കോട്ടയം: എല്‍.ബി.എസ് സെന്റര്‍ ഫോര്‍ സയന്‍സ് ആന്‍ഡ് ടെക്നോളജില്‍ കമ്പ്യൂട്ടര്‍ കോഴ്‌സുകളിലേക്ക് അപേക്ഷ ക്ഷണിച്ചു. പോസ്റ്റ് ഗ്രാജുവേറ്റ് ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍ (പി.ജി.ഡി.സി.എ), ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍(ഡി.സി.എ), ഡി.സി.എ(എസ്) കോഴ്‌സുകളിലേക്ക് അപേക്ഷിക്കാം. എസ്.എസ്.എല്‍.സി യോഗ്യതയുള്ളവര്‍ക്ക് ഡി.സി.എ. കോഴ്‌സിനും പ്ലസ് ടൂ യോഗ്യതയുള്ളവര്‍ക്ക് ഡി.സി.എ(എസ്) കോഴ്‌സിനും ഡിഗ്രി യോഗ്യതയുള്ളവര്‍ക്ക് പി.ജി.ഡി.സി.എ. കോഴ്സിനും അപേക്ഷിക്കാം.

കോട്ടയം: ചങ്ങന്നൂര്‍ ഗവണ്‍മെന്റ് ഐ.ടി.ഐയിലെ ടെക്‌നീഷ്യന്‍ പവര്‍ ഇലക്ട്രാണിക്‌സ് സിസ്റ്റം ട്രേഡില്‍ ഇന്‍സ്ട്രക്ടര്‍ തസ്തികയില്‍ ഒരു ഒഴിവുണ്ട്. യോഗ്യരായവര്‍ക്ക് ഒക്ടോബര്‍ 27ന് രാവിലെ 10 ന് ചെങ്ങന്നൂര്‍ ഗവണ്‍മെന്റ് ഐ.ടി.ഐയില്‍ നടക്കുന്ന അഭിമുഖത്തില്‍ പങ്കെടുക്കാം. വിശദവിവരത്തിന് ഫോണ്‍: 04792953150,2452210.

കോട്ടയം: ഭാഗ്യക്കുറി ക്ഷേമനിധി അംഗങ്ങളുടെ മക്കള്‍ക്കുള്ള 2025 വര്‍ഷത്തിലെ സ്‌കോളര്‍ഷിപ്പിനുള്ള അപേക്ഷ കോട്ടയം ജില്ലാ ഭാഗ്യക്കുറി ക്ഷേമനിധി ഓഫീസില്‍ ഒക്ടോബര്‍ 23 മുതല്‍ നവംബര്‍ 20  വരെ സ്വീകരിക്കും. 2025ല്‍ 80 ശതമാനം മാര്‍ക്കോടെ എസ്.എസ്.എല്‍.സി. വിജയിച്ചവര്‍ക്ക് റെഗുലര്‍ ഹയര്‍ സെക്കന്‍ഡറി തല പഠനത്തിനോ മറ്റ് റെഗുലര്‍ കോഴ്സുകളില്‍ ഉപരിപഠനത്തിനോ ചേരുന്നവര്‍ക്കും റെഗുലര്‍ പ്രൊഫഷണല്‍ കോഴ്സുകള്‍, ബിരുദ/ബിരുദാനന്തര കോഴ്സുകള്‍, ഡിപ്ലോമ കോഴ്സുകള്‍ എന്നിവയ്ക്ക് ഉപരിപഠനത്തിന് ചേരുന്നവര്‍ക്കുമാണ് അര്‍ഹത. വിശദവിവരത്തിന് ഫോണ്‍: 0481 2300390.

കോട്ടയം: സംസ്ഥാന വിവരാവകാശ കമ്മീഷന്‍ ഒക്ടോബര്‍ 24ന് രാവിലെ 10 മുതല്‍ വൈകിട്ട് അഞ്ചുവരെ കളക്ടറേറ്റ് കോണ്‍ഫറന്‍സ് ഹാളില്‍ ഹിയറിംഗ് നടത്തും. സംസ്ഥാന വിവരാവകാശ കമ്മീഷണര്‍ ഡോ. കെ.എം. ദിലീപ് ഹര്‍ജികള്‍ പരിഗണിക്കും.

കോട്ടയം: വനിതാ ശിശുവികസന വകുപ്പിനുകീഴില്‍ ഈരാറ്റുപേട്ട ശിശുവികസന പദ്ധതി ഓഫീസിന്റെ പരിധിയിലുളള ഈരാറ്റുപേട്ട നഗരസഭയിലെ അങ്കണവാടി കം ക്രഷിലേയ്ക്ക ് ക്രഷ് വര്‍ക്കര്‍/ ക്രഷ് ഹെല്‍പ്പര്‍ തസ്തികയിലേക്ക് അപേക്ഷ ക്ഷണിച്ചു. ഒക്ടോബര്‍ 29 വൈകിട്ട് അഞ്ചു മണി വരെ അപേക്ഷ നല്‍കാം. വിശദവിവരത്തിന് ഫോണ്‍: 9188959694.

കോട്ടയം: സംസ്ഥാന വനിതാ വികസന കോര്‍പ്പറേഷന്റെ നേതൃത്വത്തില്‍ പാലായില്‍ പുതിയ വനിതാഹോസ്റ്റലിന്റെ പ്രവര്‍ത്തനം ഒക്ടോബര്‍ 31  ന് ആരംഭിക്കും. 'വനിതാ മിത്രകേന്ദ്രം' എന്ന പേരില്‍ പാലാ കെ.എസ്.ആര്‍.ടി.സി. ബസ് സ്റ്റാന്‍ഡിനു സമീപം ബൈപ്പാസില്‍നിന്ന് 300 മീറ്റര്‍ ദൂരത്തിലാണ് ഹോസ്റ്റല്‍ പ്രവര്‍ത്തിക്കുന്നത്. ആദ്യഘട്ടത്തില്‍ മുപ്പതു പേര്‍ക്ക് താമസിക്കാം. വൈഫൈ, നാപ്കിന്‍ ഇന്‍സിനറേറ്റര്‍, പാര്‍ക്കിംഗ് ഏരിയ തുടങ്ങിയ സൗകര്യങ്ങളുമുണ്ട്. വനിതകള്‍ക്ക് ഷോര്‍ട്ട് സ്റ്റേ സൗകര്യവും ലഭ്യമാണ്. കൂടാതെ മെസ്സ് കമ്മിറ്റിയുടെ കീഴില്‍ മിതമായ നിരക്കിലുള്ള ഭക്ഷണസൗകര്യവും ലഭിക്കും.

ആലപ്പുഴ നഗരസഭ വികസന സദസ്സ് ഇന്ന് (ഒക്ടോബർ 24 ന്) എച്ച് സലാം എംഎൽഎ ഉദ്ഘാടനം ചെയ്യും. രാവിലെ 10 മണിക്ക് ആലപ്പുഴ ശതാബ്‌ദി മന്ദിരത്തിൽ നടക്കുന്ന ചടങ്ങിൽ പി പി ചിത്തരഞ്ജൻ എംഎൽഎ അധ്യക്ഷനാകും.ജില്ലാ പഞ്ചായത്ത് മുൻ പ്രസിഡൻ്റ് ആർ നാസർ വികസനരേഖ പ്രകാശനം ചെയ്യും.  

നഗരസഭാധ്യക്ഷ കെ കെ ജയമ്മ, ഉപാധ്യക്ഷൻ പി എസ് എം ഹുസൈൻ,  ജില്ലാ കളക്ടർ അലക്സ് വർഗീസ്, എൽഎസ്ജിഡി ജോയിൻ്റ് ഡയറക്ടർ ബിൻസ് സി തോമസ്, ജനപ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുക്കും.

കൊടുവായൂര്‍ ഗ്രാമപഞ്ചാത്തില്‍ ഒരു  കോടി 20 ലക്ഷം രൂപ ചെലവില്‍ നിര്‍മാണം പൂര്‍ത്തീകരിച്ച വാതക ശ്മശാനം ജനങ്ങള്‍ക്കായി തുറന്നു. ജില്ലാപഞ്ചായത്ത്, ബ്ലോക്ക് പഞ്ചായത്ത്, ഗ്രാമപഞ്ചായത്ത് എന്നിവ സംയുക്തമായി ഒരു കോടി 20 ലക്ഷം രൂപ വകയിരുത്തിയാണ് പദ്ധതി പൂര്‍ത്തിയാക്കിയത്.

കോട്ടയം: പെരുവ ഗവണ്‍മെന്റ് ആന്‍ഡ് വൊക്കേഷണല്‍ ഹയര്‍ സെക്കന്‍ഡറി സ്‌കൂളിലെ എച്ച്.എസ്, എച്ച്.എസ്.എസ്, വി.എച്ച്.എസ്.ഇ കെട്ടിടങ്ങളിലെ പുതിയ ക്ലാസ് മുറികളുടെ ഉദ്ഘാടനം ഒക്ടോബര്‍ 23ന് ( വ്യാഴാഴ്ച) അഡ്വ. മോന്‍സ് ജോസഫ് എം.എല്‍.എ നിര്‍വഹിക്കും. കിഫ്ബി ഫണ്ടില്‍ നിന്ന് അഞ്ചുകോടിയും എം.എല്‍.എയുടെ ആസ്തി വികസന ഫണ്ടില്‍ നിന്ന് 68 ലക്ഷം രൂപയും ചെലവഴിച്ചാണ് നിര്‍മാണം പൂര്‍ത്തീകരിച്ചത്. ഉദ്ഘാടന ചടങ്ങിനൊപ്പം 2025 ലെ പൊതുപരീക്ഷയില്‍ ഉന്നതവിജയം നേടിയ വിദ്യാര്‍ഥികള്‍ക്ക് മെറിറ്റോറിയല്‍ അവാര്‍ഡ് നല്‍കും.