പിന്റെ കീഴിലുള്ള കണ്ണൂര്‍ തഹസില്‍ദാരിന്റെ ഔദ്യോഗിക വാഹനം 14 വര്‍ഷവും ഒന്‍പത് മാസവും തികഞ്ഞ സാഹചര്യത്തില്‍ വില്‍പന നടത്തി അഞ്ച് വര്‍ഷത്തേക്ക് തിരികെ വാടകയ്ക്ക് എടുക്കുന്നതിന് ക്വട്ടേഷൻ ക്ഷണിച്ചു. സീൽ ചെയ്താ ക്വട്ടേഷനുകൾ ഒക്ടോബർ 29 ന് 11.30 നകം തഹസിൽദാർ കണ്ണൂർ 670002എന്ന വിലാസത്തിൽ ലഭിക്കണം. ഫോണ്‍: 0497 2704969

കെല്‍ട്രോണില്‍ ഒരുവര്‍ഷ ഡിപ്ലോമ ഇന്‍ മോണ്ടിസ്സോറി ടീച്ചര്‍ ട്രെയിനിംഗ്, പ്രൊഫഷണല്‍ ഡിപ്ലോമ ഇന്‍ പ്രീ സ്‌കൂള്‍ ടീച്ചര്‍ ട്രെയിനിംഗ് കോഴ്സുകളിലേക്ക് സ്‌പോട്ട് അഡ്മിഷന്‍ നടക്കുന്നു. താല്‍പര്യമുള്ളവര്‍ യോഗ്യത തെളിയിക്കുന്ന സര്‍ട്ടിഫിക്കറ്റുകളുമായി അടുത്തുള്ള കെല്‍ട്രോണ്‍ നോളജ് സെന്ററില്‍ നേരിട്ട് എത്തണം. ഫോണ്‍: 9072592412, 9072592416
 

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡിവിഷന്‍ ഒക്ടോബര്‍ മാസം ആരംഭിക്കുന്ന രണ്ടു വര്‍ഷം, ഒരു വര്‍ഷം, ആറുമാസം ദൈര്‍ഘ്യമുള്ള മോണ്ടിസ്സോറി, പ്രീ പ്രൈമറി, നഴ്‌സറി ടീച്ചര്‍ ട്രെയിനിംഗ് കോഴ്‌സുകളിലേക്ക് ഡിഗ്രി, പ്ലസ് ടു, എസ് എസ് എല്‍ സി യോഗ്യതയുള്ള വനിതകള്‍ക്ക് അപേക്ഷിക്കാം. ഫോണ്‍: 7994449314 
 

പരിയാരം കണ്ണൂര്‍ ഗവ. മെഡിക്കല്‍ കോളേജില്‍ സീനിയര്‍ റസിഡന്റ് തസ്തികയിലേക്കുള്ള അഭിമുഖം ഒക്ടോബര്‍ 27 ന് രാവിലെ 11 മണിക്ക് പ്രിന്‍സിപ്പല്‍ ഓഫീസില്‍ നടക്കും. അനസ്‌തേഷ്യോളജി, റേഡിയോ ഡയഗ്‌നോസിസ്, ജനറല്‍ സര്‍ജറി, കാര്‍ഡിയോളജി, കാര്‍ഡിയോ തൊറാസിക് സര്‍ജറി വിഭാഗങ്ങളിലാണ് ഒഴിവുള്ളത്. അതത് വിഭാഗത്തിലുള്ള മെഡിക്കല്‍ പി.ജി ഡിഗ്രിയോടൊപ്പം ടി.സി.എം.സി / കെ.സി.എം.സി റജിസ്‌ട്രേഷനുള്ളവര്‍ക്ക് അപേക്ഷിക്കാം. കൂടുതല്‍ വിവരങ്ങള്‍ gmckannur.edu.in വെബ്‌സൈറ്റില്‍ ലഭിക്കും.
 

ജില്ലാ ശിശുക്ഷേമ സമിതിയുടെ നേതൃത്വത്തില്‍ നടക്കുന്ന ശിശുദിനാഘോഷം 'വര്‍ണോത്സവത്തിന്റെ ഭാഗമായി കുട്ടികളുടെ പ്രസംഗ, രചനാ മത്സരങ്ങൾ  സംഘടിപ്പിക്കുന്നു. നവംബര്‍ ഒന്നിന് രാവിലെ ഒന്‍പത് മണി മുതല്‍ ഗവ. ടി ടി ഐ മെന്നിലാണ് മത്സരം. പ്രസംഗ മത്സരത്തില്‍ എല്‍.പി, യു.പി വിഭാഗക്കാര്‍ക്ക് പങ്കെടുക്കാം. വിജയികളെ നവംബര്‍ 14 നു നടക്കുന്ന ശിശുദിന റാലി നയിക്കുന്നതിന് കുട്ടികളുടെ നേതാക്കളായി തെരഞ്ഞെടുക്കും. മുന്‍ വര്‍ഷങ്ങളില്‍ മത്സരിച്ചു വിജയിച്ചവരെ പരിഗണിക്കില്ല. എല്‍ പി, യു പി, എച്ച് എസ്, എച്ച് എസ് എസ് വിഭാഗക്കാര്‍ക്കാണ് രചനാ മത്സരങ്ങള്‍ സംഘടിപ്പിക്കുന്നത്. കഥ, കവിത, ഉപന്യാസം എന്നിവയാണ് മത്സരയിനങ്ങള്‍.

കൂത്തുപറമ്പ്, ഇരിട്ടി, പേരാവൂര്‍, തളിപ്പറമ്പ് ട്രൈബല്‍ എക്സ്റ്റന്‍ഷന്‍ ഓഫീസുകളിലും ആറളം ആദിവാസി പുനരധിവാസ മിഷന്‍ ഓഫീസിലും പട്ടികവര്‍ഗ/ഹെല്‍ത്ത് പ്രൊമോട്ടര്‍മാരായി ജോലി ചെയ്യുന്നതിന് സേവനസന്നദ്ധരായ 20 നും 40 നും ഇടയില്‍ പ്രായമുള്ള, അതാത് പഞ്ചായത്തുകളില്‍ സ്ഥിര താമസക്കാരായ പട്ടികവര്‍ഗക്കാരില്‍ നിന്നും അപേക്ഷ ക്ഷണിച്ചു. എസ് എസ് എല്‍ സി യോഗ്യതയുള്ളവര്‍ക്ക് അപേക്ഷിക്കാം. പി.വി.ടി.ജി / അടിയ-പണിയ, മലപ്പണ്ടാര വിഭാഗങ്ങള്‍ക്ക് എട്ടാംക്ലാസാണ് യോഗ്യത. നിയമന കാലാവധി ഒരു വര്‍ഷം.

തലശ്ശേരി എസ്.ഡി.എം കോടതിയുടെ ഒക്ടോബര്‍ 22 ന് നടത്താന്‍ നിശ്ചയിച്ച എം.സി കേസുകള്‍ നവംബര്‍ അഞ്ചിന് രാവിലെ 11 മണിയിലേക്ക് മാറ്റിവച്ചു. ഫോണ്‍: 04902343500
 

ജില്ലാപഞ്ചായത്തിന്റെ വാര്‍ഷിക പദ്ധതിയില്‍ ഉള്‍പ്പെടുത്തി പട്ടികജാതി വിഭാഗത്തില്‍പ്പെട്ട ഭൂരഹിത ഭവനരഹിതര്‍ക്കായി എഴോം ഗ്രാമപഞ്ചായത്തില്‍ നിര്‍മിച്ച ഫ്‌ളാറ്റ് സമുച്ചയത്തിന്റെ ഉദ്ഘാടനം തദ്ദേശസ്വയംഭരണ എക്‌സൈസ് വകുപ്പ് മന്ത്രി എം.ബി. രാജേഷ് ഒക്ടോബര്‍ 24 ന് ഉച്ചയ്ക്ക് രണ്ട് മണിക്ക് നിര്‍വഹിക്കും. ഇതിനോടനുബന്ധിച്ചുള്ള പത്രസമ്മേളനം ഒക്ടോബര്‍ 22 ന് ഉച്ചയ്ക്ക് 12.30ന് ജില്ലാപഞ്ചായത്ത് പ്രസിഡന്റ് അഡ്വ. കെ.കെ രത്‌നകുമാരിയുടെ നേതൃത്വത്തില്‍ ജില്ലാപഞ്ചായത്ത് ഓഫീസില്‍  നടക്കും.

നവകേരള മിഷന്‍ പൊതുവിദ്യാഭ്യാസ സംരക്ഷണയജ്ഞ പദ്ധതിയില്‍ ഉള്‍പ്പെടുത്തി വിളമന ഗവ എല്‍.പി സ്‌കൂളിനായി 89 ലക്ഷം രൂപ മുടക്കി നിര്‍മിച്ച പുതിയ കെട്ടിടം നിയമസഭാ സ്പീക്കര്‍ അഡ്വ. എ.എന്‍ ഷംസീര്‍ ഉദ്ഘാടനം ചെയ്തു. അഡ്വ. സണ്ണി ജോസഫ് എം എല്‍ എ അധ്യക്ഷത വഹിച്ചു. ഇരിട്ടി എ ഇ ഒ സി.കെ സത്യന്‍ വിശിഷ്ടാതിഥിയായി.

എല്ലാവർക്കും ആരോഗ്യ ഇൻഷുറൻസ് ലഭ്യമാക്കുക എന്നതാണ് സർക്കാർ ലക്ഷ്യമിടുന്നതെന്ന് ആരോഗ്യ വകുപ്പ് മന്ത്രി വീണാ ജോർജ്ജ് പറഞ്ഞു. കോടിയേരി കുടുംബാരോഗ്യ കേന്ദ്രത്തിന്റെ കെട്ടിടോദ്ഘാടനം നിർവ്വഹിച്ച് സംസാരിക്കുകയായിരുന്നു മന്ത്രി. പണമില്ലാത്തതിന്റെ പേരിൽ ആർക്കും ചികിത്സ നിഷേധിക്കപ്പെടാൻ പാടില്ലെന്നും മന്ത്രി പറഞ്ഞു. നിയമസഭാ സ്പീക്കർ അഡ്വ എ.എൻ ഷംസീർ അധ്യക്ഷനായി.